Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖEҢИШБЕК НАЗАРАЛИЕВ: “УЧУРУНДА КОКАИН ДА ЖЫТТАГАМ”

№311 17-24-октябрь, 2008-ж


Жеңишбек Назарали ев жашоодо...
Дарыгер-психиатр Жеңишбек Назаралиев 1961-жылы 9-май күнү Кемин районундагы Чым-Коргон айылында жарыкка келген. Сүйүнгөн ата-эне жеңиш күнү төрөлгөн баласына Жеңишбек деп азан чакырып ат коюшкан. Жеңишбектин атасы Болсунбек аталган айылдагы Чүй облустук психо-неврологиялык диспансерде врач-психиатр, апасы мектепте мугалим болуп иштеген. Ишине байланыштуу Болсунбек үй-бүлөсү менен Ош шаарына которулган. Алты биртуугандын үчүнчүсү болгон Жеңишбек мектепте окуп жүргөнүндө каникул сайын таятасыныкына, чоң атасыныкына жайлоого бара турган. Мектепте “4”, “5” деген бааларга окуган болочок дарыгер алты жыл эркин күрөш менен машыккан. Баласынын келечекте спортчу болгусу келгенин байкаган атасы “кой, балам, спорт кесип болбойт” деп тыйып койгон. Атасынын кебинен чыга албаган Жеңишбек мектепти аяктаган соң борбордогу медициналык институттун дарылоо факультетине өткөн. 5-курска келгенде Жалал-Абаддык Роза деген сулууга баш кошкон. Төрт жыл батирде жашаган жаш үй-бүлө Улан аттуу уулдуу болот. Улан 11 жашка келгенде ата-эне аны Америкага аскер академиясына окууга жиберет. Ал жакта беш жыл окуп, туулуп-өскөн мекенине кайтып келген Улан азыр 23тө. Жеке ишкер. Андан кийинки кичүү кызы Алима 9-класста окуйт.
Бир гана Кыргызстандагы эмес, далай өлкөлөрдөгү аракеч, баңгилерди дарылап айыктырып келаткан Жеңишбек Назаралиев 1996-жылы баңгилик боюнча китеп жазмак болот. Китеп жазуу менен катар 2000-жылы «Таштар-Ата» ыйык жер комплексин ачуу үчүн бүт дүйнө жүзүн кыдырып тажрыйба топтоо керек болгон. Жанындагылар “туура эмес иш кылып жатасыз, көп убаракерчиликтин эмне кереги бар” деп колдошкон эмес. Бул ишти жадакалса өмүрлүк жары Роза дагы жактырбайт. Ушуга окшогон түшүнбөстүктөрдүн негизинде үй-бүлө ортосунда жарака пайда болот.
2000-жылы Австралияда өткөн Олимпиадалык оюндарга ал кездеги дзюдо федерациясынын президенти Жеңишбек өзү Кыргызстандын спортчуларын алып барган. Ошондо Наталья аттуу менеджер кыз менен таанышкан. Ал кыз Жеңишбекке аял катары гана жакпастан, чоң жардамчы катары да ишин алга жылдырууга көмөктөшкөн. Беш жыл Наталья менен чогуу иштешкен Жеңишбек Назаралиев 2007-жылы 27 жаштагы австралиялык бийкечке үйлөнгөн.

Кыска суроого кыска жооп
– Эмнеден коркосуз?
– Бир гана Кудайдан.
– Жашоодогу девизиңиз...
– Эл алдында жоопкер­чиликтүү болуу.
– Кайсы спирт ичимдигин жакшы көрөсүз?
– Француз шараптарын.
– Спорттун кайсы түрү менен машыгасыз?
– Чуркабай калганыма эки жыл болду.
– Кумириңиз...
– Батыш, чыгыш философтору.
– Бош убактыңызда...
– Жалгыз отуруп ойлоном.
– Өзүңүзгө жаккан сапатыңыз...
– Өзүмө-өзүм жакпайм.
– Сиз үчүн биринчи орунда...
– Адамгерчилик.
– Байлыгыңыз...
– Акылым.
– Машинаныз...
– Экөө: Мерседес-600, ТойотаЛандкрузер.
Аракечтикке, баңгиликке каршы
– Сиздин аракеч менен баң­гилерди дарылап калышыңызга атаңыздын таасири чоң кө­рүнөт?
– Мен 9-класста окучумун. Бир күнү үйдө чай ичип отурсак, кыймылдай албаган оорулуу аялды атама алып келишти. Атам баарыбызды сыртка чыгарып жиберди. Мен үйдүн ичинде жашынып калгам. Атам оорулууга бир нерсе деп сүйлөп жатты. Тиги аял 10 мүнөт өтпөй өзү басып кетти. Ошол күндөн баштап “спортчу болбой калдым, эми психиатр болом” деген ой менен жашап калдым. Бош убактымда атамдын психология, психотерапия боюнча китептерин окуй баштадым. Бул менин дарыгер болуп чыгуума өбөлгө болду.
– Дарылоону баң­­гиден баш­тадыңызбы же аракечтенби?
– Мединститутту аяктагандан кийин алгачкы эмгек жолумду Ош шаарындагы ооруканалардын биринде психиатр болуп эмгектенүүдөн баштадым. Ошондо ал жердегилердин баары фамилиямды угушуп “оо, Болсунбек Назаралиев өзү келиптир!” деп этин, кымызын, чайын көтөрүп келе башташты. Келгендер Болсунбектин баласы Жеңишбек Назаралиев экенимди угуп-көрүшкөндө ого бетер ыраазы болушуп, баталарын беришкени азыр да эсимде. Ал жактан атамдан, анын китептеринен үйрөнгөндөрүм боюнча аракка берилген эки адамды өз алдымча дарылагам. Бул жеңишимден кийин көпчүлүк мени мурдагыдан баалап калышты. Бирок, кесиптештерим көрө албастыктын негизинде мага карата ар түрдүү кептерди айта башташты. Акыры баарын таштап Бишкекке келе бердим. Атамдын кеңеши менен борборго келгени аракечтерди дарылоого өттүм. Ошондон кийин өзүмө ишенич пайда болуп, ишиме дилгирлигим күчөдү. Көп өтпөй аракечтерди дарылоонун башкача ыкмасын ойлоп таптым. Ыкмамды байкаган атам: “Балам, ушул ишиңдин аягына чык”, - деди. Ошондон бир жума өтпөй атам каза болуп калды. Атамдан ажыроо мен үчүн түндө шам чыраксыз калгандай эле болду. Атамдын “ошол ишиңди аягына чыгар” деген сөзүн бекем сактап, тажрыйба топтоо үчүн Орусияга сапар алдым. Мен тамакты түрлөп, абдан даамдуу жасайм. Кожойкелерге тамак жасап берсем алар мени жакшы көрүп калышат. Анан конок тосордо мени сөзсүз жардамга чакырышчу. Коноктор “ии, Жеңиш, сүйлө, эмне иш кыласың?” дешкенде “дарыгермин, аракеч, баңгилерди дарылайм” дейм. Ошентип, алар аракечтик, баңгилик торунан чыга албай жүргөн тааныштарын алып келишет. Аларды гипноздун жардамы менен дарылап, 25те болсом да акча таап, көз карандысыз жашоомду баштагам. Журналисттер “сизди ким тарбиялаган?” деп сурашканда “баш-аягы көрүнбөгөн жол тарбиялады” деп жооп берем. Анткени, далай кыйынчылыктарга чыдап, тынымсыз жол жүрүп, далай өлкөлөрдү кыдырып тажрыйба топтогом.
– Учурда сизге келген оорулууларды өзүңүз дарылайсызбы?
– Башында ар бирин өзүм кабыл алып, кенен сүйлөшөм. Андан кийин дарыгерлердин карамагында болушат. Акыркы курстарды сөзсүз өзүм өткөрөм.
– Дарылоо ыкмаларыңыз тууралуу айта кетсеңиз...
– «Дезинтоксикация» жана «Детокс» программалары менен иштейм. 2005-жылы Акаев кеткен соң бир нече адамдын катарында мен да президенттикке талапкерлигимди койбодум беле. Бакиев менен Кулов биригип кеткенде талапкерлигимди алып салдым. Ошондогу толкундоодон, жан дүйнөмдүн жабыркашынан чыга албай кыйналып, бир ыкма ойлоп таптым. Ал ыкманы жакын адамын жоготуп же ажырашып психикасы жабыркап тургандар колдонушса болот. Ал методду өзүм колдонуп жыйынтыгында, жыйырма күн ичинде кадимкидей өзүмө келип, ичимдеги кыйналуунун баары унутта калды. Аны кызым да колдонуп көрдү. Анткени, Алима ошол убакта Роза экөөбүздүн ажырашканыбызга кайгырып, ким катуу сүйлөсө эле коркуп ыйлап калчу. Байкасам, ал дагы бир жумадан кийин жаңы ачылган гүл сымал кулпуна түштү. Биз чаңды шыпыргы, чаң соргуч менен тазаласак, ойлоп-тапкан ыкмам менен акыл-эсти тазалайбыз.
– Сиздин сөз­дө­рүңүздү жаттап алып, адамдар өз алдынча деле айыгууга аракет кылышса болобу?
– Жок, анын өзүнчө техникасы бар. Ал көнүгүүлөрдү атайын инструкторлор менен чогуу жасоо керек.
– Канча кли­никаңыз бар?
– Мурда дарылоо клиникаларыбыз Америкада, Орусияда болсо, азыр алардын баары шартка ылайык жабылды. Азыр клиникам бир гана Кыргызстанда.
– Клиникаңызга кыргызстандыктар да кайрылышабы?
– Учурда кайрылгандардын көбү чет элдиктер. Кыргыздардын саны эмнегедир өтө аз.
– Дарылануунун баасы канча турат?
– Азыр баңгилерди дарылоо курсу 8500 доллар, аракечтерди дарылоо 4000 доллар. Бирок, кыргыздар аталган сумманын жарымын төлөшөт. 2000-жылга чейин аракечи болобу, баңгиси болобу ай сайын мага кайрылган 10 кыргызды бекер дарылачумун.
– Дарылоо курстары канча убакытка созулат?
– Бир ай дарылайбыз. Аракечтин да, баңгинин да жанында жакын туугандарынын бири сөзсүз карап жатышы керек.
– Өзүңүз аракты да, нашааны да ооз тийип көрсөңүз керек...
– Баарын ооз тийгем. Аракты да ичкем. Учурунда кокаин да жыттагам. Анткени, мындай илдеттен элди айыктыруу үчүн алардын терисинде болуп көрүү керек. Кокаин колдонгондордо кандай сезим болот, баарын туюп, сезишим керек да.
– Буга чейин канча адамды дарыладыңыз? Айыгып кеткен пациенттер кайра эле баңгиликке, аракечтикке берилип кетпейт деп кепилдик бере аласыздарбы?
– Ушул күнгө чейин клиникада дарыланган адамдардын са­ны 10 000ден ашык. Дарылангандардын 87 пайызы толук айыгып кетишет. Алардын 13 пайызы гана кайрадан колдонууга барышы мүмкүн.
– Сиздердин бор­бордун атаандаштары барбы?
– Мен Кыргыз­стандын жеринде туруп чет өлкө­лүктөргө иштеп жатам. Орусияда мага окшогон адам ашып кетсе бир жыл иштейт. Экинчи жылы аны күчтүүрөөк чыккан башка бирөө басып кетет. Эгер мен Орусияда иштесем, анда деле ушул деңгээлимден түшмөк эмесмин. Анткени, биз улам жаңы технологияны ойлоп табуу менен иштейбиз.
– Жолуңузду жолдой турган шакиртиңиз барбы?
– Кызым Алимадан үмүтүм чоң. Анын мүнөзү да меникине окшош. Бардык нерсеге олуттуу карайт. Акыл-эстүү, сабакты жалаң “5”ке окуйт.

Даярдаган Сүйүн Кулматова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: