Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«СУЛУУ КЫЗДАРГА 100 ПАЙЫЗ СКИДКА»

№311 17-24-октябрь, 2008-ж


Машина жуугучтардын ырым-жырымда­рынан
Жумуш эртең менен кызыл өңдөгү машинаны жуу менен башталса, капчык бул күнү калың болот.
Чүпүрөгүн жоготуп алган машина жуугучтан береке качат.
Машина жуучу жайды кожоюн өзү таң атпай аластап турат.
Биринчи кардардан алган акчадан «уютку» деп 5 сом болсо да катып коюшат.
Машина жуугучтарга кыскача мүнөздөмө
Жашы: 12 жаштан 50 жашка чейин.
Мүнөздөрү: Шайдоот, тама­ша­көй келишет.
Колдонгон буюмдары: Чүпүрөк, чаң соргуч, машина жууган шампунь, суу чачуучу автомат.
Кийген кийимдери: Резина өтүк, суу өтпөгөн шуудурак куртка, шым.
Колдонгон косметикалары: Каздын майы.
Алар үчүн эң керектүү нерсе: Кадимки эле суу.

Жумуш чүпүрөктү булгалап кардар чакыруудан башталат
Жогоруда айтылган жайлардын чордонуна айланган борбор калаабыздын Фрунзе, Исанов көчөлөрүндөгү машина жуугуч жайлардын бирине баш бактык. Абай салып карап отуруп, четте жаңы эле кардарын жөнөтүп, колу бошой түшкөн жигитти кепке тарттык. Аты Руслан экен.
– Руслан, канчадан бери темир аргымактарды жууп-чайып жүрөсүң?
– Бир жылдан бери ушул жерде эмгектенип келе жатам.
– Стажың жакшы эле турбайбы. Сыр болбосо айтчы, тап­каның жакшы элеби?
– Азырынча бойдокмун. Андыктан, бала-чака багат элем деп кыйынчылык тарта элекмин. Бирок, тапканым өзүмдү, ата-энемди, орточо камсыз кылганга жетет.
– Ошондо бир күндө канча та­басың?
– Биз жууган машиналарыбызга жараша алабыз. Канчалык машина көп келсе, ошончолук капчык калыңыраак болот.
– Бир күндө канча машина жууп, чөнтөккө канча акча саласың?
– Кээде жүзгө жакын машина келет. Бирок, бул жерде мен гана иштебейм. Жок дегенде бештей адам иштейбиз. Эң жакшы тапканыбызда ар бирибиз 1000 сомго чейин табабыз.
– Машина келип токтоду дейли. Жумушту алгач эмнеден баштай­сы­ңар?
– Биздин жумуш машинаны колубуздагы чүпүрөгүбүздү булгалап кардар чакыруудан башталат. Машина келип токтогондо эң биринчи шарт – кардар машинаны бизге бир сыйра көргөзүп өткөзүп берүүсү керек. Анткени, жууп тапшырган соң айрымдар “машинамда мынча акча бар болчу” деп чыгышы мүмкүн. Бизде жууп-тазалоонун эки түрү бар. Мисалы, толугу менен жууп-тазалоо. Ага салондун ичин да тазалоо кирет. Ал эми экинчиси – машинанын сыртын эле жуу. Машинага атайын автомат менен суу чачабыз. Бул машинага жабышкан кумдарды, таштарды жууп түшүрөт. Эгерде кум-ташы менен эле жууп баштасак, машина чийилип калышы мүмкүн. Жакшылап суу чачкан соң шампундап жууганга өтөбүз. Мисалы, бир чака сууга эки-үч аш кашык атайын машина жуучу шампунь кошуп, чүпүрөк менен жууп чыгабыз. Андан соң дагы бир сыйра чайкайбыз да, чүпүрөк менен кургатып аарчыйбыз. Ал эми салондун ичин жууганда биринчи кадимки эле чаң соргуч менен сордуруп алып, анан шампунь кошулган суу менен отургучтарынан башка жерлери жуулат. Ал эми отургучтар атайын химиялык тазалоого берилет. Бирок, ал нерсе бизде жок. “Крутой” машина жуучу салондордо эле бар. Мындай кызматтын орточо баасы 2 миң сомго чейин жетет.
– Силердеги кызмат акылар кандай?
– Машинанын сыртын эле жуудурса 80 сом, ал эми ичи-тышын жууганга 120 сом алабыз.
– Бул тапканыңардын канча пайызын кожоюнуңарга бере­си­ңер?
– Теңме-тең.
– Ал эми кожою­ну­ңар ким менен бө­лүшөт?
– Муну эми кожоюн өзү билет да. Анын иштеринин бизге тиешеси жок. Эң башкысы, кардар көп келип турса, биз өз үлүшүбүздү алып турсак болгону. Эми дагы суроолоруң болсо бул достон сура, мен кардар тосоюн, - деп жанатан бери биздин маегибизге көз кырын салып турган баланы чакырып койду да, өзү көчөнү көздөй басты. Эми маегибизди Таласбек аттуу бала менен уламакчы болдук.
“Бизге белгилүү инсандар көп келишет”
– Таласбек, ысык-суукка карабай күнү кечке муздак сууга колуңарды салып, бутуңарга дайыма резина өтүк кийип жүрүп ден соолугуңарга зыян келтирип алуудан корк­пой­суңарбы?
– Жумуштун жеңили болбойт да. Кар болобу, бороон-чапкын болобу, эртең мененки сегизден кечки сегизге чейин суудан колубуз чыкпай иштейбиз. Албетте, оорубайбыз деп айта албайм. Суук өтүп кетип көп ооруйбуз, айрыкча кышында. Ошондуктан, күчтүү-күчтүү тамактарды жегенге аракет кылабыз. Кээде каздын майын колдорубузга, буттарыбызга сыйпап коёбуз. Бул суук өткөрбөйт.
– “Чала жууп кой­дуң” деп кардар нааразы болгон учурлар болбой койбосо керек...
– Болбой анан, мына жакында эле ушундай бирөө менен тартыша кеттим. Акыры: “Акчаңыздын да кереги жок. Башка жакка жуудуруңуз!” - дедим.
– Машина жуучу каражаттар менен силерди ким камсыз кылат?
– Биз өзүбүз сатып алабыз. Мисалы, бул чүпүрөктү Кореядан заказ менен алдырганбыз. Бир метри 300 сом. Бул замша. 3 ай колдонууга кенен жетет. Мурда кадимки эле пахта чүпүрөк менен жуучубуз. Ал эми шампунду көп коротобуз. Күнүнө орто эсеп менен жарым литрдей сарпталат.
– Кардар күтүп, бош болуп калганда эмне менен алек болосуңар?
– Ары-бери өткөн кыздарга тийишебиз.
– Кыздар демекчи, кар­дар­лары­ңарга тийишкен учур­ла­рыңар болобу?
– Ыгы келсе тийишип деле коёбуз. Кээ бир кыздар өздөрү деле тийишип коюшат, “жууша калайынбы” дешип. Анан да бизге белгилүү адамдар көп келишет. Мисалы, Бактыгүл Бадыева, Бакыт Мамаев, Урмат Усенов такай келип турушат. Ошондой эле депутаттар да машиналарын жуудуруп кетишет. Аларды көп тааный бербейбиз. Ии, баса, Бактыгүл Бадыева дайыма машинасынан чыкпай отуруп алат.
– Жогорудагыдай кардар­ла­ры­ңар жакшы төлөп кетиш­се керек...
– Кээде акчасынын кайтарымын албай койгону болбосо, баары айтылган сумманы эле төлөшөт.
Таласбек кебин бүткүчө апакай Мерс келип токтоп калганынан аны менен коштошуп, жолубузду уладык. Көчө бойлой бассак, жол жээги жалаң эле автожуучу жайлар экен. Алардын бирине кирдик.
машинанын көлөмүнө жараша акчасы
Бул жерде автомат менен суу чачпай, чакалап чачып жуушат экен. Боки деп өзүн тааныштырган шыпылдаган кара тору баланымаекке тарттык.
– Сиздерде суу чачуучу автомат жокпу?
– Автоматтан таза кылып кол менен эле жууп беребиз.
– Кол менен жууганда канча аласы­ңар?
– Арзан эле, 100 сом болот.
– Бардык үлгүдөгү машиналарга бирдей эле баа аласы­ңар­бы?
– Жок, көлөмүнө карайбыз. Жипти толугу менен жууганга 250 сом алабыз. Айрым учурларда тил табышып кетсек, арзандатып жууп берип коёбуз. Сулуу кыздарга 100 пайыз скидка деле кылабыз.
– Көчө бойлой жа­лаң эле автожуу­гуч­тар экен. Атаан­даштардан кардар­ларды кантип тар­тасыңар?
– Көчөдө кардар чакырганда чүпүрөктү жакшы булгалап, машинаны жалтырата жуусаң эле дайыма сага келе турган болот.
Ошентип, эрте­ден-кечке ным жерде иштеп, ден соолуктарын тобокелге салып, бирок, кардарын дайыма тосуп алган машина жуугучтар да биздин коомдо чоң роль ойношоруна күбө болдук.

Даярдаган Бахияна Сатылганова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: