Жаным Айзат: «НИКЕ ШАКЕГИМДИ КОЛУМДАН ЧЕЧПЕЙМ»

АЙЗАТ АЙТАТ

  • 1991-жылы 2-мартта Бишкек шаарында төрөлгөм.
  • Учурда боюм 169 см, салмагым 50 кг.
  • КГУСТАнын кыргыз-герман факультетинде 4-курста окуйм.
  • Жума сайын “Дордойго”, дүкөндөргө кийингени барып турам.
  • 20дан ашык туфлийим бар.
  • Корей тилин үйрөтүүчү курсту бүткөм, бирок корей тасмаларына кызыгуум жок.

– “Окуум биринчи орунда болгондуктан, шоу-бизнесте көп ийгиликтерге жетишпей жатсам керек” деген элең, азырчы?
– Азыр деле ийгиликтерди жарата албай келатам. 1-2-курста окуп жүргөнүмдө чыгармачылыкка жакшы эле жетишип жаткан элем, анан эле кийинки курстарда артка кеттим. Ойлонуп көрсөм, окуумду биринчи орунга коюп, андан кийин гана ырчылыкта катуу иштешим керек экен.
– Эмне себептен клиптериң аз, өзүң да сахнадан көрүнбөйсүң?
– Дагы деле окуума шылтайм. Чындыгында, көрүнбөй калдым. Буюрса, сентябрь айынан баштап чыгармачылыкка катуу киришейин деп учурда вокалдан сабак алып жатам.
– Түнкү клубдарга барып турасыңбы?
– Мурда көп эле барчумун. Азыр болсо чанда гана барам. Өткөндө үч курбум менен Ысык-Көлгө эс алганы барганбыз. Үчөөбүз түнкү клубга баралы деп караңгыда такси тоскону сыртка чыксак, бир машина токтоп жатпайбы. Такси эмес экен деп коркуп, башка машинага түшүп кеттик. Бир маалда эле биздин таксинин жолун тосуп чыга калышса болобу. Эки курбум коркуп кыйкырышса, мен болсо ала качып кетишсечи деп ойлоп алып ыйлаганымды сурабаңыз. Ошентип, ал бейтааныш адамдар түнкү клубга “таанышалы” деп ээрчип алышты. Биз калп эле шашкан болуп качып кеттик.
– Жигитиң барбы, качан турмушка чы­гасың?
– 8-классымда классташым менен бир ай сүйлөшкөм. Ошондон бери жалгызмын. Элдер таң калып “кантип жигитиң жок?” дей беришет. 20га чыгып жигитим жок экенине өзүм да таң калам. Бой жеткен сайын турмуш тууралуу көп ойлонуп калат экенсиң. Мен дагы үч жылдан кийин турмушка чыккым келет. Негизи, шакек тагынганды жаман көрөм, бирок кийин нике шакегимди колумдан чечпейм.
– Тамеки чегип, ичкен кыздарга ки­ресиңби?
– Тамеки чегип көргөм. Бир жолу эжем экөөбүз үйдө отуруп, атамдын тамекисин көрүп калып, чегип көргүбүз келип кетти. Тартып жатсак, атам келип калып жатпайбы. Эмне кыларыбызды билбей, артыбызга ката койсок, атам кечке бизди карайт, шекшип калгансып. Көрсө, эжем тамекисин өчүргөнгө жетишпей калгандыктан, палас күйүп, түтүн чыга баштаптыр да. Ошондо атам көрсө да көрмөксөнгө салып башка бөлмөгө кирип кеткен. Ичкилик ичпейм.
– Комуз үйрөнсөм деген ние­тиң­ди ишке ашырдыңбы?
– Комуз үйрөнгүм келип жүргөн кезде мен ноталарды да билчү эмесмин. Азыр болсо, Кудайга шүгүр, түшүнүп калдым. Ал эми комузга дагы деле убакытым жок болуп жатат.
– Ак колсуңбу же кара жумушту катырасыңбы?
– Колумдан келет, баары. Ичеги-карын артканды да билем. Ийне-жип кармай албаганым чатак да. Кенедей топчу кадагым келбейт.
– Өзүңө ырчы катары кандай баа бересиң?
– Өзүмдү орточо ырчылардан да кичине төмөнүрөөк көрөм. Бийик деңгээлдеги ырчылар күндө үндөрүн таптап турушат, мен деле көнүгүүлөрдү жасап турам, бирок баары бир жетпейм.

Венера Кабакбек кызы
star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (29)
Asus84
2011-08-23 11:46:34
хе хе хех туфлиси жоктор жазып жатышат ко дейм, болсо болот да ага анча эмне чычаладынар, азыр санасан кыздардын 4 сезондогу бут кийийми 20 да ашат туурабы айымдар санап коргулочу озунордун бут кийийминерди, бирок бул кыздын ырын да угуп коргон эмесмин
0
ul1
2011-08-23 15:54:57
мындан мурунку жолу супер инфого берген интервьюсунан кичине айырмаланып турат экен.
0
ul1
2011-08-23 15:58:20
"НЕМЕЦ БАЛАНЫ ЖАКШЫ КОРЧУУМУН" деген эле, ошон учун кыргыз - герман факультетин тандаган окшойт.
0
Asi
2011-08-23 17:51:43
Мен ырчы эмесмин,бирок менин да 20дай туфлийим бар.
0
Tokmok
2011-08-23 20:16:10
мен деле көнүгүүлөрдү жасап турам, бирок баары бир жетпейм: antkeni unun jokda :)
0
baibolot71
2011-08-23 22:10:11
Ушул кыз ырдайт беле? Нике шакегинди тагынып деп.Бирок татынакай кыз экен.
0
Eliza
2011-08-24 14:30:39
Я не думала что она учиться в каси....
0
altynkamikola
2011-08-24 15:52:26
ona horoshenkaya!
0
samaraaa
2011-08-24 20:44:37
мда она очень открытая и милая девушка!я ее отл знаю!!!!!молодец и удачи во всем!
0
aman4ik
2011-08-25 05:21:46
"myshyk mayga jetpey sasyk" deptir tuugandar biz bularga okwop sahnaga emes karaoke yrdawtan uyalabiz go, syndagandy uyronolu,tuura sundagyla,"azamatsyn Janym Ayzat alga, dagy ki4ine araket kilsan" dep koygula....
0
alisher88
2011-08-25 16:09:33
Azamatsyn janym Aizat
0
cosmopolit
2011-08-25 23:48:03
тамеки тартса озуно зыян...
0
zarya
2011-08-26 03:42:31
ayabai jakshi, baarin achik otzn kotorboi aitip koidu.
0
bakytbek07
2011-08-28 21:33:43
азаматсын ИЙГИЛИК сага
0
Ozgocho
2012-06-13 17:32:01
жума сайын дордойго барып кийинип турсан, 20 туфли алганга аран жетиштинби? 100деп мактансан жарашат эле
0
№ 459, 19-25-август, 2011-жыл
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА