Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАГДЫР ОЮНУ

№460 26-август - 1-сентябрь, 2011-жыл


(Башы өткөн сандарыбызда)

Тагдырдын тамашасы эки курбуну да эрмек кылмай болду. Интернеттен табылган, Алина айтмакчы, ак боз атчан ханзаада эми Бегимайдын да көңүлүн өзүнө бура баштады. Тамаша дейин десе, ыйлагысы келет. Кийинки кезде ошол жигит менен сүйлөшкөндөн гана ырахат алчу болду. Бир кезде Аскат менен гана ушинтип сүйлөшө алчу эле. Адатта жигиттерине көп нерсени айтпай жашырып коюшат го, кыздар. Ал эми Бегимайдын Аскатка айтпаган сыры жок болчу. Эми Азиретке өзү байкабай төгүлүп-чачылып, ичиндеги бугун айтып алчу болду. Баса, интернеттеги таанышынын аты – Азирет. Ал дагы кийинки күндөрү Алина эмес, Бегимай менен көп сүйлөшө турган болуп калды.
Сабагынан чарчап келгенине карабай, Бегимай компьютерине асыла кетти. Апасы башын чайкай берди.
– Ай, ай, ай, азыркы жаштар эмне болгонун түшүнбөйм. Келериң менен интернетке асылдыңбы дагы?.. Өзүң чарчап келдиң го. Жок дегенде курсагыңды ойлосоңчу...
– Кантсе да жыйырма биринчи кылымдын кадрларыбыз да... Кабатыр болбоңуз. Азыр жетип барам, апакеси...
Эркелей үн каткан Бегимай апасына көзүн кысып коюп, мониторго тигилди. Азирет өзүн күтүп жаткан окшойт, дароо билдирүү жазды. Экөө сүйлөшүп башташты.
– Күндү кандай өткөрдүң?
– Мыкты. А сенчи?
– Меники дагы жакшы өтүүдө. Болгону, бир аз сыркоолоп калган үчүн апам дары-дармектер менен жабдып, сыртымдан бекитип кетип калды.
– Хм, апалар дайыма ушундай. Менин апам деле кичинекей нерсеге кабатыр боло берет. Мурун антчү эмес.
– Эмнеге?
– Мурун ишенимдүү колдо экенимди билчү эле да. Аскат менен жүргөн адамда эч кандай проблема болчу эмес.
– Ал ким эле?
– Албы? Ал менин жарык күнүм болчу. Өкүнүчтүүсү, өчүп калды.
– Түшүнбөдүм... Ал эмне дегениң?
– Азирет, апам чакырып жатат. Анан сүйлөшөлү. О'кей...- дей салган Бегимай анын жообун да күтпөстөн ордунан туруп кетти.
“Ал ким эле?” Азиреттин оозунан чыккан суроо ага ушунчалык орой, суук сезилди. Башка адам менен да эмес, Азирет менен ал тууралуу сүйлөшкөнүнө ыза болду. “Ал менин дүйнөм болчу. Мени өзүмдөн да жакшы билген адам болчу. А сен ага аябай окшошсуң...” Ушул ой келери менен өзүн башка чаап алды. Мына, эми тапты. Азиретке болгон тартылуусунун себеби Аскатты унутуп койгонунда эмес, экөөнүн окшоштугунда тура. Ойлору, оор басырыктуулугу, аң-сезими кенендиги...
– Бема, тамак ич...
Аңгыча апасынын үнү чыгып калды. Бөлмөсүнөн чуркап чыккан Бегимай шашып тамак жеп кирди. Бирок апасы менен сүйлөшүп жатып да, тамак ичип жатып да ойлогону ошол болду.

ххх

Аида сулуулук салонунан чыгып, эки жагын абайлап карап алды. Мындай учурда (күйөөсүн эстегенде) жонунан чыпылдап тер чыгып кетчү. Бул жолу да тынчсыздана элеңдеп эки жагын карап алып, кадимки койкойгон басыгы ишенимсиз боло түштү. Тез келип машинага отурду да, болжошкон жерге жөнөдү. Көңүлдөшү менен көздөн далдоо жолугалы деп квартира таап, акчасын төлөп койгон. Эмилге тез аранын ичинде жолугушуусу керек болчу. Телефонун албагандыктан, СМС жөнөтүп жиберип, анын жообун күтө албай бул жакка жөнөп калган.
Үй ачык экен. Таң кала түшүп, босогону аттай берди. Дароо эле кыздын шыңгыр күлкүсү, Эмилдин обу жок каткырыгы угула берди. Кызганыч мындай жорукка алып барат деп эч ким ойлобосо керек. Аида кирип барды да, купкуу болуп туруп калды. Креслодо жапжаш бийкечти алдына алып, ага өз колу менен жүзүм жегизип жаткан Эмилди көрдү. Эмил дагы Аиданы тиктеп, оозунан сөзү түшө туруп калды.
– Сенби? Сен... Сен кайдан?
– Мени эч качан келбейт деп ойлодуң беле? Ошон үчүн ушул кылыктарды кылып жүрдүң беле?!
Аиданын ачуусу келгенден тиштери шакылдай, көздөрү чакчая өтө коркунучтуу эле.
– Эмил байке, бул ким? Балким, аялыңыз болуп жүрбөсүн,- деп мыскылдуу үн каткан тиги кызды көздөй жулунду.
– Менин ким экениме кызыгып калдыңбы? Сен, шуркуя...
Чачтан жулуп, бетине асылган Аида жаш кызды тез эле топтой тоголотуп жиберди. Коркконунан көздөрү чоңойгон Эмил эмне кыларын билбей калды. Кыз андан жардам болбосун билди окшойт, үнү жетишинче бакырып жатты.
– Жардамга! Суранам, жардам бергиле, өлтүргөнү жатат.
Акыры Аиданын колунан эптеп бошонуп, сыртка жан талаша чуркап чыкты. Кыздын сумкасын, кийимдерин Аида аркасынан ыргытты.
– Жогол, көзүмө көрүнбөй!
Энтиге дем алган Аида эми Эмилди жекире тиктеди.
– А сени мен жетер жериңе жеткирем!
– Аидочка, алтыным, мен эми ушундай итмин да. Бир жолкусун кечирип койчу. Экинчи мындай нерсе кайталанбайт,- деп жан талашып актанып жаткан Эмилди тиктеп туруп, Аида күтүүсүздөн ыйлап жиберди.
Эч убакта минтип эмоцияга алдырып көргөн жан эмес. Бул жолу эмне болду ким билсин, көз жашы дайрадай төгүлүп кетти.
– Тобо, сен да ыйлайт экенсиң, ээ?- деди таң калганын жашыра албай күбүрөгөн Эмил.
– Эмне, темирден жаралып, таштан бүткөн деп ойлодуң беле?!
Көз жашын сүртүп, Эмилге муздак тигилип калды.
– Айтчы, сага эмне жетпейт? Күйөөмдөн жашырынып-жамынып жатып алган акчаларымдын баарын сага берем го. Каалаган учурда, каалаган күнү койнуңдамын. Сага дагы эмне керек?
– Эми бир жолу жаза тайып...
– Жаза тайган жоксуң, сенин табиятың ушундай. Сен эч качан азга алымсынбайсың. Кыскасы, акмаксың да... Сендей акмак менен байланышып, андан наристелүү болом деп жаткан мен акмак.
– Эмне-е?
– Эмне уксаң ошо...
– Кандайча, сен “эч качан боюмда болгон эмес” деп айтпадың беле?
– Менин күйөөм өзүмдөн канча жаш улуу экенин унутуп койдуңбу? Өзүм дагы болуп калат деп күткөн эмесмин. Кечээ кокусунан УЗИге барсам, ушинтип айтышты. Ошону айтайын десем, сен бул жакта... Эми эмне кыларымды билбей турам.
Аида жийиркеничтүү эшик тарапты тиктеп койду.
– Эмне кылмак элең? Төрөп, абышканын баласы кылып койбой жаның жокпу?
– Ал экөөбүздөн жүз эсе акылдуу. Аны алдайм дегениң, өзүңдү алдаганың. Өзүнүкү эмес экенин “боюмда бар” дегенде эле билип коёт. Жок, андай кадамга барбаганыбыз туура.
– Анан?
– Ошол, эмне кылабыз деп кеңешейин деп сага келгем.
– Мен эч кандай жардам бере албайм. Кечирип кой. Алдыртсаң алдыртып сал. Кой, мага мындай чатагыңдын кереги жок. Менин жумуштарым бар эле,- деп шашып, көз айнегин алган Эмил сыртка бет алды.
«Коркок!» деп аркасынан кыйкырып, жек көрө тиктеп жаткан Аидадан алыстап кеткенче шашты.
Аскар тамак ичип жатып, Аиданын адаттагыдан башкача экенин сезди. Жүзүнө үңүлө берип, анын шапайып арыктап кеткенин байкады.
– Сага эмне болгон?
– Эч нерсе деле болгон жок. Бир аз чарчап калсам керек.
– Кызык, дүкөн кыдыргандан, салондорго баргандан сени таптакыр чарчабаса керек деп ойлочумун.
Аида кашын серпе Аскарга тигиле берди. “Мени эмне кыласың, өз ишиң менен болсоңчу” деген көмүскөдөгү кыжырланууну сезип, андан ары сөздү улоону туура көрбөдү. Тамагын унчукпай ичип, өз бөлмөсүнө бет алды. Бир эле кылчайып караганда Аиданын жек көрүүгө толгон көзүн байкамак. Бирок ал кылчайган жок.

xхх

– Бема, токтосоң!- деп аркасынан кыйкырган Алинанын үнүн угуп, аргасыз токтоду.
– Салам!
– Салам, сага жетем деп чуркап келбедимби.
– Телефон чалсаң болбойт беле?

(Уландысы кийинки саныбызда)

Жолдошбек Кудайбергенов



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Башка сандарда:
Комментарийлер(7)
29.08.2011. 12:34 
Тайпасы:
Жаран
Комментарийлердин саны:
54
Катталган:
19-01-2011
Соӊку аракети:
14-11-2018 17:22
Жынысы:
Белгисиз
Калаасы:
Казань
0
ЖУрогуууум....Бул буткончо тынч турсам экен
29.08.2011. 12:43 
Тайпасы:
Жаран
Комментарийлердин саны:
89
Катталган:
23-08-2011
Соӊку аракети:
16-10-2018 13:27
Жынысы:
Белгисиз
Калаасы:
москва-каракол
0
кичине кообурок жазгылачы тойбой калып атам
29.08.2011. 16:03 
Тайпасы:
Жаран
Комментарийлердин саны:
36
Катталган:
14-06-2011
Соӊку аракети:
29-03-2018 09:49
Жынысы:
Белгисиз
Калаасы:
Жер шаары
0
Сандан санын кутуп журуп канча омурум отуп жатат туугандар! Сандан санын кутуп журуп канча омурум отуп жатат туугандар!
30.08.2011. 04:58 
Тайпасы:
Кыймылы жок
Комментарийлердин саны:
7
Катталган:
13-11-2009
Соӊку аракети:
03-03-2015 22:05
Жынысы:
Белгисиз
Калаасы:
Алтын тор
0
bai.kymbat бул саг тойгудай тамак беле хехе? Укмуш эле жазып коесунар ээ
31.08.2011. 12:39 
Тайпасы:
Жаран
Комментарийлердин саны:
9
Катталган:
22-01-2011
Соӊку аракети:
11-04-2018 12:49
Жынысы:
Белгисиз
0
бул чыныгы турмуштан алынган чыгарма болсо керек. Азыр ушундай акмак шуркуялардан алыс болуш керек.
02.09.2011. 06:49 
Тайпасы:
Кыймылы жок
Комментарийлердин саны:
44
Катталган:
02-02-2011
Соӊку аракети:
16-08-2014 07:36
Жынысы:
Белгисиз
0
adelima, азыр эле эмес ар дайым алыс болуш керек
31.08.2011. 13:00 
Тайпасы:
Жаран
Комментарийлердин саны:
62
Катталган:
15-07-2011
Соӊку аракети:
14-11-2018 23:30
Жынысы:
Белгисиз
Калаасы:
Екатеринбург
0
сaргaйтып куттурбой оптом элe жaзып койгулaчы.сaргaйтып куттурбой оптом элe жaзып койгулaчы.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: