Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КРнын Эл артисти Дүйшөн Байдөбөтов: «ЖАШООМДО ИЛЬЯЗДАЙ ЖАҢЫЛЫШТЫК КЕТИРМЕК ЭМЕСМИН»

№460 26-август - 1-сентябрь, 2011-жыл


Алгач саламдашып, ден соолугун сураганыбызда эле КРнын Эл артисти Дүйшөн агай: “Менин ден соолугумду бул жакка кой, мамлекеттин ден соолугу оңолсо экен деги. Эми президенттик шайлоосу тынч өтсө болду деп жашап калбадыкпы”,- деп көйгөйүн айтып кирди.

КЫСКАЧА...

  • Толук аты-жөнү – Байдөбөтов Дүйшөнбек Окошевич
  • Туулган жылы – 1949-жылдын 5-январы
  • Кинодогу ролдору – “Мен Тянь-Шань” (Ильяз), “Айсулуунун талаасы” (Сабыр), “Каныбек” (Түлкүбек), “Акбаранын көз жашы” (Базарбай), “Саманчынын жолу” (Субанкул), “Кайчы жолдор” (Хан) (бул фильмди актёр өзү да көрө элек) ж.б.
  • Театрдагы ролдору –
  • “Курманбек” (Курманбек), “Барпы ырчы” (Барпы), “Коммунист Танабай” (Танабай), “Отелло” (Отелло), “Дарак түбүндөгү махабат” (Кэбот) ж.б.
  • Учурда Кыргыз драма театрынын актёру. Буга чейин театрдын алдындагы училищеде окутуучу болуп иштеген.
  • Актёр эки жылдан бери пенсияда.

ЭНЕНИН 49 ЖАШЫНДА КӨРГӨН УУЛУ
– Мен атам 73кө чыкканда, апам 49 жашында төрөлгөм. Мага чейин апам байкуш 15 бала төрөптүр. Эки баласы сууга агып каза болушса, төртөө согушка барып, алардын бири гана кайтып келген. Мен согуштан кийин төрөлгөм. Кичине кезимде атамдын сырты жыгач менен капталган Куран китептерин көтөрө албай жыгылган күндөрүмдү, айылдагы аялдардын баары кара кийинип алып суу жээктеп ыйлап отургандарын көп эстейм (ошондо Сталин өлгөн экен). 1-класска барганымда атамдан, 5-классымда апамдан айрылдым. Жалгыз эжем бар эле, ал да былтыр майда дүйнө салды.
1-класска барганымда окумак тургай эки ай бою “а” менен “б” тамгаларын жаттай албай кыйналдым. Эжем мени сабап жүрүп окуганды үйрөттү. 8-класска чейин мыкты окуп, бир да “4” жок бүттүм. 9-класста кат жазмай деген сыяктуу балакеттер башталып, окуу унутта калды.

“КӨРСӨ, ОКОШЕВ ЭМЕС, БАЙДӨБӨТОВ ЭКЕНМИН”
– Мектепте атамдын атында, Окошев деген фамилияда болчумун. 9-класста №5-интернатка тапшырып, тизмени карасам, мен жокмун. Эртеси агамды ээрчитип келдим. Ал тизмени карап бир күлүп алып, “бери келчи, “Байдөбөтов Дүйшөнбек Окошевич” деп турат го...” деп жатпайбы. Ошондо анан “аа, менин фамилиям Байдөбөтов турбайбы” дегем. Ага чейин мен да, мектептеги мугалимдер да метрика дегенге караган эмес экен, көрсө. Анан ырдап, мектептин курама командасында волейбол ойноп жүрүп мектепти да аяктап калдык.

“СТУДЕНТ БОЛУУ БАКТЫСЫ“
– Алгач апам ооруп жүргөн убактарда дарыгер болом дечүмүн. Бирок убагы келгенде качып туруп алдым. Тапшырбаганым деле туура болуптур. Химия, биология деген сабактардан экзаменден кулап, уят болмокмун. 9-класстан баштап Фрунзедеги Театралдык студияга барып турчу элем, аны уккан Мамат Жакыпов деген драматург, режиссёр агай мени Алайга театрга чакырып калды. “Каныбек” романынан кийин Алайга кызыгып жүргөнмүн. Жан деп эле эжемден 25 рубль алдым да, учак менен жөнөдүм.
Жарым жылдан кийин облус боюнча Ошто Театралдык институтта сынак болорун угуп барсам, комиссия кетип калган экен, артынан Фрунзеге кууп жөнөдүм. Учакка түшсөм, бизге келген комиссия мүчөлөрүнүн баары ошондо отурушат. Чоо-жайды түшүндүрөрүм менен, эч экзаменсиз, каалоо болуп, арттарынан кууп келатканым үчүн эле мени 1-турдан өткөрүп коюшту. Көп өтпөй чыныгы сынакка даярданып, борбордо бактардын түбүндө китеп окуп жаткан күндөр башталды. Жыйынтыгында 500 кишиден 27 абитуриентти тандап алышты да, Москвадагы ГИТИСтин (Мамлекеттик театралдык искусство институту) студенти болуп калдык.

“ИЛЬЯЗДЫН ОБРАЗЫ – КИНОДОГУ ЭҢ БИРИНЧИ РОЛУМ”
– 1971-жылы окуунун акыркы курсунда «Мен Тянь-Шанга» актёрлор тандалып, Москвадан 1-сынактан өттүм. Кийин июль айында Фрунзеге келип кинопробага катышып, бир топ талапкерлердин арасынан Динара Чочунбаева экөөбүздү тандап алышты.
Анан тасма тартыла баштады. Кышында ал киного тартылам деп алакандарымды үшүккө да алдырып алгам. Азыр ойлоп коркуп кетем, тайгак жолдон машинаны учуртуп айдап баратып киши сүзүп же өзүм авария болуп кетсем эмне болмок деп. Анда менин дагы Ильяздай курч кезим да. Мүнөзүм да ага окшош эле, айтканымдан кайтпаган, өз максатымды көздөй бет алган. Бирок ал жашоодо катуу жаңылышпадыбы. Эми мен деле тептегиз жол менен баратам дегенден алысмын, жаңылып-жазып, өкүнгөн күндөр менде да болгон. Ошентсе да мен анын ордунда болсом, Аселдин кетип калганын билген күнү артынан издеп таап, кечирим сурамакмын. Ильяз Асел турмушка чыгып кеткенде гана бармагын тиштеп жатпайбы.
Жакында “Кайрылган канат же Мен Тянь-Шань-2” фильминин сценарийин жазып, мага беришкен. Бирок тартыла элек. Ага демөөрчүлөр керек экен.
Кыскасы, кино жарыкка чыгары менен Кыргызстанга таанылдым. 1800 рубль гонорар алгам, аны ай сайын 70-80 рублдан бөлүп беришти. Кийин дагы 500 рубль сыйлык беришкен, ага муздаткыч менен эки керебет сатып алган элем. Азыр да алар улуу уулумдун үйүндө колдонулууда.

“БАШ КОШУУ ЖАНА 5 ЖЫЛГА АЖЫРАШУУ“
– Жубайым Кенжебүбү менен 9-10-класстарда бир партада отуруп окуганбыз. Окууну бүткөндө кыз-жигит катары сүйлөшө баштадык. Эл катары жактыруу, сүйүү сезимдери бизде да болду. Кийин мен Москвага окууга кетип, 1-курста, ноябрь айында 5 күндүк каникул болуп, Фрунзеге келгем. Баса, ошондо учакта Чыңгыз Айтматов менен катарлаш отуруп калып, ал “жакшы окуш керек” деп далымдан таптап койду. Тагдырдын буйругу экен, кийин Чыңгыз атанын чыгармаларынын көбүндө роль ойноп калдым.
Фрунзеге келип, сүйгөн кызым менен баш коштум. Бирок каникул бүтөрү менен кайра кеттим. 5 жыл бою Кенжебүбү экөөбүз эки жакта өмүр сүрдүк. Мындай сыноого чыдаш үчүн таза сезим менен ишенич гана керек экен.

“ТӨӨ МИНГЕН ЖАНА ЖӨӨ ЖҮРГӨН УЧУРЛАРЫМ”
– Окууну бүтүп келип жаңыдан жумушка орношкон убактарда абдан катуу кыйналдык. Антип-минткенче убакыт өтүп, эки балалуу болдум. Улуусу эжемдин колунда эле, кичүүсүн эч нерседен кем кылбай багыш үчүн 65 сом айлыгым жетпей, темир жолдо көмүр, пияз түшүрүп жүктөөчү болуп да иштеп калдым. Күндүз театрда, кечкисин темир жолдо иштеп, бир түндө 3 сом жана 3 килограмм пияз тапчумун.
Ал эми төө минген учурум деп 1990-жылдарды айтат элем. Утур-утур кинолорго тартылып күнүм тууп, ошондо машина да миндим, уулума деп борборго үй курдум дегендей. Эмнеси болсо да барга көппөй, жокко чөкпөй жашап келатам.

“УБАКЫТТЫН ӨТҮШҮ МЕНЕН..."
– Тагдыр деген ушул экен, маңдайга жазганын көрүп, быйыл 63 жашка келдим. 28 жашымда Эмгек сиңирген артист, 10 жылдан кийин, 38 жашымда Эл артисти болдум. Биз чындыгында эле катуу иштечүбүз. Жазында кандай күн жылыса, ошондой айыл-кыштактарды аралап гастролдоп кетчүбүз. Азыркылар антип иштей алышпайт. Кээ бирөөлөрүнүн сахнада ойногонун көрүп алып таң каласың. “Ойносомбу, ойнобосомбу, а мейли, эптеп ойноп берейинчи” дегендей мамиле.
Кыскасы, буйруганын көрүп жатабыз. Бакыт, Данияр деген уулдарым, Жибек аттуу кызым бар. Неберелеримдин алды 2-курста окуп жатса, арты бала бакчада.

Чолпон Сүйүнбаева
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(7)
29.08.2011. 12:10 
Тайпасы:
Жаран
Комментарийлердин саны:
345
Катталган:
07-09-2010
Соӊку аракети:
12-11-2018 20:27
Жынысы:
Белгисиз
0
Жагат ушул актер, бирок "кайдасын" программаны биринчи алып барганда кичине иренжип калгам артистиги боюнча кыйын адам бирок алып баруучу катарында болбойт экен...
29.08.2011. 16:13 
Тайпасы:
Жаран
Комментарийлердин саны:
51
Катталган:
18-07-2011
Соӊку аракети:
09-11-2017 11:04
Жынысы:
Белгисиз
0
Ayabai japjaw korunot,azamatsyz baktyluu bolunuz!
31.08.2011. 01:01 
Тайпасы:
Кыймылы жок
Комментарийлердин саны:
3
Катталган:
20-08-2011
Соӊку аракети:
31-08-2011 02:52
Жынысы:
Белгисиз
0
Maga da jagat
31.08.2011. 13:32 
Тайпасы:
Жаран
Комментарийлердин саны:
24
Катталган:
15-07-2011
Соӊку аракети:
12-11-2018 15:22
Жынысы:
Белгисиз
Калаасы:
Екатеринбург
0
бaзaрбaйды сонун aткaргaн мыкты aктёр мaгaдa жaгaт.
01.09.2011. 02:54 
Тайпасы:
Жаран
Комментарийлердин саны:
289
Катталган:
30-05-2011
Соӊку аракети:
12-11-2018 22:10
Жынысы:
Белгисиз
Калаасы:
germahiya
0
daa jaratylysh taartuulagan chynygy akter dese b-t a azyrkylar eptep ele da ushundai kyzyktuu nerselerdi da jazsanar
04.09.2011. 21:33 
Тайпасы:
Кыймылы жок
Комментарийлердин саны:
19
Катталган:
29-07-2011
Соӊку аракети:
19-07-2013 01:48
Жынысы:
Белгисиз
Калаасы:
Ош
0
Красавчик!!! Бирок озу тартылган кинолорун корбогону чатак экен......
18.06.2013. 14:33 
Тайпасы:
Кыймылы жок
Комментарийлердин саны:
21
Катталган:
30-05-2013
Соӊку аракети:
17-09-2015 17:32
Жынысы:
Белгисиз
0
Дуйшон Байдоботов таланттуу актер,Базарбайды,Ильясты сонун аткарган талантынызга таазим. Екатеринбург.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: