Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СӨӨК СЫНГАНДА, МУУН ЧЫККАНДА КАНТИП ДАРЫЛАШАТ?

№312 24-31, октябрь, 2008-ж


Таяныч-кыймылдаткыч аппараты тууралуу...
Биздин сөөгүбүз муун, тарамыш, булчуң, булчуң байламталары менен чогуу таяныч-кыймылдаткыч аппаратын түзөт. Мунсуз адамдын кыймылдап басышын, иш кылуусун, тамак ичүүсүн элестетүү мүмкүн эмес. Бирок, автокырсыктан же байкабай бийиктиктен кулап кеткендеби, айтор, түрдүү себептер менен таяныч-кыймылдаткыч аппаратынын бири жаракатка кабылат. Жаракаттардын ичинен алгач сынууга кездешкен түрүн сөз кылалы.
Сынык
Сыныкка туш болуунун себептери
Травматология бөлүмүнө кышында көбүнчө муздан тайгаланып колу-буту сынгандар түшсө, жайкысын көбүнчө машиналарын жогорку ылдамдыкта айдоо менен автокырсыкка учурап, айрым жерлерин сындыргандар же жаракага кабылткандар түшөт. Мындан тышкары, жайкысын курулуш иштери кызуу жүргөндүктөн, бийиктен кулап кетип, сыныкка туш болгондор келишет. Мас болуп мушташкандардын көбүнчө бет сөөктөрү, тепкилөөдөн кабыргалары сынат. Аталгандардан тышкары да сыныкка кабылуунун көптөгөн себептери бар экенин айта кетели.
Сыныктын түрлөрү
Сөөктүн ачык жана жабык сынуу деген түрлөрү бар.
Эгер сөөк менен кошо сыртындагы териге зыян келсе, анда бул сөөктүн ачык сынган түрү деп аталат.
Эгер сөөк сынган менен териге зыян келбесе, анда сыныктын жабык түрүнө кирет.
Сынууга көбүнчө кашка жилик, ийин жана кызыл ашык, шыйрак сөөктөрү учурайт. Остеопороздо (кальцийдин жетишпестигинен келип чыккан сөөктүн борпоңдугу) да сөөктүн сынуулары келип чыгат. Сөөктүн сынганы билингенде өз алдынча аракет кылбай, жабырлануучуну дароо ооруканага алып баруу кажет. Ооруканада врач жабырлануучуну текшерип көргөн соң кандай клиникалык-лабораториялык ыкма керек экендигин аныктайт.Сыныктын жеңил түрүндө кээде рентгенге тартуунун кереги деле жок. Ал эми анын орточо жана оор түрүндө сөөктүн кандайча сынганын так билүү үчүн рентгенге тартуу талап кылынат. Рентгендин жыйынтыгына жараша диагноз коюлат.
Шашылыш операциялар кандай учурда жасалат?
Сөөк ачык сыныкка учураганда.
Сөөктүн жабык сыныкка учураган төмөндөгүдөй түрлөрүндө:
1. Эгер сөөк сынганда кан тамырларды, нервдерди кысып калса;
2. Сөөктүн майдаланып кеткен майда сыныктары терини тешип чыгып калса же сөөктүн багытынан тетири багытта туруп калса, шашылыш операция жасалат.
Пландуу түрдө (шашылыш эмес) жасалган операциялар
Сөөк сынган жерлерде көбүнчө эт шишип чыгат. Ошол шишик тарагандан кийин 3-12 күндөн соң операция жасалат.
Сөөк сынып, ордунан жылып кеткен болсо, врач тарабынан ордуна коюлат. Анан сөөк өсүп, сыныктар бүтөлүшү үчүн скелет чоюлат. Көбүнчө кол-бут сөөгү сынса, сынган жерден ылдыйраак жерден көзөп, ал жерден өткөзүлгөн ичке темир зымга 5-12 килограмм жүк артылып коюлат.
Сөөк жабык сынганда сөөк ордуна коюлуп, операцияга чейин жылышып кетпөөсү үчүн гипстелет. Кийин операция жасалат.
Операцияда колдонулуучу ыкмалар Интрамедуллярдык остеосинтез
Мында сөөктүн каналына (чучукка) темир салынып бекитилет. Көбүнчө кашка жана жото жиликтин ачык жана жабык сыныгында колдонулат (1-сүрөт).
Сөөк сыртынан жасалуучу остеосинтез
Мында бетинде тешикчелери бар түрдүү узундуктагы, жазылыктагы, калыңдыктагы пластинкалар колдонулат. Алар сөөккө сыртынан винттер менен бекитилип коюлат (2-сүрөт).
Компрессиялык-дистракциялык остеосинтез
Сөөктү кысуу (компрессия) же чоюу ( дистракция) жаатында колдонулат. Сөөктүн тубаса дефор­мациясында (буттун кыйшыктыгында, бир буттун кыскалыгында) бутту узартуу жаатында да колдонулат. Аппарат сыртынан сөөктү көзөп өткөн темир (спица) бекитилген металл шакекчени элестетет. Шакекче механикалык стержендер менен бириктирилген. Стержендер жылдырылып турууга ылайыкташкан (3-сүрөт).
Эндопротездөө
Чоң муундар майдаланып сынып кетип, аны операциялык жол менен чогултууга мүмкүн болбогондо жасалма муун салынат.
Жасалма муундар биоматериалдардан, мисалы, титандан, болоттон, дат баспай турган таза металлдардын аралашмасынан жасалат. Кыргызстанга көбүнчө Италиядан, Франциядан, Америкадан, Германиядан чыгарылгандар келет(4-сүрөт).
Айта кетчү нерсе, операция учурунда сынган жердеги нервдердин үзүлгөнү байкалса, анда операцияга микрохирургдар чакырылышат. Алар нервдерди улап тигишет.
Сөөккө жарака кеткенде...
Сөөккө жарака кеткен менен, ордунан жылбаса, анда гипс коюлат. Учурда гипстин ордуна атайын жасалган сөөк карматкычтар колдонулат.Алар синтетикалык материалдан жасалат.
Муун чыкканда...
Жабырлануучу кадимкидей операция столуна жаткызылып, наркоз берилип, муун салынат. Айта кетсек, эң чоң делген жамбаш сөөктөрүнүн мууну да операциясыз салынган учурлар көп. Эгер муун салынбай турган болсо, анда операция жасоо керектелет.
Тарамыш, байламталар үзүлгөндө...
Мындай учурда биоматериал колдонулуп, үзүлгөн жерлер улаштырылып тигилет. Биоматериалдар (жиптер) көбүнчө лавсандан жасалат.

Материалды даярдоого салым кошкондугу үчүн Бишкектеги Травматология жана ортопедия илим изилдөө борборунун №1 травматология бөлүмүнүн жетекчиси, медицина илиминин кандидаты, доцент Анаркулов Бектур Суйөркуловичке
ыраазычылык билдиребиз. Байланыш телефону: (0543) 90-97-68

Даярдаган Канымжан Усупбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: