Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖҮРГҮНЧҮЛӨРДҮН КООПСУЗДУГУ АЙДООЧУНУН КОЛУНДА

№312 24-31, октябрь, 2008-ж


Статистикага кайрылсак
Бишкек шаары боюнча 130 маршруттук каттам бар. Ар бир маршруттук каттамда 25-30га чейин машина бар.
Борбор калаабыз боюнча эң узун маршруттук каттам 12-кичирайондон башталып Военно-Антоновкадан бүтөт (№223 маршрутка).
Анын бир айлампасы 40 чакырымга жетет.
Эң кыска каттамда №127 маршрутка жүрөт. Каттамдын узундугу 14 чакырым.

6:30. Жумуш башталды
Алдын-ала сүйлөшүп билгендиктен биз “Шоро” фирмасынын жанында жайгашкан 202-каттамдагы маршруткалардын токтоочу аянтына туура 6:20да келдик. Диспетчер Тамара эжеге иштин чоо-жайын түшүндүргөндөн кийин бизди “красавчикке отургула” деп койду. Анысы ким эле дегендей туруп калган бизге карап: “Тигил көк маршруткага баргыла, ал баланы биз “красавчик” дейбиз”,- деп калды. Барып маршрутканы ачарыбыз менен жылдыздуу корей улутундагы жигит: «Проходите, товарищи журналисты, добро пожаловать на мой лайнер 202», - деп тамашалай жылмайып тосуп алды. “Сизди эмне себептен “красавчик” деп коюшат” деген сурообузга чачын сылап коюп, “айдоочу болсом да дайыма тазалыкты, сулуулукту жактырам” деп компоюп койду. Бул жигиттин аты Андрей экен.
Ошентип, биз бир күн кечке “красавчик” аттуу жигиттин маршруткасына түшүп, шаар айланмай болдук. Туура саат 6:30 болгондо диспетчер Тамара колун шилтеп, биз старт алдык. Таң азандан биринчи болуп жумушка чыктык деп ойлогом. Көрсө, бизден мурун саат алтыда жумушка чыккан маршруткалар бар экен. Ар биринин аралыгы 15 мүнөттөн болуп, биз үчүнчү болуптурбуз.
“Самолёттон башкасынын баарын айдай берем”
Алгачкы кардарыбыз 10 метрдей жылганда эле түштү. Андрей бизди карап бир жылмайып алды да “күн жакшы болот. Биринчи жүргүнчү эркек киши болду” деп койду. Көрсө, бул дегеле маршрутка айдагандардын ырымы экен. Айдоочуларга аялдардын кандай жамандыгы өткөнүн биле албадык, бирок, алардын көпчүлүгү маршруткага биринчи эркек жүргүнчү түшсө, “иш жакшы болот” деп кубанышат экен. Жүргүнчүлөр көбөйгүчө Андрейди кепке тарттык.
Андрей, диспетчердин айтканына караганда сиз 202-маршрутканын айдоочуларынын ичинен эң тажрыйбалуусу, анан пенсионери экенсиз...
– Жөн эле мактап койду го. Менин тил алчаак жайым бар. Баары менин ушул кыялымды жактырышат. Анын үстүнө 202-маршруттук каттам киргизилгендеги алгачкы айдоочулардан мен эле калдым.
Анда айтсаңыз, айдоочулук категорияларыңыз кандай?
–Мен самолёттон башка бардык унааларды айдаганга укугум бар. “А, В, С, Д” категорияларынын окуп бүткөм.
– Канча жылдан бери 202-маршрутканы айдап жүрөсүз?
– Жети жылдан бери. Ошондон бери “Шоро”-Арча-Бешик жолун жакшы эле таптадым.
– Башка айдоочулардан кандай айырмачылыгыз бар?
– Жашоону ар бир мүнөтүн баалай алам. Ошол үчүн менин машинама түшкөндөргө жагымдуу музыка коюп, жакшы сүйлөп, көңүлдөрүн ачканга аракет кылам. Өзүм аябай жакшы көргөн диским бар. Аны койгондо жүргүнчүлөрдүн көбү ыраазы болуп угушат.
– Ал кандай диск?
– Бул жашыруун сыр.
Андрей менен сүйлөшүп келе жатып “Аламүдүн” базарына жакындап калыптырбыз. Кишилер да көп түшө баштады. Айдоочуну алаксытпоону чечип, акча алып, кайтарым акчасын берип туруу кызматына өттүк. Эртең менен жумушка шашкан адамдардын бири түшсө, бири кирип жатты.
Ашата сөгүшүп...
“Аламүдүн” базарына жакындаганда баштыктарын көтөргөн базарчылар түшүшсө, Совет-Ахунбаев көчөлөрү тарапта жалаң эле студенттер шыкалып түшүшөт экен. Алардын айрымдары бош орунга отурары менен кулактарына наушниктерди сайып, терезени карамыш болуп, жанындагы улгайган кишилерди байкамаксан болушат. Атүгүл айдоочунун салонго илип койгон “сен да картаясың” деген жарнамасынын астына “эч качан” деп ручка менен жаза коюшуптур. Андрей биз сурай электе эле “азыркы жаштар ушундай. Айта берип тажаганымдан жазып илип койгом. Анын да жанын коюшпайт” деп калды. Аңгыча Малдыбаев көчөсүнө жеткенде дагы бир топ жаштар чыгышты. Түнү менен майрамдашкан көрүнөт, ооздорунан дагы эле кете элек арактын жыты бурулдайт. Жол кире бербей, айдоочунун “түшүп кеткиле” деген кебине теригип, салондогу кишилерди этибар албай сөгүнүп-сагынып киришти. Айдоочу менен кошо салондогу эл да уруша баштаганда Андрейди ашата сөгүп түшүп кетишти. Бул өңдүү адамдардан, окуялардан тынч кутулуп кетүү үчүн эле айдоочуларга канча нерв керек экенин түшүнүү кыйынга турбаса керек. “Сөгүү укмак түгүл, мушташып кеткен да учурларыбыз болот” деп жылмайып койду Андрей акыркы аялдамага токтоп жатып.
Айлампанын аягына чыктык
Арча-Бешик жаңы конушундагы №79 орто мектептин алдына келгенде биринчи айлампабыз аяктады. Бул жерде жалгыз күркө турган. Көрсө, ал жерде айдоочулар үчүн арзаныраак тамак-аш сатылат экен.
Эки кофе, экиден беляш көтөрүп келген Андрей бизди да тамактанууга чакырды.
Маршруткалардын ортосундагы интервал 15 мүнөттөн болгондуктан, экинчи айлампага даярданууга өттүк. Чакага суу көтөргөн Андрей бир сыйра маршрутканын ичин суулап шыпырып чыкты. Ал-аңгыча биз чогулган акчаларды иретке келтирдик. Бир айлампада 300 сом киреше тааптырбыз.
Үчүнчү айлампада: Совет-Бөкөн­баев көчөлөрүнүн кесилишинде бир бомжду машина сүзүп кетиптир. Аны карап жатып кашайып МАИ кызматкерин көрбөй, бир кызды сала коёбуз деп айып төлөп калдык. 100 сом бердим деп айдоочубуз айта кетти.
Бешинчи, алтынчы айлампада негедир мас адамдар көп түшүштү. Алардын бирөө катуу ичип койгонбу, салонго түкүрүп-какырып айдоочунун тилдегенин угуп да койгон жок. Шалактап уктап калган экен. Айлампанын аягына жеткенде ойгонду.
Ура! сапарыбыз байыды
Алтынчы айлампаны кечки саат 10до баштадык Арча-Бешиктен “Шорого” сапар алдык. Эң оор айлампа ушул болду. Үйгө шашкан жүргүнчүлөрдүн көптүгүнөн салон үп болуп, кенен дем алууга айла жок, буулугуп бараттык.
Айдоочулар эмнеден коркушат?..
– Албетте, биринчи кезекте МАИ кызматкерлеринен;
– Аялдарынын “кеч келдиң” деген сөзүнөн;
– Кардын жаашынан;
– Свет өчүп, жол чырактын иштебей калганынан;
– «Крутой» машиналардан;
– Өтө сулуу, кыска кийген кыздардан.
Маршрутка айдагандардын жаргондорунан:
Резинщик – кыбыр айдоочунун аты;
Попугай – МАИ кызматкерине көп кармалган айдоочу;
Фриц – убактысы менен жүргөн айдоочу;
Титаник – жалпак кичинекей маршрутка айдагандар.
Жол түйшүгү деген кыйын эмеспи. Бир күн айдоочунун жанында жүрүп, автоунаалар батпай тыгын болгон көчөлөрдө керелден-кечке жүргүнчү ташуу оңой жумуш эмес экенин өз жон терибиз менен сездик. Аягында өзүнүн өмүрүнө кошо жүздөгөн өмүрлөрдүн жоопкерчилигин алып, ташып жүргөн айдоочуларды “азаматтар!” деп ичибизден алкап жаттык.

Даярдаган Бахияна Сатылганова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: