Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

СДПК фракциясынын төрагасы БАКТЫБЕК БЕШИМОВ: “БИЙЛИК ЖАНА БАЙЛЫК ТАНДЕМИ КЫРГЫЗДЫ КУРУТУП ЖАТАТ”

№312 24-31, октябрь, 2008-ж


– Бактыбек мырза, ажо алыска дарыланууга кетип, муну менен катар оппозиция лидерлери Кыргызстандын аймагынан тыш жерде чогула баштады. Бул нерсе акыркы күндөрү тынчый түшкөн Кыргызстанда кайрадан толкундоолор башталарынан кабар эмеспи?
– Кыргызстандагы абал азыр өтө татаал. Эл коррупциядан, электр энергиясынын өчүрүлүшүнөн, каатчылыктан тажады. Нааразычылык көбөйдү. Ошондуктан, элдин нааразычылыгы күчөп жатканда саясатчылар да өтө активдүү боло башташат. Албетте, алардын кандайдыр бир чараларды көрүп жатышы мыйзам ченемдүү нерсе. Жөнү жок жерден “толкундоолор болот” дей берүүдөн алыс болушубуз керек.
– Анда СДПК партиясынын иш-аракеттери тууралуу сөз баштасак...
– Биздин партия азыр коомубузда болуп жаткан жагымсыз көрүнүштөргө каршы күрөшүүгө бет алды. Биринчиден, өлкөдө конституциялык реформа жасоо керек. Анткени, үй-бүлөлүк башкаруу элдин кыйналганынын себеби болуп жатат. Мындай башкаруу кандай мамлекетти болбосун белчесинен коррупцияга батырары анык. Биздин ата-бабаларыбыз  “ыймандуу бийде тууган жок, туугандуу бийде ыйман жок” деп бекеринен айтышпаса керек. Мен ушундай сөздөрдү Ак үйдүн ар бир бурчуна жазып илип коёр элем. Ошондон улам экинчи багытыбыз – коррупция менен катуу күрөшүү. Коррупция деген нерсе бизде өтө чиелешип, тамыры тереңдеп кеткен. Өлкөдө дагы деле мурдагыдай бийлик менен байлыктын тандеминин шапар тээп турган кези. Республикабыздын жетекчилигинин формуласы азыр мындай: бирөө бийликке келип алып байыйт, анан байып алган соң колу жеткен тармактарда өзүнүн бийлигин көрсөтө баштайт. Мына ушул бийлик менен байлыктын тандеми кыргыз элин курутуп жатат. Жакында биздин партиянын жасаган билдирүүсүндө “Кыргызстандын Ак үйү коррупцияга жана интригага батып кетти” деп ачык эле айтылды. Ал эми үчүнчү багытыбыз – элдин социалдык маселелерин чечүү. Эгерде биз 520 миллион киловатты өзүбүз кетирсек, андан 900 миллион сомдой пайда көрөт элек. Мына жөнөкөй мисал, электр жарыгы өчүп жатат. Ал эми мунун кесепети ири бизнесмен, өндүрүшчүлөргө эмес, базарларда, майда ишкана иштеткен карапайым калкка түшүп жатпайбы. Буга окшогон маселелерден майда жана орто бизнестин иши алдыга жылбай жатат. Ушундан улам көпчүлүк товарларын жетиштүү көлөмдө экспортко чыгара албай келет. Бул жерден биз Кытай, Орусия, Казакстандын товарларын алып, аларга эле пайда алып келип жатабыз. Жакында эксперттер эсептеп чыкты: быйыл Кыргызстан Казакстанга 520 миллион киловатт электр энергиясын сатты. Ошонун эсеби менен 700 миллиондон ашык сом алды. Эми кайрадан ошол эле Казакстандан, Орусиядан электр энергиясын сатып алууга мажбур болуп жатабыз.
– Сөзүңүзгө аралжы, Казакстан Кыргызстандан келерки жылы сатып алуучу электр энергиясы үчүн алдын-ала акы төлөп, бизди кышында көмүр, мазут менен камсыз кылмай болду. Ал эми Өзбекстан мурдагыдан көп көлөмдө газ сатмай болду. Буга кандай баа бересиз? Бул Ак үйдүн жетишкен ийгилигиби же Казакстан менен Өзбекстандын мындай чечимдерине тыштан бирөө таасир эттиби?
– Ооба. Бизге Өзбекстан газ бермей болду. Бирок, анын  баасы кандай болот? Ошону байкап туруп жыйынтык чыгаралы. Бирок, менде күмөн бар, бизде айтылган нерсе айтылган жерде кала берет эмеспи. Эми Казакстан боюнча айтсак, биз аларга 520 миллион киловатт электр энергиясын сатып коюп, кайрадан алардан суранып жатканыбызга түшүнбөйм. Ушундан улам бүгүн 23-октябрда парламенттин отурумунда “электр кризисин иликтөө үчүн парламенттик убактылуу комиссия түзүлсүн” деп биздин партиянын атынан сунуш киргиздик. Ушул комиссиянын негизинде эл алдында “эмнеге жарыгы жок отурабыз?” деген суроого жооп берели дедик эле. Бирок, кабыл алышкан жок. Бул электр маселеси айтып жүрүшкөндөй суунун азайып кетиши же былтыркы кыштын катаалдыгы эмес. Бул “энергетикалык мафиянын” эле кылып жаткан иши. 
– Согуш жылдарында да жарыгы өчпөгөн Бишкектин көчөлөрүн учурда караңгылык каптап, тамак-аш кескин кымбаттап, деги эле Кыргызстанда жашоо кыйындап кетти. Кыргызстандын келечегин кандай элестетесиз?
– Азыр Кыргызстандын келечегин элестетүү кыйын болуп баратат. Муну чет жерге агылып жаткан эмгек мигранттарынан эле байкасак болот. Карыларда го айла жок. Ал эми жаштар Кыргызстандын келечегине ишенбей калышты. Айрым телекөрсөтүүлөрдө “баары жакшы, дүркүрөп өсүп жатабыз” дей беришет.
– Сиз өзүңүз Кыргызстандын келечегине ишенесизби?
– Мындай бийлик менен ишенбейм. Бул бийлик жалпы Кыргызстанга коркунуч туудуруп калды. Ушуга чейин сабырдуулук менен жакшы эле чыдадык. Биргелешип тил табышып иштеп, жоопкерчиликти да тең бөлүшөлү дедик. Бирок, бийлик коррупцияны колдоп, өз кызыкчылыгын ойлоп туруп алды. Бийлик элди бөлүп жатат. Алакандай кыргыз элинин бөлүнүп турганы бул – келечекке кеткен чоң жарака. Кайрадан шайлоого даярданыш керек .
–  Шайлоо демекчи, БШКнын экс-төрайымы Клара Кабилова бийликке каршы кайрылуу жасайм деп үй-бүлөсүнүн, өзүнүн коопсуздугу үчүн чет жерде жашынып жүрөт. Сиз да бийликке каршы кескин сын айтуудан чочулабайсызбы?
– Клара айым башында эле сөздүн ачыгын айтып койсо, эл аны түшүнмөк. Кыргыз эли кечиримдүү калк эмеспи. Бирок, ал азыр өзүнөн мурун үй-бүлөсүнүн коопсуздугун ойлонууга аргасыз. Ал эми мен ачык айтылган сөздүн кесепетинен коркпойм. Ошондой эле, элдин тагдырын ойлогон кыргыздарды биргелешип келечек үчүн күрөшүүгө чакырам.
– Бир айга чукулдаса да дайны чыкпай жаткан СДПКчы депутат Руслан Шабатоев бийликке каршы кескин сындарын айтып калчу эле. Анын жана Жусупжан Жээнбековдун баласынын дайынсыз жоголушу саясый буюртма же сиздердин партияга болгон басым эмеспи?
– Азыр, каалаган адамды чак түштө эле өлтүрүп басып кеткен криминалдуу өлкөгө айланып баратабыз. Бирок, экөөнүн жоголушун азырынча саясатка байланыштыргым келбейт. Балдар аман-эсен табылса болгону. Калганын кийин көрө жатарбыз.
– “Биримдикке чыкырам” дегениңизден улам сурагым келип турат, жакында  Өмүрбек Текебаев, Темир Сариев, Алмазбек Атамбаев дагы бир тобу Москва шаарына барып келишти. Бул сапардан улам “оппозиция кайрадан бириккени калдыбы?” деген суроо туулат...
– Биз бир топ саясый күчтөр менен Бишкекте эле жолугушуу өткөрүп жүрөбүз. Ошондой эле СДПК менен “Ата Мекен” партиясынын алдыга койгон максаттары үндөш болгондуктан, биргелешип иш алып барууну чечтик. Жакында “Ата Мекенчилер” СДПКнын фракциясын “биздин да парламенттеги өкүлдөрүбүз” деп билдиришти. Демек, биз парламентте бир гана СДПКнын эмес, бириккен оппозициянын үнүбүз.
– Ал эми “Ак шумкар” партиясычы?
– Бул партия да бизге үндөш. Азыр келечекте кандай позицияда иш алып барууну биргеликте иштеп чыгып жатабыз.
– Азыркы бийликтин эски бийликтен эмне айырмасы бар деп ойлосуз?
– Эч айырмасы жок. Бийликтегилер ошол эле Акаевдин чокоюн, Осмонакундун шымын, Ашыркуловдун көйнөгүн кийип алышты. Мына эски бийлик менен жаңы бийликтин айырмасы. Эски бийликтин саясаты кайра эле уланып жатат.
– Азыр Кыргызстан калкы “ тактыдагы ажону алмаштыруу менен эле Кыргызстан өнүгүп кетет” деген жомокко ишенбей калышты. Сиз кандай пикирдесиз?
– Бийликке таза адамдар келиш керек. Кыргыз калкы чечүүчү негизги маселе ушул.
– Ошондой адам барбы? Болсо атын атап кет­сеңиз...
– Бар. Бирок, мен азыр бул же тиги деп бирөөнүн атын атасам эле ач кенедей жабыша калышат. Ошондуктан, ал адамга мөөнөтүнөн мурда зыян келтирбей, атын атабай эле коёюн.
– Маегиңизге рахмат.

Маектешкен Бахияна Сатылганова

 


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: