БЕКке ЖАҢЫ ИДЕЯ КЕРЕК!

Концерттин аталышы – «Сары жалбырак»
Башталышы – 18:40 (10 мүнөт кечикти)
Алпаруучу – Чыңгыз Мырзаев
Билет баасы – 300-500 сом
Көрүүчүлөр – Филармониянын чоң залынын 80 пайызы (концерттин 1-күнү, 31-август)
Катышкандар – Мая, Байыш Момунов, Алишер Тоотаев, Алтынбек Алымов, Эрнист Бөрүбаев, Өктөм Сапар уулу, Санжар Бердибеков, Курал Чокоев, Калыс Жакыпов, “Арман” тобу, “Агама” бийчилер тобу, “IUK” командасы

Негизи, мен туруктуу көрүүчү катары ар бир концерттин өтүшүнө, уюштурулушуна баам салып, анын деңгээлин салыштырып жүрөм. Кош майрамга туш келген Бек агабыздын бул концерти адаттагыдай эле жагымдуу, жылуу маанайда өттү. Өзү айтмакчы, карапайым, башкача айтканда, шоу эмес, жөн гана жакшы ырлардан ырахат алуу болду. Концерттин максаты да, Берадор Смановичтин маанайы да ушул нерсеге багытталган өңдүү.
Сахнанын жасалгасы ырчынын мүнөзүндөй “токтоо”, салмактуу, ашыкча эч нерсе жок. Бир гана сахна менен тең болгон Берадор мырзанын жана кайсы бир бийкечтин сүрөтү түшүрүлгөн баннер илинген. Албетте, “сүрөттө кайсы сулуунун элеси түшүрүлгөн?” деген ой келип, бирок ал бийкеч Бектен башка баарыбызга табышмак бойдон калды. Фарида жеңекебиз десем, ага деле окшобойт, балким, кыялындагы бийкечтир деп тим болдум. Кантсе да чыгармачыл инсан эмеспи.
Кызык, концерт “Сары жалбырак” деп аталганы менен, сахнада кызыл жалбырактар орун алыптыр. Бул көрүнүштөр Бекке гана түшүнүктүүдүр, элге эмес.
Ошентип, концерт баягыдай эле “Агаманын” ак маралдай керилген кыздарынын улуттук бийи менен ачылды. Концерттин күнөөкөрү айтылуу “Кыргызстаным”, “Ырдесте”, “Уулуң мага окшогон”, “Сагынгам да”, “Сары жалбырак”, “Сен дедим” сыяктуу ырлары менен катар жаңы чыгармаларын аткарып бугун чыгарды. Конок катары келген ырчылар Бек Борбиевдин ырларын аткарышып, “IUK” командасынын тамашакөй жигиттери боорду эзди. Курал Чокоев деген жаш талантты баса белгилей кетүүгө болот. Анын Бек мырзанын ырын жандуу, шаңдуу аткарганы, сахнада өзүн эркин алып жүргөнү жакшы экен.
Бек аганын аккордеондун коштоосунда аткарылган ырлары ыр кеченин кульминациясы болгону айтпасак да түшүнүктүү. Анткени дал ушул бөлүгү көрүүчү менен ырчыны жакындаткан кандайдыр бир жылуу, өзгөчө атмосфера. Анан да эч даярдыксыз турган Чыңгыз, Санжар, Алишерди жанына чакырып алып, өзү менен бирге ырдатканы кызык болду. Күтүүсүздөн болгонгобу, берки үчөө ырдай албай жүдөп, Бек акенин жанында кыңылдап эле калышты.
Бек Борбиевдин концерттерине дайыма барып жүргөндүктөн, ишенимдүү айта алам, бул концерти мурункуларынан өтө деле айырмаланбады. Тагыраак айтканда, мурунку эле сценарий, мурунку эле аткаруучулар, ошол эле ырлар. Албетте, ырчынын өзүнө, ырларына эч нерсе дей албайм. Баары сонун, баары орду менен. Болгону, концерттин уюштуруучулары изденип, чыгармачылык менен олуттуу мамиле кылышса деген ой. Эгер ушундай эле бир типтеги концерттерди уюштура берсе, Бек мырзанын аброюна доо кетери турган кеп.

Толик Сынчы

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (16)
Zverchik
2011-09-05 10:04:42
"Ыр завод" жакшы иштебей жатабы эмне? Бирок Бек байкенин ырлары жагат, ананда ийгилик!
0
Mariya
2011-09-05 10:49:19
Bektin baardyk yrlary soonun, ukkuluktuu!
0
Titi
2011-09-05 11:37:43
ыр завод жакшы заводтун дизайнери начар
0
Zamira
2011-09-05 12:22:10
Бектин концертине элдер БЕКтин өзүн көрүп,ырларын угуу үчүн барышат.А сахнанын жазалгаланышы ж.б. көп кызыктырбайт!Жөн гана чер жазып чыгышатго чиркин!!!
0
Asus84
2011-09-05 13:20:33
Туп туура бектин озун анан ырын угууга барам мен да, жасалгасы не волнует, сахнада Бек кана керек бизге
0
meriyanna
2011-09-05 15:27:07
ozum jaw bolsom da,uwul yr4ynyn yrlaryn juktom alganmyn,bawka kyrg.yrlar ne suwestvuet mende,KGdy sagynsam anyn "Kyrgyzstanym","Jamila"degen yrlaryn uksam ozumo kelip kalam!
0
Аида
2011-09-05 22:38:25
Москвага келишин сурана берип тилим тешилмей болду.
0
Arstan
2011-09-07 16:04:02
Аида, Бек байке Москвага келип кетти го бир ай мурда,концерт мыкты болду.
0
selvita
2011-09-06 10:47:27
Бек байкенин концертине бизда бардык,ырды аткаруусу жагынан эн сонун болду,бирок автор айткандай Бек байке концертке кайдыгер мамиле жасаптыр,жасалгасыз сахна сахнага окшошпойт экен. Алишер Тоотаев да сонун ырдап берди. Бектин репертуарынан Мен куткон Жапалакты Добр менен ырдап берсе жакшы болмок,сыягы Добр чыкырылган эмеско.Ааа москвага барып келбеди беле жакындале биздин достор Москвада концерт бериватат дештелего.
0
19zamir87
2011-09-06 13:33:24
БЕКке жаңы идея керек эмес,ушул эле типте кеткени жакшы эгер оброюна доо кеткенде давно эле кетмек.Берадорду баары жакшы көрүшүп,концертинде да столдор бош калбайт.
Жаңы идея жаштарга керек,БЕКке эмес!
0
7909812
2011-09-06 14:56:41
Бек сахнадан кетеберди кайра эле келе берди . Анча мынчада сахна менен коштошуп да койот , :-)) эптеп эле ырчыларыбыз аман болсун
0
azulya
2011-09-07 08:49:23
7909812, чын эле Бек кооп жолу коштошту ))) мына кеттим, ана кеттим, кетип атам деп эле угуп келатам ) Бирок Бек абдан таланттуу адам. Балким чыгармачыл адамдарга сахна менен коштошуу ордук кылса керек. Ошон учун Бек байкеге дагы-дагы чыгармачылык ийгиликтерди каалайм!
0
skatoruk
2011-09-06 16:18:19
Бек ырларыныз сонун да.
0
Fekus
2011-09-06 18:24:25
Берадор мырзанын баардык ырын берилуу м.н угам.
0
Cyldyzka
2011-09-14 15:44:15
eeeen sonun ırçı Bek
0
jigit85
2011-10-11 21:06:50
oxooo bek baikemdin talanten oos menen aytep bere albaym ilayem omuruguz uzun bolsun ui buloguz menen baket ku4agenda jashai berigiz
kitaidage kyrgyz inigiz koldoyt
0
№ 461, 2-8-сентябрь, 2011-жыл
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА