Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАГДЫР ОЮНУ

№461 2-8-сентябрь, 2011-жыл


МУРУНКУ САНДАРДАГЫ ОКУЯЛАР...

Биздин күндөр. Көл жээгине эс алууну максат кылып келген жаштар. Биздин каарман Аскатка суктанганга себептер жетишерлик эле. Ал – өлкөдөгү эң бай, таасирдүү саясатчы болгон Аскар Токтосуновичтин көзгө басар жалгыз уулу. Андан да сулуу, сулуулугунан да акылы ашкан Бегимайдын (Беманын) жүрөгүн толук ээлеген эле. Бул аз келгенсип, Аскат спорт менен машыгып, бир катар ири жеңиштерге жетишкен жигит. Тобунун лидери, калыс, жөнөкөй жигит Аскаттын жашоосу суктанарлык болгону менен, аны түйшөлткөн бир чоң маселе бар болчу. Кеп ошол табышмакты Аскат өзү менен кошо ала кеткенинде...
Каргашалуу ошол кечте Аскат Бегимайдын колун сурап, эки жаш жакында болор той тууралуу досторуна кабарлашат. Бирок эң жакын досу Азамат кызганычтан чыр чыгарып, Аскат менен мушташа кетет.
Эртеси эле Аскат өз бөлмөсүндө каза табат. Табышмак ушул жерден башталат. Алгач эле өзүнүн досу Азаматка шек түшөт. Анын ак экенин жакын достору жана Бегимай сезишкени менен, Азаматты адилетсиз өкүмдөн алып кала алышпайт.
Арадан жыл өтөт. Бегимайдын жаралуу жүрөгүн мезгил да айыктыра албайт. Ал Аскаттын өлүмү боюнча өз алдынча изилдөө жүргүзүп көрүүнү чечет. Мурун Аскат менен спорттук таймаштарда катышып жүргөн бирден бир атаандашы болгон Малик аттуу жигитке жолугат. Бирок башкы кылмышкер ал эмес экенин да сезет.
Баса, Аскаттын өлүмү Бегимайды гана түйшүккө салбады. Аскар Токтосунович жалгыз уулунун өлүмүнөн соң бул дүйнөнүн барына да, жогуна да кайыл болгондой абалда. Ал тургай жаш, эрке, сулуу аялы көз көрүнөө жаш жигиттер менен көңүл ачып жүргөнүн да байкабайт. А балким, байкагысы келбейт чыгар.
Ушундай күндөрдө Бегимайдын жакын курбусу Алина интернеттен малайзиялык кыргыз жигит менен таанышканын айтат. Курбусунун кыстоосу менен ал жигит менен байланышып калган Бегимай күндөн күнгө ага тартыла берет. Эмне үчүн? Өпкө-жүрөгүн ала жүгүргөн жигиттердин бирин да көз сала тиктеп койбогон бийкеч ал жигиттен эмне тапты? Деги эле экөөнү эмне байланыштырат? Суроо артынан суроо...

 

– Бема, токтосоң!- деп аркасынан кыйкырган Алинанын үнүн угуп, Бегимай аргасыз токтоду.
– Салам!
– Салам, сага жетем деп чуркап келе жатсамда байкабайсың да.
– Телефон чалсаң болбойт беле?
– Ага мээм жетпептир...- деген Алина кубанычтуу күлүңдөп алды. Мындайда жакшы жаңылык айтчу эле.
– Эмнеге анча сүйүнүп?..
– Азирет менен сүйлөштүм. Өзүнүн үнүн уктум. Эми анын үнү... Сөз менен айтып жеткире албайм.
Бир нерселерди быдылдап жаткан Алинаны тиктеп туруп, Бегимай көкүрөгүндө кызганыч сыяктуу бир нерсе ойгонгонун байкады. “Кызык, мен аны эмнеге кызганышым керек? Мен жинди болуп баратсам керек”. Алинанын алдында күнөө кылып койгондой өзүн оңтойсуз сезип кетти.
– Жүрү, жолдон айтып бересиң...- деген ал машинасын көздөй жөнөдү. Жанына отуруп бежиреп жаткан Алинага аргасыз кулак түрдү.
– Мен анын ой-боюна койбой жатып телефонун сурап алгам. Анан ал меникин алган. Мен чала электе өзү чалды. Баса, ал сенин телефонуңду да сурады...
– Меникин бербей эле кой,- деди бурк эткен Бегимай.
– Ха-ха-ха, мен эмне, сеникин берип жинди белем? Сенин үнүңдү укпай эле сен тууралуу бир күндө беш жолу сурайт. Үнүңдү укса...
– Алинка, жолдо баратабыз, жиниме тийбесең. Сенин малайзиялык жигитиң мага бир тыйын да кереги жок. Ал Аскаттын тырмагына да тең келбеген...- деп баратып көзүнөн жаш кантип ыргып кеткенин байкабай калды. Жини менен газды басты. Бул дагы бир өзүнүн жаман адаты. Алинанын көздөрү чоңоюп, рулга жабыша калды.
– Бема, токтот, мындай абалда айдабай эле койчу, суранам. Бема-аа, мен жашагым келет...- деген Алина коркконунан жалынып жиберди.
Жолдун жээгине токтоткон Бегимай рулга өбөктөй калып ыйлап жиберди. Көпкө ыйлады. Өзү эмнеге ыйлап жатканын деле түшүнгөн жок. Аскаткабы? Же Азиреткеби? Аскаттын карааны уламдан улам өчүп, ал ээлеген боштукту бейтааныш жигит ээлеп баратканына ичи күйүп ыйлады. Табияттан берилген тирүүчүлүктүн кербени уланып жатканына, өзү бул кубулушту, сезимдерди, эч нерсени өзгөртө албаганына ыйлады. Бир топто гана көз жашын сүртүп, Алинага күнөөлүү жылмайып койду.
– Кечирип кой, сага эле бугумду чыгара алам. Апамдардын көзүнчө, элестет, ушинтип ыйлап жатканымды. Сагындым, Аскатты. Эх, сен аны түшүнбөйсүң, курбум. Сени дагы коркутуп алдым.
– Болуптур, көнүп бүтпөдүмбү. Беманын дагы бир жиндилиги деп коём да. Сенин маанайыңды көтөрөм бүгүн. Меникилер бүгүн үйдө жок. Жүрү, силердикине барып, экөөбүз Азирет менен байланышабыз. Баса, ал мага сүрөтүн салып жибермек,- деди Алина.
Алинанын ар дайым көтөрүңкү көңүлү Бегимайга көп учурда жардамга келет. Экөө үйгө жөнөштү. Бегимайдын бөлмөсүнө кирип, интернетке асылган кыздарды көрүп, апасы адатынча урушуп кирди.
– Эй, күнү-түнү силерди интернет жипсиз байлады го. Баскыла, тамак ичип алып, анан отургула.
– Азыр, аяш апа. Биз тез эле барып калабыз,- деген Алина мониторго ого бетер жабыша көзүн албайт.
– Апа, азыр сага жардамдашам,- деп ордунан туруп бараткан Бегимай Алинанын көздөрү чоңоюп, оозун алаканы менен баса калганын байкады.
– Эй, сага эмне болду?- деди таң калган ал.
Алина көздөрүн алайткан боюнча мониторго башын жаңсай берди. Көз жүгүрткөн Бегимайдын өңү да кубара түштү.
– Кандайча? Бул эмне деген оюнуң?
– Азирет... Ал жиберген сүрөт... Мен... билбейм...
Мукактанган Алина эч нерсени түшүнө албай жан талаша башын чайкай берди.
Сүрөттө кыздарды жылмая тиктеп Аскат турган эле! Көздөрү тумандап барып жыгылып түшкөн Бегимай апасынын чыңырган үнүн, атасы “Тез жардам” чакырганын, Алина өзүнүн атын айтып ыйлап жатканын байкаган жок.

ххх

Акырын көзүн ачты. Кайрадан көзүн жуумп алып, апасы менен атасына акырын үн катты.
– Апа, мен жакшымын. Үйгө бара бергиле...
Алар чыгып кетишкен соң дарынын таасири менен катуу уктап кетти. Түшүндө Аскат кирип жаткан экен. “Кыйналдың, ээ, сен? Кыйнадым. Бирок аз калды. Сен туура жолдо баратасың. Болгону, жардам бере албайм. Баарын өзүң чечишиң керек” деп дагы бир топ нерселерди айтып жатты. Сөзүнүн аяк жагын уга албай, аркасынан ээрчип басайын деди эле караан уламдан улам ары жылып отурду. “Көлдө, баары Көлдө чечилет” деп узап кетти. Бул эмнеси? Бегимай баарынан качкысы келди. Узакка, узакка уктап калгысы келип жатты. Кайдан?.. Эки кулагын жаап, көзүн чылк жуумп алса да ойлонбой коё алабы? Көкүрөгү тыпырап, тынчтык бербеген суроолордон жарылып кетейин деп турат го. Көзүн ачпай бир топ жатты да, ордунан шарт туруп, кийинип алып палатасынан жылып чыкты.
– Сиз кайда?- деп жолун тоскон мээрман айымга:
– Мен жакшы болуп калдым. Кечиресиз, кечигип жатам,- деп ал сөзгө келгиче сыртка умтулду.
Үйүнө келип эле Азирет менен интернет аркылуу байланышка чыкты. Өзүн токтото албай кетти.
– Асик, бул сенсиң, мен сенин өлгөнүңө ишенген эмесмин, ишенбейм дагы. Бирок сенин бул кылыгың туурабы? Балким, себептери бардыр. Мейли, мен баарына макулмун. Суранам, кайрадан жашоомдон жоголбо. Сени издеген, сендей адамды издеген өтө оор экен,- деп жазды, саламдашып да отурбай.
– Бегимай, салам. Мен эч нерсени түшүнбө­дүм. Балким, мени кимдир бирөөгө окшоштуруп жаткан чыгарсың.
– Сен Аскатсың! Сен менин...
– Мен Азиретмин. Сүрөттөрүмдү дагы илип койдум. Сен издеген адамга окшош чыгармын. Бирок ал эмесмин. Жакшылап байкап көрсөң...
Бегимай сүрөттөрдү барактай берди. Кийими, турган чөйрөсү, чач жасалгасы башкачараак. А бирок Аскаттын өзү! Айрыкча жылмайганы окшош! Кабагы жарк дей түшүп, сүйрүрөөк келген көздөрү мээримге толуп кеткени, башын кыйшайтканы... Болгону, сүрөттөргө көйнөк, костюм кийип, галстук тагынып көп түшүптүр. А Аскат көп учурда спорттук күрмө, башына кепка кийчү. Жайы-кышы кепкасы башынан түшчү эмес. “Атамдын аркасы менен элге даңазалуумун. Ошон үчүн таанылгым келбейт. Ары мага ушундай жүргөн жагат” деп койчу.
Бегимай эмне кыларын билбей калды. Кайрадан далбастап, үмүтүн өчүргүсү келбей, суроолорду жаадырып баштады.
– Сен, балким, мени унутуп калган чыгарсың. Медицинада мындай нерселер болот дешет го. Өзүңдүн мурунку жылкы туулган күнүңдү эстеп көрчү.
– Туулган күнүм эсимде. Апам экөөбүз гана тосконбуз. Биздин үйдүн салты бар. Апам экөөбүз туулган күндөрүбүздү үйдө экөөбүз гана өткөзөбүз.
– Жок, сен туулган күнүңдү былтыр мени менен өткөргөнсүң. Экөөбүз тоого чыкканбыз. Эсиңдеби? Атаң сага жаңы машина белек кылган. Ошону менен шаарды айланганбыз. Эстесең...
Бегимайдын акылга сыйбас жоругунан жадап кеттиби, Азирет мындан ары байланышка чыкпай койду. Жини менен компьютерин өчүргөн Бегимай төшөгүнө кулады.
Тагдырдын мындай калпыс оюнун ал таптакыр күткөн эмес эле. Аягы кайда барып такаларын түшүнбөй турду.

ххх

Бегимай антип убара болуп жүргөндө Аида да өз көйгөйү менен алек эле. Боюндагы түйүлдүктүн айласын таба албай жатты. Адатынча дүкөн кыдырып, кечке сыртта жүргөн жаны эми үйгө камалды да калды. Бул Аскардын көз жаздымынан калган жок.
– Сен ооруп калсаң керек,- деди ал аялынын сулуу жүзүнө ынтаа коюп.
– Жок, болгону, чарчап турам,- чырт эте ары бурулган аялынын тулку боюн тиктеп алып, Аскар селт дей түштү.
– Сен... Сен мага эч нерсе айткың келбедиби?
– Эмне айтышым керек эле?
– Балким, жашооңдо мен билбеген бир өзгөрүү болду?..
– Эмне болуптур? Аркамдан канча жигитиң аңдып жүрөт го... Өзгөрүү болсо сага дароо жеткиришмек.
Аскар аялын карап туруп, капысынан каткырып жиберди. Айласыз, чарасыз башын чайкай аялына мыскылдуу кеп узатты.
– Байкушум, айе, менин жигиттерим аркаңдан жүрөт деп ойлойт экенсиң да. Карачы, кандай тайыз жансың?! Эгер сен тууралуу бир нерсе билиш керек болсо, башканы убара кылбай эле өзүм баарын билип алам. Сен мени жакшы билесиң да, туурабы?
Аида күйөөсүнө бир нерсе айтайын деп келе жатып тилин тиштеп токтоду. “Ха, эгер сен билүүнү кааласаң, билип алсаң керек эле. Бирок сен каалабайсың. Каалабаганың мага жакшы”.
Ордунан туруп, гүлдөргө суу куюмуш болуп күйөөсүнө далысын сала берди.
Аскар жаш аялын тиктеп туруп, аяп кетти. Аялын гана эмес, өзүн кошо аяды. Чынжырсыз байланат деген ушул экен да... Болбосо, экөө эки башка жан, эки башка дүйнө... Ойлогондору, кызыкчылыгы да башка. Өзүнөн 20 жаш кичүү! Балким, кептин баары ушунда болбосун. Бирок бул оюнан дароо кайтты. Мурун жаштыгына жоруп, өзүн алдачу, кийин табиятынан жеңил экенин, акылы тайыз, жан дүйнөсү кемтик экенин байкаган. Мындан канча жаш кичүү Бегимай менен салыштырып болбойт. Аскаты азамат, акылдуу жанды тандаган. Бирок буюрбаганын кара... А бул сырты жылтырак нерсе болсо болду, ошого алаксып, ошодон рахат алат. Ал эми тереңдикке, тээ жүрөктүн түбүндө жаткан адамдык чыныгы байлыкка таптакыр кызыкпайт.
– Бүгүн жумушка барбайсыңбы?- деген Аиданын үнүн укту.
– Барам.
– Мен курбуларым менен бир жакка барат элем. Балким, кеч келем. Андыктан...
– Өтө кеч калба, жолдо кырсыктар көп болуп жатыптыр,- деген Аскар дагы бир жолу Аиданын тулку боюн сынай тиктеди.
– Эне болуу сага жакшы жарашса керек эле, ээ?- деди табышмактата сүйлөгөн Аскар.
Аида талуу жерине бирөө сайып жибергендей жүрөгү оозуна тыгыла түштү. “А балким, бул баарын билет. Өлдүм!” деп ойлоду.
– Болбогон нерсени айтасың да.
– Ким билет?- деп ийинин куушурган Аскар чыгып кетти. Аркасынан узата тигилген ал жан сакчылары менен машинага отурар замат креслого шалак эте боюн таштады. “Тез арада алдырып салуу керек. Тобокелчиликке салып болбойт” деген ал ошол замат колдору телефонго жабышты. Бардык клиникаларга чалып баштады. Өзү ишенимдүү деп эсептеген, анонимдүүлүккө кепил болушкан соң гана атактуу врачтын клиникасына токтолду.
Эртеси кабыл алууга жазылган Аида клиникада пайда болду.

(Уландысы кийинки саныбызда)

Жолдошбек Кудайбергенов


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Башка сандарда:
Комментарийлер(9)
05.09.2011. 09:48 
Тайпасы:
Кыймылы жок
Комментарийлердин саны:
23
Катталган:
24-07-2011
Соӊку аракети:
16-05-2015 00:11
Жынысы:
Белгисиз
Калаасы:
Екатеринбург
0
Mina saga, jandirmaksiz tabiwmak. Aziret apasi ekoo jalgiz bolso zna4it Askattin bir tuugani ili egizegi. Mina saga, jandirmaksiz tabiwmak. Aziret apasi ekoo jalgiz bolso zna4it Askattin bir tuugani ili egizegi.
05.09.2011. 11:03 
Тайпасы:
Жаран
Комментарийлердин саны:
8
Катталган:
26-03-2009
Соӊку аракети:
14-01-2018 10:16
Жынысы:
Белгисиз
0
Супер муну кайдан тапкансынар,барган сайын табышмактууСупер муну кайдан тапкансынар,барган сайын табышмактуу
05.09.2011. 17:19 
Тайпасы:
Жаран
Комментарийлердин саны:
298
Катталган:
06-11-2010
Соӊку аракети:
19-09-2018 16:40
Жынысы:
Белгисиз
Калаасы:
Россия
0
Эгиздер го деп койдум
05.09.2011. 20:13 
Тайпасы:
Кыймылы жок
Комментарийлердин саны:
22
Катталган:
23-06-2011
Соӊку аракети:
27-06-2014 16:56
Жынысы:
Белгисиз
Калаасы:
Tokmok
0
башым ман болду :))
05.09.2011. 22:33 
Тайпасы:
Кыймылы жок
Комментарийлердин саны:
172
Катталган:
12-01-2011
Соӊку аракети:
29-08-2012 02:21
Жынысы:
Белгисиз
Калаасы:
Москва
0
Бул чыгармага эми тушуно баштадым,кыш сонатасы (корей сериалы)нан алып жазылган турбайбы.
06.09.2011. 07:15 
Тайпасы:
Кыймылы жок
Комментарийлердин саны:
197
Катталган:
13-11-2009
Соӊку аракети:
03-03-2015 22:05
Жынысы:
Белгисиз
Калаасы:
Алтын тор
0
Азырынча эч нерсе айтбай эле коеюнчу. Бирок аябай табышмактуу болуп кетти елки.
06.09.2011. 18:09 
Тайпасы:
Жаран
Комментарийлердин саны:
98
Катталган:
12-08-2011
Соӊку аракети:
25-09-2018 18:28
Жынысы:
Белгисиз
Калаасы:
Бишкек
0
Балким Аскат олбогон чыгар..........
07.09.2011. 12:11 
Тайпасы:
Жаран
Комментарийлердин саны:
37
Катталган:
03-06-2011
Соӊку аракети:
23-09-2018 03:20
Жынысы:
Белгисиз
Калаасы:
Москва
0
алар эгиздер точно
20.09.2011. 17:19 
Тайпасы:
Кыймылы жок
Комментарийлердин саны:
21
Катталган:
04-12-2008
Соӊку аракети:
02-01-2014 12:20
Жынысы:
Белгисиз
Калаасы:
Bishkek
0
Бул сериал "Кыш сонатасы"аттуу корей сериалынын бир аз озгортулгон кочурмосу.Ишенбесенер дисктери чыккан алып коргуло.Махабат тууралуу эн бир таасирдуу корей сериалы
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: