МОСКВАДАГЫ МЕКЕНДЕШТЕР ЫРЧЫЛАРГА НААРАЗЫ

Айрым ырчылар 28-августта Орусиядагы мекендештерибизге концерт коюшмак. Билеттер сатылып, бирок концерт болбой калган. Бул тууралуу форумчу мекендештерибиз WWW.SUPER.KG сайтына кайрылып, ырчыларга нааразычылыктарын билдиришкен.

“Оо, шүмшүктөр, эмне деген шумдук бул?! Каныкей, Омар, куудул Рысбек Жантөрөев, “кидать” этип кеттиңер го, уят эле! Өзү кыргыз туугандарыбыз Москвага келип кыйналып иштеп, кээде айлык албай “кидало” болуп жүрүп араң жан багып келебиз. Анан бир эс алалы деп кыргыз ырчылары келсе, мукамдуу кыргыз ырларын угуп көңүл ачып келели деп атайын жумуштан суранып, жаман көрүнүп жатып барсак, алдап кетишкенин кандай түшүнсө болот? Кадимкидей билет баасы 500 рублдан сатылып, эл чогулганда концерттен дайын жок. Эшик ачылбай, эч ким жооп бербей, күзөтчүлөр киргизбей коюшту. Бул эмне деген уятсыздык? Бир-эки адам күзөтчүлөрдөн суранып жатып ичине кирип, ырчылардын дайынын билип чыгышты. Алар жашынып отурушуптур, “эшикти эч ким ачпай койду” деп. Эмнеге элди антип алдашты, мен түшүнбөй калдым?! Минтсеңер, келбей эле койгулачы, бул биринчиси эмес, мындай учурлар Москвада көп болгон.
“Супер-Инфонун” жамааты, сиздерден өтө суранып кетем, жооп алып бериңиздерчи ырчылардан, эмне үчүн алдашат элди? Timka, 30.08.2011.

Омар:
“МЕКЕНДЕШТЕР ТҮШҮНБӨЙ, МЕНИ КҮНӨӨЛӨШТҮ”
– Эгемендүүлүк күнүнө карата мекендештерибизге жакшы концерт тартуулайлы деген ниет менен Москвага сапар алгам. Каныкей, дагы 4-5 белгилүү ырчы барат деп сүйлөшүлгөн. “Каныкей бул жакка учуп келе жатат, сен эле калдың” деп мени уюштуруучулар көндүрүшкөн. Москвага барганымда Каныкей келбегенин билдим. Болгону, алып баруучу, Айжамал Кабылова, Эрнист Бөрүбаев бар экен. Алар менен жолугушуп, анан концертке дайынданып баштадык. Концерт башталарда уюштуруучулар качып кетишти. Чогулган эл биздин гримёркага чейин жулунуп кирип, бизге даттанып башташты.
Айлабыз кетип, эмне кыларыбызды билбей калдык. Акыры эшикке чыгып, элден кечирим сурадым. Элден кечирим сурап, укпаганды угуп, элге мен жаман көрүндүм. Өкүнүчтүүсү, мекендештерибиз түшүнүп-түшүнбөй аброюма шек келтиргенге чейин барышканы болду. Тескерисинче, орус туугандар “эмнеге өзүңөрдөн чыккан жылдызыңарды минтесиңер, биз бул жигитти тааныйбыз, Юрмалада ырдаган ырчы” деп мени коргошту.
Кечинде мейманканада отурсам, Эльбрус аттуу уюштуруучу келди. Аны менен урушуп кеттим. Ал “концертке кеткен чыгымды жаппай калды, ушундай болуп калды” деп актанды. “Анан качып кетесиңерби?” десем, унчуккан жок. Ошентип, ал кетти. Кечинде бирөөлөр аркылуу Бишкекке билет берип жибериптир. Ошентип, кайра калаага кайттым. Мен бул жерде албай калган маянама ичим күйгөн жок, эл алдында күнөөсүз туруп күнөөлүүгө айланганыма нааразы болдум.

Каныкей менен иштешкен
продюсердик борбордон төмөнкүчө жооп болду:
“КАНЫКЕЙДИН СҮРӨТҮН АФИШАГА
УРУКСАТСЫЗ ЧЫГАРЫШКАН”

– Биз ал уюштуруучулар менен эч кандай келишим түзгөн эмеспиз. Чынында, бизге Москвадагы чыгаан жаш жигиттерден сунуш түшкөн, бирок алардын шарттары жакпагандыктан, макул болгон эмеспиз. Бирок эмнегедир алар биздин макулдугубуз жок эле Каныкейдин сүрөттөрүн интернеттен алып, афишасына чыгарып коюшуптур. Мунун баары тең мыйзамсыз жүрүп жаткан иш-аракеттер. Каныкейдин сүрөттөрү менен чыккан дептер, күндөлүктөрдүн баары тең мыйзамсыз. Жакын арада Каржы полициясына арыз менен кайрылалы деп турабыз, мындай көмүскө иштер тыйылбай турган болсо.

Мальвина Уметбекова
star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (41)
Jiza
2011-09-06 15:51:11
Куноо уюштуруучуларда! алар жакшылап уюшутурп, барыдк билетти сатып аренданы жаап, анан ырчыларга убада кылган гонорары чыкса концерт коюлмак да туурабы? Гонорар болбосо да аренданы жабыш к-к болчу. Аренда ал жакта 2-3мин доллар минмум..демек ал акчаны жаппай клапы тигилер качып кетти. Омар атайы барып ырдабай коймок беле..Элдер тушунп жазсанар боло, тушунбой эле ырчыларды куноолой бербей!
0
KG-Tolkun
2011-09-06 18:06:23
Jiza,
Борунун оозу жесе да кан, жебесе да кан !!!
0
Narynbek
2011-09-06 18:33:36
Уюштуруучулар пайда корбой калып качышса керек да.Эми 10-11 сентябрда да концерт келет деп жатышкан эмне болот болду экен?
0
Kitana
2011-09-07 06:21:23
Omardin konsertine men sozsuz baram,sebebi al 30 kun orozo karmap,namaz okugan adam,tamawa tordun rozigriwinda aytpadibi.kuday degen adam e4 ka4an minday jol menen ak4a kilbayt!owol kunu biz barganda 7 katardan alganbiz,aldinki katarlardda orun jok bol4u,bizden giyin kan4a adam keldi,6 katardi 50 orundan koboytsonor 300 bolot,kalgan katarlardan da kop satilagan,500 don awik bilet satilgan,emi 500du 500go koboytunuzdor,4ontoktorun tolturup ketken uyuwtur.kuday ozu surak kilat bulardASTAGFIRULLAH
0
Eliza
2011-09-07 13:09:35
ооба мындай учурлар коп болот новосибирскийге мирбек атабеков келет деп келбей коюшкан байкуш элдер кечке кутуп кутуп кетишкен келе алсанар анан бул жака жарыя кылгыла калпеле суротунорду келет деп чаптай бербей эртен менен ишке барыш керек ошого карабай элдер кичине болсо да конул ачып келели деп келишет да биринчи элдерди ойлоп анан озунорду ойлогулачы сураныч
0
REKETIR
2011-09-07 13:18:19
КИНУЛЛИИИИИИИИИИИ ХА ХА кыргызды кыргыз
0
monchok
2011-09-07 22:43:35
бул мындай нерсе да туугандар,Бизде кыргызстанда бандиттер коп эмесби,Текебаев Отунбаевалар бандиттерди жок кылабыз дегенден бери ошол бандиттердин баары россияга качышкан алардын кобунчосу МОСКВАДА кыргыздарды тоноп журушот булар копчулук,
0
monchok
2011-09-07 22:48:10
ырчылар келсе концерт коюп алардыан долясын коп бербесе ушинтип аларды дагы ыйлатышат.айта берсен коп ушул бандиттер кыргыздарды уруп тоноп жургону адамды кейитетда буга кандай чара корсо болот????????
0
monchok
2011-09-07 22:49:30
жакшыраак машинасы болсо аны деле тартып алышат коп балдар машиналарын алдырып койгонун билем.
0
apal
2011-09-08 13:48:57
карапайым калкты алдаган арам акча жегендер онот беле!!!ендер онот беле!!!
0
Aybekk
2011-09-10 09:41:07
ырчылар да келесоо мыйзамсыз эле концерт койобуз десе бара беришеби, жоок бул жерде башка соз баар
0
anjelei
2011-09-11 21:48:47
Менимче ырчыларда куноо жок. Оздорунун аброюн сактайбыз дешсе уюштуруучулар менен мыйзам чегинде суйлошуп жыйынтыгын элге билдируу керек.Уюштуруучулардын адресин билишет болуш керек ырчылар.
0
rozittarozi90
2011-09-12 03:10:20
Байкуш Омар десе....Молодец, элдин алдына чыгып кечирим сураганын учун...андан кийин 10-сентябрь куну да келди Омар эл сонун кутуп алды,живой голос менен ырдап элге сонун маанай тартуулады РАХМАТ сага ..
0
Cyldyzka
2011-09-14 12:05:30
çındap keçirim surappı bilgender aytıp koygulaçı
0
kassta91
2011-09-17 06:10:19
биз жаман болдук байкуштар
0
ХАНЗАДА
2011-09-22 11:43:48
Уюштуруучулар куноолуу дептир, бирок ишенимдуу булактар, концертке эл келбей калганда эмне кыларын билбей калган Эльбурс качканга мажбур болду деп жатышат. Демек, кандайдыр денгээлде Омарда да куноо бер, аппак эмес.
0
№ 461, 2-8-сентябрь, 2011-жыл
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА