Сыймык Бейшекеевдин иниси Жыпарбек: «СЫЙМЫК АКЕМДИН КОМУЗУН КАЙНАТАСЫ ЧААП ТАШТАГАН»

Сыймык Бейшекеевдин бир тууган иниси, дизайнер Жыпарбек Бейшекеев агасы тууралуу кеп кылмакчы.

БИР ТУУГАН БЕЙШЕКЕЕВДЕР
Бакыт, 38 жашта
Сыймык, 37 жашта
Нурбек, 35 жашта
Мирбек, 33 жашта
Асыл, 32 жашта
Жайылбек, 29 жашта
Зыпарбек, 27 жашта
Жыпарбек, 26 жашта
Таалайбек, 24 жашта
Жаркынай, 23 жашта
Кенжегүл, 22 жашта

“БАЙКЕМДИН БАЛЫГЫ ҮЧҮН ЖАРЫШКА ТҮШЧҮБҮЗ”
– Үй-бүлөдө үч кыз, сегиз эркекпиз. Сыймык акемден мен 11 жаш кичүүмүн, эркектердин жетинчисимин. Сыймык агам балык кармаганды жакшы көрчү. Суунун жээгинде балык кармап отурганы эсимде. Биз чуркап мал-жанды кайтарчубуз. Анан бизди ойнотом деп ары-бери жарыштырып, байгеге бирден отко бышкан балык койчу. Суу жээгинде чоң таш бар эле, ошонун үстүнө ким биринчи чыкса, ошол кыйын деп кыйкыра берчү. Биздин же боюбуз жетсечи, эптеп агамдын балыгына жетүүнүн амалын ойлочу экенбиз ошондо. Тырышып жатып акыры таштын үстүнө чыгып, анан жулунуп агамды көздөй чуркачубуз. Ар түрдүү оюндарды ойлоп таап, бизди ойнотуп, курсагыбызды да тойгузчу.

“МЕНИ СПОРТЧУ КЫЛАМ ДЕП...”
– Акем бүтүрүүчү класстарда окуп жүргөндө мен 5 жашта элем. Мени спортчу кылам деп айламды кетирчү. Бутумду чоюп, ары тартып, бери тартып, шпагатка отургуза албай кара терге түшөт. Бутум ооруганынан боздоп ыйлайм, ага деле карабай бутумду созот. “Азыр отурасың, мына, мына” деп алдап-соолап отургузчу. Бир күнү апам үйдө жоктон пайдаланып, мени дагы шпагатка отургузуп койду. Өзү дүкөнгө баратып, мени эжеме кайтарттырып койду. Бир саат өттү, эки, үч... Акем дале жок. Эжем “ай, тур, бүттү” десе болбой “агама айтып саласыз” деп көгөрүп турбай отурдум. Акем кечинде келип, мени көрүп алып аябай таң калган.

“УЧКУЧ БОЛУУНУ ЭҢСЕЧҮ ЭКЕН”
– “Сыймык шоктугу менен ооруган жагынан алдына эч кимди салган жок” деп апам көп айтат. Бир жолу согуш жөнүндө тасма көрүп, аябай таасирленип алыптыр дейт. Эшиктин алдындагы токтоп турган машинага түшүп, от алдырып, анан туткундан качып бара жаткандын ролуна кирип кетип, машинаны арт жагы менен айдаптыр. “Эшиктеги аксакалдар араң токтоткон” деп күлүп калышат. Өзү учкуч болууну эңсечү экен, бирок интервьюларында “дале жерде жүрөм го” деп күлүп айтып калганы бар.

“КОМУЗУН КОЛУНАН ТҮШҮРБӨДҮ”
– Мектептеги мугалимдердин эсинде Сыймык деген тентек бала гана калды окшойт. Эртең менен сабакка келгенде эле комузун кучактай келип, арткы партаны ээлеп, анан кайсы сабак болбосун комузун чертип, заңкылдап ырдай берчү экен. “Сүрөт сабагында да, математикада да эч кимди тоготпой обон созчу” дешет билгендер.
Бир күнү бир эжекеси чыдабай кетип директорго кайрылыптыр. Директорду ээрчитип келсе, акем көзүн жумуп алып ырдап, комузун чертип отурган болот. Агай жинденип, комузун колунан жулуп алып, жерге чаап салат. Кийинчерээк классташ баласы үйлөнөт. Анан тойдон бир кызды жактырып калат. Ал аяшынын курбуларынын бири болот. “Ошол кыз менен тааныштыр” деп жанын койбой, акыры таанышат.
Акыры Нурзада жеңем экөө баш кошушту. Кызыгы, бая­гы комузун чаап салган директор агай өзүнүн кайнатасы болуп чыкпадыбы! Ошентип, акем комузун кудабызга чаптырып, өзү кызын сүйдүрүп алган. Кудайга шүгүр, бактылуу үй-бүлө ээси.

Мальвина Уметбекова
star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (22)
Kumarbek
2011-09-05 14:29:51
мына сага ырчылардын тугандарын жазбагылачы откондо эле Суранчиева эми Бешекейев эми кимге кезек келди????????????????????????? Дагы биросу келет менин байкем мындай болгон андай болгон деп!!!
0
Жаку
2011-09-05 16:10:06
Кумарбек, сага жакпайт экен деп жакшы рубриканы жок кылып коюшсунбу. Сага кызыксыз болсо бизде кызыктуу эле окуп биз суйгон биз сыйлаган ырчынын жоругуна кулуп отурабыз.
+1
Kumarbek
2011-09-05 16:26:55
жаку., жагат бирок мындай болбойтда
0
turmus
2011-09-05 22:14:45
Тууу эми Сыймыктын калган бир туугандары кезек менен келип айтып берип турушат экен да.Тууу эми Сыймыктын калган бир туугандары кезек менен келип айтып берип турушат экен да.
0
moinok
2011-09-06 06:22:07
turmus, сенин ошондой бир туугандарын барбы?Пускай келип сен жонундо айтып беришсин! Антип ич куйдуулук кылбаш керек да, биз кыргыздар качан болсо ушактап ,сын койуп,шылдындаттырып эле койсо болду(((
+1
turmus
2011-09-06 11:42:02
Moinok - мен жонундо айтчу бир туугандарым кудайга шугур бар! Жок эмес! Бирок мен эч убакта мени газетага келип эскеришине жол бербейм.
0
chicho
2011-09-11 11:27:46
turmus, сен жол берсен да сен жонундо эч ким жазбайт.жон эле суйлой бересинби.
0
engel
2011-09-06 16:00:55
turmus,antkeni sen Syimykka okshosh elge belgiluu adam emessin da,bir tuugandaryn kelip sen jon-do aitsa biz seni taanyp koiuppuzbu he he hee kulkunu keltirbegilechi
0
azulya
2011-09-07 08:43:10
engel, ошону айтсаныз )) боорду эзет да ))))))))))
0
zzz---zzz
2011-09-06 17:09:27
Комузун сындырган директор кийин кайнатасы болуп калганы кызыктуу экен кийин. Куйо баласы болгондон кийин башка комуз алып бериптирби.
0
Fekus
2011-09-06 17:49:23
Сыймык байке атына эаты жарашкан кыргызымдын сыймыгы.......
0
Chopulya
2011-09-07 23:50:31
Эми мунканып ырдап коцсо эле кыргыздын сыймыгы болуп калабы ия ойлонуп корсонор. Кадимки эле коп ырчынын бири. Кыргыздын сыймыгы болуш ооо-оо-ой, бир ачылыш кылса, бир кыргыз элине тете иш кылса анан сыймыктансак болот, анан ырчынын баары эле... Ырларында деле жанылык, жанычалык жок го..
0
Chopulya
2011-09-07 23:53:20
Мен мисалы учун Бек Борбиевди сыйлайм, анын ырлары журогундо суйуу бар экенин корсотуп турат. Тим эле оозунан суйуусу корунуп турат, мен Бек байкенин ырлары менен талантты тушунгон кишилердин арасында сыймыктанам
0
mira85
2011-09-08 06:53:54
turmus sen emne SYIMYK baikedei populyrduusunbu, sen KG yrchysy je akteru bolso jazatta sen jonokoi adam bolgon uchun seni ech kim jazbait.....
0
jaan
2011-09-10 02:27:09
4ın ele Kyrgyzstandyn SYİMYGY
0
baiysh
2011-09-11 11:52:06
ушундай белгилуу адамдардын жубайларына рахмат айтыш керек
0
Ganulai
2011-09-11 21:46:27
кызык экен мага жакты, а тиги коро албай жазгандар жакпаса окубай койгулачы, окуп бутуп минтип жазгандан коро.
0
toktonazarova
2011-10-04 02:05:27
tumus tumus жылаандын куйругун бастын го
0
№ 461, 2-8-сентябрь, 2011-жыл
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА