Ирина Ан: «КОРЕЙ ЭМЕС, КЫРГЫЗ КОЛОРИТИНЕ УМТУЛАМ»

«Ой тобо», «Нарындан жазган салам кат», «Чагылган» деген элдик ырларды катыра ырдаган корей кызы Ирина Анды жакындан тааныштырабыз.

ИРИНА ТУУРАЛУУ
Туулган күнү – 1981-жыл, 14-февраль
Улуту – Корей
Туулган жери – Рига шаары, (Латвия)
Билими – КУУнун компьютердик-маалыматтык технологиялар факультетин аяктаган
Үй-бүлөлүк абалы – Эки уулдун энеси
Учурда – Жеке ырчы жана сулуулук салонунда бет сымбаттоочу

– Салам. Алгач сени «Ырдайлы кыргыз ырларын» деген долбоордон көрүп калдым эле. Анан эле кыргызча ырларды ырдап чыга баштадың...
– 1-класстан тарта ырдаганга кызыгам. Үй-бүлөбүздө ырга шыктуу эч ким жок. Атам Иннокентий Ан спортчу. Каратэ-до боюнча Эмгек сиңирген машыктыруучу. Ал эми апам Клавдия Ли айымдардын кийимдери боюнча дизайнер, тигүүчү. Менин ырчы болом деген кыялыма тоскоол болгондор көп болду. Окуучу кезимде ыр ийримине катышайын дегенде сиңдим төрөлүп калды. Ошентип, бир топ жыл бала багып калдым. Мектепти аяктагандан кийин ырчылык кесипти аркалайын десем, апам «сен өмүр бою жер кезип жүрүүнү каалайсыңбы же стабилдүүлүктүбү деп мени ойлондурду. Ошентип, компьютер жагына ооп кеттим. Анан турмушка чыктым. Жолдошум менин ырчы болушума таптакыр эле каршы болчу.
– Анан кантип ырдай баш­тадың?
– Эки жыл мурун жолдошум менен ажырашып кеткен соң катуу стресске кабылдым. Жашоого көңүл кош болуп жүргөн күндөрдүн биринде радиодон Гүлнур Сатылганованын ырын угуп калдым. Жан дүйнөм тим эле «зырп» деп ойгонуп кеткендей болду. Анан ошол күндөн тарта эле «мага эми эч нерсе тоскоол боло албайт, мен ырчы болом» дедим. Бирок бул чечимиме да жакын тааныштарымдын арасында «кеч болуп калды, 30 жашка чыгып ырчы болуу кыйын болот. Же улутуң кыргыз болбосо» деп айныткандар да көп болду. Бирок мен жан дүйнөмдү кытыгылаган талантыма ишенем.
– Продюсериң барбы?
– Жок. Бирок мени чыгармачылык жактан колдоп турган адамдар бар. Ал таланттуу акын, раматылык Чоробай Шадыбековдун жээндери Уран, Эрмек деген жигиттер. Алгач бул жигиттер менин жакшы тааныштарым эле. Анан алар менин ырдаганымды уккандан кийин ыр дептер көтөрүп келишти. «Ушул ырларды карап көрбөйсүңбү» деп. Бул дептер Чоробай Шадыбековдун кол жазмасы экен. Бир сыйра окуп чыгып, ырларынын терең маанисине баа бердим.
Ошондон улам ушул акындын ырларына обон кошуп ырдап чыгууну чечтим. Чоробай Шадыбековдун «Кыялым» деген ырын биринчилерден болуп жаздырууну бекеринен чечип калган жокмун. Себеби бул ыр менин жан дүйнөм тууралуу жазылгандай. Жаңы ыр жаздырсам деле болмок. Бирок азыркы ырлардын маанисинин жеңил-желпилиги жакпайт. Азыр көпчүлүк кыргыз ырчылары корей стилин мода тутуп жатышса, мен, тескерисинче, кыргыз колоритине умтулам.

Бахияна Сатылганова
star@super.kg

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (14)
Asus84
2011-09-05 15:06:54
молодец
0
operaledi
2011-09-05 16:52:12
Соз жок, молодец...
0
Wonderfullgirl
2011-09-05 16:58:09
чындыгында уят эле корейлерди туурап жатат дедирбей эле , озубуздун кыргыз колоритибизди которсок жакшы болот эле . Ирина азаматсыз.
0
Ardo
2011-09-05 16:58:30
Кандай эле корейлер кыргызча ырдап калышкан? Булар орустарча ат коюп, коздорунун жымшыктыгына карабай, тим эле орустарды Кудай тутуп, алардын бир жерин жалап келчу калак эле го! Кызык!
0
Dollar
2011-09-13 15:26:50
Ardo, "Besh kol barabar emes" degen sozdun maanisin tushunosunda tuuraby??
0
PepsiKolka
2011-10-22 19:20:34
Ardo, Сен аябай каттуу кеттинго.Озунорду билип албайсынарбы?Мен деле кореянкамын,кыргызчаны 100%билем,эч кандай орустукун жалабай эле.Кудайга шугур,мусулманмын,сага окшогон орусчаны билбегендер менен кыргызча суйлошо алам)))
0
deardear
2011-09-05 21:06:14
Азамат ирина!
0
engel
2011-09-05 22:09:49
Ardo ne d-n jiyirkenichtuu sozdor koldoo korsotup azamatsyz iygilik sizge dep koison birdeme bolobu?!Rahamat sizge Irina bizdin tildi syilap,bizdin tilde yrdap jatkanynyzga sizge iygilik jana aialzatyna tiesheluu bakyt kaalaim!
0
zzz---zzz
2011-09-06 16:40:11
Рахмат сага иштерине ийгилик жаны ырларды жарата бер. жана тел номерин же электрондук дарегин калтырып кетсен байланышсак.
0
Elysh85
2011-09-07 05:02:18
Азамат!!!!!!!!!!!!
0
azim84abdiev
2011-09-07 15:34:46
Азаматсын, ишине ийгилик, кыргыздардын намысына тийип койбосон, алар ушинтип эле ар кимдин (башка улуттун) ырларын уурдап алып атышат, элди ирээнжитип. Рахмат.
0
Juliana
2011-09-07 20:36:48
molodes, ar-dayim ushintip bizdin tildi orkundotup juro bergile
0
blackred
2011-09-08 14:01:33
Молодец, удачи тебе!!!
0
jigit85
2011-10-11 21:03:11
menin ayalem ushul ele erde koyup alat abdan jakderat eken korso jakshi erdapseng mundar nareda ushundai kyrgyz4a erlarengde erdai ber jakderep ugup jatabiz
0
№ 461, 2-8-сентябрь, 2011-жыл
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА