реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«ДОРДОЙ» 5 ЖОЛКУ ЧЕМПИОН

№313 31-октябрь - 6-ноябрь, 2008-ж.


Чемпиондук үчүн быйылкы сезондо да 9 команда ат салышты. Адаттагыдай эле күрөш эки команданын гана ортосунда жүрдү. Канттык “Абдыш-Ата” чемпионаттын жүрүшүндө 8-турдан кийин упай жагынан алдыга озуп чыгып, узак убакыт көч башында болсо да, жыйынтыгында чемпион боло алган жок. Чемпионду аныктоочу “Алтын беттеште” “дордойчулар” 1:0 эсебинде жеңишке жетишип, 5 жолу катары менен чемпион аталышты. Оюндун 45-мүнөтүндө “Абдыш-Атанын” оюнчусу Валерий Березовскийдин дарбазачыга ыңгайсыз абалдан узатып берүүсүнө “дордойчу” Мирлан Мурзаев дарбазачыдан мурда топко жетип, аны дарбазага багыттап койду. “Дордой-Динамонун” экс-футболчусу Валерийдин мындай “белеги” командасына кымбатка турса, Мирландын голу “алтын голго” тете болду. Натыйжада, мындай катачылык чемпиондук беттештин тагдырын чечип койду. Ошентип, былтыркыдай эле “Дордой-Динамо” чемпион болсо, канттыктар чемпионаттын күмүш медалдарына ээ болушту. Ал эми 3-орунду Оштун “Алай” командасы ээледи. Жыйынтыктап айтканда, азырынча 2004-жылдан бери өлкөбүздүн биринчилигинде үстөмдүгүн орнотуп келаткан “Дордой-Динамого” атаандаш жок.
«Кыргызстандын ишенген футболчусу болгум келет»
Биз бүгүн сиздерди жыйынтыкталган өлкөбүздүн биринчилигинин ачылыш-футболчусу, “Дордой-Динамонун” ишенген коргоочуларынын бири Азамат Байматов менен тааныштырабыз.
Байматов Азамат Асылбекович 1988-жылдын 3-декабрында Ош шаарында төрөлгөн. Бою – 185 сантиметр, салмагы – 75 килограмм.
“Дордой-Динамонун” курамында Кыргызстандын Көз карандысыздык кубогунун жана АФКнын президентинин кубогунун күмүш медалдарынын ээси, Кыргызстандын чемпиону.
Катар номери – 8.
Спорттогу жана жашоодогу кумири – Дэвид Бекхэм.
Күйөрмандык кылган командасы – “Ювентус” (Италия).
КМЮАнын 3-курсунун студенти.
Бойдок.
Учурда Бишкекте жашайт.
Оштун “Алай” командасынын тарбиялануучусу Азамат футбол менен 10 жашынан баштап алектенет. Жаштар арасында эл аралык жана өлкөбүздө өткөн түрдүү мелдештерге катышып, жеңүүчү аталган. Профессионалдык карьерасын “Алайда” баштаган футболчу мыкты аракеттеринен улам өлкөбүздүн башкы командасынын селекционерлеринин көзүнө түшөт. Футболдун сырларын жашынан эле мыкты машыктыруучулардан үйрөнгөн каарманыбыз жаңы командада тез арада негизги курамдын оюнчусуна айланып, чет элдик легионерлерди запаска отургузуп койду. Быйылкы чемпионаттын жыйынтыгында ал “Жылдын мыкты футболчусу” болууга да талапкерлердин катарында. Командалаштарынан оюндун жүрүшүн мыкты өздөштүрө алуусу менен айырмаланат.
– Азамат, футболчу болуп калышыңа ким себепчи болгон деп эсептейсиң?
– Негизи, мен спортту сүйгөн үй-бүлөдө өсүп-чоңойдум десем болот. Биздин уруубузда, үй-бүлөбүздө футболчу болгон эч ким жок. Бирок, ата-энем спортко өтө жакын адамдар. Алар спорт менен өз алдынча алектенип жүрүшөт. Ал эми “Алайдагы” машыктыруучум Владимир Власичевдин менин спортко, башкача айтканда, футболго келишиме таасири чоң. Анын мага: “Ар бир адамдын Кудай тарабынан берилген таланты болот. Сен футбол ойношуң керек. Анткени, сенин футболго талантың бар”, - дегени мага дем-күч берген. Анын ушул айтканынан кийин өзүмө ишенип, чоң бийиктиктерге жетишүүнү максат кылгам.
– Адатта топтун артынан кубалап жүргөн балдар окуу жагынан аксап калчу эле...
– Бала чагымдан эле прокурор болом дегендиктен, мектепте жакшы окугам. Чынын айтсам, биология, химия, физикага анча кызыкпай, “4” деген баалар аралашып кетчү. Калган сабактарды жалаң “5ке” окучумун. Кийин жогорку окуу жайга тапшырып жатканда сынакта 200 абитуриенттин ичинен 3-орунду ээлегенимде баары таң калышкан.
– Алгачкы жолу оюнга чыккан күнүң эсиңдеби?
– Профессионал футболдогу алгачкы дебютумда 16 жашымда “Алайдын” курамында Кызыл-Кыянын “Шахтёр” командасына каршы оюнга чыккам. Оюнда жарым коргоочу болгонума карабастан, командабызга жеңиш алып келген голду киргизип, оюндун каарманы болгом. Бул оюнга биринчи жолу үй-бүлөмдү чакырган элем. Жакшы ойногонум үчүн эң көп өлчөмдө 900 сом сыйлык алгам. Ошентип, карьерамдагы алгачкы оюн унутулгус башталган.
– Азыр эмне үчүн коргоочу болуп алдың?
– Мен алгач жарым коргоочу болуп баштагам. Быйыл кышында “Дордойго” келип кошулганда башкы машыктыруучу менин жөндөмүмдү байкап, коргоочулук орунга коё баштады. Ошентип, анын көрсөтмөсү боюнча коргоочу болуп калдым. Негизи, баары эле чабуулчу болуп, гол киргизүүнү каалайт. Футболдо коргонуунун мааниси зор деп ойлойм. Анткени, коргонууда мыкты ойноп гол өткөрбөсөң, бул – тең чыгуу дегендик.
– Быйыл “Дордойго” сени менен кошо чет өлкөдөн 9 легионер келип кошулган. АФКнын президентинин кубогунун алдында Сергей Дворянков: “Командада алмаштыргыс бир гана футболчу бар. Ал – Азамат Байматов”, - деген эле. Биринчи эле сезондо кантип негизги курамдын оюнчусуна айлана алдың?
– Мени мындайга талыкпаган эмгек жана өз ишиме чын жүрөктөн берилгендик жеткирди. Мен командага келип кошулганда жаштыгыма карабастан, тырышып машыгып, машыктыруучулардын көрсөтмөлөрүн туура аткарууга аракет кылгам. Бир сөз менен айтканда, жөн гана өз ишимди так аткаргам. Ал эми орусиялык тажрыйбалуу адис болгон башкы машыктыруучубуздун мага болгон жакшы баасы мен үчүн сыймык. Мындай ишенич мени дагы да болсо шыктандырат демекчимин.
– Алдыга койгон кандай максаттарың бар?
– Буюрса, Эл аралык деңгээлге чыгуу тилегим бар. Учурда командабыздын бир катар оюнчуларына орусиялык клубдардын кызыгуусу пайда болуп, кароодо жүргөндүгүбүздөн кабарыбыз бар. Алардын ичинде мен да бармын. Кышында өтө турган Шериктештик кубогун чыдамсыздык менен күтүп жатам. Анткени, ошондо түрдүү клубдардын селекционерлери таланттуу жаш футболчуларды жакындан байкоо мүмкүнчүлүгүнө ээ болушат.
– Азамат, эми сөз аягында жеке жашооң тууралуу кеп кылбасак болбос. Сүйлөшкөн кызың барбы?
– Ооба, жүрөгүмдү ээлеген жакын адамым бар. Аты – Аида. Ал назик, жароокер, ажарлуу кыз жана дайыма мени түшүнүп, колдоп турат.

Даярдаган Базарбек Абдураимов e-mail: sport@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: