Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖАСМИН ЧЫН ЭЛЕ КҮЙӨӨСҮНӨН ТОКМОК ЖЕДИБИ?

№193 14-20-июль, 2006-ж.


СЕНСАЦИЯЛУУ СУУК КАБАР

  • Жасмин өткөн аптада башынан алган оор жаракаты менен үйүнөн Москвадагы ооруканага жеткирилген. Белгилүү ырчынын бети шишип, канталап, көгөрүп, сыйрылган. Ырчы “тез жардамдын” медиктерине өзүн бирөөлөр 2 күн катар токмоктогонун айтып берген. Текшерүүдө ырчыга “баш мээсинен жаракат алып, мурду сынган” деген диагноз коюлган. Медиктер ырчыга алгачкы жардам көр­сөт­көн соң, милицияга кабарлашкан.
  • Милиция Жасминдин күйөөсүнө карата кылмыш ишин козгоду. Себеби, алардын маалыматында ырчыны күйөөсү сабап, өлтүрөм деп коркуткандыгы жазылган. Жасминдин 46 жаштагы бизнесмен күйөөсү Вячеслав Семендуевге эми кылмыш кодексинин бир нече статьясы боюнча жооп берүү­сүнө туура келет. Бирок, Вячеслав жубайынын токмок жегенине эч кандай катышы жоктугун айтууда.
  • Жасмин туугандарына өзүн күйөөсү сабаганын ач­ык айткан. Жасминдин атасынын айтуусуна караганда, кызынын сынган мурдуна пластикалык операция жасатууга туура келет.
  • Эгер жубайлар ажырашууга барышса, анда ажы­рашуу оор өтмөкчү. Анткени, экөө тең болушунча бай адамдардан. Мүлк бө­лүш­түрүү жаңы чатактарга алып келүүсү толук ыктымал.
  • Эскерте кетчү нерсе, атайын изил­дөөгө караганда, 29 жаштагы ырчынын күйөөсү менен жашаган 10 жылы тынчы жок өткөн. Бирок, Жасмин өзүн үлгүлүү аял катары кармап, бардык азабын жүрөгүнүн түпкүрүнө сактап келген. Бул жолу ичине толгон ызадан улам өзүн кармануусуна күчү жеткен эмес окшобойбу.

Эмесе, Жасминдин өткөн турмушуна сарасеп салалы.

ЖАСМИНДИН КҮЙӨӨСҮ МЕНЕН ТААНЫШУУСУ
Вячеслав болочок жубайын алгач ирет көргөндө Жасмин болгону 19 жашта эле. Вячеслав Пятигорскко Жасминдин туугандарынын үйүнө конокко келип, өзүнө жубай издеп жүргөндүгүн айтат. Ошол учурда ал өзүнө эки бала төрөп берген аялы менен ажырашып, бойдок жүргөн кези эле. Жасминдин туугандары ага Жасминдин үйбүлө­сүндө өткөн той тартылган видеокассетаны көрсөтү­шөт. Кассетадан ал Жасминди көрүп жактырып калып, ал менен тааныштырууларын өтүнөт.
Эки күндөн соң Пятигорскко Жасминдин атасы Лев Яковлевич келип калат. Ага туугандары Вячеславдын Жасминге көзү түшүп калгандыгын кабарлашат. Лев Яковлевичке Вячеслав татыктуу күйөө бала бо­ло тургандай сезилет да, макул болот.

ТОЙ
Жасмин күйөө тууралуу укканда каршылык көрсөтөт. Апасы жакында эле кайтыш болуп отургандыктан, күйөөгө тийүү оюна да келген эмес эле. Бирок, туугандары Жасминди макулдатууга жетишишет. Бирок, Жасминдин талабы боюнча той музыкасыз өтөт. Тойдон кийин күйөөсү Жасминди Москвага алып кетет.

КАРЬЕРА
Арадан бир жыл өткөндөн кийин жубайлар уулдуу болушуп, атын Михаил (учурда 9 жашта) коюшат. Жасмин өзүн үйбүлөсүнө арнап, күйөөсүнүн орой мамилесине анча маани деле бере бербейт. Арадан бир топ мезгил өткөндөн кийин Вячеслав жубайын белгилүү ырчы кылып чыгарууну чечет. Ошол менен катар Вячеслав жубайы үчүн Жасмин псевдонимин ойлоп табат. Алгачкы учурда Жасмин күйөөсүнө тиешелүү ресторанда ырдап жүрөт. Анан күйөөсү мыкты композиторлорду, стилисттерди, клип­мей­­керлерди жалдоого өтөт. Ошентип, катардагы дербенттик кыз белгилүү ырчыга айлана баштайт.

ПИКИР КЕЛИШПӨӨЧҮЛҮК
Жасмин канчалык белгилүү болгон сайын күйөөсү аны ошончолук кызгана баштайт. Видеоклип тартылып жаткан жерге капыстан келип, жубайы менен кошо тартылып жаткан актёрго Жасминге жакындабоону талап кылган учурлары көп болгон. Роликтин сюжети үчүн тартылуу керек дегенди угуп да койчу эмес. Мындан сырткары Вячеслав жубайына “интервью бергениңде күйөөң жана уулуң бар экендигин айтпайсың” деп талап койчу.
Жылдар өткөн сайын Вячеслав оңолуунун ордуна үйбүлөсүнө катаал тарта баштайт. Анын жубайына орой мамиле кылганына үйүнө барган ар бир конок күбө болчу.

АЖЫРАШУУ
Жасмин ажырашууга расмий түрдө арыз берүүсүнөн мурда анын юристтерине көп иштерди жасоолоруна туура келүүдө. Анткени, ырчы милицияга берген көрсөтмөсүндө күйөөсү аны күчкө салып, анын “Жасмин” атынан баш тарта тургандыгы жазылган кагазга кол койдуруп алган.

“БУЛ УЯТСЫЗ ЧЫККЫНЧЫЛЫК!”
Ырчынын күйөөсү басылмалардын бирине кайрылган арыз катынан кыскача.

  • «Азыркы болуп жаткандар чегинен ашып кетти. Ошондуктан, мындан ары унчукпай коё албайм. Мен Сарага (Жасмин) 1996-жылы үйлөнгөм. Жасминдин мызыкалык билими бар деп жазылып келгендигине карабастан ал азыркыга чейин бир да нотаны билбейт. Мен клипмейкер Олег Гусев менен сүйлөшүп, Жасминдин 20 клибин тарттырып бергенмин. Музыкант Валерий Демьянов менен да келишимди мен түзгөн элем. Ал менин акчамдын арты менен Жасминдин 6 альбомун чыгарып, Жасминдин телеканалдардан көрсөтүлүүчү концерттерин уюштуруп келди. Мындан башка да Жасмин үчүн кылган иштериме сан жетпейт.
  • Эми болсо менин аброюма доо кетирилип, мен жасабаган күнөөлөр деле мага жабыштырылууда. Мен карьерамды 33 жашымда заводдо жүк ташыгыч болуп баштагам жана өжөрлөн­гөн эмгегимдин артында бардыгына өзүм жетиштим.
  • Бир нече мезгил мурун Жасмин экөөбүз биротоло бөлүнүшкөнүбүздү расмий түрдө жарыялап коёюн.
  • Басылмалар жазган бул “үйбүлөлүк чатак” атайын пландалган иш. Жасминдин максаты ажырашуу менен үй-мүлк­түн жана менин компаниямдын кирешесинин чоң бөлүгүнө ээ болуу.
  • Үйбүлөдө болуп өткөн ошол күнкү окуя түп-тамырынан апыртылып берилген. Буга 7 күбө адамдын далили бар. Биз бекеттен үйгө келе жатканыбызда мамилебиз калыптагыдай болчу. Анткени, мен ага 10 миң долларлык сумка алып койгонумду айткам. Үйгө келген соң Сара түшкү тамак жасоого киришти. Андан соң биздин коноктор менен кошо столго отурду.
  • Мен Жасмин менен жашаган 10 жыл ичинде бир да жолу ага кол көтөргөн эмесмин».

БАШКА МАТЕРИАЛДАРДАН
Жасмин үстүбүздөгү жылдын апрелинде эле күйөөсүнөн кетүүнү пландаган. Ага чейин буюмдарын үйүнөн жашыруун алып чыгып кеткен. Бирок, билинбей чыгып кетүүнү каалабай, “үйбү­лө­лүк” драманы ойлоп тапкан. Саранын тааныштары Вячеславга Саранын атынан коркутуу менен кайрылышкан. Сыягы, бул иш жаатында Саранын артында турган бирөө бар окшобойбу.

АВТОРДОН
“Үйбүлөлүк чатактын” анык күнөөкөрү ырчынын күйөөсүбү же бул атайын пландалган ишпи азырынча так айтуу кыйын. Неси болсо да бул окуянын түйүнү соттун жыйынтыгында белгилүү болмокчу.

Даярдаган Канымжан Усупбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: