Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ГYЛСАРАТ

№315 14-20-ноябрь, 2008-ж.


Режиссёру – Ардак Амиркулов
Сценарийин жазгандар – Эржан Рустамбеков, Эржан Нурмухаммедов
Композитору – Куат Шилдебаев
Оператору – Александр Рубан
Ролдордо: Танабай – Доктурбек Кыдыралиев, Жайдар – Райхан Айткожанова, Бүбүжан – Жанель Махажанова, Чоро – Нурлан Санжар жана башкалар

Чыңгыз Айтматовдун уруксаты менен...

Улутубуздун сыймыгы ардактуу жазуучубуз Чыңгыз Айтматовдун чыгармаларын канча деген режиссёр тасмага түшүргүсү келген. Ирина Поплавскаянын “Жамилясын”, Андрей Кончаловскийдин “Биринчи мугалимин”, Болотбек Шамшиевдин “Ак кемесин” эле эске салыңыз... Булардын катарында орус режиссёру Сергей Урусевскийдин “Гүлсарат” повестине негиздеп тарткан дебюттук иши да бар (орусча аталышы “Бег иноходца”). 1970-жылы тартылган ал тасмада башкы ролдорду Нурмухан Жантурин, Бакен Кыдыкеева, Фарида Шарипова, Капар Алиевдер аткарышкан.
2005-жылы казак режиссёру Бишкекке келип, повесттин автору Чыңгыз Айтматов менен жолугушкан экен. Ошондо жазуучу анын чыгармасынын негизинде тасма тартууга уруксатын жана батасын берген.
Ардак Амиркулов тарткан “Гүлсараттын” жаңы версиясында да эң сонун актёрдук топ чогулган. Башкы ролду биздин мекендешибиз, бир топ жылдан бери Казакстанда иштеп жүргөн актёр Догдурбек Кадыралиев ойноду. Анын жубайы Жайдардын ролунда көп жылдар бою бийчилик өнөрдү аркалаган, Казакстанда эң таанымал жана профессионал актрисалардын бири болгон Райхан Айткожанова. Ал эми Бүбүжандын образын Искусство академиясынын 20 жашар студенти Жанель ачып берген.
Съёмкалар “Казакфильм” киностудиясынын павильондорунда жана Алматыдан бир сааттык жол алыста жайгашкан Узун-Агач айылынын жанындагы Кайназар кыштагында болгон. Биринчи кадрлар 2006-жылдын февралында тартылып баштап, үч жарым айга созулган съёмкалардан кийин тасма монтаждоо этабына өткөн. Монтаж, дубляж, музыкалык коштоо иштери бүткөндө “Гүлсарат” 2008-жылдын сентябрында даяр болгон. Анын бет ачары Евразия кинофестивалынын бешинчи жолкусунда өткөрүлдү.
4-ноябрдан тартып жа­ңы тасманы көрүү мүмкүн­чүлүгү биздин көрүүчүгө тартуу­ланды. Башка чет элдик тасмаларды да көрсөтүп жаткан “Синематика” кинотеатрларына жаш-карысы дебей “Гүлсаратка” келгендердин саны арбын. Учурда фильм Алматы шаарында да коюлууда.
“Гүлсарат” жөнүндө...Ардак АМИРКУЛОВ:
“Тасманы тартып жаткан учурда жыйынтыгы кандай болорун эч билбейсиң. Мен жалгыз гана ички туюмума таянып иштеп жаттым. “Гүлсаратты” тартуу мен үчүн чоң сыймык. Мындай уруксатты жазуучунун өзүнөн алгам. Айтматовдун бул тасманы көрбөй өтүп кеткенине ичим ачышпай койбойт. Бул тасма ага жагат беле же жокпу, сыр бойдон кала берет. Ал эми тасманын өзү тууралуу ашыкча кеп козгоодон алысмын. Мен өз ишимди так жасаганга аракеттенем жана мени менен иштешкендерден да ушуну талап кылам”.
Эржан Рустембеков:
“Киноматографияга тиешелүү өзгөчөлүктөргө байланыштуу жана техникалык себептерден улам тасманын кээ бир көрү­нүштөрүн өзгөртүүгө туура келди. Албетте, чыгарманын түп нускасынан алыстабаганга аракет кылдык. Бирок, кинонун тили башка экен. Андыктан, повесттен четтеген эпизоддор, диалог­дор, жаңы образдар болбой кайгон жок”.
Догдурбек Кыдыралиев:
“Өз кесибим боюнча сүрөт­чүмүн. Кинодогу эң биринчи ролумду “Ак илбирстин тукуму” фильминде Төлөмүш Океев­дин сунушу менен аткаргам. Дал ошол улуу актёр жана режи­ссёрдон алгачкы актёрдук сабактарын алгам. “Гүлсарат” – Чыңгыз Айтматовдун алгачкы жана эң мыкты чыгармаларынын бири. Аны окуучулук кезде окуп, көп нерсесин түшүнбөпмүн. Кийин аскерден келгенде дагы бир сыйра карап чыгып, башка көз караш менен кабыл алдым. Бул киного өзүм 3 жыл бою даярдангам. Атайын тасма үчүн 13 килограммга арыктадым. Ал эми Гүлсарат экөөбүз бат эле тил табышып кеттик. Мен кадимки кыргыз айылында туулуп өскөм. Атам Ысык-Көлдө атагы чыккан мергенчи болгон. Мени ар дайым тоолорго чогуу алып жүрөр эле. Атка мингенди да атам үй­рөткөн. Буга чейин “Гүлсарат” экрандарга чыккан. Андыктан, биздин эмгекти менин аткаруумдагы Танабайды мурункулар менен көп салыштырышат болуш керек...”
Райхан Айткожанова:
“Догдурбек менен бир жолу репетиция кылгандан кийин эле мени ушул ролго дайындашты. Негизи, бул Догдурбек экөөбүз чогуу тартылган үчүнчү тасма. Албетте, мен чыгарманы окугам. Жайдар – абдан татаал образ. Китептеги Жайдарды көрсөтүп берүү – менин негизги максатым эле”.
Кызыктуусу...
Жаратуучулардын айтуусунда, фильмди тартууга 1,5 миллион АКШ доллары сарп­талган.
“Гүлсарат” V Евразия эл аралык кинофестивалынын Гран-Присине, II Ысык-Көл эл аралык кинофестивалынын “Эң мыкты эркектин ролу” номинациясынын байгесине ээ болгон.
Тасмада Гүлсараттын ролун аткарган тулпардын чын аты – Гарпун. Ахалтекиндик породадагы бул атты режиссёр тандап жүрүп Тараздан тапкан. Гарпун табиятынан сулуу, баскан-турганы жарашыктуу, өзү да адамдарга жакын. Кээ бир эпизоддордо аны белгилүү бир кыймыл-аракеттерди жасаттырууга Германиядан келген үйрөтүүчү жардам берген.
Жайдардын ролун аткарган актриса Айтхожаева Казакстан Искусство академиясында сабак берет. Ал эми Бүбүжанды ойногон Жанель – анын окуучусу.
Кино тартуудагы эң чоң кыйынчылыктар жылкылар, койлор менен иштөө болгон. Жайылып кеткен малды кайрадан чогултуу убакытты алып, тартуучу топту бир топ жүдөткөн.
Актёр Догдурбек Кыдыралиевди режиссёр жөн гана “Доха” деп чакырат экен.
“Гүлсаратты” көргөндөр тасма менен китептин айырмачы­лыктарын байкашат чыгар. Мисалы, чыгармада Танабай Гүлсаратты кулун кезинен багып, өстүрөт. Ал эми тасмада башкы каарман Гүлсаратты кунан кезинде биринчи жолу көрөт.
Дагы бир айырмачылык: чыгарманын түп нускасында автор улак тартышты мыкты сүрөттөйт. Улак тартышта казактардын жеңилип калганын чагылдыруудан намыстандыбы, айтор, режиссёр бул көрүнүштү тасмадан такыр алып салган да, жөн гана ат жарыш катары сүрөттөп койгон.

Даярдаган Бегайым Мусакеева


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: