Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БИР ЖОЛУ СТУДЕНТ КЕЗИМДЕ...

№315 14-20-ноябрь, 2008-ж.


Динара Акулова,
ырчы:

– Каракол шаарындагы Ыбырай Туманов атындагы музыкалык окуу жайында студент элем. Октябрда Ак-Суу районундагы айылдардын бирине картошка тергени барып калдык. Ал жактан мен, дагы беш адам ашпозчу болуп алдык. Бир күнү студенттердин баары уктагандан кийин ашпозчулар чогулуп талаадагы чөмөлөнгөн чөптөрдүн ортосун оюп ичине кирип, анекдот айтышып отурганбыз. Бир убакта эле кыйкырык-чуу угулуп, чөмөлөнүн ичи жапжарык боло түштү. Көрсө, биздин жок экенибизди байкап калган студенттер агай-эжейлерге айтып, алар менен кошо фонариктерди күйгүзүп алып издеп чыгышыптыр. Эртеси тартипсиз, начар окуган студенттер чыкчу “Тикенек” гезитине ашпозчулар сүрөтүбүз менен чыгып уят болгонбуз. Ошондо агайлардын алдында уялганыбызды эстесем азыр да жылмайып алам.
1979-83-жылдары Каракол шаарындагы Ыбырай Туманов атындагы музыкалык окуу жайын, 1983-88-жылдары Бүбүсара Бейшеналиева атындагы искусство институтун аяктаган.

Кылычбек Султанов,
ЭлТР коомдук телеканалынын башкы директорунун орун басары:

– Студенттик күндөрүмдө өзгөчө эсимде калганы окууга тапшыруу үчүн Бишкекке жаңы келгеним болду. Айылдагылардын жазып берген кагазы боюнча “гармошка” узун автобуска түшүп Аламүдүн-1 кичирайонуна жөнөдүм. Арткы эшиктен киргендиктен, талон сатып алуу үчүн элдин бутун тепсеп жатып араң айдоочуга жетип, 10 рубль берсем ал бирдеме деп сүйлөнүп, 200 талон берди. Байкасам, башкалар өздөрү келбей эле тыйындарын бири-биринен берип жиберип талон алып жатышыптыр. 1 талон 5 тыйын экенин, “мынча рублга талон бериңиз” деп айтыш керектигин кийин билдим. Бир топко жашачу акчага 200 талон алганыма азыр да күлкүм келет.
1990-94-жылдары борбордогу Политехникалык техникумунда, андан кийин КЭУда, Арабаев атындагы университетинде билим алган.

Азимбек Бекназаров,
коомдук ишмер:

– Улуттук университеттин юридикалык факультетинде 1-курста окуп жүргөн кезим. Эжейибиз: “Ким айылда чалгы менен чөп чаап жүрчү эле? Ордуңардан тургула”,- деп калды. Он балага кошулуп мен да ордумдан турдум. Бизди “Ысык-Көл” мейманканасынын айланасындагы чөптөрдү чабууга жөнөтүштү. Эжейибиз өзү берген сабактан “чөп чапканыңар үчүн” деп баарыбызга төрт коюптур. Мен эжейге: “Эки балам бар. Сабактарымды «5ке» тапшырып, жогорку стипендияга жетейин дегем. Төртүңүздү албайм”,- дедим. Экөөбүз ал жерден уруша кеттик. Ал мага: “Мырк, төрткө ыраазы боло бербейсиңби!”- деп кыйкырды. Арданып кетип мен: “Өзүң деле көлдөн келген мыркасың!”- деп салдым. Ал бүтүндөй биздин факультеттин студенттерин чогултуп, “бул баланы кетириш керек. Мени мырка деди” деп ыйлап кирди. Ошентип, атайын мен үчүн комиссия түзүлүп, төртүмдү үч сааттын ичинде «бешке» жойгом. Курсташтарыма азыр жолуксам, ошол окуяны кеп кылып күлүп калышат.
1986-91-жылдары Улуттук университеттин юридикалык факультетин бүтүргөн.

Аликбек Жекшенкулов,
“Акыйкат үчүн” кыймылынын координатору:

– Украинадагы айыл-чарба академиясынын 2-курсуна келгенимде каражат жетпей катуу кыйналдым. Атам ооруп, бир үйдө жалгыз апам иштеп калды. Мен студент. Менден кийинки карындашым, эки иним мектепте окушат. Украинадан Фрунзеге келгенимде туугандарды кыдырып окууга деп бир аз акча чогултуп кеттим. Жатаканада төрт бала жашачубуз. Барган күндүн эртеси сабактан келип шымымды карасам, баягы туугандардан чогулткан акчам жок. Чогуу жашаган балдар менен “акчамды таап бергиле!” деп мушташканга чейин бардым. Алар акчамды кайрымак түгүл моюндарына да алышкан жок. Үйдөгүлөрдүн менсиз эле кыйналып жаткандарын билип, аларга телефон чалган жокмун. Ошентип, бир жума крандан суу ичип жан бактым. Андан кийин вагондон жүк ташып акча тапканды үйрөнүп алып тыңыраак жашай баштадым. Ойлоп көрсөм, ошол окуядан бери эч кимге жүк болбой, өз арабамды өзүм тартууга үйрөнүптүрмүн.
1975-1980-жылдары Украинадагы Айыл-чарба академиясында окуган.

Лунара Мамытова,
телеалпаруучу:

– Мен ОшМУнун тарых факультетин бүтүргөм. Кээ­де айрым сабактар болбой калат эмеспи. Ошондо группалаштар чогулуп бири-бирибизге буйрук бермей ойночубуз. “Баланча агай чачын кайсы шампунь менен жууйт экен? билип кел. Тигил эжей жеп аткан алманы сурап алып кел!” деген сыяктуу буйруктарыбыз бар эле. Бир жолу курбу кызым экөөбүз бир балага “университеттин кире беришинде он жолу «оджимание» жаса” деп буйрук бердик. Университетте жакшы окуган студент болгондуктан, тигил баланы баары таанышчу. Ошого карабай элдин баарын каратып университеттин кире беришинде он жолу «оджимание» жасаганы эсимде.
2000-2005-жылдары ОшМУнун тарых факультетин аяктап, ошол эле жылы юридика факультетине тапшырган. Быйыл акыркы курсунда окуп жатат.

Борончу Кудайбергенов,
куудул:

– Чаектеги кесиптик-техни­калык окуу жайында окуп жүргөн кезим. Бир жолу эртең менен милиция ай-буйга келбей эле мени машинага салып кетти. Баргандан кийин “өтүктү кайда каттыңар, пальтонучу?!” деп кыйнай баштады. “Кайдагыны айтып жатасыңар? Мен эч нерсе билбейм” десем, “өлүмүш болбочу” деп сабап киришти. Аңгыча мени менен чогуу окуган бала кирип келип “ушул-ушул” деп чыгып кетти. Анда деле түшүнбөйм. Көрсө, менин группалаштарым түн ичинде уурулукка киришиптир. Анан анын бирөө милицияга кармалып калат. “Жаныңда ким бар эле?” десе, окуу жайдын “белгилүүсү” деп мени кыпчый кетиптир. Мен актыгымды үч күн таяк жеп көгала болуп жатып араң далилдегем.
1984-86-жылдары Чаектеги №26 кесиптик техникалык орто окуу жайында окуган. 2003-жылы Жеке ишкерлерди өнүктүрүү институтуна тапшырган. Быйыл ал окуу жайдын бүтүрүүчүсү.

Элмара Турсуналиева,
ди-джей:

– Бир жолу “Россия” кинотеат­рына жаңы кино коюлуп, курбу кызым Марина экөөбүз баралы деп аябай ээлигип алдык. Бирок, чөнтөктө бир тыйыныбыз жок. Марина чач кыркканды билгендиктен, бир кызды бир күн кечке алдап-соолап жатып көндүрүп кечинде үйүнө барып чачын кыркып бермей болдук. “Киного аз калды” деп шашып жатып кырккан акысын албай театрга келе бериптирбиз. Акчабызды унутуп калганыбызды билип, экөөбүз тең ыйлай албай же күлө албай жаман болгонбуз.
1990-94-жылдары Политехникалык техникумду, 1994-98-жылдары КУУну аяктаган.

Айбек Карымов,
ырчы:

– Мектепти бүткөндөн кийин Таш-Көмүр шаарындагы №5 кесиптик окуу жайына кирип окуп калдым. Сабактын баары орус тилинде, жадакалса сабак берген мугалимдер да орус. Же мен кыйратып орусча билбейм. Тартип абдан катуу болгондуктан, студенттер эмес, мугалимдер да тамекини ачык чегишчү эмес. Бир жолу студенттер тамеки тартканы окуу жайдан алыс кеттик. Жаңы эле тамекини күйгүзүп оозума саларда орус агай алдымдан чыгып: “Карымов, что куришь?”- деп калды. Мен коркконумдан күйүп жаткан тамекини чөнтөгүмө сала коюп: “Кто куриш? Я ни куриш! Я вабше не куриш!”- деп кыйкырдым. Агай мени “колу же чөнтөгү күйүп кетпесин” деп аяды окшойт. Мага колун зекий басып кетти. Жанымдагылар болсо ал кетери менен ыкшып эле жатып калышты. Бул окуя­ны эстесем азыр да күлкүм келет.
1986-87-жылдары Таш-Көмүр­дөгү №5 кесиптик окуу жайында, 1990-93-жылдары Жалал-Абад шаарындагы Барпы Алыкулов атындагы маданият техникумунда окуган.

Нурдөөлөт Копоев,
актёр:

– Москвадагы Щепкин атындагы театралдык окуу жайда окуп жүрөбүз. Акча-тыйын тартыш. Акча тартыш болсо тамак-аш да тартыш болот эмеспи. Бир жолу бөлмөдө жашагандар кичинеден акча чогултуп чүчпара сатып алып бышырдык. Бышкан тамакты 2-кабаттан 4-кабатка көтөрүп баратып мискейди тоголотуп алсам болобу! “Төгүп алдым” деп барсам балдар урушат. Ошол үчүн колумдун күйгөнүнөн карабай жердеги чүчпараны бирден терип кайра мискейге салып, суудан куюп, туздан салып койдум. Балдардын баары “даамдуу болуптур” деп ичип жатышса, ачкалыктан чыдабай мен да ичип алгам.
1997-2000-жылдары Москвадагы Щепкин атындагы театралдык окуу жайын аяктаган.

Даярдаган Сүйүн Кулматова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: