Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАГДЫР ОЮНУ

№465 30-сентябрь - 6-октябрь, 2011-жыл


(Башы өткөн сандарыбызда)

Азиретти өздөрүнүн квартирасына алып барды Бегимай. Адатта аны чет элден келген жарандарга батирге беришчү. Бир топ убакыттан бери бош турган. Азирет ачык адам экен. Кыздар менен кичинесинен бери бирге өскөндөй тез эле аралашып кетти. Келип жайгашып, чай-пай ичип отурушту.
– Сен кыргызча жакшы сүйлөйт экенсиң. Кичинеңден бери ошол жакта өскөнсүңбү?- деди Алина.
– Жок, апамдын айтуусунда, биз бир топ жылдар Түркияда жашаган экенбиз. Кийин Шах-Алам шаарына көчүп келиппиз. Апам – мыкты врач. Кесибинин аркасынан түшүп, жер кезип жүрө бермей адаты. А экөөбүз үйдө дайыма кыргыз тилинде сүйлөшөбүз. Балким, мени кичинесинен өз тилин билип чоңойсун деген далалаты болсо керек. Бегимай, сен эмне сүйлөбөйсүң?..-деди Азирет үнсүз угуп отурган Бегимайга.
– Кечирип койгула, мен өзүмдү жаман сезип турам,- деген Бегимай сумкасын ала салып сыртка жөнөдү.
– Бема!
– Мына ачкыч, Алина, сен конокту жакшы жайгаштырып, биздин шаар менен тааныштыра бересиң, ээ? Мен чындап кетишим керек болуп калды,- деген Бегимай ачкычын столго коё салып сыртка жөнөдү.
Чындап чыдай албайт эле мындан ары... Аскаттын кебин кийген адам маңдайына келип, бирок анын үнү менен эмес, анын кыялы, мүнөзү менен эмес, башка адам болуп келип алдында турганына... “Эмнеден үмүт кылдым? Эмне үчүн мынчалык окшоштук бар? Окшош, бирок ошол эле учурда таптакыр эки башка адам!” Колдору рулга карышып бара жатты.
Азиреттин келишинен тынчтыкты издеген эле. Кайдан? Жараатын бирөө чукуп жаткансып кыйналып турду. Бегимай канчалык кыйналса да, ата-энесине билдирбеген жагы бар эле. Бирок эненин кыраакы көзү кызынын абалын рентген сыяктуу эле билип жатты. Бул жолу кызынын көңүлүнө карабай катуу айтты. Чындап жини келди окшойт.
– Аскатты мен өз уулумдай жакшы көрчүмүн. Бирок ар нерсенин чеги болот. Ал кезде катуу айта албагам. Анткени жараң өтө эле ачык болуп турган. Эми өзүнө келип калды деп жүрсөм... Дагы эмне башталды?! Өңүңдү карачы, чүнчүп, арыктап кеттиң. Болду, жок дегенде бизди ойло!
– Апа, өлгөн адам тирилип келиши мүмкүнбү?- деди алсыз үн менен.
– Эмне деп жатасың?
Бегимай апасына болуп өткөн окуяны айтып берди. Эч нерсени жашырган жок. Азирет менен кокусунан таанышып калганын, анын Аскатка таң каларлык окшоштугун да айтты. Апасы таң калды. Кеңешип отуруп, Азиретти конокко чакырмай болушту.

ххх

Биздин каарман Азирет ким? Кайдан пайда болгон жан? Адамда эң бир жакшы сапат бар дешет. Ал – тагдырдын кандай соккусу болсо да туруштук берүү. Кандай абал болсо да ууртунан жылмаюу менен тосуп алуу. Азирет ушундай жигит эле. Дүйнөнү тамаша менен кабыл алып, тамаша менен жашаган шайыр, тынып-тынчыбаган энергиялуу жана акылы курч жигит болчу. Ошону менен бирге эле анда Аскаттагы мээримдүүлүк, токтоолук жок эле. Эгерде экөөнү сууга салыштырсак, Аскат мөлтүрөп тунуп турган, жан аттуунун баарына пайда алып келген, ичсең суусунуңду кандырган таза булак болсо, Азирет тентек, бейтынч, тыным албай шар аккан суу эле. Сырт келбети, жүзү укмуштай окшош болгон экөөнүн ушунчалык айырмасы бар болчу. Бегимайдын да биринчи көзүнө урунган нерсе ушул болду. Аскат жан дүйнөсү тынч, жайлуу мекен болсо, Азиреттин жанында туруу жалбырттаган өрткө кол тийгизүү менен барабар эле. Тигилгенде эле бейтынч, ойноктогон каректерге урунуп, өзүн кандай алып жүрүүсүн, эмне деп сүйлөөрүн билбей апкаарып жатты. Ал эми Азирет... Кучагына Бегимай келип урунуп “Аскат” деп шыбырап, өзүнөн паана издегенде эле жүрөгү солк эткен.
А бирок түнт, ойлуу Бегимайдан көрө шайыр, күлкүлүү Алина менен жүрүү ага ыңгайлуу болчу. Ошентип, Бегимайдын чакыруусу менен алардын босогосун аттап турган кези.
– Саламатсызбы?- деп кирип келген Азиретти көргөндө Бегимайдын апасы чочуп кетти. “Оо, Жараткан” деп алды көздөрү алайып. Азиретке мындай реакция тааныш болгондой жылмаюусунан жазбай, кашын чимирип тура берди.
– Кир, үйгө кир, эмне босогодо туруп калдың?- деген Бегимайга шоктоно тигилип алды.
– Кийинки кездерде мени көрүп эстен танган адамдар мага жаңылык болбой калды,- деп койду тамаша-чыны аралаш.
Тамак ичип отурушканда да, чай алынып келгенде да ыңгайсыз жымжырттык өкүм сүрө берди.
Апасы чыгып кеткен соң Бегимай акырын сөз баштады.
– Кечирип кой. Сени ыңгайсыз абалда калтырып жатабыз. Бирок...
– Көнүп калдым. Бирок ошол окшошумдун сүрөтүн же өзүн көрсөм болот эле. Эми, албетте, өзү менен таанышканга жетишпей калыпмын. Бирок сүрөттөрүн көрсөм болобу?..
– Албетте.
Экөө Бегимайдын бөлмөсүнө кирди.
Дубалда чоңойтулган сүрөт. Рамкадагы сүрөттөр өтө көп эле. Азирет Бегимай экөө түшкөн сүрөттү алып, көпкө тигилди.
– Кызык, бул сүрөттү апам көрсө, мен деп ойлошу мүмкүн, ээ?
– Ким билет?..- деди Бегимай ойлуу.
– Аскаттын атасы бар деп айттың эле. Мен ал адам менен жолуксам болобу?
– Билбейм, Азирет, иштин жайын өзүм түшүнбөй туруп ал кишиге сени ээрчитип барыштан коркуп турам. Жүрөгү да ооруйт. Бекер үмүткөр кылгым келбейт. Билесиңби, үмүт кылган өтө жаман. Аскаттын өмүрдөн өтүп кетишине эки жыл өтсө да ишене албай жүрөбүз.
– Мен кызык адаммын. Мени бир нерсе кызыктырса, ээрчитсе, кете берем. Апам экөөбүздүн ушул жагыбыз окшош болсо керек. Кыргызстанга келгенимдин себеби да ошол кызыкдарлык оорум. Бул жолу мен туура эмес кылган окшойм.
Бегимай башын көтөрө албай отура берди. Башын көтөрсө эле Азиреттин шоктонгон көз карашына кабылып каларын ойлоду. Өзүн ыңгайсыз сезип турду.
Аңгыча Азиреттин телефону шыңгырап калды. Экөө тең ким экенин сезишти.
– Суранам, Алинага бул жакка келгениңди айтпа,- деди Бегимай.
Түшүндүм дегендей башын ийкеген Азирет аны менен көңүлдүү сүйлөшүп кетти.
– Алина, мен шаар аралап жүрөм. Кайдасың дейсиңби, өзүм да билбейм, кайсы көчөдө экенимди. Жок, адашпайм. Адашсам дароо сага чалам. Мейли, көрүшкөнчө...- деп телефонду коюп, Бегимайды колдон алды.
– Кеттик.
– Кайда?
– Шаар кыдырып келебиз. Мага гид болосуң. Баса, менин бир шартым бар. Менин жанымда түнт, күлбөгөн адам болсо, жүдөп кетем. Андыктан...
Колдон тарта сыртка сүйрөп жөнөгөн Азиреттен колун тартып алган Бегимай күнөөлүү үн катты.
– Азирет, мен бара албайм. Мен сага гид да боло албайм. Алина мындайга шыктуу. Анын үстүнө мен ойлонушум керек. А балким, чындап Аскар байке менен сени тааныштырыш керек болуп жүрбөсүн?..
Шаабайы сууй түшкөнүн билгизбей Азирет күлүңдөй берди.
– Макул, сулуу кыз. Бирок экинчи жолу колумдан чыгып кетем деп ойлобо...
Эшик шарт жабылды. Шалдайган Бегимай аркасынан узата тигилип туруп калды. Чындап бул адамда эмне деген күч бар? Бөлмө Азирет менен шаңга бөлөнүп тургандай ал кетери менен томсоро түштү. Терезеге тигиле эркин кадам таштаган Азиреттин карааны узап кеткиче карап турду да, Аскаттын сүрөтүнө көзү түштү.
– Таарына түштүңбү, жаңылышасың, сенин ордуңду ээлей турган адам болбосо керек. Ал тургай сага тамчы суудай окшош Азирет да ээлей албайт. Кабатыр болбо. Мойнума алам, башкача адам. Бирок мен үчүн эмес.

ххх

Аскар үйүнө кирип келе жатып, Бегимайдын машинасын тааный койду. Дароо айдоочусуна кол жаңсай токтотуп, Бегимайга кадам шилтеди.
– Кызым, сен кайдан?
– Саламатсызбы?
– Жакшы, бу сен биз жакка көп кайрылчу болдуң. Тынч элеби?
Бегимай аргасыз күлүп алды. Оюна Аскардын өзүн алыс бол деп жатканы, ар дайым бир нерседен коопсунуп турганы түштү. Атасындай жылуу мамиле жасаган бул адамды ого бетер сыйлап, жакшы көрүп алды.
– Мен сизди жөн эле көргүм келип... Балким, бир жерге барып тамактанабыз. Анын үстүнө бир топ иштер боюнча кеңешейин дедим эле.
– Мейли, азыр мен үйгө кирип чыгайын.
Аскар үйүнө кирип, кайра чыкканча Бегимай тийиштүү жерге телефон чалып койгонго үлгүрдү.
– Бардыгы менин сүйлөшүүмө көз каранды. Эгерде иш оң жагына айланбаса, акырын билгизбей кете бересиңер...
– Эми кайда дейсиң? Бүгүн эрк сенде.
Эки колун жая тамашалуу күлгөн Аскардын көздөрүн кимдир бирөөгө окшотуп жиберди. "Оо, Жараткан! Азиретти кимге окшоштуруп жатам десем, Аскар агайга окшош экен го". Ошол замат Аскардын сөздөрү эсине түштү. "Мага сырткы келбети гана окшош, ал эми Аскаттын кулк-мүнөзү энесине окшош" деген эле.

(Уландысы кийинки саныбызда)

Жолдошбек Кудайбергенов



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Башка сандарда:
Комментарийлер(19)
03.10.2011. 09:52 
Тайпасы:
Жаран
Комментарийлердин саны:
36
Катталган:
14-06-2011
Соӊку аракети:
29-03-2018 09:49
Жынысы:
Белгисиз
Калаасы:
Жер шаары
0
чындап эле Аскат менен Азирет эгизби?чындап эле Аскат менен Азирет эгизби?Аскар байкеси эмнени сыр туткан?Балким......
03.10.2011. 10:22 
Тайпасы:
Жаран
Комментарийлердин саны:
157
Катталган:
20-11-2010
Соӊку аракети:
18-11-2018 12:59
Жынысы:
Белгисиз
Калаасы:
Жалал-Абад
0
Эми эмне болор экен?!
03.10.2011. 11:38 
Тайпасы:
Кыймылы жок
Комментарийлердин саны:
3
Катталган:
17-09-2011
Соӊку аракети:
12-09-2012 11:22
Жынысы:
Белгисиз
Калаасы:
Жалалабад
0
ууфф дагы бир жума кутуш керек китеби бар бекен,эми эмне болот.
03.10.2011. 13:11 
Тайпасы:
Жаран
Комментарийлердин саны:
27
Катталган:
17-09-2011
Соӊку аракети:
01-11-2018 17:23
Жынысы:
Белгисиз
Калаасы:
Ош шаары
0
Азиреттин апасы врач болсо, демек роддомдон эле уурдап алса керек эгиздин бироосун. Ошого башка мамлекеттерде иштеп журот окшойт.
Деги табышмагы кобойуп жатат...
03.10.2011. 14:13 
Тайпасы:
Жаран
Комментарийлердин саны:
11
Катталган:
27-03-2011
Соӊку аракети:
19-11-2018 00:08
Жынысы:
Белгисиз
0
Ushunu menen chehilet beken bul tabyshmak?
03.10.2011. 14:15 
Тайпасы:
Жаран
Комментарийлердин саны:
49
Катталган:
27-09-2011
Соӊку аракети:
19-11-2018 11:30
Жынысы:
Белгисиз
Калаасы:
Биш))
0
Кыш сонатасы деген корейский кино кордунор беле? сюжети куюп койгондой окшош экен!!!!Ал кинодо бала чын эле Аскат болуп чыгат. Авариядан частичное потерия сознаний болуп, мурунку жашоосун унутуп коет. Кийин апасы баарын айтып берип,Аскат Бема экоо бактылуу жашап калат(кыска мааниси). Деги эле эки суйушкон адамды кудайым эч качан айрыбасынчы.
03.10.2011. 14:54 
Тайпасы:
Жаран
Комментарийлердин саны:
76
Катталган:
14-03-2009
Соӊку аракети:
19-11-2018 11:41
Жынысы:
Белгисиз
0
урматуу, корей киносуна жакындыгы жок. Анда экоо бир адам болуп чыгат эмеспи. Мында Азирет башка адам Аскат башка адам болуп жатпайбы.
03.10.2011. 18:15 
Тайпасы:
Жаран
Комментарийлердин саны:
269
Катталган:
06-09-2010
Соӊку аракети:
04-10-2018 23:46
Жынысы:
Белгисиз
Калаасы:
Italia,Sardegnia.
0
Aiagi kizik bolup butso eken "Aidai"degen chigarmadai bolboi.
03.10.2011. 19:20 
Тайпасы:
Жаран
Комментарийлердин саны:
54
Катталган:
19-01-2011
Соӊку аракети:
19-11-2018 11:12
Жынысы:
Белгисиз
Калаасы:
Казань
0
оо кудай мен жинди болгону калдым..тезирээк бутсо экен...
03.10.2011. 20:34 
Тайпасы:
Кыймылы жок
Комментарийлердин саны:
46
Катталган:
25-09-2011
Соӊку аракети:
04-08-2014 13:23
Жынысы:
Белгисиз
0
менде китеби бар егиз емес уурдап алганю
04.10.2011. 04:22 
Тайпасы:
Жаран
Комментарийлердин саны:
506
Катталган:
06-12-2009
Соӊку аракети:
12-11-2018 20:43
Жынысы:
Белгисиз
Калаасы:
Kg-Ош
0
ergazy.kgz, Кандай болот кыскача жызып берчи окуп коелу.
04.10.2011. 09:05 
Тайпасы:
Жаран
Комментарийлердин саны:
158
Катталган:
16-08-2010
Соӊку аракети:
07-02-2018 16:38
Жынысы:
Белгисиз
Калаасы:
Бишкек
0
Чыдамсыздык менен кутобуз...............
04.10.2011. 09:53 
Тайпасы:
Кыймылы жок
Комментарийлердин саны:
5
Катталган:
11-07-2011
Соӊку аракети:
28-11-2011 15:33
Жынысы:
Белгисиз
0
Качанга чейин ушинтип суйройсунор адамдарды! баарын бир жаз
04.10.2011. 12:10 
Тайпасы:
Кыймылы жок
Комментарийлердин саны:
13
Катталган:
12-08-2011
Соӊку аракети:
12-03-2012 15:16
Жынысы:
Белгисиз
0
кообурооок жазгылачы ,Супер-инфо.
05.10.2011. 05:41 
Тайпасы:
Кыймылы жок
Комментарийлердин саны:
160
Катталган:
21-06-2011
Соӊку аракети:
17-04-2016 03:07
Жынысы:
Белгисиз
0
Hahahahahah kittepti ushundai jazysh kerek da sonun bolup atat mliiin
05.10.2011. 22:12 
Тайпасы:
Кыймылы жок
Комментарийлердин саны:
66
Катталган:
03-10-2010
Соӊку аракети:
18-02-2012 21:25
Жынысы:
Белгисиз
Калаасы:
kyrgyzstan,germania
0
adamdy kyinap jiberdiner koburookjasgylachy suranycg!!!!!!!!!!!!!!!!!!!!!
07.10.2011. 19:31 
Тайпасы:
Тартип бузгандар
Комментарийлердин саны:
174
Катталган:
29-01-2011
Соӊку аракети:
15-01-2015 13:41
Жынысы:
Белгисиз
Калаасы:
Бул жалган дуйнодо
0
Энесинин карьерасы себеп болуп эки баланы болуп алып эки жолдо басып кеттиби же Аскар байлык артынан ээрчип кримчойрого аралашканы себеп болдубу
08.10.2011. 14:57 
Тайпасы:
Жаран
Комментарийлердин саны:
33
Катталган:
03-03-2009
Соӊку аракети:
30-10-2018 17:28
Жынысы:
Белгисиз
Калаасы:
Кыргызстан
0
как жаль, что я текст не понял полностью(
14.10.2011. 23:07 
Тайпасы:
Кыймылы жок
Комментарийлердин саны:
9
Катталган:
02-08-2011
Соӊку аракети:
11-12-2011 19:56
Жынысы:
Белгисиз
Калаасы:
Бишкек
0
улам кызыктуу болуп бара жатат. Менин оюмча Азирет менен Аскат бир тууган болуш керек.Атасы апасы ажырашып кеткенде эки баласын болуп алышкан го. Королучу аягы кандай болоорун.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: