Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Алмамбет Анапияев: «МЕН БАНДИТ ЭМЕС, БОЛГОНУ, КАМЧЫНЫН ЖАКЫН ДОСУМУН»

№465 30-сентябрь - 6-октябрь, 2011-жыл


Алмамбет Анапияев деген ысым соңку күндөрү көңүл борборунда эмеспи. Журналист Жанар Акаев “ошо киши менен учурда анын дарегине айтылып жаткан айыптар, Жаныш Бакиев, маркум Баяман тууралуу маек курсам чыгарасыңарбы?” деп кайрылды. Кылмыштуу чөйрөнүн популярдуулугун арттыруу максатында эмес, ушул күндөрү Интерполдун издөөсүндө жүргөн Алмамбет мырза учурда айтылбай жаткан кайсы иштерди ачыктайт болду экен деген кызыгуу менен маекке орун бердик.

– Алмамбет мырза, Кыргызстандын Ички иштер министрлиги сиздин Араб Эмиратында кармалганыңызды жарыя кылып, Кыргызстанга алып келүү аракети болуп жатканын айткан. Бирок сизди Дубайда ээн-эркин эле жүргөнүңүздү көргөндөр көп экен, бул кандайча?
– Мен бул жакта кылмыш кылбасам, эмне үчүн түрмөдө отурушум керек? Сиз байкагандай, ээн-эркин эле жүрөм, түрмөнү эч бир адамга, душманыма, жыландын баласына да каалабайм. Болор-болбос бир нерсе болсо эле кылмыштуу дүйнө деп бизге жаба салган туура эмес. Бизди Дубайдын полициясы кармаганы чын, паспортту текшергенде Интерполдо издөөдө болуп чыктым. Бирок жашап жаткан аймакта кылмыш кылдыбы деп изилдешти. Кылмыш кылган жокпуз да, аныктай албай кайра коё беришти. Азыр, Кудайга шүгүр, баары жакшы. Кыргызстанда телеканалдар, гезиттерден мени курулай доомат менен жамандап жатышыптыр, элдин башын айлантып. Баса белгилеп коёюн – мен кылмышкер эмесмин! Кыргызстанда ким кылмышкер экенин элдин баары жакшы түшүнүп калды. Кимдер курал сатып, элибиз кыйналып турганда кимдер контрабанда менен алек болуп жатат, ГСМди кандай жол менен башка өлкөгө ташышты элдин баары аларды билет. Өздөрү элдин мүлкүн талагандар бизди кылмышкер деп күнөөлөбөй эле коюшсун.
– “Алмамбет Анапияев – Жаныш Бакиевдин баш кесери” деген сөздөр айтылды. Буга эмне дейсиз?
– Мени Жаныш Бакиевге жакын деп айткандардын баары өздөрү Жаныштын кишилери. Мен Жаныштын адамы болсом, анда качан депутат же губернатор болуп, же бир министрликте иштемекмин да. Баяман Эркинбаев атып өлтүрүлгөндөн кийин бизге катуу кысым кылышты. Мен Казакстанда, Германияда качып жүрүп кайра өз мекениме келсем, «Жаныш чакырып жатат» деп калышты. Жолугуштук. «Баямандын байлыгын, кимдер менен байланышы барын билесиңби?» деп мени кысымга ала баштады. «Анын байлыгын билгендей, байлыгын таштап кеткидей мен анын тууганы да, эсепчиси да эмесмин» дедим. Мени өздөрүнө тартайын деген ою ишке ашкан жок, анан мага катуу эскертүү берди. «Унчукпай, жолуң менен жакшы жүргүн, болбосо, таарынба!» деди. Баямандын спорт залын Марат Бакиевге өткөрөбүз деп талашышты. Менин жолум алар менен бирге эмес болчу. Мен анын тоюнда, юбилейинде белек көтөрүп жүргөн жерим жок. Кийин Алыш-бел боо федерациясы боюнча Азия чемпионатын өткөрөйүн, кыргыздын атын дал ушул күрөш менен чыгарайын деп ошол кездеги Спорт министри Бектур Асановго кирсем, ал “мунун баары Жаныш Бакиев аркылуу чечилет” деди. Жаныш менен дагы жолуктум. Ал мага чемпионатты өткөрүүгө уруксат бербей койду. Анан мени кайдан эле Жаныш Бакиевге жакындата беришет?! Жанышка белек берип, керек болсо өмүрүмдү берем дегендер депутат, министр болуп алып, анан ушинтип сөз чыгарышат. Саясатчылар ушундай болот экен. Сиз менен отурганда бир нерсени сүйлөйт, эшикке чыккандан кийин 90 градуска бурулуп башка нерсени сүйлөйт. Менин мүнөзүм башкача, бирөөнүн алдында отчёт берип, жалган сүйлөп, актанбайм. Кудайдан башка эч кимден коркпойм. Менде жигиттик принцип деген бар. Жигит – калп айтып, эки сүйлөбөшү керек. Азыр Кыргызстанды башкарып жаткандардын баары 2005-жылы 24-мартта дал ошол Бакиевдер менен жетелешип келишкен. Бүгүн эле баары сүттөн ак, суудан тунук болуп чыга келишти да, кылмыштын баарын Анапияев менен Көлбаевге шылтап жатышат. Кылмыштуу дүйнөгө тиешем жок, учурда Алыш-бел боо эл аралык федерациясын башкарам. Бул – кыргыздын ата-бабадан калган улуттук оюну. 2010-жылы Астана шаарында федерациянын президенти болуп шайлангам. Элдин башын айлантып, мен жөнүндө ар кандай сөздөрдү чыгарышпасын.
– “Анапияевдин кылмыштуу тобу Медет Садыркуловдун өлүмүнө катышкан, Жаныш Бакиевдин буйругун аткарышкан” деген айып тагылды го?
– Мен дагы интернет, гезиттерден окуп жатам. 2010-жылы «Агым» гезитине жазып чыгышкан, “Садыркуловду өлтүргөн киши табылды, бул – Алмамбет Анапияев” деп. Кудайдын астында ак болгондон кийин мен гезиттерге барып, маек берип актанган жокмун. Мына азыр чындык чыкты, өлтүргөндөр билинди, анын баары укук коргоо органдарынан болуп чыкты. Ошол эле УКМКнын, ИИМдин, Мамлекеттик күзөт кызматынын балдары экендиги аныкталбадыбы. Булар башында “Анапияев өлтүргөн” деп менин атымды атап алып, кайра актана алышпай, “Алмамбет эмес, анын балдары өрттөп салган экен” деп чыгышты. Өлтүргөндөрдүн аттарын атап, анан өрттөп койгон Алмамбеттин балдары деп кайдагы бир жомокту ойлоп табышыптыр. Угуп алып абдан таң калдым. Эгер Жаныш ошончо генералдар менен, ошончо укук коргоо органдарынын адамдары менен Садыркуловду өлтүрсө, менин буга эмне тиешем бар? Ноокаттык Өмүрбек Осмонов деген баланы менин балам деп жүрүшөт. Ал баланы мен дегеле көргөн эмесмин. Анан Илгиз, Бакыт деген бала деп айтышыптыр. Ооба, алар менин спорт залымда машыгып жүргөн балдар. Нарын ашуусунда жол кырсыгында каза болуп калышкан, эми ошол каза болгон балдарды айтып жатышат. Өлгөн адамга баарын шылтап коюу оңой да. Азыр ушундай жолго барышууда. Оозу кыйшык болсо да, байдын уулу сүйлөсүн болуп, ММКнын баары алардын колунда, мени болушунча каралап жатышат. Элге жөн жерден жаман көрсөтүп жатышат. Биротоло эми Ленинди да Алмамбет өлтүргөн деп мага шылтап коюшсун, ошол эле калды. Мен беш убак намаз окуган, спорт менен машыккан кыргыздын жигитимин. Садыркуловдун өлүмүнө таптакыр тиешем жок, ал бир-эки кишинин ойлоп тапканы. Кимдер экенин билем. Аттарын айтпай эле коёюн.
– “Алмамбет Анапияев кылмыштуу топтун лидери, түштүктүн “смотрящийи” деп айтылат. Сиз айткандай, кылмыштуу иштерге таптакыр тиешеңиз жок болсо, мындай сөздөр жаралбайт болчу да?..
– Дагы кайталап коёюн, кылмыштуу топтун лидери болгудай мен “вор в законе” эмесмин. “Смотрящий”, “положенец” да эмесмин. Мен, болгону, Камчы Көлбаевдин жакын досумун. Камчы Көлбаевдин досу болсоң же тууганы болсоң эле кылмыштуу дүйнөнүн өкүлү болуп каласың деген мыйзам барбы? Камчы Көлбаев – “вор”, аны элдин баары билет. Ал менен дос эмесмин дебейм, жакын достордонбуз, үй-бүлөлүк катышыбыз бар. Түштүктүн “смотрящийи” дегениңиз туура. 2006-жылы Суусамырда өтө чоң жыйын болгон. Кыргызстан, Казакстан, Орусия, Ташкенттен келишип Камчыны “мыйзамдагы ууру” болду деп белгилешкен. Ошол жыйында “түштүктү Алмамбет карап берсин, элди реалдуу карайт, акты ак-караны кара дейт” деп көпчүлүк мени шайлап жиберишкенде баш тарткан эмесмин. Бирок 2008-жылы аны өткөрүп берип, ФИЛАга мүчө болуп, Алыш-бел боо федерациясын өнүктүрүүгө, кыргыз спортун көтөрүүгө бел байладым. Азыр түштүктү ким карайт, ким “смотрящий” экенин элдин баары билет. Менин тиешем жок.
– Балким, ошол “смотрящийдин” атын атап коёсуз?
– Эми аны мен Манаска салыштырбайм, чоң баатыр деле эмес. Бирок Кыргызстандын жарымы болгондон кийин ал жакта да тартип болушу зарыл. Жаман-жакшыны ошол көзөмөлдөп турушу керек. Ал азыр менин сөзүмдү укпайт, мен деген Алыш-бел боо федерациясын гана карайм.
– Айрым интернет сайттар сизди Ош окуясындагы башкы каарман кылып жазышты, азчылык улутту 500 жигити менен кырып салды деген сөз чыкты?
– Элдин башына кыйын иш түшкөндө карап отура берген жигит эмесмин. Бирок “автомат менен кырып салды” деген кадимки ушак. Ок тийген, жараат алгандарды ооруканага жеткирип, биздин балдар жардамдашып жүрүштү. “Алмамбеттин карындашы өлүп, ал өчөшүп калыптыр, он миң өзбекти Алайга алып барып камап коюптур” деп мени да катуу жаманатты кылышты. Кудай көрүп турат, колдон келген жакшылыкты жасадым. Бирок башкаларга окшоп “баатырлыкты” алайын, элге жасаган ишиме мактанайын деген оюм жок. Бир Алла, анан эл үчүн гана жасайм.
– Өзүңүз издөөдө жүрсөңүз, Алыш-бел боо федерациясынын ишин ким жасайт?
– Ошол башкы маселе болуп турат. ФИЛАнын президенти Рафаэль Мартинетти менен сүйлөшүп, Азиялык олимпиада комитетинин президентине, Кувейтке кат жөнөткөнбүз. “Келгиле, сүйлөшөбүз, келишим түзөбүз” деген жооп келген. 2014-жылкы Азиялык олимпиада оюндарына чейин биз муну киргизишибиз керек эле. Мени кайдагы бир ушактарга аралаштырып, бандит деп, Интерполго чейин издөөгө берип, улуттук спортту көтөрөйүн деген аракетиме мүмкүнчүлүк бербей жатышат. Интерполдон издөөдөн алынсам, баарын тез арада бүтүрөйүн деп турам. Кыргызстанда баары саясат менен ооруп жатып калышты, кыргыз спортун ойлогон саясатчылар деле жок.
– Баары кантип башталган? Баяман Эркинбаевге жакындагандан тартыппы? Эмне үчүн сиз жөнүндө ар кандай коркунучтуу сөздөр тыйылбай келет?
– Алмамбет Анапияев деген ысымдын кылмыш дүйнөсүнө аралашып, сөз болуп кетиши Баяман акеге жакындагандан улам башталган. Баяманды атып кетишкенден кийин анын тегерегиндеги балдарга зонадан Азиз Батукаев тарабынан чабуул күчөдү. Балдардын баары мага чалып, “балдардын кулагын кестирип, жок кылгыла” деген буйрук Батукаевден түшүптүр” дей башташты. Кыргыз балдарды, спортчуларды чечендер кордой баштады. Буга кайсы кыргыз чыдап тура алат? Намысым ойгонду. Чыдабай балдарды жыйып, тиги чечендер менен эсептешүүгө туура келди. Бардык маселени чечип бердим. Эми ошол балдар азыр сурап койгонго да жарабай, ар кимиси өз алдынча тарап кетти. Болбосо мен кааласам бизнес, кааласам башка жумушту деле жасай алмакмын, жигиттик намыс менен бул ишке киришип, аягында ушинтип жаманатты болуп отурам. Ошол убакта чечендер, уйгурлар, өзбектер күчөп кеткен. Кыргызды уруп ойнобой калган. Тоготпой калган. Баарын жайына койдук. Балдардын бир тал чачын түшүргөн жокмун. Эгерде Алмамбеттен зыян тарттым деген бир кыргыз болсо, айтсын. Эми өзүбүздүн кээ бир чиновниктер мага асылып, көө жаап, кылмышкер деп күнөөлөп жатат. Башка улуттар үстүбүздөн күлүп жатышат. Кыргызда көрө албас, намысы жок адамдар көбөйдү. Бирок мунун баары утурумдук нерсе. Биз да ынтымакка келебиз, шайлоо тынч өтсө деп тилеп жатам. Буюрса, Кыргызстанга барып, улуттук спортту эл аралык деңгээлге чыгарууга болгон күчүмдү жумшайм. Мага саясаттын кереги жок. Бийлик да керек эмес. Кайрымдуулук иштерин кылып келем, барсам, ал иш-чараны да улантам. Элге кайрылып кетейин, “Алмамбет Анапияев баш кесер, бандит” деген ушактарга ишеништин кереги жок, андай сөздөрдү чыгарып жаткандар да ойлонуп иш кылышса. Алмамбет – кыргыздын жөнөкөй эле уулу, спорт менен чоңойгон, кыргызды башка бирөөгө кор кылбайм деген принципте жашаган жигити. Ошол сөзүмө өмүрүмдүн аягына чейин турам. Сөз берем.
– Маегиңизге рахмат!

Жанар Акаев,
атайын «Супер-Инфо» үчүн


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  5 
Комментарийлер(45)
03.10.2011. 19:35 
Тайпасы:
Жаран
Комментарийлердин саны:
11
Катталган:
26-08-2011
Соӊку аракети:
15-08-2018 00:24
Жынысы:
Белгисиз
Калаасы:
Ош
0
Баяман баатырдын кыргыздар учун жасаган иштерин коп эле угуп журобуз. КЫРГЫЗ спортун эл аралык денгелге которгону да белгилуу . Алманбет Баямандын тарбиясын алган бала . КЫРГЫЗ учун куйгон адам. КЫРГЫЗ спорту учун куйгон адам деп ойлойм. Кафелерден " доля " алса ала берсин. Ал кафелер мамлекетке салык толобогон бир чиновниктердики болсо керек . Алардан " доля" алып спортсмен балдарды которсун. Аларга тамак- аш жана башка колдоолорду корсотсун. Ансыз да мамлекет андай колдоолорду унутуп калды
03.10.2011. 20:41 
Тайпасы:
Жаран
Комментарийлердин саны:
45
Катталган:
27-11-2010
Соӊку аракети:
12-08-2018 21:02
Жынысы:
Белгисиз
Калаасы:
Бишкек
0
эгер Алмамбет Баяман байкенин тарбиясын коргон болсо, анда ал кыргыз эли учун куйгон эр жигит.
03.10.2011. 21:47 
Тайпасы:
Кыймылы жок
Комментарийлердин саны:
1
Катталган:
02-09-2011
Соӊку аракети:
23-11-2011 19:42
Жынысы:
Белгисиз
Калаасы:
Бишкек
0
Алмамбетке окшогон кыргыздын ар намыстуу жигиттери кобойушуно тилектешмин,бар болгула эл уулдары!!!Алмамбетке окшогон кыргыздын ар намыстуу жигиттери кобойушуно тилектешмин,бар болгула эл уулдары!!!
03.10.2011. 22:55 
Тайпасы:
Кыймылы жок
Комментарийлердин саны:
72
Катталган:
28-07-2011
Соӊку аракети:
20-04-2016 23:58
Жынысы:
Белгисиз
Калаасы:
BIWKEK
0
азамат. Кайрымдуулук фонду бар экенин мактанбабтыр.
04.10.2011. 00:23 
Тайпасы:
Жаран
Комментарийлердин саны:
506
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Азамат экен,эркек бир суйлойт жана суйлогон созуно жооп берет деген ушул да,эч кимден коркпой суйлоптур.Озбектердин журогун тушуруп турган ушулар да, азаматсынар!
04.10.2011. 07:23 
Тайпасы:
Кыймылы жок
Комментарийлердин саны:
2
Катталган:
27-09-2011
Соӊку аракети:
21-11-2011 00:06
Жынысы:
Белгисиз
0
Алмамбет мырза сиз чыныгы кыргыз жигитин суроттоп турасыз. Ушундай кырдаалда сиздей мырза-эркектерге суусап турат КЫРГЫЗ элим.Биз СИЗди суйобуз.
04.10.2011. 07:41 
Тайпасы:
Кыймылы жок
Комментарийлердин саны:
1
Катталган:
27-09-2011
Соӊку аракети:
04-10-2011 07:41
Жынысы:
Белгисиз
0
Кандай болгон кундо да ак ийилет сынбайт, Аллах баарын коруп турат. КЫРГЫЗ спортун олимпиадага алып чыгам десе, кайрымдуулук кылса, оорукана мечит салса анан кайдагы бандит. Э кичине кудайдан коркуп жазсанар!!!
04.10.2011. 13:08 
Тайпасы:
Жаран
Комментарийлердин саны:
83
Катталган:
10-07-2008
Соӊку аракети:
18-10-2017 16:16
Жынысы:
Белгисиз
Калаасы:
Жомоктогу сепил сарай
0
Ак үйдө отургандар менен крим чөйрөнүн кишилерин "легалдуу" жана "легалсыз" деп гана бөлүп карайм. "Байкуш" блатнойлорду болушунча пайдаланышат, анан "кидать" этишет. Негизи экөөнүн айырмасы деле жок! Бирок Алмамбет сыяктуулар өз ордун билиши шарт. Антпесе, өзүнүн эле "достору" о дүйнөгө кезексиз жөнөтүп жиберет.
04.10.2011. 13:33 
Тайпасы:
Кыймылы жок
Комментарийлердин саны:
21
Катталган:
05-09-2011
Соӊку аракети:
16-03-2016 13:57
Жынысы:
Белгисиз
0
ааай ииий жон эле бул мырзабызга эки канат эле жетишпей калыптыр го... жон эле аппак, жумшак болуп суйлоптур, "шамал болбосо чоптун башы кыймылдабайт" деген соз бар эмеспи.. балким чын эле кандайдыр бир байланышы бардыр... Кудай озу таразаласын.
04.10.2011. 13:50 
Тайпасы:
Жаран
Комментарийлердин саны:
5
Катталган:
19-11-2010
Соӊку аракети:
28-02-2018 18:08
Жынысы:
Белгисиз
Калаасы:
Ош Кыргызстан
0
Канткенде да адамды чын же жалган суйлоп жатканын билиш кыйын. Бирок намаз окуйм дегенден кийин ишенип койсо болот. Кыргыздын патриот жигити экенсин, журогун кыргыз деп согот турбайбы.
04.10.2011. 22:17 
Тайпасы:
Кыймылы жок
Комментарийлердин саны:
1
Катталган:
27-09-2011
Соӊку аракети:
04-10-2011 22:17
Жынысы:
Белгисиз
0
той бергендердин эле баары бандит эмес да, ал жети дубандан УЛУУ КЫРГЫЗ элин чогултуп улуттук оюндарын ойнотуп чон байге сайып элдин ынтымагын бекемдеген. азыркы бийликтегилердей болуп жарбай.
04.10.2011. 22:23 
Тайпасы:
Кыймылы жок
Комментарийлердин саны:
1
Катталган:
27-09-2011
Соӊку аракети:
04-10-2011 22:23
Жынысы:
Белгисиз
0
Эээ брат эркек, ал коп жолу москвадагы,астанадагы кыргыздардын проблемаларын чечип берет. Сизге таазим !!!
04.10.2011. 22:35 
Тайпасы:
Кыймылы жок
Комментарийлердин саны:
1
Катталган:
27-09-2011
Соӊку аракети:
04-10-2011 22:36
Жынысы:
Белгисиз
0
Туугандар, мен анын жакын ишеничтуу эле адамдан уктум англис тилинде эркин суйлойт, орусча туш корот деп. Тан бердим мен качантан бери уйроно албай журом аттин десе, аракетчил билимдуу экен да канчалык жамандасак да.
04.10.2011. 22:42 
Тайпасы:
Кыймылы жок
Комментарийлердин саны:
2
Катталган:
27-09-2011
Соӊку аракети:
21-11-2011 00:06
Жынысы:
Белгисиз
0
kooi juma maga oto jakty english tilinde erkin suiloso ohoooooooo kantip bailanyshsam bolot eken aaaaa (wutka) )))))
04.10.2011. 23:49 
Тайпасы:
Кыймылы жок
Комментарийлердин саны:
151
Катталган:
02-01-2011
Соӊку аракети:
13-04-2013 21:02
Жынысы:
Белгисиз
0
Allah iwinizge iygilikterdi bersin!!!
05.10.2011. 02:33 
Тайпасы:
Кыймылы жок
Комментарийлердин саны:
7
Катталган:
07-09-2011
Соӊку аракети:
27-10-2011 22:09
Жынысы:
Белгисиз
Калаасы:
москва
0
Алмамбет байке сиздин кыргыздын патриот уулу деп билем акты ак караны кара деген адамсыз кайда журбогуз бар болунуз пландап жаткан иштеринизге ийгилик
05.10.2011. 03:03 
Тайпасы:
Жаран
Комментарийлердин саны:
306
Катталган:
28-09-2011
Соӊку аракети:
16-08-2017 19:15
Жынысы:
Белгисиз
0
мен Баяман эркинбаев олгондо 11-класста окуйт элем козумо жаш алып ыйлагам Баямандын тарбиясын алган байке экен бар болунуз аман болунуз жаратканым колдосун баямандын арбагы колдосун ак ийилет бирок сынбайт!!!!
05.10.2011. 03:43 
Тайпасы:
Кыймылы жок
Комментарийлердин саны:
4
Катталган:
28-09-2011
Соӊку аракети:
17-10-2011 03:12
Жынысы:
Белгисиз
0
ALmambet Anapiyaev siz jigitche aytkanda ERKEK ekens PATRIOT ekens ech kim mynday kylyp achyk tars tars suylop interview bere albayt, Patriot Osh shaaryn saktap kaldy any da ozu zchyk aytyp jatat katyshtym dep, mynday ERKEK jigitter bolboso bizdin patriottuk sezim oygonboyt RESPECT!!!
05.10.2011. 18:47 
Тайпасы:
Кыймылы жок
Комментарийлердин саны:
5
Катталган:
05-10-2011
Соӊку аракети:
26-04-2013 23:16
Жынысы:
Белгисиз
Калаасы:
ош
0
Алмамбет братан Кыргыз спорт суйуучу жаштарынын баарынын агасы. Ал АЛМАМБЕТ деген атына ылайыктуу адам.Озу айткандай бир кудайдан гана корккон чыныгы кыргыз жигити. Бар болунуз братан.
06.10.2011. 12:08 
Тайпасы:
Жаран
Комментарийлердин саны:
10
Катталган:
08-07-2011
Соӊку аракети:
21-09-2018 15:15
Жынысы:
Белгисиз
0
Айланайын кыргызым коро албастыкты качан коёбуз. Кыргыз деп чыккан эрдин баарын жей берсек качан онолобуз! Бар болунуз Алманбет! Ишинизге ийгилик!
06.10.2011. 18:10 
Тайпасы:
Кыймылы жок
Комментарийлердин саны:
2
Катталган:
21-09-2011
Соӊку аракети:
09-09-2012 16:39
Жынысы:
Белгисиз
0
Мына эркектиги. Сөз берип жатат. Эя кимден коркпогон кыргыз үчүн күйгөн чыныгы алайдын мырзасы. Жаман ишке айласыздан барган учурлары көп эле болгондур, бирөк жакшы иштери да көп экен. Ал жле эмес алыскы Россияда жүргөн кыргыздарга да көп жардам берген деп укчумун.
06.10.2011. 20:29 
Тайпасы:
Кыймылы жок
Комментарийлердин саны:
12
Катталган:
19-03-2009
Соӊку аракети:
02-02-2014 13:53
Жынысы:
Белгисиз
0
El oozunda elek jok. Almambet baike sizdin bergen maeginizge ayabai baa berdim. Kudaiym ozu koldosun! Ar bir baskan kadamynyzdy iygilik kowtop tursun!
07.10.2011. 10:41 
Тайпасы:
Кыймылы жок
Комментарийлердин саны:
188
Катталган:
01-06-2007
Соӊку аракети:
11-04-2014 14:09
Жынысы:
Белгисиз
0
Кудая тобоо!!! Саясатчыларыбыз эки жүздүү болгону аз келгенсип эми темирдей бекем тартипти карманган Кылмыш чөйрөсү андан өтүп кеткенин кара. Заманыбыз кайда баратат?! Кишинин канын төгүп бирөөнүн нанын тартып жеп анан намазга жыгылып аппак болуп көрүнгүсү келгендер күлкүнү келтирбегилечи... Сөзүнө турган эркек болсо Дубайга жашынып алып тоону сүйлө
07.10.2011. 13:08 
Тайпасы:
Кыймылы жок
Комментарийлердин саны:
24
Катталган:
14-06-2011
Соӊку аракети:
16-03-2013 16:42
Жынысы:
Белгисиз
Калаасы:
Москва
0
аллахым озу тараза.озу чечсин кимде куноо кимде акыкат.
07.10.2011. 13:31 
Тайпасы:
Кыймылы жок
Комментарийлердин саны:
13
Катталган:
02-12-2010
Соӊку аракети:
20-04-2012 08:26
Жынысы:
Белгисиз
Калаасы:
Бишкек
0
Эгер сиздин айткан создорунуз чын болсо кыргызга сиздей патриот жигиттер азыркы кундо абдан керек болуп турган убагы, адам болгондон кийин жанылышат эгерде жанагы жакщы ойлорунузду аткарсаныз кыргыз учун ат которгус иш кылган болосуз
07.10.2011. 17:13 
Тайпасы:
Кыймылы жок
Комментарийлердин саны:
21
Катталган:
14-03-2011
Соӊку аракети:
02-08-2012 15:04
Жынысы:
Белгисиз
Калаасы:
бишкек
0
Жакшы , ачык айтылыптыр. Азамат Алманбет. Эч качан кайгырба? Атка минерлер сендей кыргызым деген адамдын атын сатып жатса, жоо жургон биздей элин колдойт. Аман-эсен ден-соолукта бол!
08.10.2011. 15:51 
Тайпасы:
Кыймылы жок
Комментарийлердин саны:
18
Катталган:
01-07-2010
Соӊку аракети:
20-02-2013 13:14
Жынысы:
Белгисиз
Калаасы:
Токтогул, Кыргызстан
0
Ворлордун политикасы дагы туура! Нацист болгону жакшы! Бирок, шохалары эле Волорду жаман кылып коет...

Ушу куго чейин уга элекми, бир бандит келип кыргыз бинесменин кордогонун!

Алмамат - грамотный экенсиз! Сиздей адамдар, черный мирде дагы и нормальный жашоодо дагы орун таап кетет!

Сизге ийгиликтерди каалайбыз!
08.10.2011. 16:21 
Тайпасы:
Кыймылы жок
Комментарийлердин саны:
11
Катталган:
26-08-2011
Соӊку аракети:
30-10-2012 18:50
Жынысы:
Белгисиз
Калаасы:
Бийик тоолор.
0
Азаматсыз байке мыкты айтылыптыр созунуз,сыйлам ушундай кыргыздын баласын ,ишенем кыргыз спортун которосуз деп оз мекенинизге келип !!!!ийгилик сизге !!! улутчул болгон да жакшы!!!!!
09.10.2011. 16:24 
Тайпасы:
Кыймылы жок
Комментарийлердин саны:
34
Катталган:
01-12-2009
Соӊку аракети:
20-09-2014 12:38
Жынысы:
Белгисиз
0
PATRIOT_KG,
09.10.2011. 21:10 
Тайпасы:
Кыймылы жок
Комментарийлердин саны:
5
Катталган:
05-10-2011
Соӊку аракети:
26-04-2013 23:16
Жынысы:
Белгисиз
Калаасы:
ош
+1
Азыркы Кыргызстандагы чиновниктерге караганда Алмамбет братан элге кобуроок куйот аны баары жакшы билет.Кыскасы братанга коп САДАГА болбогула.
09.10.2011. 22:23 
Тайпасы:
Жаран
Комментарийлердин саны:
62
Катталган:
12-09-2011
Соӊку аракети:
13-03-2018 15:09
Жынысы:
Белгисиз
Калаасы:
Ош
0
Алманбет аке бар болунуз, кыргыздын духун которуп журо бериниз, сиздей беш убак намаз окуган, спортко кызыккан балдарды коп коп остурунуз, ойлорунуз ишке ашсын!!! Кыргыз олбойт, очпойт, алгааааааааааа!!!!!!!!!!
1
2
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: