Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КУРУУЧУ БОЛБОЙ ҮЙ БОЛБОЙТ

№317 28-ноябрь - 4-декабрь, 2008-ж


Куруучулардын эсине

  • Эмгек келишимин эч качан оозеки түзүүгө болбойт. Ал кагаз жү­зүндө болуп, эки тарап тең кол коюшу керек.
  • Эки тарап тең келишимде көр­сөтүл­гөн тартиптерди так сактоосу керек.
  • Эмгек келишиминде маяна акы жана төлөнүп берилүүчү күн да так көр­сө­түлүшү зарыл.
  • Иштей турган фирма тууралуу толук маалымат алууга аракет кылуу керек.
  • Жумуш берүүчү ар бир жумушчусунун коопсуздугу үчүн жооп берет.
Куруучулар менен таанышууну ири курулуштардан баштоону туура таптык.
Мындай курулуштардын шарты менен таанышып көрүү максатында 1400 квартиралуу үйлөрдү куруп жаткан “Жал Артисти” көздөй жол алдык. Тиешелүү адамдарга эмне максатты көздөп келгенибизди билдирген соң ары ойлонуп, бери ойлонуп жатышып, куруу иши болуп жаткан жерге барып, куруучулар менен таанышууга уруксат беришти. Анан баштарыбызга каскаларды кийип, куруучуларга аралашып баарлашууга өттүк.
“кылганыбызга жараша айлык алабыз”
Биздин биринчи эле сурообуз “айлыгыңар канча?” деген суроо болду. Айтымдарында, эң аз алганы күнүнө 400, ал эми инженерлер 1500 сомго чейин табышат экен. Куруучулар маяналарын айдын акырында бир күн да кечиктирбей ала тургандарын да кошумчалай кетишти. “Эртең мененки 8ден тартып кечки 6га чейин ар бирибиз өзүбүзгө бөлүнгөн жумушту так аткарып бүтүшүбүз зарыл болгондуктан, ашыкча эс албайбыз” дешти. Тамашага салып: “Тамеки тартканды да кыскартканбыз. Канча жакшы иштесек ошончо жакшы алабыз”,- деп күлүп калышты. Ошондой эле күн сайын түштө 60 сомдук ысык тамак берилет экен. Курулуш материалдары кымбат баада чет жерден алынып келгендиктен, “Жал Артистин” куруучуларына биринчи орунда коюлган талап: тактык, этияттык. Кантсе да бир топ убакыттан бери иштеп жатышкандыктан, куруучулардын ичинде корей тилин сүйлөп, түшүнүп калгандар да бар болуп чыкты.
“Күтүлбөгөн кырсыктан коркобуз”
Курулуш иштеринде күтүлбөгөн кырсык көп болот эмеспи. Куруучуларды дайыма кооптондурган нерсе да ушул. Алардын күтүүсүз кырсыктан чочулагандары да жөн жерден эмес. Биз саякат кылган чет элдиктер иштетип жаткан “Жал Артисте “ деле жумушчу менен жумуш берүүчүнүн ортосунда коопсуздук тууралуу келишим түзүлбөгөн. Алардын жападан жалгыз коргоочусу – баштарына кийүүчү каскалар жана колдорундагы кол каптары. “Силерге кандай ыңгай-шарттар түзүлүп берилген?” деген сурообузга жооп ушундай болду окшойт.
Каскалары жок да иштешет экен
“Жал Артистен” чыгып, бир аз басканда эле түрк туугандарыбыз салып жаткан курулушка туш болуп калдык. “Секьюрити” деп боорлоруна жазып алган коопсуздук кызматкерлери бизди босогодон киргизүүдөн баш тартышты. Ошентип, бул курулуштагы жумушчулардын кыймыл-аракетине четтен көз салып турдук. Бул жерде да иш кызуу жүрүп жатыптыр. Кадимки эле кепка, топуларды кийишкен куруучулардын биринин да башынан каска байкай алган жокпуз. Куруучулардын дээрлик көбү жаштар экен. Буларга көз салып турсак, жаныбызга бир бала басып келди. Берик деп ал өзүн тааныштырып, биздин эмне иш менен алек болуп жатканыбызды уккан соң бадылдап сөзгө аралашты.
“Колубуз темирге жабышып калчу”
Берик сөздү өзүнүн 8 жыл бою куруучу болуп иштеп келе жатканынан баштады. “Айылдан акча табам деп шаарга келе бергем. Негизи, биздин айылда бойго жеткен балдар аз эле калган. Жарымы Казакстан, Орусияда, жарымы борбор калаабызда иш кылып жүрүшөт. Мен да алардын катарынан калгым келбеген. Биринчи Лев Толстой көчөсүнө барып ар кандай жумуштарга жалданып иштечүмүн. Негедир мени жалаң эле курулуш иштерине алып кетишчү. Бара-бара бул иштерге “спец” боло баштадым. Анан чоң курулушка кирдим. Жөнөкөй куруучудан прораб болгонго чейин жеттим. Ал жерден чала бүткөн курулуштун ичинде жатып иштечүбүз. Жайында жакшы, ысыбай салкын жатасың. Ал эми кышында бүтпөгөн терезе, эшикке клеёнка кадап алчубуз. Ошентип жүрүп бөйрөктөрүмө суук тийгизип алыптырмын. Ал кезде тамакка деле кайыл боло иштечү экенбиз. Ысык тамак ичсек ичтик, ичпесек жок, бурдап нан жеп алып деле иштей берчүбүз. Жадакалса колдорубузга мээлей алгандан акча аячубуз. Башында кышында колубуз темирге жабышып калып жүдөтөр эле. Кийин жабышпай деле калат. Бир жолу бизге бир бала келген. Ар кимге жардам берип жүрчү. Ошол бала ширетүүчүлөргө жардам бере коём деп көзүн алдырып алып, азыр жакшы көрбөй калыптыр. Ага окшоп курулуш эмне экенин билбей туруп эле иштеп жүргөндөр толтура да. Мына бул жакта иштеп жаткан балдардын көбү эле айылдыктар. Эч кандай кесипке ээ эмес, мектепти бүтүп келгендер. Бизде азыр кыздар үчүн тигүүчүлүк, балдар үчүн куруучулук пайдалуу иш болуп калбадыбы. Ошол, оорукчан болсом да, сырдоо, терезе салуу, чаптоо иштерин кылып дале курулушта жүрөм”,- деп бизге кызыктуу баян куруп жаткан жигитти бирөө чакырды окшойт, шашыла коштошуп басып кетти. Биз да ага ден соолук тилеп узатып койдук.
“Кыш тизген сайын акча санайбыз”
Андан ары Манас проспектисин жээктей салынып жаткан курулуш имараттарынын бирине кайрылып калдык. Абайлай басып жакындаган бизди бир шуулдаган жигит тосуп алды. Аты Чыңгыз экен. Журналист экенибиз­ди угуп кудуңдай сүйүнүп, суроолорубузга жооп бере баштады.
– Чыңгыз, иши­ңиз илгери болсун!
– Илгерилетмек силерден болсун!
– Бул курулушта эмне жумуш кыласыз?
– Мен бригадирмин. Өзүм шыбакчы, “кладчик” (кыш коючу), деги эле баарына жөндөмдүү куруучумун.
– Ал эми азыркы учурда...
– Учурда шыбак менен алек болуп жатам. Колуман 3 метрлик “уровень” (түз шыбоого жасалган таякча) түшпөйт.
– Маянаңыз шыбаганыңызга жараша болсо керек...
– Албетте, 1 метр2 120 сомдон шыбайм. Ал эми “откос” деп коёт, терезенин кырларын, ага 50 сомдон алам.
– Ошондо бир күндө канча жерди шыбай аласыз?
– Эгерде элиталык болсо, бир күндө 50 метр2.
– Элиталык дегениңиз кандай?
– Анын машакаты көп. Бир миллиметрден да жаңылбашың керек.
– Байкашыбызга караганда, чакалаган кошулмаңарды аркан аркылуу көтөрүп жатасыңар...
– Ал аркандын атын “лебедка” (илмеги бар аркан) деп коёбуз. Бул деле жакшы, илгертен калган нерсе. Бирок, кээде чакабыз кыйшайып кетип кошулмабыз төгүлүп калган учурлар деле болот. Негизи, даяр кошулма бизге ыңгайлуу.
– Башында кыш кынаарыңызды да айттыңыз эле...
– Биз ар бир кышты кынаган сайын “акча тизип жатабыз” деп тамашалашабыз. Мисалы, бир кышты 3 сом 50 тыйындан кынайбыз. Ал эми Казакстанда ар бир кышка 6 сомдон алчубуз. Негизи, кыштын баасына жараша болот. Алсак, 10 сомдук кыштар бар. Алар абдан кооз (“облицовка” жасачу кыш). Аларды кыноо кымбатыраак.
– Кокусунан аны сындырып алсаңар төлөйсүңөрбү?
– Курулушта кыш эмес, буту-колубуз деле сынып жатпайбы?! Бир-эки кыш эч нерсе эмес. Андан көп болсо төлөйсүң.
Биздин маекке өзүн Каныбек деп тааныштырган агай да кошулуп калды. Агай курулуп жаткан үйдүн эшик-терезесин коёт экен. Бул жумуштун эң эле кыйынчылыгы айнек-терезелерди тогузунчу кабатка чейин көтөрүп чыгуу экен. “Сындырып алсак, айнек деген неме өтө эле кымбат. Коркконубуз эле ошол”,- дейт.
Куруучунун иши да аба ырайына карата өзгөрүлүп турат. Кышында бурганактай кар жаап, нөшөрлөгөн жаанда өздөрү “спячка” деп тамашалашкандай, уйкуга киришет экен. “Бирок, андайда кубанып деле кетпейбиз. Дайыма эле күн ачык болуп, шатыра-шатман күлүп, иштеп турганга не жетсин. Андайда “үйгө нан таап барышым керек” деп баш катырбайсың дагы”,- дешет бир ооздон куруучулар. Бардык куруучуларга ачык асман каалап коштоштук.

Даярдаган Бахияна Сатылганова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: