ОН БАЛАНЫН БИРИ ГАНА БАКЧАГА БАРАТ

Учурда Кыргызстанда 85 миңдей наристе бакчага барат. Бул жалпы өлкөдөгү жаш балдардын 13 пайызын гана түзөт. Чет өлкөлөргө салыштырмалуу өтө аз, анткени Казакстанда ушул эле көрсөткүч 45 пайыз, Орусияда 58 пайыз. Буга байланыштуу “Ата Мекен” фракциясынын депутаты Карганбек Самаков 1994-жылдан бери сатылып же менчиктештирилип кеткен бала бакчаларды тизмеден өткөрүп, коррупциялык схемага катышкандарды мыйзам чегинде катуу жазалоого чакырды. “Биз баарыбыз мамлекеттик имараттардын кантип арзан сатылганын билебиз. Аларды мыйзам чегинде карап чыгып, кайрадан бала бакча кылышыбыз керек”,- дейт ал.
Маалымат үчүн: Билим берүү министрлигинин мектепке чейинки билим берүү башкармалыгынын жетекчиси Дамира Кудайбергенованын айтымында, Кыргызстан боюнча 1990-жылдары 1696 бала бакча болсо, алардын 464ү ар кандай тармакка берилип кеткен. Азыркы учурда 717 мектепке чейинки мекеме иштеп, алардын 691и мамлекеттик болсо, 25и жеке менчик. Жеке менчик мекемелер Билим берүү министрлиги тарабынан берилген лицензия аркылуу ишмердигин жүргүзөт.

"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Комментарийлер (5)

baxatic

2011-10-17 17:22:57

Дамира эжеке менин директорум болгон аябагандай кыйын аял заты!Бул эже келгенче орус болчу анда аябай бардак болчу Дамира эже келгенден кийин мектеп сразу озгорду!

makish

2011-10-17 18:39:22

балабакчага кириш учун шапкеси 10000 мин сом экен деп укканда кимдин оозу ачылбасын!коррупцияны ошол жактан баштап тыю керек

Diana-16

2011-10-18 10:56:58

молодцы ушундай койгойлорду козгош керек азыр

kurultay

2011-10-18 12:57:13

карганбек озу деле молочный заводду менчиктештирип, арак завод кылып алыптыр го

Talant_89

2011-10-18 15:37:55

Ooba, Kurultay saga koshulam, Samakovdun arak zavodu bar Narynda, syt zavod bolchu. Bul dele ozy korupsioner.

Комментарий калтыруу үчүн өз ысымыңыз менен кириңиз же каттоодон өтүңүз.

№ 467, 14-20-октябрь, 2011