ЭМНЕГЕ КӨЗҮБҮЗДҮ ЖУУМП ӨБҮШӨБҮЗ?

• Өбүшүп жаткан өнөктөш­төр сезими бөлүндү болбосу үчүн, анан шеригинин өңү кандай болуп турганын көргүсү келбегендиги үчүн көздөрүн жумуп алышат экен.
• Өбүшүү учурунда өнөктөштөрдүн жүзү бири-бирине өтө жакын болгондуктан, бири-бирине таптакыр башкача, кээде желмогуздай болуп көрүнүшү мүмкүн. Мына ушул инстинктен улам көздөр жумулат.
• Өбүшүп жатканда адамдардын бардык сезүү органдары бул процесске кошулушат. Эгер көз ачык болсо, адамдын ою башка сезимдерге алаксышы толук мүмкүн.
• Көздү жумуп өбүшүү бул – өнөк­төштөрдүн бири-бирине шарт түзүп берүүсү. Башкача айтканда, шеригин ыңгайсыз абалга калтырбоо үчүн, сезимине тоскоол болбоо үчүн көздөрүн жумуп алышат.
• Өбүшүү бул – рахат! Мындай рахатты адам баласы эле эмес, жан-жаныбарлар да көшүлүп кабыл алышы мүмкүн. Албетте, көшүлүү учурунда көздөр жумулат.

Жылмайып коюңуз

Жаңы таанышкан кыз менен жигит өбүшүүдө. Көпкө чейин өбү­шүшөт. Бир убакта жигит акырын көзүн ачып караса, кыз көзүн бакырайта ачып өбүшүп жаткан болот. Буга таң калган жигит:
– Сен башкача өбүшөт экенсиң, көзүңдү ачып алып.
– Ооба. Өткөндө бир жигит менен өбүшө коём деп уюлдук телефонумду уурдатып жибергем. Ошондон кийин көзүмдү ачып эле өбүшүүнү чечкем.

«АЯЛЫМ МЕНЕН ОЙНОШУМ АЙЛАМДЫ КЕТИРИП...»

– Кычыраган кыш кечи. Шаарда иштечүмүн. Жумуштан чыгып, маршрутка күтүп турам. Аялдамада эл аз эле. Аңгыча жаныма бала көтөргөн келин келип туруп калды. Мен түшчү 114-маршрутка болсо кечигип жатты. Тиги келин да ошол маршрутту күтүп жатса керек, ары-бери басып чыдамы кете баштады. Арадан 20 мүнөттөй өттү. Күн аябай суук. Келиндин колундагы балага боорум ооруп кетти. Жанына барып:
– 114-маршрутканы күтүп жатасыздар окшойт, ээ?
– Ооба, аябай кечигип жатат го,- деди улутунуп.
– Мен да ошону күтүп жаткам. Үшүп кеттиңиздер окшойт, таксиге түшөлү,- десем, дароо макул болду.
Келин бизден мурунку көчөдө жашайт экен, бат эле үйүнө жетип бардык. Түшүп баратып “байке, үйгө кирбейсизби?” деп карап калды. Күтүүсүз сунушка кым дей түштүм да, баласын көтөрүмүш болуп үйүнө кирдим. Баласы көшүлүп уктап калыптыр. Келин аны жаткырып, чай даярдай салды. Чай үстүндө жакындан тааныштык. Күйөөсү Казакстанга иштегени кеткенин айтты. Бири-бирибизге суроо узатып отуруп жылдызыбыз келишти окшойт, анын апакай жүзүнө арбалып бараттым. Супсулуу десең. Сүт толгон эмчектери көйнөгүн тиреп турат, кызыктырып. Чай да ичип бүттүк. Кетейин дейм, бирок кетким келбейт. Анан:
– Мага аябай жагып калдың,- дедим эриндеримди жаланып.
Ал да жылмайды, мен дагы. Кантип аны кучактап, өөп алганымды да сезбей калдым. Төркү бөлмөгө оролушуп эле кирип бараттык. Менден беш бетер төшөктө сугалак экен, шамдагайлыгын айтпа. Чечиндик. Төшөктө көрбөгөн көргүлүктү көргөзүп, суй жыкты! Чынында, минтип бир да жолу жыргабаптырмын...
Ошентип, ал күн өттү. Ага кантип жипсиз байланып калганымды туйбай да калыпмын.
Бир жолу түн ортосунда аныкынан чыгып үйгө барсам, аялым боткодой жабышып төшөккө сүйрөйт. Менин болсо шайым жок. Ошондон кийин аялымды да, аны да канааттандыруу үчүн бел кубатты күчөтүүчү тамактарды издеп, жеп калганымды кантесиң. Аялым менен төшөктө жатпасам, ал “демек, бирөөнү таап алдың да!” деп чыгары турган кеп эмеспи. Ошентип, учурда эки фронтто иштөөдөмүн.

Султан

Астра Айдарова
erotika@super.kg