Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

УЙ ЖЫЛДАРЫНДА КАНДАЙ ОКУЯЛАР БОЛГОН?

№321 26-декабрь - 1-январь, 2008-ж.


1925-жыл
Дүйнөдө:

  • Орус элин, орус токоюн, кайыңдарын өзгөчө даңктап ырга салган улуу акын Сергей Есенин дүйнөдөн кайткан. Өзүн-өзү өлтүргөн бул акындын өлүмүнүнүн сыры ушул күнгө чейин ачылбай келет. Айрым иликтөөчүлөр акын өзүн-өзү өлтүрбөй эле киши колдуу болгон деп да жүрүшөт.
  • АКШнын Иллинойс, Миссури жана Индиана штаттарында болгон аябагандай күчтүү торнадо 695 адамдын өмүрүн кыйып, 2027 адам оор жаракат алган.
  • Ыйык сахнада жараткан кайталангыс образдары менен дүйнө элин таң калтырган балерина Майя Плисецкая жарык дүйнөгө келген.
  • Америкалык атактуу актёр Энтони Хопкинс төрөлгөн.

Кыргызстанда:

  • Кара Кыргыз автономдук облусу Кыргыз автономдук облус болуп өзгөртүлгөн.
  • Чехословакиянын коммунист жумушчуларынын демилгеси менен Пишпек шаарында “Интергельпо” интернационалдык кооперативдик шериктештик түзүлгөн.

1937-жыл
Дүйнөдө:

  • Жалпы союздук компартиянын борбордук комитетинин июль айындагы атайын токтомунан соң СССРде кандуу репрессиянын арааны ачылган.
  • Америкалык атактуу актриса Жейн Фонда жарык дүйнөгө келген.
  • Тарыхта өчпөс болуп ысмы калган Ирактын экс-президенти Саддам Хусейн Аль-Тикрити дал ушул жылы Багдадга жакын жерден орун алган Тикрит шаарчасында төрөлгөн.
  • Учурдагы Олимпиадалык кыймылдын негиздөөчүсү, француз барону, коомдук ишмер Пьер де Кубертен каза тапкан.
  • АКШнын Түндүк-Баты­шында Огайо, Миссисипи дарыяларында суу ташкындап, миллиондогон адамдар үй-жайы жок калышкан.
  • Экинчи ирет бүткүл Союздук калкты саноо өткөзүлгөн. СССРдин калкынын саны 170 миллионго жеткен.

Кыргызстанда:

  • «Эл душманы» делинип камакка алынган Касым Тыныстанов, Абдыкадыр Орозбеков, Төрөкул Айтматов, Жусуп Абдрахманов, Баялы Исакеев өңдүү кыргыздын алгачкы интеллигенттерин каралоо күчөп, алардын абактан аман чыгышарына үмүт калган эмес.
  • Кыргыз ССРинин Конституциясы кабыл алынган.

1949-жыл
Дүйнөдө:

  • Улуу Британиянын Кембридж университетинин кызматкери Морис Уилкс эң алгачкы EDSAC программаланган компьютерин иштеп чыккан.
  • Эквадордогу жер титирөөнүн кесепетинен Пелилео шаары түп орду менен кыйрап, 6 миң адам каза таап, 20 миң адам жабыркап, 100 миң адам үй-жайсыз калган.
  • Түндүк атлантикалык согуштук-саясый келишим – НАТО түзүлгөн.
  • Германия Федеративдик Республикасы жана Германия Демократтык Республикасы түзүлгөн.
  • СССРде биринчи­ ирет атомдук бомба текшерүүдөн өткөрүлгөн. Текшерүү Казакстандын Семипалатинсктеги аскердик полигонунда өткөрүлгөн.
  • Атактуу орус ырчысы Алла Борисовна Пугачёва жарык дүйнөгө келген.
  • Америкалык атактуу актриса, эки Оскардын ээси Мерил Стрип төрөлгөн.
  • Бул дүйнө жүзүнө дагы бир атактуу Голливуд актёрун жарыкка алып келген. Ал – атактуу актёр Ричард Гир.

Кыргызстанда:

  • Кыргыз Республикасынын учурдагы президенти Курманбек Салиевич Бакиев жарык дүйнөгө келген.
    «Мөлмөлүм» деп сыздаган айтылуу Барпы акын каза тапкан.

1961-жыл
Дүйнөдө:

  • Адамзаттын тарыхында биринчи ирет адам баласы космоско учкан.
    Француз полициясы Улуттук боштондук кыймылына каршы француздук саясатка нааразылык көрсөтүп, тынч демонстрацияга чыккан алжирлик 30 миң жаранды уруп-сабап таратышкан. Каршылык көрсөткөн бир тобунун сөөгүн полиция кызматкерлери Сена дарыясына көпүрөдөн таштап жиберишкен.
  • Батыш менен Чыгыш Берлиндин ортосуна айтылуу Берлин дубалы тургузулган.
  • Тристан да Кунья аралында жанар тоо атылган.
  • СССРди отуз жылдан ашуун башкарып, 1953-жылы каза тапкан Сталиндин сөөгү Мавзолейден чыгарылган.

Кыргызстанда:

  • Турдакун Усубалиев Кыргызстан Компартиясынын Борбордук Комитетинин биринчи катчысы болуп дайындалган.

1973-жыл
Дүйнөдө:

  • АКШ жана анын союздаштарынын аскердик күчтөрү Түштүк Вьетнамдан толугу менен чыгарылып бүткөн. Ушул жылдан тарта 29-март – Вьетнам согушунун ардагерлеринин күнү деп белгиленген.
  • Атактуу француз сүрөтчүсү Пабло Пикассо көз жумган.
  • Жакынкы Чыгышта Израиль менен араб коалициясына кирген өлкөлөрдүн ортосунда согуш башталган. Бул согушка Алжир, Сауд Арабиясы, Тунис, Судан, Иран өңдүү өлкөлөр тартылган.
  • Чилиде аскердик төңкө­рүш болгон. “Пиночеттин төңкөрүшү” аталган бул окуяда аскер офицерлери бийликти басып алып, өлкөгө диктатордук режим орнотулган.
  • Мексиканын Түштүк-Чыгышында жер титиреп, 700 адам каза тапкан.
  • Индияда, Пакистанда нөшөрлөгөн жаандан улам суу каптоолор болгон.

1985-жыл
Дүйнөдө:

  • КПССтин Борбордук Комитетинин кезексиз жыйынында М.С.Горбачёв КПССтин БКсынын генкатчысы болуп шайланган. Дал ушул киши СССРдин тарыхында эң акыркы генсек болуп калды.
  • Мексиканын Мехико шаарында катарынан эки ирет жер титиреген. Күчү Рихтер шкаласы боюнча 7-8 баллга жеткен зилзаладан улам 5526 адам каза тапкан.
  • Колумбиядагы Невадо дель Руис жанар тоосунун атылышынан улам 25 миңге чукул адам каза болгон.
  • Орусиянын Иркутск шаарында жүк ташуучу Ан-124 учагы жаңыдан абага көтөрүлгөндө кыймылдаткычтары иштен чыгып, көп кабаттуу үйдүн үстүнө кулаган. Натыйжада, эки көп кабаттуу турак-жай жана балдар бакчасы иштен чыгып, 72 адам каза тапкан.

Кыргызстанда:

  • Чейрек кылымга жакын Кыргызстан Коммунисттик партиясынын Борбордук Комитетин жетектеген Турдакун Усубалиев кызматтан бошотулуп, ордуна Абсамат Масалиев шайланган.

1997-жыл
Дүйнөдө:

  • Бүткүл дүйнө элин кайгыга салып, боорукерлердин, кайрымдуулардын ханышасы Мать Тереза каза тапкан.
  • Өзгөчө кайрымдуулугу жана ханзаада күйөөсүн чанып кеткендиги менен атактуу болгон ханбийке Диана жол кырсыгынан каза тапкан.
  • Улуу Британия ханышасы Елизавета II интернетте падышалык расмий сайтын ачкан.
  • Камчаткада күчү 5-8 баллга жеткен зилзала болгон.
  • Чоң Антиль аралдарындагы Монтсеррат аралында жанар тоо атылып, анын айынан бүткүл арал күлгө айланган.

Даярдаган Шаиста Шатманова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: