Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КЫРГЫЗ СПОРТУ 2008–ЖЫЛДА...

№322 2-8-январь, 2009-ж.


ИЙГИЛИКТҮҮ 4-АРАКЕТ

Алгачкы жолу көз карандысыз Кыргызстандын спортчулары 1996-жылы Атлантада өткөн олимпиадалык оюндарга катышкандыгы белгилүү. Өлкөбүздөн “Сидней-2000ге” 50 жана “Афины-2004кө” 30 спортчу барган. Буга чейин 4 жылдыктын башкы мелдештеринде кыргыз туусу 1 гана жолу желбиреген. Сиднейде казакстандык Айдын Смагулов дзюдо боюнча коло медаль уткан эле. Андыктан, быйыл 20 спортчудан турган чакан улуттук олимпиадалык курама командабыз болуп көрбөгөндөй жеңишке жетишти (спортчулардын катышы жагынан алып караганда ар бир 10-спортчу медаль тагынды). Тактап айтканда, баатырларыбыз Канатбек Бегалиев менен Руслан Түмөнбаев элибизге көптөн күтүлгөн олимпиадалык медалдарды тартуулашты. Ошондой эле, легионерлер да кыргыздын туусунун астында күрөшүшүп, бирок, чечүүчү учурларда аларга патриоттук сезим жетишпей калгансыды. Эмне демекчибиз, Канатбек менен Русланга даңк!

КРнын ОЛИМПИАДАЛЫК КУРАМА КОМАНДАСЫ:

Абдураим Расул (таэквондо ВТФ)
Архипова Юлия (марафон)
Базаргуруев Базар (эркин күрөш)
Бегалиев Канатбек (грек-рим күрөшү)
Васильев Виталий (сууда сүзүү)
Гитинов Арсен (эркин күрөш)
Данилов Василий (сууда сүзүү)
Ефименко Татьяна (бийиктикке секирүү)
Жанагулов Талант (дзюдо, команданын капитаны)
Захаров Юрий (сууда сүзүү)
Исмаилов Руслан (мылтыктан ок атуу)
Кочурин Сергей (фехтование)
Крупняков Алексей (эркин күрөш)
Молдодосов Улан (оор атлетика)
Пакура Сергей (чуркоо)
Педан Галина (чуркоо)
Погорелов Алексей (чуркоо)
Проскуракова Елена (дзюдо)
Таласбаев Асылбек (бокс)
Түмөнбаев Руслан (грек-рим күрөшү)

ГРЕК-РИМ КҮРӨШҮ

Бул жылы баарынан да эң көп ийгиликтерге ата мекендик грек-рим стилиндеги балбандарыбыз жетишишти. Алсак, Кореяда өткөн Азия чемпиондугунда жылдын башкы каармандары Канатбек Бегалиев күмүш, Руслан Түмөнбаев алтын медаль тагынышса, ишенген балбандарыбыздын бири Данияр Көбөнов 2-орунду ээлеп, “Бээжин-2008ге” жолдомо ала албай калды. Аталгандардын орун басарлары Калыбек Жолчубеков менен Арсен Эралиев жаштар арасында Түркияда өткөн Азия чемпиондугунда алтын жана күмүш медаль тагынышты.

ФУТБОЛ

Өлкөбүздүн биринчилигинде чемпиондук үчүн адаттагыдай эле “Дордой-Динамо” менен “Абдыш-Ата” өз ара күч сынашып, чемпиондуктун тагдыры “алтын” беттеште чечилсе да, “дордойчулар” жаңы рекорд орнотушуп, 5-жолу катары менен чемпион аталышты. Ал эми канттык команда жаңы сезондо башкы атаандашына татыктуу каршылык көрсөтүүнү көздөп, нидерландылык машыктыруучулар менен сүйлөшүүлөрдү жүргүзүүдө.

КРнын ФФсынын спорт адистери жана журналисттердин арасында өткөргөн сурамжылоосунун негизинде «дордойчу» Руслан Сыдыков 3-жолу “Жылдын мыкты футболчусу” аталды.

ООР АТЛЕТИКА

Японияда өткөн Азия чемпиондугунда Улан Молдодосов (85 килограмм) менен Алексей Дудин (105 килограмм) 3-орунду камсыз кылышты. Улан Молдодосов бул мелдеште “Бээжин-2008ге” жолдомо алып, өзүнүн карьерасындагы 2-Олимпиадасына ийгиликтүү катышып келди. Жаштар арасында Кореяда өткөн Азия кубогунда Бекзат Осмоналиев (59 килограмм) күмүш, Султан Молдодосов (62 килограмм) коло медаль тагынышты. Жыл соңунда Камбар Токтоналиев (62 килограмм) Казакстандын ачык чемпиондугунда күмүш медаль тагынды.

БОКС

Профессионалдык бокстогу жалгыз мушкерибиз Алмазбек Раимкуловдун мухиттин ары жагында кыргыздын намысын ийгиликтүү коргоп келаткандыгы баарыбызга белгилүү. Бокс сүйүүчүлөр арасында быйыл эл аралык аренада бир гана Асылбек Таласбаев өлкөбүздүн намысын коргоду. Спорт сүйүүчүлөрүнө анын Казакстандын президентинин кубогунда 2-орунду ээлеп, “Бээжин-2008де” жарым чейрек финалга чейин жеткендиги белгилүү. Негизи эле учурда спорт сүйүүчүлөр арасындагы боксто муун алмашуу жүрүп жатат жана келечекте жаш мушкерлерден үмүт чоң.

КИКБОКС ЖАНА ТАЙ БОКС

Кумар Жалиев (71 килограмм) Ален Офойо (76 килограмм) жана Алексей Федосеев (63 килограмм) Москванын “Арбат” мушкерлер клубунда кикбокстун WBKF версиясы боюнча Европанын чемпиондугун жеңип алышты.

Таиландда өткөн Дүйнө биринчилигинде Валентина Шевченко 1инчи орунду ээлесе, анын биртууганы Антонина 2-орунга ээ болду. 8-жолу Дүйнө чемпиондугун жеңип алган Валентина Эл аралык тай бокс федерациясынын чечими менен “2008-жылдын мыкты тай боксчу айымы” наамына ээ болду. Ал эми профессионалдык бокс менен алектенмекчи.

ХОККЕЙ

Быйыл бул жаатта башкы жаңылык өлкөбүздө алгачкы муз тебүү аянтчасынын ачылышы болду. Ошондой эле, КРнын Муз үстүндө бийлөө (фигурное катание) федерациясы түзүлүп, муз үстүндө бийлөө боюнча мектептер ачылган жатат. Алгачкы жолу ата мекендик хоккейибиздин өкүлдөрү Москвада орусиялык “1-каналдын” кубогуна көзөмөлдөөчү катары катышып келишти.

ОШОНДОЙ ЭЛЕ...

Японияда өткөн клубдар арасындагы Дүйнө биринчилигинин финалдык “Манчестер Юнайтед – ЛДУ” беттешинде кыргызстандык Бахадыр Кочкаров калыстык (лайнсмендин милдетин аткарган) кылды. Натыйжада, ал КРнын ФФсынын “Жылдын мыкты калысы” сыйлыгына (быйыл бекитилди) ээ болду.

Вале тудо (бразилиялык) боюнча «Ормон хандын кубогунун» туңгуч жеңүүчүлөрү Сарыков Төлөгөн (60 килограмм) менен Асылгазиев Турсунбек (74 килограмм) уруш түрүндөгү самбо боюнча Москвада өткөн XIV Дүйнө чемпиондугунда коло медаль тагынып кайтышты.

Чоң теннисте бир нече эл аралык турнирлерге ийгиликтүү катышып, упай чогулткан Ксения Палкина дүйнөнүн мыкты 200 теннисчилеринин катарына кошулду. Муну менен эми ал чоң шлем түркүмүнө кирүүчү Australian-Open`ге катышуу укугуна ээ болду.

Панкратион боюнча бир нече эл аралык мелдештердин жеңүүчүсү Замир Сыргабаев (100 килограмм) Евразиянын чемпиондугун жеңип алды. Ошондой эле, ал Санкт-Петербургда өткөн самбо боюнча Дүйнө чемпиондугуна ийгиликтүү катышып келди.

КАДР АЛМАШУУЛАР

Кыргыз спортундагы быйылкы чоң жетишкендиктерге жаңы ысымдардын келгендиги да таасирин тийгизбей койгон жок.

Алсак, Александр Воинов Бектур Асановдун ордуна Дене тарбия жана спорт, жаштар иши жана балдарды коргоо боюнча мамлекеттик комитеттин директору болуп дайындалды.

Футбол. КРнын ФФсынын президенттигине Айбек Алымбаев, курама команданын башкы машыктыруучулугуна Анарбек Ормонбеков дайындалды.

Бокс. КРнын Бокс федерациясынын президенттигине Абдибакыт Халмурзаев, курама команданын башкы машыктыруучулугуна Адылкан Бекболотов дайындалды.

Бильярд. КРнын Бильярд спорту федерациясынын президенттигине Курманбек Темирбаев, курама команданын башкы машыктыруучулугуна Күмүшбек Дүйшөбаев дайындалды.

ЖЫЛДЫН...

Жоготуусу

24-августта Бишкек-Тегеран каттамы боюнча багыт алган Боинг-737 учагынын кыйроого учурашы жалпы эл аралык трагедия болду. Анда каза болгон 65 адамдын ичинде мелдешке катышуу үчүн бараткан баскетбол боюнча өлкөбүздүн жаштар курама командасынын өкүлдөрү да бар эле. Каза болгондордун арасында оюнчулардан Ибраимов Бельгиз, Макарчук Иван, Исханов Ринат, Мамад Абдурахман, Кожомкулов Эмил жана КРнын Баскетбол федерациясынын генералдык катчысы Олег Кутилов менен вице-президенти Назар Кубатов бар.

Мелдеши

Бишкекте АФКнын президентинин кубогунун жарым жана финалдык беттештери өткөрүлдү. Өкүнүчтүүсү, аталган мелдеште буга чейин катары менен 2 жолу жеңүүчү аталган “дордойчулардын” бул ирет жолу болбой, өз үйүндө жеңишти тарттырып жибергендиги болду.

Иренжүүсү

5-9-май күндөрү Бишкекте
­А­Ф­К­­нын­­ рейтингинде деңгээли жагынан 2-орунда турган Чакырык кубогунун тандап алуу оюндары өткөрүлдү. Тилекке каршы, өлкөбүздүн улуттук курама командасы күйөрмандардын ишеничин актай албай, өз үйүндө жеңил группадан (ФИФАнын рейтингинде Кыргызстан 134үнчү, Бангладеш 180инчи, Лаос 187инчи жана Афганистан 196-орунда болчу) чыга алган жок. Баарынан да өкүндүргөнү, кезинде футбол көп жылдар бою тыюу салынган Афганистанга 0:1 эсебинде утулуп калгандыгы болду. Учурда Кыргызстан ФИФАнын рейтингинде 207 өлкөнүн ичинен 158-орунга (ноябрь айынын жыңынтыгында) түшүп кеткен .

Даярдаган Базарбек Абдураимов
e-mail:sport@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: