Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АСКА

№194 21-27-июль, 2006-ж.


  • Фильм мыкты үн үчүн “Оскарга”, мыкты триллер жана мыкты музыка үчүн эки “Сатурн” сыйлыгына, мыкты фильм үчүн Германиянын «Golden Screen» сыйлыгына жана башка бир топ сыйлыктарга татыган.
  • Фильмди тартууга 75 миллион доллар керектелсе, фильм дүйнөгө прокатка чыккандан кийин 326 миллион доллар киреше алып келген.

Фильмдин кыскача мазмуну
Мухиттеги адам буту оңой менен жетпес аралда “Алькатрас” (эл ичинде “Аска”) аттуу белгилүү түрмө жайгашкан. Өкмөт жетекчилерине ошол түрмөнү генерал Хамел баштаган аскер адамдары басып алгандыгы тууралуу кабар түшөт. Хамел өкмөттөн Вьетнам согушунда курман болгондордун ар биринин үйбүлөсүнө миллион доллардан, анан өзүнө да чоң сумма төлөп берүү­лөрүн талап кылат. Эгер өкмөткө койгон талабы ишке ашпаса Сан-Франциско шаарын жер жү­зүнөн жексен кыла тургандыгын айтып коркутат. Өкмөт аталган шаардын миңдеген тургундарын сактап калуу үчүн 24 гана саат убактысы болот. ФБРдин кызматкери жана химиялык курал жаатындагы адис Стенли Гудспид (Николас Кейж) жана атайын отряд буйрукту кү­түп калышат. Бирок, түр­мөгө кирүү жолун бир гана Британия чалгынынын жашыруун агенти Жон Патрик Мэйсон (Шон Коннери) биле тургандыгы аныкталат. Жон Патрик бир ирет чычкан качып чыга албас бул түрмөдөн качып чыккан болот. Ошентип, өкмөт түрмөдө отурган Мэйсон менен сүйлөшүп, ал менен келишим түзүп “Алькатрас операциясына” катыштыруу үчүн ага Стенлини жөнөтү­шөт. Жон Патрик операцияга Стенли жетекчилик кылып кошо бара тургандыгын билгенден кийин аны башкара алууга боло тургандыгын аңдайт да, макул болот. Макул болгонунун экинчи сыры анын кызы коркунуч туулуп турган Сан-Францискодо жашай турган. Кызынын тагдырына болсо ата катары кайдыгер карай алмак эмес. Ошентип, түр­мө­дө отурган Патрик менен ФБРдин адамдары “Алькатраска” жөнөшөт. Канчалаган кый­ынчылык­тарга карабай акыры террористтердин арам оюн таш каптырып, Сан-Фран­цисконун элин өлүм чеңгелинен аман алып калышат.

КЫЗЫКТУУ МААЛЫМАТТАР

  • Тасма Сан-Франциско булуңундагы аралда жайгашкан “Алькатрас” түрмө­сүндө тартылган. Фильмди тартууга керектелген жабдыктар суу унаалары менен алпарылып, “Алькараска” 125 тонналык кран аркылуу көтөрүлүп чыгарылган. Тасмага тиешеси барларга тамак-аш менен суу “чоң жерден” ташылып жеткизилип турулган.
  • Түрмө учурда туристтик жай экендигине байланыштуу тасма учурунда да туристтердин келиши токтотулбаган. Бул тасманы тартууга бир топ деңгээлде жолтоо болгон.
  • Кино тартуу убагында күн тийип туруп эле бир кезде тумандын каптап кетүүсү режиссёрлорду жарыкты ая­бай көп колдонууга мажбур кылган. Тумандын каптоосу күнүнө 4 жолудан кем эмес кайталанган.
  • Фильмдин бир эпизодунда Шон Коннери менен Николаска суу астында 30 секунд дем албай тартылуусу керектелет. Не дегенде бул учурда алардын башынын үстүнөн оттуу шар учуп өтүшү керек эле. Эгер экөө эртерээк башын чыгарышса күйүп кетишмек. Бул идея Шон менен Николаска алгач жакпай, каршы болуп жатышып, акыры макул болушкан.
  • Тасма учурунда продюсер Дон Симпсон кайтыш болуп кеткендигине байланыштуу фильм ага арналган.
  • Фильмдеги массовкага деңиз жөө аскерлери тартылган.
  • Режиссёрдун урматына “Алькатрастагы” мешке “Бейдин куйма заводунда жасалган” деп жазылып коюлган.

ФИЛЬМДЕГИ БАЙКАЛБАГАН КАТАЛАР

  • Фильмде Гудспид жүрөгүнө өзү ийне саймак болот. Бирок, аны аткарган актёр жүрөгүнө эмес эле бооруна ийне сайып тартылып калган.
  • Террористтер “Аскадан” жай алгыча күндүн 3 жолу чыкканы көрсөтүлөт.
  • Белгиленген жерден алгач 5 самолёт учуп чыккан болот да, конгонго келгенде 4 эле самолёт конот.
  • ФБРдин имаратында Гудспид “саат бир” деп айтат. Бирок, ошол эле кезде дубалдагы саат 4:15ти көрсөтүп турган болот.
  • Николас аткарган каармандын машинасынын айнеги 2 жолу талкаланса да, травмай менен кагышаар алдында айнеги бүтүн болуп көрсөтүлөт.
  • Бир эпизоддо бычак түз учуп баратканы көрсөтүлүп, анан эле актёр аны капталына түз сайылган жеринен сууруп алып жаткан болот. Бычак өз алдынча кайрылып, капталга түз сайылышы мүмкүн эмес.

ФИЛЬМДИ ЖАРАТУУЧУЛАР
Майкл Бенжамин Бэй. Режиссёр учурда 41 жашта. Киного реклама тартып жүрүп келген. Ал гигант компаниялар болгон «Coca-Cola» жана «Nike» жана башкалардын рекламалык роликтерин тартып, бир канча ири сыйлыктарга көр­­сө­түлгөн. Киного келгендеги алгачкы “Жаман балдар” фильми жакшы чыкпай калгандыгына карабастан кирешелүү болгон. Майклдын кийинки тарткан фильмдеринин эң мыктыларынын катарына “Аска”, «Армагедон», «Пёрл-Харбор» кирет. Бул фильмдер ээсине миллиард доллар киреше тартуулаган.
Майкл бир нече жыл мурун «Platinum Dunes» аттуу продюсерлик компания ачкан. Учурда анда кинолор тартылууда.
Шон коннери. 1996-жылы “Аска” фильмине чейин актёр 60тан ашык фильмге тартылып, “Оскар” сый­лыгынын ээси эле. “Аскага” тартылууда Шон күнүгө аралдан материкке барып келүүдөн эр­иккендиктен фильм жаратуучулар ага “Алькатрас” түр­мө­сүнөн убактылуу жашаганга жай жасап беришкен.
Эпизоддордун биринде Шон Николаска “Мүмкүн мен сексуалдык көрүнүшүмдү жоготуп бараткандырмын” деп кайрылат. Бул Шондун улгайып калгандыгына карабастан дале секс-символ катары санала тургандыгын Николаска кыйытып айтканы эле.
Түпкүлүгү шотландиялык Шон Коннери быйыл 75 жашта. Учурда мемуар жазуу менен алек.
Николас Кейж. Актёр “Аска” фильмине тартылууга жаңы эле “Оскар” сыйлыгын алган кезде келген. Анткени, “Лас-Вегасты таштап ке­түү” фильминдеги образы үчүн “Оскарга” татыктуу бол­­гон эле. Антсе да “Аскада” роль аткаруу Кейжге кичинесинде кумир туткан адамы Шон Коннери менен кошо тартылууга алып келген. Кейж Шондон актёрлуктун сырлары, иштөө ыкмалары тууралуу сурап, көп нерсени билүүгө жетишкен. Николас өзү аткара турган Гудспиддин ролу сценарийде жаман жазылып калган деп таап, көп жерлерине өзү өзгөртүү киргиздирген. Мисалы, Гудспид химиядан тажрыйба жасап, бир жолкусунда пробиркадагы суюктук жарылып ошондон мышыгы өлүп, өзүнүн каштары күйгөн жери жана башкалар. Учурда актёр 42 жашта.

Даярдаган Канымжан Усупбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: