Жанар Акаев: «КЫРГЫЗСТАНДАН КЕТEМ»

Телеалпаруучу Жанар Акаевдин фотоальбомун барактап, кызыктуу сүрөттөр менен тааныштык. Көпчүлүктүн купулуна толгон бул жигит чет өлкөгө кетүүгө камданып жатыптыр.

– Саламатсыңбы, Жанар? Жылдын мыктыларын аныктоо үчүн www.super.kg сайтында жүргүзүлгөн сурамжылоодо «Жылдын супер ТВ персонасы» наамына Эрмек Нурбаев экөөңөр теңтайлашып келатасыңар. Сенин оюңча, бул наамга ким татыктуу?
– Эми Эрмек экөөбүздүн багыттарыбыз таптакыр эки башка эмеспи. Менин ишим журналистикага ыктап турса, ал шоу багытында элдин көңүлүн көтөрүп келет. Анын үстүнө мен чыга электе эле анын аты далайга таанылып калган эле. Эгер бул сыйлыкты калыстар тобу Эрмекке ыйгарышса, мен таптакыр капа болбойм. Ал экөөбүз доспуз дагы. Ошентсе да бул жактагы ишимди жыйыштырып жатып сыйлыкты алып кетсем, албетте, кубанмакмын.
– Кайда кетмекчи болуп жатасың?
– “Азаттык” менен болгон келишим аягына келип, ишти жыйынтыктап жаткан убагым. Ал эми мындан ары “Азаттыктын” Чехиянын Прага шаарындагы башкы кеңсесине бир жылдык келишим менен барып, иштеп келем.
– Интернетте “Чехияга кетип жатам. Үйлөнүп, анан кетсемби деген ой бар” деген маанидеги билдирүүлөрүң жүрөт...
– Ооба, ошентип ойлогом. Бирок келишим боюнча азыр жалгыз өзүм эле барышым керек экен. Үч айдан кийин бир айга келем. Ошондо той өткөрүп, бир башым эки болуп кетермин деген үмүт бар. Үйдөгүлөр да “эртерээк үйлөн” деп кыйнап жатышат. Өткөн жумада Казакстанга барып туугандарымдыкында бир жума жүрүп келдим. Аларга да “үч айдан кийин үйлөнөм” деп кол алышып, сөз берип койдум. Туугандарым чын эле ишенип калышты. Ким билет, балким, Европага барганда жумушка берилип кетип үй-бүлө маселеси дагы артка жылып кететтир.
– Сага жар болууга макулдугун берген кыз бар көрүнөт...
– Жок, азырынча болочок жарымды таба элекмин. Бир-эки сырттан көз салып, жактырып жүргөн кыздар бар, албетте. Бирок өздөрүнө айта элекмин. Айтып коюп, анан тигил жакка барганда пландар өзгөрүп кетсе (күлүп), өзүм да, ал да ыңгайсыз болбойлу.
– Прагада жүрүп чех кызына баш кошуп албайсыңбы анан?
– Андай болуп кетиши да мүмкүн. Мен адамдарды улуттарга бөлбөйм. Бирок антсем апам мага катуу таарынат. Кыргыз кыздары ыймандуу, чыдамкай, жөнөкөй келишет эмеспи. Европада окуп, иштеп жүргөн акылдуу, билимдүү кыргыз кыздар көп да, балким, ошол жактан чыныгы сүйүүмдү табармын деген ой да жок эмес.
Бир досум казак кызы менен сүйлөшүп жүрдү эле, өткөндө жолуксам, “кыргыз кыздардан эле үй-бүлө күтүш керек экен” деп калыптыр. Ошого караганда баары бир кыргызга жетпейт окшойт. Акыркы убактарда сүйүүнү кичине унутуп калыптырмын. Кызга катуу арзып калып, ошого жетүү үчүн аябай аракет кылып, эмгек менен жетсем деген тилегим бар.
– Кайсы мүнөзүң менен кыздарга эле эмес, жалпы журтка жагам деп ойлойсуң?
– Мен атамды тартып ак көңүл болсом, апамдын боорукерлигин алгам. Анан да оңой менен ачуум келбейт. Эч ким менен жаман-жакшы айтышпайм. Мени урушуп, сөгүп жатса да “ии” деп тура бермейим бар.
– Өзүңө жакпаган терс адаттарың барбы?
– Андайлар бар. Мисалы, керексиз жерден шымымды өйдө көтөрө бергендигим. Бир көрсөтүүдө санап көрсөм 4 ирет шымымды көтөрүп коюптурмун. Шымым түшүп бараткан деле жери жок, болгону, колум көнүп калса керек. Анан шашмалыгым менен уйкучулугум өзүмө жакпайт.
– Байкашымча, компьютер менен интернетке өтө чырмалышып калгандайсың...
– Ооба, мурда китеп окучу элем, азыр чындыгында эле жалаң интернетте отурам. Чет өлкөгө барып калсам да акчамдын болгонун сарптап, интернет менен байланыштырчу каражаттардын жаңы муунунан сатып ала берем.
– Чет өлкөгө көп эле чыгып жүрөсүң. Адат катары ал жактан эмне алып келесиң?
– Сөзсүз сувенир, жолдош балдарыма деп жакшы шарап, анан апама арнап мончокпу, сөйкөбү, кургак чайбы, айтор, белек ала келем.
– Маегиңе чоң рахмат. Сапарың байсалдуу болсун.

Чолпон Сүйүнбаева
star@super.kg

 Кыстарылган видео 
Жанар Акаев: "Апам саясий тополоӊдорду чагылдырбай эле койчу деп ыйлаган"
"Супер-Инфо" гезитинин материалдары жеке колдонууда гана уруксат. Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Комментарийлер (22)
Bais
2011-12-05 17:48:02
Кетсен озунчо эле кете бер да! сени эч ким кармаган жок! элге жарыялап калат!
0
Orozbek
2011-12-05 21:00:46
Ээ достор баарибир кыргызбыз да буттан тартабыз, кара коо суйкойбуз. Ыйласа ыйлап, суукта тонуп, ысыкка куйуп кайсы жерде болсо Жанар журот. Кайсы маселе болбосун *тиши* отот, Кыргыз учун куйгон патриот эле бала. Айткылачы ким бар тен келе турган бул балага? жону жок сындагандан кудайдан корккула да. Добушунарды аябагыла!
0
engel
2011-12-06 03:15:06
kak jurnalist maga aiabai jagat,jalko ketip jatyptyr,kaira sozsuz keliniz,jolunuz shydyr b-n!!!
0
Karysh
2011-12-06 22:12:00
Жанар байке Кыргызстандагы жана Азиадагы чыгаан жигит кетип жатканыныз жаман сиз жок ким суйлойт чындыкты так жарып.Сизге ийгилик!
0
gul-amina
2011-12-07 03:27:17
Жанар ийгилик женил барып оор кел
0
janelya
2011-12-07 08:59:44
daa on okazyvaetsia prikil'nyi sovsem))) mne ego fotki ponravilis' osobenno s mamoi,a ego ia neznau
0
Tynka
2011-12-07 11:44:54
Кетсен деле Кыргызстан Жанар кетти деп окунбойт озундун бошын озундо.Бирок Кабылан-колго бир келип кет.
0
Cyldyzka
2011-12-07 14:51:47
ne Alaydan bolobu
0
gulkg
2011-12-08 11:09:11
ushundai jurnalist bar ekenin bilbeptirmin,molodec iygilik saga janar.....
0
aziato4ka
2011-12-08 23:07:16
4ehi9ga jyldyn super TV personasy prizin ala ketin
0
cello
2011-12-09 00:12:13
Maga bul balanyn maktanyp ketkeni jakpait. Otkondogu maeginde kyzdardy 4ekesinen 4ertip alam deptir ele,emi tigil jakka baryp "4ertkilep" otura ber. A tak ishine iygilik inim...
0
cello
2011-12-09 00:14:07
Iy basa Ahmat aken korso otundu alat go emi...
0
kg_star
2011-12-09 19:07:23
Доске ийгилик, албетте суйгонунду тап
0
Orozbek
2011-12-10 15:42:14
Кыргызстанга дагы бир жениш!!! УРАА !!!

"ЕВРАЗИЯнын АЛТЫН КАЛЕМИ"-2011 сыйлыгын Кыргызстандан барган Жанар Акаев Астанадан утуп кайтты. Азаматсын Жанар, калемин курчуй берсин !!
0
ainura220888
2011-12-12 03:04:58
молодец ишин илгерилей берсин кесиптеш
0
№ 474, 2-8-декабрь, 2011-жыл
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА