Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАМАКТЫН ДААМЫН ЧЫГАРГАН ТАТЫМАЛ ЧӨПТӨР

№475 9-15-декабрь, 2011-жыл


Жеген тамак-ашыбыздын даамын чыгарган бул, албетте, татымал чөптөр. Алар даам гана бербестен, миң түркүн касиетке ээ.

ЖИНИҢ КЕЛСЕ, УКРОП ЖЕ
Күнөстүү жерди сүйгөн укроптун мекени болуп Азия эсептелет. Мындан 5000 жыл илгери эле Египет дарыгерлери бул өсүмдүктү дары катары колдонуп келишкендиги тарых барактарында жазылган. Ал эми орто кылымдарда укроп кара күчтөрдөн жана сыйкырдан сактайт деп ишенишкен.
Укроп Р, В1, В2, B, PP витаминдерине жана минералдык туздарга бай. Ал табитти ачуучу, тамакты сиңирүүчү, заара кубалоочу, тынчтандыруучу касиетке ээ болгондуктан, боор, бөйрөк, гастрит ооруларынын алдын алат жана толуп кетүүдөн сактайт. Мындан сырткары укроп кайнатмасы баш ооруганда, көз чарчаганда, кызарганда, ич катканда жана ичеги ооруларында колдонулат.
Кан басымы төмөн адамдар укропту көп колдонуудан качканы оң. Анткени укроп көп жеген адамда алсыздык келип чыгуусу күтүлөт.
Ашканада укроп жаңы үзүлгөн кезинде жана кургатылган түрүндө кеңири колдонулуп келет. Тактап айтканда, суюк тамактарга, дымдалган жашылчаларга кошууга жана салаттарды кооздоого сунушталат.
Укроптун ар бир бөлүгүнөн ага өзгөчө жыт берип турган эфир майын табууга болот. Андан алынган эфир майы косметикалык каражаттарды: бет май, атыр, тиш пастасын жасоодо колдонулат.

Эгерде катуу жинденип, дамамат нервди чыңалтып жүрсөңүз, анда укроптун суусун ичиңиз. Ал үчүн жарым аш кашык укропту бир стакан кайнак сууга саласыз да, 15-20 мүнөткө демдеп коёсуз. Андан соң дакиден өткөрүп, кумшекер же бал кошуп, күнүнө үч жолу ичесиз. Бул рецепт бир гана нерв системаларын калыбына келтирүү үчүн эмес, ашказандын жакшы иштешине да өбөлгө түзөт.

АЙЫМДАРДЫ ЖАШАРТКАН ПЕТРУШКА
Петрушка А, С, В, В1, В2, К, РР витаминдерине жана темир, кальций, фосфорго бай болгондуктан, мейли ашканада болсун, мейли косметологияда болсун, кеңири колдонулуп келет. Анын өзгөчө айымдардын организмине тийгизген таасири зор. Петрушканын уругу айымдардын айыз циклинин бузулушунда, ал эми жалбырагынын жана тамырынын кайнатмасы бала эмизген энелерге сунушталат. Анткени ал сүт көбөйтүүчү касиетке ээ. Мындан сырткары ич көпкөндө, көз ооруларында, кандагы гемоглобинди көтөрүүдө, иммунитетти чыңдоо үчүн колдонушат. Жалбырагынын ширеси курт-кумурскалар чакканда колдонулары да белгилүү.
Косметологияда петрушканы беттеги сепкилдерден, тактардан, безеткилерден арылтууда, чачтын түшүшүндө кеңири пайдаланып келишет.

Беттеги сепкилден арылуу үчүн петрушканын 100 грамм уругун 0,5 литр аракка салып, 2 аптага караңгы жерде тыныктырып алыңыз. Анан бетиңизди таза жууп, даяр тундурманы тактарга күнүгө сүйкөңүз.

КИНЗА ЭРКЕКТИН БЕЛ КУБАТЫН КҮЧӨТӨТ
Кинза – кытай петрушкасы деген ат менен да белгилүү. Анын уругу кориандр деп аталат. Бул татымал чөптүн курамынан В1, В2, С, Р витаминдерин табууга болот. Кинза Азия тамактарынын дээрлик бардыгында, өзгөчө шишкебек жасоодо көп пайдаланылат..Илгертеден эле аны медицина жана төшөк жаатында кеңири колдонуп келишкен. “Эгер эркек кориандрдын тундурмасын ичсе, анда ал өмүр бою төшөктө аялына мыкты “кызмат” көрсөтөт” деп айтышкан. Кытайлар анын мындай касиетин билип, жыныстык жактан алсыздыкты дарылоодо колдонушкан. Ал эми Байыркы римдиктер аны табитти ачуучу, ашказандын иштешин жакшыртуучу өсүмдүк катары баалашкан. Ошондой эле кинзаны абаны тазартуучу, акча чакыруучу өсүмдүк катары баалашып, бөлмөгө өстүрүп келишкен. Кинзанын баалуу касиеттери медицина тармагында да далилденип, учурда жүрөк-кан тамырларынын иштешин жакшыртууда, уйкусуздуктан жапа чеккендерге, депрессияга чалдыккандарга, тамак ооруларына, баш жазууга сунушталып келет.
Кинза ашказан жарасы жана холецистит менен ооругандарга сунушталбайт.

Эгер ичимдик ичкенден кийин баш жазууну каалабасаңыз, анда алдын ала бир чымчым кориандрды 2 аш кашык аракка жибитип коюңуз. Коноктон келгенден кийин аны жеп жатып алсаңыз, баш оорудан кутуласыз.

ТАТЫМАЛ ЧӨПТӨРДҮ САКТОО ЖАНА КУРГАТУУ

  • Татымал чөптөрдү муздаткычта көпкө сактайм десеңиз, анда целлофан баштыкка салып, бир аз аба толтуруп, оозун байлап койсоңуз болот.
  • Эгер татымал чөптү күндө туурап убара тартууну каалабасаңыз, анда майда туурап, туздап, банкага салып муздаткычта сактасаңыз да болот.
    1 килограмм татымал чөпкө 300 грамм туз жетиштүү. Буга сабизди майда туурап кошсоңуз да болот.
  • Татымал чөптөрдү сактоонун дагы бир жолу – майда тууралган чөптү муздаткычтагы тоңдургучтун идишине салып, бир аз суу куюп тоңдуруп коюу. Даяр болгон кубиктерди целлофан баштыкка салып, муздаткычтын эң төмөнкү темпе­ратурасында сактасаңыз болот. Керек болгондо эритип алып колдоно бересиз.
  • Татымал чөптөр үстү жабык кургак мискейде же банкада сакталса, бир нече күнгө чейин жаңы бойдон тура берет. Ал эми соолуп бараткан көк чөптөрдү уксус кошулган муздак сууга 1-2 саат салып койсоңуз, өз калыбына келет.
  • Татымал чөптүн кайсы гана түрү болбосун, саргайган жана бузулган сабактарынан тазалап, муздак шар сууга жууп, сарыктырып алуу керек. Андан кийин кичинеден боолоп байлап, жакшы желдей турган көлөкө жердеги зымга же жипке илип кургатуу туура. Татымал чөптөрдү аралаштырбай, ар бирин өз-өзүнчө кургаткан оң. Кургаган татымалдарды оозу жакшы бекилүүчү идиште сактоо зарыл.
  • Эгер күн бүркөк болсо, анда оозу ачылган духовкада 40-50 градус температурада кургатуу сунушталат. Температураны туура сактоого аракет кылыңыз. Анткени жогорку температурада кургатылган татымал чөптүн жыпар жыты учуп кетип, курамындагы витаминдер бузулат.
  • Татымал чөптөрдү кыштын күнү да өсүп турган жеринен үзүп алып колдонууну кааласаңыз, анда үйдө, кадимки эле карапаларда өстүрсөңүз болот.

Дамира Арстанова
kenesh@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  10 
Комментарийлер(1)
13.12.2011. 13:40 
Тайпасы:
Жаран
Комментарийлердин саны:
29
Катталган:
11-02-2011
Соӊку аракети:
04-11-2017 14:40
Жынысы:
Белгисиз
0
петрушка сепкилди кетирерине ишенбейм,себеби менин сепкилим кичинемен бери бар ал кетпесе керек.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: