Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЭНЕРГЕТИКАЛЫК СУУСУНДУКТАР АДАМДЫ АКЫРЫНДАП ӨЛТҮРҮҮЧҮ КУРАЛБЫ?

№475 9-15-декабрь, 2011-жыл


Биздин өткөн сандарыбыздын биринде “Энергетикалык суусундук өмүрдү кыскартат” аттуу материал жарык көргөн эле. Ошондон кийин редакцияга Кыргыз Республикасына “Ягуар” суусундугун расмий таратуучу “Арктур” ЖЧКсынан кат келген. Катта “Алкоголу аз суусундуктардын ден соолукка келтирген зыянын жазганыңар чындыкка жатпайт” деп көрсөтүлгөн. Андыктан изилдөөбүздү улантып, депутаттарга, тиешелүү адистерге алкоголу аз энергетикалык суусундуктардын ден соолукка бере турган таасири боюнча кайрылдык. Ошондой эле энергетикалык суусундуктарга тыюу салынган же салынган эмес деген маселени чечүү боюнча да тиешелүү адистен жооп алдык.

“ТЫЮУ САЛУУ ҮЧҮН КЭЭ БИР МЫЙЗАМДАРДЫ БУЗУУ КЕРЕК ЭЛЕ...”

Каныбек Качкынбаев,
Спирт жана алкоголдук продукцияны чыгаруу, сактоо, сатуу жана көзөмөл боюнча мамлекеттик агенттиктин спирттик-алкоголдук продуктыларды өндүрүү жана ташып келүүгө лицензия берүүчү бөлү­мүнүн жетекчиси:

“Өкмөт аз алкоголдуу суусундуктарды сырттан алып келүүнү токтотууга чечим чыгарды” деп интернет булактарына жарыяланган эле. Бирок соода түйүндөрүндө андай суусундуктар сатылып эле жатат. Буга себеп эмнеде?
– Алкоголу аз суусундуктар баары бир ден соолукка зыян. Ушундан улам элдин саламаттыгын ойлоп, Саламаттыкты сактоо министрлигине 2011-жылдын августунда «алкоголу аз энергетикалык суусундуктардын өспүрүмдөрдүн, дегеле адамдардын ден соолугуна тийгизген зыяны канчалык экенин билип берсеңиздер» деп кат менен кайрылган элек. Алар бизге 2011-жылдын 2-сентябрында кат менен жооп беришкен, анда:
“Республикалык наркологиялык борбордо 23 өспүрүм каттоодо турат. Аз алкоголдуу суусундуктар жана башка зыяндуу заттар өспүрүмдүн саламаттыгына кандай таасир тийгизерлиги жаатында Кыргызстанда илимий, клиникалык да изилдөө жүргүзүлгөн эмес” деп айтылат. Бул кат тууралуу өкмөткө билдиргенбиз.
Бирок энергетикалык суусундуктар маселеси ата-энелерден түшкөн арыздын негизинде ЖКда каралган соң өкмөттөн октябрда “аз алкоголдуу суусундуктарды киргизүүгө убактылуу тыюу салынсын” деген кат келген бизге. Интернет булактар да ушинтип басып чыгышкан. Тыюу салуу үчүн кээ бир мыйзамдар жана мамлекеттер аралык келишимдерди өзгөртүү керек эле. Булар өзгөртүлбөгөндүктөн, алып кирүүгө тыюу салган эмеспиз. Анын үстүнө Саламаттыкты сактоо министрлигинин жогоруда аталгандай жооп каты бар болчу да. Бирок азыр бул министрлик андай суусундуктардын зыяны канчалык экендигин аныктоо максатында изилдөөлөрдү жүргүзүп жатат.
– Канча алынып келинет?
– Аз алкоголдуу энергетикалык суусундуктар, негизинен, сергитүүчү жана энергетикалык деп бөлүнөт. Өлкөдөгү өзүбүздүн ишканалардан 2010-жылы 5 миң литр, ал эми 2011-жылы 9 айында эле 5 миң литр энергетикалык суусундук чыгарылып, сатыкка коюлган (сергитүүчү аз алкоголдуу суусундук бул – курамында алкоголь 7га, кант 10га чейинки суусундуктар. Ал эми курамында алкоголь 7га чейинки, бирок кант 10дан ашса, анда энергетикалык алкоголу аз суусундук деп аталат). Буларды 2 ишкана чыгарууда. Суусундуктун курамы “Ягуардыкына” окшош.
Сырттан алынып келгендерге келсек, 2010-жылы 2 миллион 800 миң литр, 2011-жылы 11 айда 2 миллион 959 миң литр келген. Энергетикалык суусундуктардан бизге “Ягуар”, “Чёрный Русский”, “Казанова”, “Форестер”, “Ред-Булл” жана башка түрлөрү келет. Булар көбүнчө Казакстандан жана Орусиядан алынып келинет.
– Демек, тыюу салууга мүмкүн эмес...
– Тыюу салып койсок, анда бизде аны өндүрүү көмүскөдө башталат. Себеби жогоруда айткандай, аны керектөө бар. Демек, каалагандай жасап, саткандар чыгат. Курамын Кудай билет, эмнеден жасаарын? Андыктан, биз, агенттик, өзүбүздө чыгарууга жана сырттан алып келүүгө тыюу салбай (эл ичишсе да тазасын ичсин деп), анын санын чектөө максатында салыктын көлөмүн көбөйттүк. Мисалы, мурун литрине 3 сомдун тегерегинде төлөшсө, азыр бул бааны 15 сомго көтөрдүк. Эми 60 сомго чейин көтөрүү пландалууда. Анан дагы азыр 0,5 литрлик идиштерге куюлуп жатса, аларды 0,2 литр же 0,33 литрлик идиштерге куюп сатуу керек деп талап коюп жатабыз. Алардын сыртына да “1 банкадан ашык ичүүгө болбойт” деген көрсөтмө жазылат.
Менин оюмча, коом аз алкоголдуу суусундуктарды аз жана туура ичүүнү үйрөнүүсү керек деп эсептейм. Тактап айтканда, ичүү маданиятын үйрөнүү зарыл.

– ЭНЕРГЕТИКАЛЫК СУУСУНДУКТАРДЫН ЗЫЯНЫ КАНЧАЛЫК?
СИЗДИН ПИКИРИҢИЗ...

“ГЕНОФОНД ҮЧҮН КОРКУНУЧТУУ”

Турсунбай Бакир уулу,
ЖКнын депутаты:

– Энергетикалык суусундуктарды, анын ичинде алкоголу бар түрүн ичкендердин көбү жаштар. Көбүнчөсү 12-16 жаштагылар. Алар – келечектеги ата-энелер да. Окумуштуулардын жана дарыгерлердин изилдөөсүнө таянсак, “Ягуардын” алкоголу
9 пайыздуу эки банкасындагы этил спиртинин көлөмү 50 грамм аракка барабар. Адам такай аптасына 2 банкадан кем эмес ичип турган болсо, анда аны ичимдикке көз каранды деп эсептей берсе болот экен. Ичүүнү адатка айланткан жаштардан кийин ден соолугу начар же майып балдар төрөлүп калышы толук мүмкүн да. Ошондуктан генофонд үчүн коркунучтуу.
Мен ушул себептерден улам ЖКда бул тууралуу сунушту көтөрүп чыккам. Башка депутаттар да менин сунушумду колдошкон. “Ягуарды” алкоголу аз ичимдиктердин катарына киргизип, 18 жашка чейинкилерге сатууга тыюу салуу абзел. Саткандарга айып пул салуу керек. Дагы кайталанса, бир жылга коомдук иштерге бекер иштөөгө чектөө зарыл.

“ПСИХИКА НАЧАРЛАП, АДАМ КЫЛМЫШКА ЖАКЫН БОЛОТ”

Венера Асанбекова,
Республикалык наркология борборунун врач психиатр-наркологу:

– Энергетикалык суусундуктар, анын ичинде “Ягуар” адамга эч кандай энергия бербейт. Тескерисинче, адамдын запастагы энергиясын алдын ала иштетип, адам энергиясы жок калат. Мисалы, адам бүгүн “Ягуар” ичсе, эртеси шалдырап, ыкшоо тартат. Анан адам “кечээ “Ягуар” ичкенде шайдоот, ыкчам болуп калдым эле, бүгүн да ичейин” дейт да дагы ичет. Ошентип, улам түгөнгөн энергиясынын ордун толтурам деп “Ягуар” ичип жүрүп, ага көз каранды болуп калат. Суусундук менен организмге кирген алкоголь адамдын организмин уулай баштайт. Дене алкоголго көнөт. Анан баштапкы дозага ыраазы болбой, ээсинен улам чоңураак доза талап кыла баштайт. Ошентип, өспүрүм бала же кыз ичкиликке аздан берилип баратканын билбей калат. Ошондуктан аз алкоголу бар суусундуктар “жай өлүм” деп аталат. Бара-бара адамдын эс-тутуму, кабыл алуу, ойлоо жөндөмдүүлүгү начарлайт. Түркүн оорулар келип чыгат. Ичпей калган учурда энергия жана алкоголдун дозасы жок организм депрессияга, стресске учурайт. Мындай учурда адам уруш-талашка, кылмышка жакын болуп, өз өмүрүнө кол салганга чейин барат. Түнкү клубдарга, дискотекаларга баргандан кийин уруш-мушташтар да ушул себептерден болуп жатат.
1 мисал келтирейин. Акмат деген студент жигит алкоголу аз энергетикалык суусундукту ичип, анан алымсынбай дамамат сыра ичкенге өтүп кеткен. Сыраны таштай албай, азыр бизден дарылануудан өтүп жатат.

“ТУКУМСУЗДУККА ЖЕТКИРЕТ”

Акылбек Усупбаев,
Республикалык урология илимий борборунун директору,
медицина илимдеринин доктору, профессор,
КРнын Саламаттыкты сактоо министрлигинин башкы урологу:

– Энергетикалык суусундуктарды адам канчалык көп ичсе, анын курамындагы алкоголго жана айрым заттарга (мисалы, кофеин) адамдын организми көнүп калат. Мындан тышкары курамын­дагы башка заттар (билишимче, боёк­тор, жыт жана даам берүүчүлөр жана башкалар) организм үчүн зыяндуу. Ичүү адатка айланса, жүрүп отуруп эркектерди жыныстык жактан алсыздыкка (шалдыкка), ал тургай аялдарды да, эркектерди да тукумсуздукка алып келет. Мындан башка да түрдүү ооруларды жаратат.

“АЛКОГОЛДУК ЦИРРОЗДУ ЖАРАТАТ”

Болот Турусбеков,
Улуттук госпиталдагы Улуу Ата Мекендик согуштун катышуучуларынын
ооруканасынын терапия бөлүмүнүн башчысы, адистиги боюнча терапевт-гастроэнтролог:

– Курамында алкоголу бар 0,5 литр энергетикалык суусундукта 7 пайыз алкоголь бар болсо, менимче, бул деген 25 грамм арак. Кээ бир жаштар 5-6 бөтөлкөгө чейин ичишет экен. Ошентип, билинбегени менен организмге алкоголь ашыкча барып жатат.
Алкоголдон ички органдарга кандай зыян келет? Алкоголь боордун клеткаларын сезгентип, акырындап ал клеткаларды өлтүрөт (некроз). Кээ бир клеткалар өлбөсө да дистрофияга (клетканын азыктануусунун бузулуусу) учурап, мунун айынан алкоголдук гепатит жаралат. Эгер адам дарыланбай, жаман адатын таштабай жүрө берсе, боордун алкоголдук циррозу, ашказандын жарасы, гастрит оорулары пайда болот. Булар ракты чакыра турган оорулар болуп эсептелет.

“ЖҮРӨКТҮН ЧОҢОЮП КЕТИШИН ШАРТТАЙТ”

Абдимиталип Халматов,
М.Миррахимов атындагы Улуттук кардиология жана терапия борборунун алдындагы
Кеңеш берүү жана дартты аныктоо эмканасынын башкы дарыгери,
Cаламаттыкты сактоонун отличниги, кардиолог:

– Энергетикалык суусундуктарды көп ичсе, кан басым көтөрүлөт, жүрөк бат-бат кагат. Ичүүнү адатка айлантса, жүрөктүн функциясы бузулат. Тахикардия (жүрөктүн кагуу ыргагы бузулуп, бат-бат кагышы) келип чыгат. Бул акырындап жүрөктүн чоңоюп кетишине алып келет. Кийин муну дарылап-айыктыруу өтө кыйын.

“ИЧКИЛИККЕ БЕРИЛИП КЕТҮҮГӨ СЕБЕПКЕР”

Талип Адиев,
Улуттук урология борборундагы эндовидеохирургия бөлүмүнүн жетекчиси:

– Курамында алкоголу бар энергетикалык суусундукту канчалык көп ичсе, организмге ошончолук уу кирет. Уулардан улам бөйрөктүн иштөөсү бузулуп, нефропатия (бөйрөк оорулары) келип чыгат. Уулар жана курамындагы боёк сыяктуу заттар нефросклерозго (бөйрөктүн ткандарынын катып калышы), бара-бара ткандардын өлүшүнө алып келет.
Адамдардын организминде “алкогольдегидраза” аттуу фермент бар. Мунун кызматы – организмге кирген ууларды нейтралдаштыруу. Бирок бул фермент монголоид расасындагы адамдарда өтө аз. Ошондуктан монголоид расасындагылар ичимдик ичкенде тез мас болушат, ичкиликке да бат берилип кетишет. Эгер адам алкоголду аздан болсо да кабыл ала берсе, анда алкоголь жанагы ферментти жок кылат. Демек, дене ууларды нейтралдаштыруучу жардамчысыз калат да, уулана берет. Жыйынтыгы бөйрөктүн иштен чыгышы менен аяктайт.

“ТЕРС ТААСИРЛЕРИ КӨП. АНДЫКТАН САТУУГА ТЫЮУ САЛЫНСА”

Нурзада Маямерова,
“Триум-Инфо” психологиялык окуу борборунда психолог,
Кыргыз улуттук аскер лицейинде офицер-психолог:

– Курамында алкоголу бар энергетикалык суусундукту ичкенде курамындагы кофеин кубат берсе, алкоголь кайра аны басат. Экөө бири-бирине карама-каршы келет. Ушунусу менен психикага терс таасир тийгизип, нерв системин бузат. Андыктан адам бат таарынып, бат ачууланат, жан дүйнө салмагы бузулат. Максаты жок, эмне кыларын билбей баш аламан жүрөт.
Аз алкоголь мас абалды билдирбей коёт. Сыртынан мас болбогондой көрүнгөнү менен, чынында, адам мас абалда болот. Өзүн көзөмөлдөй албай, уруш-талашка барат, ал тургай суицидге жетет.
Ушундай терс таасирлеринен улам чет өлкөлөрдүн көбүндө алкоголу бар суусундуктарды сатууга тыюу салынган. Бизде да тыюу салынса жакшы эле болмок.

Окурман, өзүңүз баамдагандай, энергетикалык суусундуктар ден соолукка, өспүрүмдөрдүн калыптанышына терс таасир тийгизерин дагы бир жолу тастыктадык. Адистердин маалыматынан кийин мындай суусундуктар адамды акырындап өлтүрүүчү курал экен деген ойго аргасыз кабыласың.

Канымжан Усупбекова
densooluk@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
13.12.2011. 17:01 
Тайпасы:
Кыймылы жок
Комментарийлердин саны:
7
Катталган:
26-10-2011
Соӊку аракети:
18-01-2012 04:29
Жынысы:
Белгисиз
Калаасы:
chonan
0
Колдон келсе ушундай зяндуу нерселерди катуу козомолго алып тыйышса жакшы болоор эле коомго.
13.12.2011. 21:31 
Тайпасы:
Кыймылы жок
Комментарийлердин саны:
17
Катталган:
11-11-2011
Соӊку аракети:
16-06-2016 20:01
Жынысы:
Белгисиз
Калаасы:
новосибирск
0
такыр сатырбай коюш керек..тыю салып..!!.манас атанын урпактары.. алкоголдук ичимдиктерден алыс болуп пайдасыз нерсеге такыр жолобой!!..спорт менен машыгып сергек жашагыла....!!!!!
13.12.2011. 22:19 
Тайпасы:
Түйүлдүк
Комментарийлердин саны:
238
Катталган:
01-06-2011
Соӊку аракети:
08-12-2014 11:52
Жынысы:
Белгисиз
Калаасы:
Boston, Massachusetts State, USA
0
Amerikada red bull i monstr degen turloru kenen jaygashkan, ar kunu ar kim alyp ichet
15.12.2011. 01:53 
Тайпасы:
Жаран
Комментарийлердин саны:
38
Катталган:
23-01-2009
Соӊку аракети:
03-01-2018 23:32
Жынысы:
Белгисиз
Калаасы:
Bishkek
0
energetikalyk suusunduktar europanyn koptogon mamleketterinde tyiuu salyngan amerikadada!!!jawtar oilongula!!!
30.12.2011. 17:13 
Тайпасы:
Кыймылы жок
Комментарийлердин саны:
1
Катталган:
08-10-2011
Соӊку аракети:
30-07-2012 18:51
Жынысы:
Белгисиз
Калаасы:
KOREA
0
uwundai maalymattardy jaryalap tursanyzdar jawtar bile jyrgongo jaklshy bolot ele, televizor, radiodon da berilse kop jashtar bile berbeit.
03.12.2012. 21:59 
Тайпасы:
Кыймылы жок
Комментарийлердин саны:
5
Катталган:
26-11-2012
Соӊку аракети:
26-07-2013 00:03
Жынысы:
Белгисиз
Калаасы:
россия
0
колдон келсе эч ишпеш керек ал омурго ото зыян нерсе
01.12.2016. 13:34 
Тайпасы:
Жаран
Комментарийлердин саны:
81
Катталган:
31-05-2015
Соӊку аракети:
01-09-2017 11:40
Жынысы:
Белгисиз
0
Психикага терс жардам берет дегени чын. Менин бир таанышым ЯГУАР иче берип жинди болоюн деп калыптыр.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: