Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БЕРНАРД ХОПКИНС

№194 21-27-июль, 2006-ж.


“Баш кесер” кличкалуу Бернард Хопкинс 1965-жылы 15-январда АКШнын Филадельфия шаарында туулган. Профессионалдык бокс жаатында Дүйнөнүн абсолюттук чемпиону. Жарым оор салмакта Дүйнө чемпиону титулун 20 ирет коргогон. Рингге бардыгы болуп 52 жолу чыккан. Булардын 47синде жеңип (анын ичинде 32син нокаут менен), 4 ирет жеңилип, 1 ирет тең чыккан. Бою 185 сантиметр, салмагы 79 килограмм. Чабуул коюу аралыгы 178 сантиметр. Учурда өзү туулуп-өскөн АКШнын Филадельфиясында жашайт.

МУШТАШТАН АБРОЙ ТАПКАН БАЛА
Бернард жашоодо өз акылы менен муштумуна гана ишенүүгө боло тургандыгын кичинесинен түшүнгөн. Себеби, ал жашаган аймак мушташ-чатак боюнча атагы чыккан аймак эле. Ар көчөнү өзүнүн “авторитети” башкарып, эл алардын жазылбаган мыйзамдары менен жашоочу. Мындай жагдай Бернардды да мушташуу өнөрүн жакшылап үйрөнүүгө жеткирген. Өзү теңдүүлөрдөн мушташууда артыкчылык кылган Бернардга башкалардан ыза көргөн алсыз балдар өзүнө болушуп коюшун суранып кайрылышчу. Бернард алардын өтүнүчүн жерге калтырчу эмес. Бирок, акысына бир нерсе алууну да унутчу эмес. Өспүрүм 10 жашка чыкканында пенсиядагы мурунку полиция кызматкери ачкан бокс залына бара баштайт. Дал ошол залдан келечектеги Дүйнөнүн абсолюттук чемпиону алгач бокс кол кабын кийип, бокс сырларын үйрөнүүгө өтөт.
Антсе да Бернард чоңойгон сайын көчөдө көп жүрө баштайт. Мушташуунун артында аз акча табууга алымсынбай, эми куралдуу талап-тоноо, кол салууга өтө баштайт. Тегеректеги элдер андан корко баштап, ал жакындап ооз ачкыча эле айтканын кармата берүүгө өтөт. Өспүрүмдүн бир артыкчылыгы аялзатына тийбегендиги, кол көтөрбөгөндүгү эле. Кылмышка аралашкандыгы үчүн Бернард бир нече ирет кармалып, алтургай, өспүрүмдөр колониясында аз болсо да отуруп чыккан учурлары болот.

ТҮРМӨНҮН АБСОЛЮТТУК ЧЕМПИОНУ
Хопкинстин криминалдуу жоруктары аны 17 жашында 18 жылга түрмөгө камалууга алып келет. Эми жаш жигиттин башына “неси болсо да түрмөдөн аман чыгуу керек” деген ой ээлейт. Аман чыгуу үчүн болсо кыйынчылыктарга каршы туруп, өзүн мурункудан да “крутой” көрсөтүш керек эле. Бул үчүн түрмөдө да бокс менен машыгуу керек болчу. Ошентип, Бернард машыгууга өтөт. Бирок, көп өтпөй түрмөгө Смоки аттуу бокста да, кримдүйнөсүндө да белгилүү адам түшөт. Ал Бернарддын мүнөзүн жана бокска болгон талантын байкап, канатына калкалап, машыктырууга өтөт.
Жыйынтыгында Бернард түрмө аралык беттешке катыштырыла баштайт. Ошентип, түрмөдө алты жарым жыл ичинде штаттагы 21 түрмөдөгү “мен боксчумун” дегендердин барын жеңип абсолюттук чемпиондукка жетишет. Бул үчүн эртелеп түрмөдөн бошонууга укук алат.

“ЗЕКТЕН” ДҮЙНӨ ЧЕМПИОНУНА АЙЛАНУУ
Түрмөдөн чыккан соң Бернард кайра түрмөгө түшпөөнү жана Дүйнө чемпиону болууну максат кылат. Алгачкы беттешке 1988-жылы октябрда Клинтон Митчелл менен чыгып, жеңилип калат. Бул аны ызалантып, эмки беттешке жакшылап даярдануусуна түрткү болот. Арадан бир жарым жыл өткөн соң ал каршылашын утат да, ошондон баштап жалаң жеңүүнүн үстүндө болот. 1990-92-жылдары Бернард 20 жолу рингге чыгып, 15ин нокаут менен утуп, “баш кесер” кличкасына ээ болот.
Дүйнөлүк бокста белгилүү болуп чыгуу менен Бернард WBC версиясы боюнча чемпиондук титул үчүн рингге Уэйн Пауэлл менен чыгат. Бернард 21 секундда эле аны нокаутка түшүрүп, жеңишти камсыз кылат. Эми кезек Олимпиаданын күмүш медалынын ээси Рой Жонс менен беттешүүгө келет. Экөөнүн таймашы 1993-жылы майда өтөт. Беттеш 12 раундга созулуп, жыйынтыгында Бернард жеңилип калат. Бирок, андан кийин бир жыл ичиндеги Роя Ричи, Вендалла Холл, Мелвин Уинн жана Лупе Акино менен болгон таймаштырында барысын тең нокаут менен утуп, дүйнөгө мыкты экендигин даңазалайт.

БОКС ШААСЫ БОЛУП ЧЫГУУ
1994-жылы Хопкинс IBF версиясы боюнча чемпиондук титул үчүн Сегундо Маркадо менен беттешет. Таймаш Африканын Эквадор өлкөсүндө өтөт. Бернард эки ирет полго кулап түшкөн­үнө карабай жал­пы эсеп менен оюн тең чыгат. Экөөнүн матч-реваншы 1995-жылы апрелге белгиленет. Таймашта Бернард каршылашын 7-раундда нокаутка тү­шү­рөт. Ошентип, бир кезде түрмөдө отургандагы кыялы ишке ашып, Бернард Дүйнөнүн абсолюттук чемпиону болуп калат.
Мындан кийин Бернард дүйнө чемпиондугу титулун Глен Жонсондон, Сид Вандерпулдан, Саймон Браундан, Эндрю Каунселден коргоого жетишет. Анан дүйнөнүн абсолюттук чемпиондугу үчүн Феликс Тринидад (кичүүсү) менен бет келет.
Ошондо Бернард өзүн жеңилет го деп ой жоруп турган элдин оозун ачырып, жеңишти камсыз кылат.
Мындан кийин Бернард Вильям Жоппи, Кит Холмстун үстүнөн да жеңишке жетишет.
2001-жылы Бернард Феликс Тринидад менен кайра рингге чыгып, 12-раундда аны бети-башын канжалатууга жетишет. Феликстин атасы баласынын денсоолугуна абыгер чегип, рингге ак жоолукту таштайт. Ошентип, Бернард ого бетер легендарлуу болуп чыга келет.
2003-жылы Бернард күтүлбөгөн жерден WBC версиясы боюнча чемпиондук титул үчүн Морраде Хаккара менен таймашып, жеңип, бир миллион долларга ээ болот. Бул беттеште Бернард каршылашын алгач мышык-чычкан ойнотуп, акырында болушунча токмоктойт.

ДҮЙНӨНҮ ДҮҢГҮРӨТКӨН БЕТТЕШТЕР
2003-жылдын жайында чемпиондук титулун Вильям Жоппиден коргоосуна туура келет. Алдын-ала өткөзүлгөн пресс-конферецияда Вильям Бернарддын түрмөдө отурган кезин эске сала, кемсинте сүйлөйт. Көзүнөн заар чачыраган Бернард микрофонду алып, “Жоппи экөөбүздүн беттешишибизде анын өлүгүн көрө аласыздар” дейт. Айкандай эле Вильям Бернардды кемсинте сүйлөгөнүнүн жазасын рингден алат. Бернард Вильямды алгачкы секунддарда эле нокаутка түшүрө койгонго алы жетмек эле. Бирок, ал 12 раунд бою Вильямды мазактоо иретинде аёосуз ур-бериге алат. Рингден Вильям адам тааныбай турган кейпте чыгат жана ошону менен карьерасын жыйыштырат.
2004-жылы сентябрда “алтын жигит” кличкалуу Де Ла Хояны 9-раундда боорго уруу менен кулатат. Ал ордунан тура албай коёт да, жеңиш Бернардга ыйгарылат. Бул Хопкинстин Дүйнө чемпиондуган 19-ирет коргоп жатышы эле. Бирок, Бернард Де Ла Хоя менен беттешке даярданып жүргөнүндө апасы 3 жылдан бери ооруп жүргөн оорусунан, рактан кайтыш болот. Кайтыш болоор алдында ал Бернарддан жакынкы мезгилдерде бокстан кетүү тууралуу убадасын алган эле.

БЕРНАРДДЫН АКЫРКЫ ТАЙМАШТАРЫ
2005-жылы Бернард Говард Истменди утуп, чемпиондугун 20-ирет коргойт. Ошентип, боксчу өз атын бокс тарыхына калтырууга жетишет.
Бернар жакында эле, башкача айтканда, 2006-жылдын 10-июнунда IBF версиясы боюнча Дүйнө чемпиондугу үчүн Антонио Тервер менен АКШнын Атланта-Ситисинде беттешти. 5-раундда Антонио Бернардын бир нече таамай соккуларынан кийин полго колун тийгизди. Бул нокдаун катары эсептелди. Беттеш 12 раундга созулуп, жыйынтыгында Бернард утушка ээ болду.
Эми Бернард апасына берген убадасында туруп, бокстан кетүүнү чечүүдө.
Кеткен күндө да ал профессионалдык бокста белгилүү адам бойдон калмакчы.
Учурда легендарлуу боксчу Оскар Де ла Хоя менен өнөктөш болуп, промоутердик компанияда иштөөдө.

Даярдаган Канымжан Усупбекова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: