Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖКнын депутаты Исхак Масалиев:«Сүйүүмө жетпей төрт жыл чуркагам»

№324 16-22-январь, 2009-ж.


Кыска суроого кыска жооп

– Өзүңүзгө жаккан сапа­тыңыз...
– Чынчылдык, туруктуулук.
– Кандай адам менен тил табыша албайсыз?
– Калпычылар менен.
– Сизге тартууланган белектерден эсте сакталып калганы...
– ЖКнын депутаты Борис Сан белек кылган сыра куюлуучу чоң кружка.
– Атыңызды ким койгон?
– Исхак Раззаковдой болсун деп атам койгон.
– Улак тартышка түшөт белеңиз?
– Жок, бир жолу улак тартышам деп атка тебеленип кала жаздагам.
– Аткарылбай жүргөн кыялыңыз...
– Алтын балык кармоо.
Жактырган тамагыңыз...
– Палоо.
– Урматтаган саясатчыңыз...
– Атам Апсамат Масалиев.
– Сүйгөн жаныбарыңыз...
– Азиат породасындагы овчарка.
– Эмнеден коркосуз?
– Чыккынчылыктан.
– Кандай музыка жагат?
– Классикалык.

«Төртүнчү класста тамеки тартып көргөм»

– Саламатсызбы, Исхак мырза. Бүгүн биз саясатты, андагы оппозиция, позицияны мындай жылдыра туруп, жөн гана жашоо-турмуш, анын ачуу-таттуусу, жыргалы-кууралы тууралуу сүйлөшөлү деп турабыз. Каршы эмес чыгарсыз?
– Каршы эмесмин. Чынында, саясатты күндө сайрай бергенден да тажайсың.
– Ар бир адамдын өмүрүнүн эң кымбат учуру – алтын балалык. Сиздин балалыгыңыз миңдеген теңтуштарыңыздан бир топ айырмалуу өтсө керек. Кантсе да учурунда мамлекетибиздин жетекчиси болгон кишинин уулусуз...
– Балалык күндөрүм жалаң эле жер кыдырып, көчүп жүрүп өттү. Ал күндөрдү ойлогондо биринчи эске келгени ошол. Бул негизинен атамдын кызматына байланыштуу болчу. Мен он жашка чыкканча Ошто, кийин Таш-Көмүр, Каракол шаарларында жашадык. Анан Бишкекке көчүп келдик. Ошол учурда чоңдун баласы болуш кыйын болчу. Бир жерден эле тартип бузганыңды байкап калышса, атаңдын жумуштан кетүүсүнө чейин иш козголчу. “Өзүнүн баласын башкара албаган неме эл башында кантип турат деген кепке калабыз”,- деп атам көп айтчу. Бирок, ал кишинин тарбиясында бир өзгөчөлүк бар эле. Натуура кылган иш үчүн кыйкырып урушуп же сабачу эмес. Ушунчалык сүрдүү көз караш менен тиктеп койгону жетиштүү болчу. Үйдө төрт биртууганбыз: эжем – Айсалкын, иним – Муса жана карындашым – Айчүрөк. Баарыбыз темирдей тартип менен чоңойдук. Бир жолу төртүнчү класста таякелериме кошулуп алып айылдын четине барып тамеки тарта коём деп таенемден эси-көөнүмдөн кеткис жаза алгам. Бирок, суранып жатып бул жөнүндө атамдарга жеткиздирген жокмун. Эгер жетсе, жаза абдан эле катуу болмок да. Кийин жетинчи класста кайрадан тамекиге азгырылдым. Ошондон бери таштай албай келе жатам.
Мектепте жакшы деле окуган жокмун. Орточо окуган окуучу болчумун. Эсимде, биринчи класста кайсы бир сабактан «2» эмес, «1» алганмын.

«Мугалимдерден жашырынып шарап иччүбүз»

– Студенттик кездер ашыктык сезимдер менен гана эсте калбаса керек...
– Басымдуу бөлүгүн баары бир Атыркүлгө болгон сүйүүм ээледи окшойт. Студент кезде атам Обкомдун биринчи секретары болуп, үйбүлөбүз Караколдо жашап калды. Мен эжем, жездем, иним, биртуугандарым болуп атамдын Бишкектеги квартирасында турчумун. Кечелерге барып шарап ичип келип калганымда эжем телефон чалып атамдарга айтып койчу. Анан мени урушуп эле жатып калышчу.
Үчүнчү курстан бир сабактан экзамен бере албай кулап, жарым жыл эжейдин артынан чуркагам. Кийин ал эжейге жолугуп калып, кайсы жазыгым үчүн мени жарым жыл кууратканын сурап калсам: “Сен ошондо жынсы кийип экзаменге келгенсиң. “Чоңдугуна чиренет” деп сени жактырбай, баа койбой койгом”,- деп айтып жатпайбы. Ойлоп көрсөм, чын эле ал кезде жынсыны мен-мен дегендер кийишчү экен. Жок жерден ошентип мугалимдерге жаман көрүнүптүрмүн.
Жаштык кезде дискотекага да көп бардык. Дискотека окуу корпусубуздун биринчи кабатындагы фойеде болчу. Анан мугалимдерге көргөзбөй вино иччүбүз. Мына ошентип эле студенттик кездер өтүп кетти.
– Азыр ичкиликке кандай карайсыз?
– Жыйырма жылдан бери оозума ала элекмин.
Сөздүн нугун эми үйбүлөңүзгө бурсак. “Идиш-аяк кагышат, эрди-катын урушат” деп коёт эмеспи. Мындай учурда ким биринчи кечирим сурайт?
– Эрте үйлөнгөндөн болсо керек, тил табыша албай таарынышып, атүгүл жеңең кетип калган учурлар, жаштыктын деми менен ичип алып тентип үйгө түнөбөгөн күндөр да болгон. Арада сүйүү, андан жаралган балдар болгон соң кечиришпей кайда бармак элек. Бир кубанганым, апам менен келинчегимдин ортосунда кырды-бычак мамилелер болгон жок. Мына жакында Атыркүл экөөбүздүн чогуу түтүн булатканыбызга 28 жыл болот. Эки кыз, бир уулду тарбиялап жатабыз. Азырынча эч кимиси турмуш кура элек.
– Кайсы тамакты мыкты жасай аласыз?
– Жумуртка кууругандан башка нерсени билбейм. Азыркы учурда апасы ашкананы улуу кызыма өткөрүп берген.

«Менин махабатым...»

– Сабакка анчалык маани бербептирсиз. Ал эми татынакай кыздаргачы? Кайсы бир кызды ойлоп, түнү бою кирпик какпай түйшөлгөн учурлар болгон чыгар?
– Мен эрте жетилсем керек. Себеби, бешинчи классымда өзүм курдуу кыздарды эмес, эжейимди жактыргам. Бир эжейим бар болчу, татынакай боёнуп, тырмагын кызыл лак менен боёп, өзүн абдан тыкан алып жүрчү. Ал кезде кыз-келиндер көп деле боёно бербегенденби, айтор, мага бул айым абдан сулуу көрүнүп, сүйүп калгам. Кээде телмирип тиктеп отура берчүмүн, эч нерсени укпай. Кыялданчумун. Чоңоюп, акыл-эс кирип, токтолуп калганда деле ал сезимди өчүрө албагам. Эжейдин сабагына аябай даярданчумун. Ар бир сабакта жооп бергенге, өзгөчөлөнүп көрүнүүгө аракет кыла берчүмүн. Кийин Кыргыз мамлекеттик университетинин тарых факультетине тапшырдым. Биринчи курста Казакстанга кыргыз студенттерин темир жол курганга алып барып калды. Анан жубайым Атыркүлдү байкап калдым. Мына ошондо чыныгы сүйүү эмне экенин түшүндүм. Өзүнчө эле бушайман болуп, жан дүйнөм жабыркап жүрдү. Эптеп жатып сүйүүмдү билгизсем: “Эч кандай шансың жок”,- деп койсо болобу?! Бирок, көшөрүп артынан төрт жыл чуркадым. Ойлосом, ошол кезде менде ал кыз жактырчу деле кебете жок экен. Өтө арык, боюм узун, чачтарым тик турган. Ансыз деле бир топ жигиттер Атыркүлдү айланчыктап жүрүшчү. Бирок, ал балдарды акырын мындай чакырып, дос балдар менен бирге муш көргөзүп, моюндан толгоп койчубуз. Байкасын деп атайын эле ар кандай жагымдуу нерселерди жасай берчүмүн. Бир жолу туулган күнүнө курсташтардын баарын чакырды. Ошондо мага тост келгенде чыгынып туруп: “Кийинки туулган күнүңдү менин үйүмдө чогуу тосолу”,- деп салгам. Ал жерде Атыркүлдүн да ата-энеси бар эле. Айткандай эле төртүнчү курста үч күн той берип, үйлөнүп алдык. Атамдын Волгасы жана бир автобус менен шаар кыдырып, сүрөткө түшүп майрамдап койдук.

«Бийлик үчүн гана күрөш»

– Саясатчы эмес, Кыргызстандын жөнөкөй жараны катары азыркы учурдагы саясатка баа бере кетсеңиз...
– Акыркы 15 жылдын ичинде биздин саясат түрүн гана өзгөртүп, сапаты өзгөрбөй келе жатат. Көбүнүн эле багыты, максаты бир. Ал – бийлик үчүн күрөш. Ал эми бийликке жеткенде байлыкты ойлошот. Ушул идеяны өзгөртөлү, элдин тагдырын ойлойлу дегендер саналуу гана.
– Саясаттан чарчаганда кандай эс алууну жактырасыз?
– Акыркы төрт жылдан бери балык уулоону хоббиге айлантып алдым. Жаңы жылдан баштап эле беш жолу бардым. Кээде тамашалап: “Эгер мени балык уулоого чакырса, баарын сатам, Ата Мекенден башкасын”,- деп айтып калам.

Маектешкен Бахияна Сатылганова


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: