Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Сайра Момунбаева: «АПАМ ТОПУРАГЫМДЫ ТҮЙҮП БЕРЕМ ДЕП...»

№476 16-22-декабрь, 2011-жыл


Ырчы, актриса, колунан көөрү төгүлгөн уз эжебиз Сайра Момунбаеванын ар тараптуу таланты менен тааныш болсоңуз керек. Бир адамга мынча өнөрдү татыктуу алып жүрүү кыйын иш. Ошентсе да Сайра эже декабрь айынын экинчи жарымында жеке концертин берүүгө камынып жатыптыр.

“КИЧИНЕМДЕ АЯБАЙ ЭРКЕ КЫЗ ЭЛЕМ”
– Тогуз-Торо районунун Казарман айылында төрөлүп, 1 жашка чыкканда үй-бүлөлүк шарттарга байланыштуу ата-энем Ак-Талаага көчүп келишип, ошол жакта чоңойдум. Мени апам 41 жашында төрөп, атам ал убакта 55те экен. Экөө тең чоң жамакчы, атам сынчы, мыкты зергер, уста болсо, апам боз үйдүн жабдыктарын жасаган, шырдак ойгон, кийим бычып-тиккен уз болчу. Бир топ жыл экөө бала көрбөй, атам “кыңшылатып эгизден итке бердиң баланы, сиркелетип сегизден битке бердиң баланы... Бизге да бала бер” деп төгүп ырдап Жаратканга жалынып жүрүп, эки кыз, бир уулдуу болушуптур. Үй-бүлөдө эң кичүүсү менмин. Атамдын аябай эрке кызы элем.
Мектепте орто эле окудум. Алгебра, геометрия жана химия сабактарынан дайыма адашпай “3” алып жүрүп бүттүм. Ырчылык жаатында кандай гана кароо-сынак болбосун, калтырчу эмесмин.

“АПАМ МЕНЕН АЛЫШЫП ЖАТЫП АРТИСТ БОЛГОМ”
– Мектепти аяктагандан кийин апам мени тикмечинин окуусуна шаарга жөнөттү. Бирок кичинемден эле артист болууну кыялдангандыктан, тикмечиликке бутум тартпай, эки жыл бою “окууга өтпөй калдым” деп кайра эле бара бердим. Эки жылдан кийин Мураталы Күрөңкеев атындагы музыкалык училищенин вокал бөлүмүнө тапшырып алдым. Апам бул жоругумду угуп, “артисттин окуусуна тапшырып алыптырсың, топурагымды түйүп берем” деп катуу урушкан. “Апа, бул окууну бүтүргөндө мен артист эмес, музыкадан сабак берген мугалим болом” деп алдап, араң сооротком.
Окууну аяктап, өзүм кыялданган Нарын музыкалык драма театрында иштеп калдым. Ошондо апам дагы урушуп кирди. Театрдын жетекчилиги менен кесиптештерим апамды чакырып түшүндүрүшүп, араң алып калышкан. Кийин Ташкенттеги Островский атындагы Театралдык институтта сырттан окудум.

“ЖОЛДОШУМ МЕНИ АЛА КАЧЫП КЕТКЕН”
– Биз жолдошум Азат экөөбүз студент кезде таанышканбыз. Бир жолу Нарын театрында иштеп жүргөндө Көлгө “Боз бойдок” спектакли менен гастролго баратып, Кочкордо үч күнгө калып калдык. Спектаклге атайын даярдалган ырым жакшы жазылбай калган эле, ошол жүрөгүмдү өйүп турган болчу. Барган эле күнү концертке барып калып, ал жактан Азат жетектеген “Күлгүн жаш” ансамблин жолуктурдум. Сүйүнүп, Азаттан жанагы ырды кайрадан жаздырып берүүсүн өтүндүм.
Эртеси барып ырдасам, булардын тобунда Кеша деген бир жигит бар эле, ордунан тура калып, “биз сени алып калабыз” деди. “Жок, мен калбаймын” десем, “мага тиесиңби?” дебеспи. “Жок, тийбеймин” дедим. “Сага кандай балдар жагат?” деп сураса, ары жакта Азат момпоюп отурганынан “мага Азаттай жоош балдар жагат” дептирмин го шашып. “Эгер сени Азатка алып бербесем, мени нан урсун!” деп нанды кармап туруп сыртка чыгып кетти. Балдар бизди ага чейин эле ошол Кешанын үйүнө конокко чакырып жатышкан. Эртеси "конокко жүргүлө" деп келип калышыптыр. Биздин жаш кесиптештер жабылып, каршы болгонума карабай мени да алып жөнөштү.
Бир үйгө алып барышып, отурарыбыз менен көшөгө тартышып, жоолугун алып келишти. “Отурбаймын” деп таң атканча жоолукту мыкчып отурдум. Эртең менен араң көнүп, Азатка “мени театрга иштетем десең отурам, иштетпесең, кетем” деген талап койсом, аным “кетпейсиң да, иштебейсиң” деп жатпайбы. Акырында кесиптеш эжелер келип, Азаттан “үч күндөн кийин театрга жиберем” деген тил кат алышып, отургузуп кетишкен. Ошондо Азат 28де, мен 27 жашта элем. Үч күндөн кийин Азат мени үйдөн эч кимге көрсөтпөй чыгарып, театрга алып барды. Жеңил ойлуу кыздын ролун аткарар элем, мен сахнага чыгарым менен “Азаттын келинчеги ушул экен” деген сөз кетти зал ичине. Эртеси кайнагамдар угуп калышып, мени ал спектаклге жибербей коюшту.

“КЫЗЫМ АЗЫРЫНЧА ЖАЛГЫЗ”
– Турмушка чыккандан кийин деле ырчылык, акртисалык жаатында бир топ ийгиликтер жаралды. 93-жылы Алмаз Сарлыкбеков агайдын жардамы менен Жаш көрүүчүлөр театрына (ТЮЗ) которулуп, Фрунзеге келдик. Ал кезде мен кош бойлуу элем. Негизи, батирлеп көчкөн жокпуз, бекер жатаканалардан жолдуу элек. Кызым Акбермет төрөлгөн кезде деле Алмаз агайга эркелеп, ишим болгондо гана театрга барбасам, күн сайын ишке баруу жагынан бошотулган элем. Кийин Алмаз агай иштен которулганда ал мүмкүнчүлүктөн ажырап, арызымды жазып театрдан чыгып кеттим.
96-жылы жолдошум ишсиз калып, ошондо абдан кыйналдык. Апамдын “сенин атыңды тикмечилик чыгарат” деген сөзү ошондо күчүнө кирип, тикмечилик өнөрүм менен күн көрө баштадык. Ошентип, турмуш, чыгармачылык деп жүрүп, дагы балалуу болуу планы артка жыла берди. Кийин мүмкүнчүлүк болгон убакта ден соолук жайында болбой калды. Азыр да ден соолукка олуттуу көңүл буруп, жакшылап дарыланышым керек. Бирок мен ооруканада жатып алсам, дүйнө токтоп калчудай сезиле берет. Ушундай көп себептерден улам кызым азырынча жалгыз. Кудайым буйруган болсо, аялзаты 50 жашында деле төрөп алат эмеспи.

“КОШ ӨНӨРДҮН ЭЭСИМИН”
– Кол өнөрчүлүк менен алгач аз-аздап гана алектенип келгем. Бирок үйдө иштеген абдан ыңгайсыз. Үйгө конок келет, ага чай бересиң, сүйлөшүп отурасың дегендей. Кыйналып кеткенде ижарага имарат алып, тигүү цехин ачкам. Кудайга шүгүр, азыр ишибиз жүрүшүп жатат. Көбүнчө заманбап улуттук кийимдерди тигүү менен алекмин. Ырчы, бийчилердин көпчүлүгү сахна кийимдерин мага тиктирип кийишет. Апам айткандай эле ушул жаатта өз ордумду таба алдым.
Андан тышкары актрисалык билимди пайдаланып, “Айыл өкмөтү” тасмасында Розанын, “Боз салкында” Сагындын апасынын ролдорун жараттым. Ырчылык өнөрүмдү болсо алигиче аздап элге тартуулап келем.

  • Сайра Момунбаева 1964-жылдын 26-августунда төрөлгөн.
  • Бирөөгө көз жашын көрсөткүсү келбейт. Ыйлагысы келсе, ээн жер издеп калат.
  • Эженин мүнөзүндө көктүк бар. Эгер жолдошуна таарынып калса, жарым айлап сүйлөбөй жүрө берет.
  • Кыймылсыз жатууну жактырбайт. Жакында жүрөгү ооруганда гана аргасыздан ооруканага жатып чыкты.
  • Ашканада жакшы кожойке.

Чолпон Сүйүнбаева
star@super.kg


Сайра Момунбаева: "Биз, чыгармачыл адамдар наркомандай болобуз"

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(8)
Super TV
20.12.2011. 15:43 
Тайпасы:
Кыймылы жок
Комментарийлердин саны:
181
Катталган:
04-10-2008
Соӊку аракети:
22-10-2013 14:27
Жынысы:
Белгисиз
0
Алпаруучуда жандуулук бар экени билинип турат. Айрыкча видеону тиктеп отурсан ортосунда кулгун "коен" чыга калганда чочуп кеттим. Жакшы-жакшы жылыш бар.
Super TV
20.12.2011. 15:47 
Тайпасы:
Кыймылы жок
Комментарийлердин саны:
20
Катталган:
23-09-2011
Соӊку аракети:
03-03-2013 01:03
Жынысы:
Белгисиз
Калаасы:
Kyrgyzstan
0
Эженин чыгамачылы жакшы,бирок кийингени такыр жакпайт 18 кыздай болуп.Жашына карап кийинсе сооооонун болмок да.
Super TV
20.12.2011. 16:40 
Тайпасы:
Кыймылы жок
Комментарийлердин саны:
7
Катталган:
09-10-2011
Соӊку аракети:
12-01-2012 13:11
Жынысы:
Белгисиз
Калаасы:
сокулук
0
сайра момунбаеванын баары жалган деген ырын жуктоп койгулачы сураныч
Super TV
20.12.2011. 17:26 
Тайпасы:
Кыймылы жок
Комментарийлердин саны:
132
Катталган:
23-05-2009
Соӊку аракети:
26-03-2015 11:23
Жынысы:
Белгисиз
Калаасы:
Бишкек
0
Сайра эже азамат турбайбы.Башта жакшы маани бербепмин азыр тан калып отурам.Тиккен кийимдери аябай жакты,уну да соонун экен.Ийгилик каалайм эжеге.Эч такыр талыкпай,чарчабай эмгектене бериниз.
20.12.2011. 18:00 
Тайпасы:
Жаран
Комментарийлердин саны:
51
Катталган:
18-07-2011
Соӊку аракети:
09-11-2017 11:04
Жынысы:
Белгисиз
0
men sizdi jaktyram abdan,uluttuk zamanbap povsednevnyi kiyim tiktirgim kelet,adresinizdi kaidan alsam bolot???kim bilse kaltyryp koigula4y,please!
Super TV
20.12.2011. 23:12 
Тайпасы:
Кыймылы жок
Комментарийлердин саны:
2
Катталган:
20-08-2011
Соӊку аракети:
24-12-2012 16:13
Жынысы:
Белгисиз
0
аябай таланттуу эже экен абдан жакшы
Super TV
22.12.2011. 06:02 
Тайпасы:
Жаран
Комментарийлердин саны:
78
Катталган:
15-03-2011
Соӊку аракети:
03-01-2018 04:38
Жынысы:
Белгисиз
Калаасы:
Okean jeegi
0
wow,soooonun handmade kiyimderdi jaratat ekensiz!
iygilik sizge,baktyluu bolunuz.
Super TV
24.12.2011. 11:01 
Тайпасы:
Кыймылы жок
Комментарийлердин саны:
52
Катталган:
03-05-2011
Соӊку аракети:
23-09-2013 10:58
Жынысы:
Белгисиз
0
bul ejekebiz BOZ SALKYN DA atkargan,jana yrchy i tikmechi , ishinizge iigilik!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: