Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КРнын Эл артисти Курмангазы Азыкбаев: «МЕН КЫЙЫНМЫН ДЕГЕН МУЗЫКАНТТАР МАГА ЖЕКЕМЕ-ЖЕКЕ ЧЫГА АЛЫШПАЙТ»

№477 23-29-декабрь, 2011-жыл


Адам баласы кесиптик жаатта өз жолун тапканда гана өзүн бактылуу сезет экен. Бирөөлөр куруучу болгонуна, дагы бири саясатчы болгонуна кубанат. “Музыкант болуп, өз кесибимди туура тапканым үчүн бактылуумун” деген элибиздин белгилүү музыканты, 54 аспапта кол ойноткон Курмангазы Азыкбаев бизде конокто.

«АТА-ЭНЕМ ТӨРТӨӨБҮЗДҮ ТЕҢ БАГЫП АЛЫШКАН»
– Мен келе жаткан жылдын февраль айында 50 жашка чыгам. Кичине кезимде билем, үйдө бир кара сандык бар эле, апам жарыктык мага төшөктү ошол сандыктын үстүнө салып берчү. Анан баш жагымда бир кара радио турчу, эртең менен алгач гимн жаңырып, анын артынан эле кыргыз күүлөрүн берчү. Ошол күү менен ойгонуп, аны угуп жатып кайра уктап кетчүмүн. Ушунчалык мээге сиңип, терең ойлорго батып, музыканын кереметин ошондо эле түшүнө баштагам.
Кийинчерээк комуз үйрөнүп алып, эртеден кечке күзгүнүн алдына туруп, “Кара-Шоро, кенен жайлоо...” деп ырдап, өзүмө өзүм кол чаап жыргай берчүмүн. Анан жаштар арасында гитара модага айланып, үйдүн жанында жайгашкан аскердик өрт өчүрүүчү бөлүгүндөгү аскерлерден аны үйрөнүп алдым. Мен үйдө эң улуусу болгондуктан, атам өзү кайда барса, мени жанына ээрчитип жүрөр эле. Айылдын бардык түйшүгүн баштан өткөрдүм. Сакманчы болдум, чабандын жардамчысы болдум, талаада иштедим дегендей.
Атам өзү уста, санжырачы киши болчу. Кыргыздын нарк-насили менен бизди тарбиялады. Биз 4 бир тууганбыз. Ата-энем балалуу боло албагандыктан, төртөөбүздү тең багып алышкан. Бирок алыстан эмес, өзүнүн эле бир туугандарынан. Мисалы, мен апамдын инисинин баласы болсом, калгандары жакын сиңдилеринин балдары экен. Апам жакында эле дүйнө салып кетти, кыркылыгын өткөрдүк.
Мүнөзүмдөгү өтө шок, тентектигим бала кезимдегидей эле кала берди. Азыр деле ачуум бат келгендиктен, жиниме тийген адам өзүмдөн канча эсе чоң болсо да мушташа кетем. Таяк жеп калсам, артынан барып мушташам. Жеңмейинче асыла бермейим бар.

«КОРОЗ» ДЕГЕН АТКА ДА КОНГОМ»
– Бала кезимден эле музыкант болууну кыялданчумун. Аскерден келип, Күрөңкеев атындагы окуу жайынын флейта классына тапшырдым. Анан студент болгондон кийин курсакты тойгузуш керек да, ошол окуу жайга кароолчу болуп ишке орноштум. Кароолчу болгон соң ал жактагы бардык музыкалык класстардын ачкычы менде болот. Түнү менен кирип алып, инструменттердин ар бирин өз алдынча үйрөнө баштадым.
4 жылдын ичинде музыкалык билимимди башка курсташтарымдан алда канча тереңдетип алдым. Жатаканада түндө бир оокумда жатып, эртең менен саат 6да аспаптарда ойноп отуруп калчумун. Анан кээлери “уктатпайт” деп жини келсе, кээлери эрте ойготконум үчүн рахматын атышчу. Мени жатаканадагылар “короз” деп коюшар эле ошол кезде. Ошентип жүрүп жалаң окуу менен студенттик күндөр да өттү. Күнүнө 12 саат музыка менен машыгып, ушул деңгээлге жетип отурам.

«ҮЧ НЕБЕРЕНИН ЧОҢ АТАСЫМЫН»
– 26 жашымда Москвадан келип, “Мүрөк” деген ансамбль ачып иштеп жүргөнүмдө “Гүлдесте” ансамблинин ырчысы, азыркы жубайым Зина менен таанышып калдым. Ортобузду арзуу аралап, экөөбүз баш кошконбуз. Ошол жылдары Гүлшат деген карындашым дайынсыз жоголуп, анын Айзада жана Тимур деген эки баласын багып алдык. Бир жылдан кийин Нургазы төрөлдү. Учурда 6 баланын атасымын. Айзада менен Нургазы турмуш курушуп, 3 неберелүү кылышты. Тимурду жакында эле үйлөнттүм. Кызым Нурайымды да турмушка берип, ичимдин ачышканын алигиче унута албай турган кезим. Эстеп кеткен учурда көзүмө жаш алам. Анын үстүнө Нурайым үйдөбү, иштеби, менин оң колум эле да. Башкысы, бактылуу болсо болгону. Балдарыма дайыма жакшы тартбия берүү туурасында көп ойлоном. Бул жаатта үлгү болгондон ашкан тарбия жок экенине көзүм жетти. Миң айткандан көрө ишиң менен көргөзгөнүң оң.

«АРМАНЫМ АТТЫН БАШЫНДАЙ»
– Негизи, кыргыздын улуттук музыкасы учурда мышык ыйлагыдай абалга келип турат. Бала бакчалардан баштап, керек болсо кош бойлуу келиндерден тарта кыргыздын күүсү менен тарбиялашыбыз керек эле. Себеби адам баласы төрөлгөндө үн чыгарып дүйнөгө келип, өлгөндө үн чыгарып өлөт эмеспи. Андыктан ар кандай үндөрдөн турган музыка менен жашоо уланат. Өмүрүбүз – бүтүндөй музыка. Анын ичинде кыргыздын өзүнүн улуттук күүлөрү кандай сонун! Аны угуп, гармониясын түшүнгөн адам эч убакта жаман ишке барбайт. Элин сүйөт.
Кайсы гана адам болбосун, эң биринчи Кудайды сүйүш керек, андан кийин эле өзүнүн элин. Ата-эне, бала-чака деген элден кийин турат. Элди музыка менен тарбиялоо – абдан чоң жоопкерчилик. Ошол себептен сабатсыз музыканттар азыр эң коркунучтуу. Алар коомду бузуп жатышат. Бетке айткан кептин заары жок.
Азыр Кыргызстанда музыканын “касапчысы” менмин. Алдыман чыккан кайсы гана музыкант болбосун, мага жекеме-жеке чыга албайт. Мени көргөндө кирерге жер таппай калышат. Анткени алардын бул жаатта менчелик терең билимдери жок. Күчтүү музыканттардан коркуп, аларды четтетип турушат. Ошол себептен мен 20 жылдан бери бош жүрөм. Жаш муунга тарбия берүү, сапаттуу адистерди даярдоо жаатында мени колдонушса болот эле. Болгон күчүмдү жумшап, кыргызга кызмат кылмакмын. Мени мамлекет колдоно албай жатат.
Филармониябызга да реформа керек деп ойлойм. Эң биринчи филармониянын саны көп, пайдасыз оркестрлерин жоюп, анын курамындагы сапаттуу музыканттарды иргеп алып, эстрада-симфониялык оркестр ачуу зарыл. Ошондо гана музыканын сапаты жогорулап, ырчылар да иргелмек. Болбосо, азыркы биздин камералык оркестр көчүрмө болуп калган. Кыргыздын Арстанбек, Жеңижок, Карамолдо, Асанкалый, Муса, Атай, Түгөлбөй сыяктуу канчалаган залкарлары жараткан обондорду ойной алышпайт. Алар интернеттен классиканы көчүрүп алып эл алдына чыга беришет. Эки гана оркестрди алып калыш керек. Бири – Жумакматов атындагы чоң симфониялык оркестр, экинчиси – президенттин алдындагы камералык “Манас” оркестри.
Эң башкысы, Улуттук филармонияга музыканы мыкты билген, иш билги музыкалык жетекчи керек деп эсептейм.

АЯН АЛЫП, ЖАҢЫ АСПАП ЖАРАТАТ

  • “Филармонияга музыкалык жетекчи бол” десе, бармак, бирок жалпы жетекчи болгусу келбейт.
  • “Ата-бабалар бизге калтырбай, тиги дүйнөгө алып кеткен аспаптарды түшүмдө аян аркылуу алып, кайрадан жаратам”,- дейт.
  • Дүйнөнүн 108 мамлекетин кыдырып келген. Дайыма кыргыздын кызыл желегин сахнага алып чыгып концерт берет.
  • Репертуарында 1500 чыгарма бар.
  • Дүйнөнүн кайсы гана жеринде болбосун, концертти кыргыздын музыкасы менен баштайт.
  • Бала кезинде хоккей ойногонду, мелдешип турникке тартылганды жактырчу. Андан тышкары Нарын дарыясынын үстүнө барып коньки тепчү. Кийин ал жерден бир-эки бала чөгүп кетип, стадионго муз тоңдуруп ойноп калышкан.
  • Йогалык систем менен 4 саат гана уктайт.
  • Өзүнө жакпаган эң жаман адаты – тамекини көп чеккендиги. Күнүнө 3 куту чылым тартат.
  • Учурда 54 аспапты билет, алардын 37синде таза ойной алат.
  • Жаңы жылда кар жаап турганды жактырат. Студент кезде бир ирет Аяз кыз болгонун Жаңы жыл сайын эстеп жылмайып алат.
  • Жалаң үйлөмө аспаптарда ойногон­дуктан, курсагы бат-баттан ачып, ашка­нага көп баш багат. Өзү лагман менен куурулган картошканы жакшы бышырат.
  • “Гитаранын жардамы мага Германияда аскердик кызматта жүргөнүмдө тийди. Гитара ойнотуп, мага ашыкча тамак беришчү”,- дейт музыкант.

Чолпон Сүйүнбаева
star@super.kg



Курмангазы Азыкбаев: "Музыканын касапчысы менмин"

"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(14)
Super TV
23.12.2011. 22:08 
Тайпасы:
Жаран
Комментарийлердин саны:
43
Катталган:
10-12-2011
Соӊку аракети:
26-07-2017 09:43
Жынысы:
Белгисиз
0
Сизге ийгилик Курмагазы агай!"Супер" супер талантарды колдогонунар мага жагат!
Super TV
23.12.2011. 23:20 
Тайпасы:
Кыймылы жок
Комментарийлердин саны:
32
Катталган:
11-11-2011
Соӊку аракети:
09-07-2012 20:12
Жынысы:
Белгисиз
Калаасы:
Москва
0
Хехехе лака лака дук лака лака дук. Ийгилик
Super TV
24.12.2011. 00:00 
Тайпасы:
Жаран
Комментарийлердин саны:
265
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
+1
Sonun adam eken. Dagy chon iyigilikter koshtosun!!!
Super TV
24.12.2011. 00:44 
Тайпасы:
Жаран
Комментарийлердин саны:
20
Катталган:
21-07-2011
Соӊку аракети:
02-03-2018 12:30
Жынысы:
Белгисиз
Калаасы:
Планета Земля
0
Накта патриот экенсиз!
Super TV
24.12.2011. 07:32 
Тайпасы:
Кыймылы жок
Комментарийлердин саны:
52
Катталган:
03-05-2011
Соӊку аракети:
23-09-2013 10:58
Жынысы:
Белгисиз
0
abdan jakshy kishi eken, suilogonu aybay jakty , achyk tamashakoi kishi eken , sizge den sooluk jana chygarmachylyk iiigilik kaalaibyz!!! RESPECT
Super TV
24.12.2011. 10:20 
Тайпасы:
Кыймылы жок
Комментарийлердин саны:
25
Катталган:
23-11-2011
Соӊку аракети:
18-04-2014 22:20
Жынысы:
Белгисиз
0
Саламатсызбы коллега байке Негизи эле аябай мээнеткечсиз ийгилик кааалайм фари
Super TV
24.12.2011. 15:14 
Тайпасы:
Кыймылы жок
Комментарийлердин саны:
21
Катталган:
12-05-2010
Соӊку аракети:
28-01-2016 17:03
Жынысы:
Белгисиз
Калаасы:
КЫРГЫЗСТАН
0
Жагат да мага Курмангазы агай.Кыргыздын нукура мунозу камтылган адам экени суктандырат мени.Бар болунуз,ийгилик сизге!!!
Super TV
24.12.2011. 21:47 
Тайпасы:
Кыймылы жок
Комментарийлердин саны:
17
Катталган:
16-05-2011
Соӊку аракети:
13-01-2014 11:44
Жынысы:
Белгисиз
Калаасы:
Жалалабат, убактылуу РФ
0
Курмангазы агабыз язычник болуп калганго. Аллах өзү хидаят берсин.
Super TV
25.12.2011. 21:41 
Тайпасы:
Кыймылы жок
Комментарийлердин саны:
21
Катталган:
23-05-2009
Соӊку аракети:
26-03-2015 11:23
Жынысы:
Белгисиз
Калаасы:
Бишкек
0
Курмангазы байкеден Чыныгы Кыргыз жузу корунуп турат экен.Чыгармачылык ийгиликтер коштой берсин бар болунуз!
Super TV
26.12.2011. 14:19 
Тайпасы:
Жаран
Комментарийлердин саны:
141
Катталган:
12-01-2009
Соӊку аракети:
31-01-2018 00:05
Жынысы:
Белгисиз
Калаасы:
Бишкек
0
Сонун материал болуптур. Чынында эле Курмангазы агай мыкты музыкант. Көп-көп ийгиликтерди каалайм!
Super TV
26.12.2011. 16:15 
Тайпасы:
Жаран
Комментарийлердин саны:
36
Катталган:
01-11-2011
Соӊку аракети:
16-06-2017 22:13
Жынысы:
Белгисиз
Калаасы:
Ош
0
Ооба талантына шек жок бирок, ото эле аша чаап мактанып кетиптир, калдайган кыргыз элде жалгыз муза пири сиз эмес да байкеси, уят элдин атынан мен гана кыйын деген
Super TV
27.12.2011. 13:46 
Тайпасы:
Жаран
Комментарийлердин саны:
28
Катталган:
18-03-2009
Соӊку аракети:
21-08-2017 15:21
Жынысы:
Белгисиз
0
Баракелде ушундай таланттарыбыз кобойо берсин
27.12.2011. 19:53 
Тайпасы:
Жаран
Комментарийлердин саны:
134
Катталган:
18-07-2010
Соӊку аракети:
28-02-2018 09:52
Жынысы:
Белгисиз
0
Чынында талантту адам.
29.12.2011. 20:54 
Тайпасы:
Кыймылы жок
Комментарийлердин саны:
18
Катталган:
24-07-2011
Соӊку аракети:
08-06-2012 16:27
Жынысы:
Белгисиз
Калаасы:
фвфы
0
Курмангазы Азыкбаев деген бул тарыхта калаар чон талант.Талантын сыйлайм жана кыргызымда ушундай инсандардын бар экенине сыймыктанам.Негизи агабызга тенелер жок болсо керек.Убагында Ч.Айтматов да айтпады беле "Аалам тааныган адаммын.Мени колдонуп алгыла." деп.Эки козду элейтип,этек башты жыйгыча,Айтматовдон да айрылып калдык.Эми укса да укмаксан,корсо да кормоксон."Колдо бар алтындын баркы жок"деген ушул да.Курмангазы ага талантыныз мындан дагы ташкындай берсин.Ийгилик.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: