Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨНӨРҮҢ ТҮБӨЛҮК ЭСТЕ КАЛАТ, ЭСИЛ АГА!

№325 23-29-январь, 2009-ж.


Сыйлыктары:

  • Кыргыз ССРинин Эмгек сиңир­ген артисти (1975-жылы);
  • Кыргыз ССРинин Эл артисти (1977-жылы);
  • Даңк медалы (1997-жылы);
  • Эл аралык Алтын көпүрө сыйлыгынын лауреаты (1996-жылы);

Тартылган фильмдери:

  • “Караш-караш окуясы”;
  • “Акбаранын көз жашы”;
  • “Бакайдын жайыты”;
  • “Биринчи мугалим”;
  • “Отко таазим”;
  • “Улан”;
  • “Ысык-Көлдүн кызгалдактары”;
  • “Балалыктын асманы”;
  • “Дерсу Узала”;
  • “Кырк биринчи ок”.

Эл душманынын баласы

Советбек ага 1932-жылы кыш күндөрүнүн биринде көл кылаасындагы Тепке деген айылда төрөлгөн. Маңдайы жарыла сүйүнгөн ата-эне замандын ыргагы менен атын Советбек коюшат. Ал кезде мал чарбасы көбүрөөк адам болсо эле эл душманы аталып, айдалып кете берген эмеспи. Советбек аганын атасы Жумадыл да репрессияга туш болуп, сүргүнгө айдалган.
Эки чиедей баласы менен апасы Бөдөнө көз жашын төгүп кала берет. Ал кезде эл душманынын баласын ар тараптан кысымга алуу күчөп турган эле. Ошентсе да дилгирлиги күч Советбек ага Каракол шаарындагы педагогикалык окуу жайына тапшырат.
Мугалимдик кесипке ээ болгонуна карабай тагдыры аны башка жолго салып, башка энчи арнаган окшобойбу... Борборго агылып келген жаштар менен «Ташкенттеги театралдык институтка өтөбүз» деп экзамен берип жаткан жигиттерге кошулуп, жөн эле кызыкчылык үчүн тапшырып коёт. Талантынын аркасы менен конкурстан өтүп кетет.

Чыгармачылык чыйыр

Советбек аганын таланты жараткандан берилген белек болсо керек. Ташкенттен келери менен Кыргыз драма театрына жумушка кирет. Кирери менен чоң ролдор бериле баштайт. Күчтүү актёрлук дарамети болбосо жаңы эле бүтүп келген жигитке чоң ролдор кайдан берилсин? Аз эле убакыт ичинде Советбек Жумадылов деген ысым театрдын сыймыгына айланат. Анткени катардагы ролдорду же оң каармандын ролун аткаруу өтө жеңил. Ал эми бир эле мезгилде көрүүчүнү күлдүрүп, ошол замат аны кайра ыйлата да алган татаал образдарды аткаруу Советбек агага гана таандык нерсе эле. “Роль аткарып жаткан учурда бар дүйнөнү унутуп, ролуна жан дили менен берилип кетчү” дешет. Репетиция убагында анчалык көңүлдөнүп аткарбай, ал эми камеранын алдында эки көзүнөн от жанып таанылгыс болуп өзгөрүп кетчү экен. Замандашы Жамал Сейдакматова ал тууралуу минтип эскерет: “Советбек эң жөнөкөйлөнтүп айтканда номур биринчи актёр болчу. Ал сахнага чыкканда, биз, артисттер өзүбүз келип карап калчубуз. Анан да үнүнүн дикциясы кайталангыс эле. Үнү жасалма, кооз болбой, нукура сезимге жуурулушуп, сонун угулчу”.
Чыгармачылыгында эң бийик деңгээлдеги ролу “Караш-караш окуясындагы» Жараспайдын ролу эле. Ушул фильмден кийин анын актёр катары аты чыгып, тасмаларга чакырыла баштайт. “Акбаранын көз жашы” фильминде Бостондун ролун да Советбек ойнойт деп эч ким күтпөгөн. Күлкүлүү кейипкерден олуттуу образга өткөн Советбек ага ролду алары менен өздөштүрүп кеткенин анын тасма тартуу аянтчасындагы кесиптештери таң калуу менен эскеришет.

Таланттын тагдыры

«Таланттуу адамдардын тагдыр жолу эки ача болот» деп бекеринен айтышпаса керек. Тагдырдын татаал жолунда аганы гүл жайнаган көктөм да , буюктурган ызгаар да, мээ кайнаткан аптаптуу чөл да күтүп турган экен...
Жашоосунун көктөм жазына туш келген биринчи жубайы Эркин менен Ташкентте окуп жүргөндө таанышат. Ошол жактан тил табышып алган жаштар окуусун бүтүп, Кыргызстанга келери менен кол кармашып, бир үйдөн түтүн булатып калышат. Катары менен Азат, Канат, Марат аттуу үч уулдуу болушат. Өзү менен чогуу иштеп, оорун колдон, жеңилин жерден алган Эркин эже кокусунан айыкпас ооруга чалдыгып калат. Албетте, чыгармачылык менен алек болгон адам үйгө көп көңүл бура албайт эмеспи. Анын үстүнө оорулуу аял менен жашоо да оор болсо керек. Ошондой күндөрдүн биринде Советбек ага бир кечеден өзүнөн он беш жашка кичүү татынакай кызды жолуктуруп калат. Махабат ышкысына кабылган Советбек ага жалындап күйүп берет. Аргасыз үйбүлөсүн таштап, бактысына жолуккан Сагын аттуу кызга үйлөнөт. Бул учурда биринчи жубайы дүйнөдөн кайтат. «Көрүстөндө көз жашын төгүп мурунку жубайын өз колу менен түбөлүк жайына узаткан» дешет көргөндөр. Бул дагы аганын бийик адамгерчилигинен кабар берсе керек.
Өзүнөн кичүү болгону менен дили жашташ Сагын эже Советбек агага өйдөдө өбөк, ылдыйда жөлөк болгон. «Кээ бир учурда киного тартылып жатканда съёмкага кошо барып, тамагын таптап даярдап турчу» дешет. Биринен-бири өткөн сүймөнчүктүү уул-кыздуу болушат. Бирок тагдырдын көлөкөдөй ээрчиген кырсыгы бактылуу үйбүлөнү кайрадан тооруп калды. Сагын эже рак оорусуна чалдыгып, 1997-жылы каза болот. Боз ингендей боздогон Советбек аганын башына жалгыздык түшөт. Түгөйүнөн ажыраганы аз келгенсип, ошол учурда искусство адамдарына иш дагы жок болуп калат. Бул Советбек ага үчүн экинчи сокку эле. Өмүр бою актёрлук менен алышып, башка дүйнөнү көрбөй келген адамга бул өткөөл мезгил өз таасирин тийгизбей койбоду. Же элге окшоп бирөөнүн шапкесин бирине кийгизип кызыл кулактык кыла албай, же баягыдай театрга келген адам жок, турмуштун шарына кошула албай өзүн-өзү жоготуп койгон экен кайран киши. “Эски Жигулим менен нан ташып, балдарымды багып жатам” деп айткан экен ошол кездери бир замандашына. «Мына ушул учурда колтугунан жөлөп, кайрат айткан эч ким болбой өзүнөн өзү жалгыздаган кайран талант «ак молдо”менен жакындашып кетиптир» деген да сөздөр айтылып келет.

Мүнөзү аткан таңга окшоп...

«Улуулук – бул жөнөкөйлүк» дешет. Советбек аганы жакындан билген адамдардын баары анын жөнөкөйлүгүн эскеришет. «Даңкы таш жарып турганда да кимдир бирөөгө өйдөдөн карап, текебер жылмайбаган адам эле» дешет. Дүйнө-мүлк чогултуу, акча жыйноо деген нерселерден алыс болгон экен. Атасынын мүнөзү тууралуу уулу Эдил минтип эскерет: “Атам көпчүлүк учурда үйдө болчу эмес. Атам сөз менен тарбиялачу эмес. Өзүнүн мүнөзү, кылык-жоругу менен бизге өрнөк болчу. Анан ушунчалык көп иштечү. Эртең менен туруп кеткен боюнча түнкү саат бир-экилерде өтө чарчап келчү.

Өлгөндөр баркталмайынча, тирүүлөр даңкталбайт

“Дүйнөгө түркүк болмок белем, мен дагы Ала-Арчадагы туугандарымдын катарына кошулам да бир күнү” деп досторунун арасында тамашалап айтып калчу Советбек ага 2003-жылы 24-мартта жашоо менен кош айтышып кете берди.
Андан бери алты жыл өтсө да Со­вет­бек аганын рух-мурасын изилдөөгө эч ким киришпеди. Ал тургай эстелиги да алты жылдан соң гана коюлду. Чындыгында Советбек Жумадыловдой чыныгы талант жүз жылда бир жаралат. Эң негизгиси, элиңиз сизди эч качан эстен чыгарбайт деп ишенебиз, Советбек ага!

СокеНи Доке эскерип...

«Атактуу “Махабат дастаны” фильмин тартып жатканда башкы ролго Советбек Жумадыловду жана Сайра Мырсалиеваны тандашкан экен. Бирок кийин келген Асел Эшимбековага Бегимайдын ролун ойнотобуз деп калышат. “10-класста окуган, кыргызча бир ооз сөз билбеген, өмүрү колуна комуз кармап көрбөгөн кызга кантип чоң ролду табыштап берет?”- деп баары чочушат. Бирок айтканынан кайтпай туруп алган режиссёрдун сөзү менен Советбек ага менен Асел Эшимбековны ойнотуп көрүшсө, таптакыр окшобой калат. Анткени жаш, тажрыйбасыз кыз залкар артист менен тең тайлашып ойной албай коёт. Ошондо Советбек ага “мага Абдилхандын ролун бер, Раймаалынын ролун Тууганбай ойносун” деген экен. Советбек укмуштай таланттуу болчу, “көзүң менен мобу кызды чечинт” десең, аны шумдук аткармак. Тууганбай акеде андай чеберчилик жок эле, Аселди бир укмуштай ашык болгон көз менен карата албай эптеп атып ошол сүйүүнү тартканбыз”- деп Дооронбек Садырбаевдин эскергени бар.

Даярдаган Нуржамал Жийдебаева
E-mail: Lira@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: