Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ПОПУЛЯРДУУ ЖАҢЫ ЖЫЛДЫК ТАСМАЛАР

№478 30-декабрь - 5-январь, 2012-жыл


Салт болуп калгандай эле, жыл жаңырар алдында бардык телеканалдар Жаңы жылдык берүүлөрдү, тасмаларды көрсөтө башташат. Биз да келаткан жылды утурлай баарыбыз сүйүп көргөн Жаңы жылдык тасмаларга саякатка чыгууну туура таптык...

«ҮЙДӨ ЖАЛГЫЗ»
“Үйдө жалгыз” аттуу фильмди көрбөгөн жан жок чыгар. Фильмдеги кичинекей Кевиндин жоруктарына таңданып да, суктанып да, ал үчүн кооптонуп да, экрандан көзүн албай көргөн жаш өспүрүмдөр үчүн бул фильмди жыл сайын көрүү – өзүнчө майрам. Аталган тасманын продюсерлеринин бири Жон Хьюз америкалыктарга Жаңы жыл алдында үй-бүлө менен чогуу отуруп көргөнгө ылайыктуу, өзгөчө, баарына позитив тартуулаган тасма жаратууну кыялданып келген. Бирок бул эмгегинин мындай бийиктикти багындырары үч уктаса түшүнө кирбептир. Анткени фильмге баш-аягы 18 миллион доллар гана сарпталып, сатыктан 476 миллион доллар чогултуп, азыркыга чейин рейтинги жагынан бул жанрдагы фильмдердин эч кимисин алдыга сала элек.
Режиссёр Жон Хьюз фильмдин сценарийи атайын Маколей Калкинге (Кевин) ылайыкталып жазылганын да танбайт. Тилекке каршы, Маколей үчүн бул фильм карьерасындагы эң ийгиликтүү алгачкы жана акыркы фильми болуп кала берген. Анткени 32 жаштагы Маколей азыркыга чейин карьерасында “Үйдө жалгыз” тасмасында жараткандай ийгиликти багындыра албай келет. Фильмде кээ бир эпизоддор гана Францияда тартылбаса, калганы АКШнын Иллинойс штатында тартылган.
P.S. Бул тасманын 4 бөлүгү бар. Маколей Калкин 1-2-бөлүктөрүнө, ал эми 3-бөлүгүнө Алекс Дэвид Линц, 4-бөлүгүнө Майк Уинберг тартылган.

«ЧЫНЫГЫ СҮЙҮҮ»
Аруу махабатты даңазалаган “Чыныгы сүйүү” аттуу романтикалык фильм бүт мезгилде популярдуу.
Режиссёр Ричард Кёртистен эмнеге майда окуялардан куралган тасма тартканын сурашканда ал: “Бир романтикалык кино тартууга 3-4 жыл убара болосуң. Мен ойлогон идеяны экрандаштырыш үчүн ага бүт өмүрүм кетет болчу. Анан бир нече окуяны бир фильмге батырып көрсөмбү деп ойлоп, ушундай кадамга бардым”,- дейт.
Фильмдин сюжети бир учурда 9 окуяны камтып, эң эле кульминациялык саам – тасманын соңунда бардык каармандардын жолунун Рождество майрамында кесилишкенинде. Алар “бизди кармап жана курчап тургандардын баары сүйүү, ал эми сүйүүнүн баары чыныгы сүйүү болот” деп кайталагандан тажашпайт. Тасмадан улам сүйүү унутулгус, кол жеткис, өкүндүргөн, күтүлбөгөн, каалабаган, ыңгайсыз, сөз менен жеткире алгыс, теңсиз болорун түшүнөсүң. Чынында, тасмада сүйүү баарын башкарат.
Кол алдында иштеген кызматчысын сүйүп калган премьер-министрден баштап, жараланган жүрөгүн айыктыруу үчүн Францияга кетип калган жазуучуга чейин... Күйөөсүнөн күмөн санаган аялдан баштап, жоопсуз сүйүүгө кабылган бийкечке чейин... Сүйүү алардын ар биринин жашоосуна чоң бурулуш киргизет. Алардын Лондондо Рождество майрамынын алдында чогулганы, балким, кокустук эместир...

«ТАГДЫРДЫН ТАМАШАСЫ ЖЕ ЖЕҢИЛ ПАРЫҢЫЗ МЕНЕН!»
Ооба, бул тасмасыз КМШ аймагында эч бир Жаңы жыл өтпөйт. Режиссёр Рязановдун кайталангыс талантынан жаралган фильм кимге гана жакпасын? Адатта, баарыбыз тартуучу топтун артында канча эмгек жатарын, кандай кыйынчылыктарды басып өтөрүн билбейбиз.
1976-жылы жарыкка чыккан “Тагдырдын тамашасы же жеңил парыңыз менен!” тасмасына башында тыюу салынган. Фильмдин жанры – лирикалык комедия, бирок анда советтик идеологияны мазактаган курч сатирага да орун берилген.Тасманы чиновниктер “аракечтикти жарнамалаган ” деген шылтоо менен чыгарбоого аракеттенишкен. Буга ачууланган режиссёр “силер эмне, мончого барганда ичпейсиңерби?!” деп кекеткен.
Мончодо тартуунун алдында актёрлор чынында эле ичип алып, тартуу иштери кийинки күнгө жылдырылганы бар.
Баш каарман Женяны (Андрей Мягков) Надя (Барбара Брыльска) чыныгы жашоодо жактырчу эмес. Ошонун айынан кучакташкан эпизоддорду кежирленип араң аткарган.

«ЭС АЛУУ КҮНДӨРҮН АЛМАШУУ»
Баш каармандар Кейт Уинслет менен Кэмерон Диастын жүзүнөн улам “аа, көргөм бул фильмди” деп чыгарыңызга ынанып турам. Анткени тасма ушул эки айым жөнүндө.
Лондондо жашаган Айрис Симпкинс (Кейт Уинслет) жоопсуз сүйүүгө кабылып, мындай жагдайдан кантип арылуунун жолун издеп жүргөн кези эле. Ал эми океандын ары жагында, Түштүк Калифорнияда жашаган Аманда Вудс да (Кэмерон Диас) сүйүктүүсү көзүнө чөп салганын билип, катуу депрессияда болчу. Ортолорун миңдеген чакырым аралык бөлүп турган айымдарды эмне байланыштырып турат деп ойлойсуз? Албетте, жүрөктөгү жараат.
Кокусунан эки тагдырлаш айым интернеттен бири-бирин таап калып, сүйлөшүүлөрдүн негизинде алар Жаңы жыл алдында көйгөйлөрүнөн бир аз да болсо тыныгуу максатында эки жумага эс алуу үчүн үйлөрүн алмаштырууну чечишет. Айрис Аманда жашаган жылуу Калифорнияга келсе, ал эми Аманда аппак карга чулганган Лондонго көчүп келет. Ошентип, окшош маселеге кабылган эки айымдын жеке жашоолору жашаган жерин убактылуу өзгөртүү менен башка нукка бурулат.

«КАРНАВАЛДЫК ТҮН»
Атактуу режиссёр Эльдар Рязановдун алгачкы эмгеги, ырчы жана актриса, маркум Людмила Гурченконун биринчи башкы ролу болгон “Карнавалдык түн” музыкалык комедиясы 1956-жылы СССР боюнча сатыкта лидерликти эч кимге берген эмес. Аталган фильм жарыкка чыккан күндүн эртеси эле Гурченко атактуу болуп ойгонгон. Ал эми анын каарманы Лена Крылова бир саатта бардыгына үлгү болуп калат. Союздун кыздары фильмдеги Ленаныкындай көкүл кырктырып, белин ичкертип, жадакалса Крылова кийген капрон блузкалар модага айланат.
Кино сынчылар алгач фильмдин тартылып бүткөн версиясынын жарымын көрүп, “бул тасма ийгилик жарата албайт” деп баш чайкап коюшкан.
Фильмдеги баш каарман Огурцовдун ролундагы белгилүү актёр Игорь Ильинский тууралуу Рязанов: “Ильинский кинопробага келерин билгенде өзүмчө эле дүрбөлөңгө түшкөм. Ал бир жагынан жашы менин атам менен тең киши болсо, экинчи жагынан кичинемден ошол актёрдун жараткан ролдору менен чоңойгон элем. Ал келердин алдында белгилүү адам менен кантип сүйлөшөм деп чый-пыйым чыгып жатты”,- дейт.

Лунара Бекиева
kino@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(3)
31.12.2011. 20:53 
Тайпасы:
Кыймылы жок
Комментарийлердин саны:
1
Катталган:
05-08-2011
Соӊку аракети:
01-11-2012 10:35
Жынысы:
Белгисиз
0
et to4no
02.01.2012. 21:07 
Тайпасы:
Жаран
Комментарийлердин саны:
212
Катталган:
05-11-2011
Соӊку аракети:
19-06-2018 18:27
Жынысы:
Белгисиз
0
парыныз эмес,буунуз десенер хе-хе.
05.01.2012. 00:12 
Тайпасы:
Кыймылы жок
Комментарийлердин саны:
7
Катталган:
22-06-2011
Соӊку аракети:
28-08-2012 20:11
Жынысы:
Белгисиз
0
bopos, hahaa tuura aitasyn
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: