Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БАЛЫК ЖЫЛЫНДАГЫ ОКУЯЛАР

№479 6-12-январь, 2012-жыл


Балык эзелтеден сүйүүнүн жана түшүмдүүлүктүн символу деп эсептелген. Ошондуктан Балык жылдарында эң эле атактуу жазуучулар жана президенттер жарык дүйнөгө келген. Биз да артка кылчайып, тарых барактарын барактайлы.

1916-ЖЫЛ

КЫРГЫЗСТАНДА:

  • 7-августта кыргыз элинин тарыхында өчпөс так калтырган Улуу үркүн же болбосо Улуттук боштондук күрөшү Пишпек уездинде башталган. Ал орус падышасынын 25-июнда чыгарган “19 жаштан 43 жашка чейинки адамдар аскерге чакырылсын!” деген жарлыгынан улам келип чыккан. Күрөштү басууда падышанын аскерлери элди ырайымсыз кырып, эл жан сактоо үчүн катаал ашуу ашып Кытайды көздөй качкан. Натыйжада аскерлердин огунан, ачкачылык менен сууктан 150 миңдей кыргыз кырылган.

ДҮЙНӨДӨ:

  • 15-июлда “Боинг” учактарын чыгаруучу дүйнөдөгү эң чоң авиакуруучу компания “The Boeing Company” Уильям Боинг тарабынан АКШнын Сиэтл шаарында түзүлгөн.
  • 24-ноябрда дүйнөдөгү биринчи автоматташтырылган куралды ойлоп тапкан америкалык курал-жарак конструктору Хайрем Максим каза тапкан. Анын белгилүү эмгеги – “Максим” пулемёту болуп эсептелет.

1928-ЖЫЛ

КЫРГЫЗСТАНДА:

  • 12-декабрда улуу жазуучу Чыңгыз Айтматов Талас облусунун Кара-Буура районуна караштуу Шекер айылында туулган. Анын китептери 170 тилге которулуп, жалпы тираж менен 60 миллион даана чыгарылган. Жазуучу 2008-жылы 10-июнда Германиянын Нюнберг шаарында каза тапкан. Эң өкүнүчтүүсү, 2008-жыл – Чыңгыз Айтматовдун жылы деп жарыяланып, туулган күнүндө белгиленмек болуп, тилекке каршы, жазуучунун көзү өтүп кеткендигине байланыштуу бул ой ишке ашпай калды.
  • Ушул эле жылы кыргыздарда 1924-жылдан бери колдонуп келген араб ариби ислам динине таандык делип, латын графикасына өткөрүлгөн.

ДҮЙНӨДӨ:

  • 14-июнда Кубадагы көтөрүлүштүн башчыларынын бири Эрнесто Че Гевара Аргентинанын Росарио шаарында жарык дүйнөгө келип, 39 жашында Боливияда каза тапкан.

1940-ЖЫЛ

КЫРГЫЗСТАНДА:

  • Кыргыз тилинин тарыхында биринчи жолу Константин Юдахиндин 25 миң сөздү камтыган орусча-кыргызча сөздүгү жарык көргөн.
  • 1-майда бала кезинен куудулдукту үйрөнүп, өнөрү үчүн Куйручук деген атка конгон Кудайберген Өмүрзак уулу бул дүйнө менен кош айтышкан.
  • Кыргызстан латын арибинен орус арибине өтүп, орус алфавитиндеги алгачкы Алиппе китеби жарыкка чыккан. Аны Николай Абрамов түзгөн.

ДҮЙНӨДӨ:

  • 27-ноябрда атактуу киноактёр Брюс Ли АКШнын Сан-Франциско шаарында жарык дүйнөгө келген. Кытай төлгөсү боюнча Ажыдаар жылында, таңкы саат 6 менен 8дин аралыгында туулгандыктан, ата-энеси ага кытайча Ли Сяолун (сяолун – кичинекей ажыдаар) деген ат коюшкан. Ал 32 жашында каза таап, өмүрүндө 36 тасмага тартылууга жетишкен.
  • 6-июлда Казакстандын президенти Нурсултан Назарбаев Алматы облусуна караштуу Чемолган айылында төрөлгөн. Ал 1991-жылдын декабрынан бери Казакстанды башкарып келет.

1952-ЖЫЛ

КЫРГЫЗСТАНДА:

  • Мухтар Ауэзов эч качан унутулбас эрдик жасап, «Манас» эпосун «саясий репрессиядан» сактап калган. «Манас» эпосун элдик оозеки чыгармачылыктын бир түрү катарында бастырып, окурмандарга сунуш кылуу керекпи же эскинин зыяндуу көрүнүшү катарында алып салалыбы?» деген илимий конференцияда Мухтар Ауэзовдун «Манасты» жактаган баяндамасы чечүүчү роль ойногон.
  • 30-ноябрь күнү Кыргызстандын тарыхында алгачкы жолу күзүндө -32,2 градус суук болгон.

ДҮЙНӨДӨ:

  • 23-июлда Египетте чоң төңкөрүш болгон. Анда өлкөдөгү хандык башкаруу кулап, ордуна республика орногон. Бул Гамел Абдел Насер баштаган “Эркин офицерлер” кыймылы тарабынан ишке ашкан.
  • 7-октябрда Орусиянын өкмөт башчысы жана 2012-жылы боло турган президенттик шайлоого “Бирдиктүү Орусия” партиясынын атынан баруучу талапкер Владимир Путин жарык дүйнөгө келген.

1964-ЖЫЛ

КЫРГЫЗСТАНДА:

  • Кыргызстандагы Радио жана телеберүү комитетинин төрагасы болуп Асанбек Токомбаев дайындалган. Ал Кыргызстандын телерадиосун 21 жыл башкарып, азыркы телерадио корпорациянын жамааты иштеген имаратты, Радио үйүн, Телестудиялык имаратты салдырган.
  • Кыргызстандын аймагында шаарлар аралык автоматтык телефон станциялары курулуп, телефонисттердин жардамы жок эле түз байланышуу мүмкүнчүлүгү жаралган.

ДҮЙНӨДӨ:

  • 28-мартта Аляскада 9,2 баллдык жер титирөө болуп, анын артынан бийиктиги 67 метрге жеткен цунами катталган. Натыйжада 150 адам каза тапкан.
  • 2-сентябрда “Матрица” тасмасында Неонун ролун ойногон белгилүү киноактёр Кианну Ривз Ливандын Бейрут шаарында төрөлгөн.

1976-ЖЫЛ

КЫРГЫЗСТАНДА:

  • Бишкектен 78 чакырым аралыкта жайгашкан "Ала-Арча" коругу түзүлгөн. Анда канаттуулардын 161 түрү, 30 сүт эмүүчү жаныбарлар бар.
  • Бишкектеги цирк имараты 1 миңден ашуун орундугу жана циркке ылайыкташкан технологиясы менен курулган.

ДҮЙНӨДӨ:

  • 4-февралда Борбордук Америкада жайгашкан Гватемала өлкөсүндө 7,5 баллдык жер титирөө болуп, ал 23 миң адамдын өмүрүн кыйган.
  • 1-апрелде Стив Жобс тарабынан компьютер, аудиоплеер жана телефон чыгаруучу “Аppleкомпаниясы түзүлгөн.
  • 9-сентябрда кытай улутунун "атасы" Мао Цзэдун 82 жашында дүйнөдөн кайткан. Ал 1943-жылдан өмүрүнүн акырына дейре Кытай Коммунисттер партиясынын төрагасы болуп, өлкөнү башкарган.
  • 18-июнда “Кто хочет стать миллионером?” деген интеллектуалдык телеоюндун алпаруучусу болуп атактуулукка жеткен юморист, Алла Пугачёванын күйөөсү Максим Галкин Москва шаарында жарык дүйнөгө келген.

1988-ЖЫЛ

КЫРГЫЗСТАНДА:

  • Совет бийлиги учурунда 62 жыл бою 21-март – Нооруз майрамын белгилөөгө тыюу салынып, 1988-жылы гана майрамдоого уруксат берилген. Бирок Кыргызстан бул майрамды жыл сайын белгилөөгө эгемендүүлүк алганда гана жетишкен.

ДҮЙНӨДӨ:

  • 23-ноябрда Түштүк Кореянын экс-президенти Чон Ду Хван эл алдына чыгып, коррупция боюнча коюлган айыбын моюнуна алып, сүргүнгө айдалып жатканын билдирген.


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: