Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

УБАКЫТ. Түбөлүк жаша же кор болуп өл!

№479 6-12-январь, 2012-жыл


Өлкөсү – АКШ
Чыккан жылы – 2011
Жанры – Фантастика, триллер, криминал
Режиссёру – Эндрю Никкел
Продюсерлери – Эндрю Никкел, Марк Абрахам, Эми Израэль, Кристель Лейблин, Эрик Ньюман
Сценарийдин автору – Эндрю Никкел
Башкы ролдордо – Жастин Тимберлейк, Аманда Сейфрид, Киллиан Мёрфи, Оливия Уайльд, Мэттью Бомер, Тоби Хемингуэй, Винсент Картайзер
Оператору – Роджер Дикинс
Композитору – Крэйг Армстронг
Тасманын узактыгы – 1 cаат 49 мүнөт
Урааны – Түбөлүк жаша же кор болуп өл!
Бюджети – 40 миллион доллар
Сатыктан түшкөн акча – 137 миллион доллар (премьерадан бүгүнкү күнгө чейин)

АДАМДЫН ӨМҮРҮ БИРДИК СЫМАЛ
2161-жыл. Гендик инженериянын жардамы менен адамзаты картаюуну жеңип, 25ке чыккандан кийин картайбай турган мүмкүнчүлүккө ээ болушат. Бирок калган өмүрдү маңдай тер менен иштеп табуу керек. Алар үчүн дүйнөдө бир гана туруктуу акча бул – убакыт. Кийим сатып алганга, кафеден тамактанганга, жашоого керектелчү бүт азыктарды убакыт менен гана төлөй алышат. Ал жерде деле биздин мезгилдей байлар миллиондогон саат таап, кааласа түбөлүккө жашай алышат. Ал эми кедейлер өмүрүнүн ар бир мүнөтүн санаганга аргасыз. Адамдардын баарынын сол колунда канча убакыт жашоосу калгандыгын көрсөтүп турган саат бар. Эгер сааттын көрсөткүчү 0гө жетсе, анда адам өлөт. Колунун билектерин тийиштирүү менен адамдар бири-биринен убакыт алып же бере алышат.
Катардагы жумушчу Уилл Салас (Жастин Тимберлейк) бүгүнкү күнү менен гана жашайт. Ал күндө жумушка барып, экинчи күнгө убакыт алыш үчүн гана иштеп келет. Уилл апасы Рейчел менен жашагандыктан, аны да убакыт менен камсыз кылганга милдеттүү эле. Өлкөдө баары кымбаттап, жашоонун баасы күн өткөн сайын көтөрүлө берет. Бир күнү Уилл жумуштан чыгып досу менен кафеге кирсе, ал жакта өмүрүн кайда чачарын билбеген Генри Гамильтон барда отургандардын баарына убактысын, башкача айтканда, өмүрүн бекер белекке берип жаткан болот. Берешен коноктун мындай аракети капысынан кирип келген тоноочулардын көңүлүн бурат. Тоноочулардын башчысы Гамильтондун убактысына ээ болуу үчүн аны эрөөлгө чакырат. Муну карап турган Уилл бандиттер Гамильтонду соо койбосун түшүнүп, аны качырып чыгып куткарып калат. Генри Гамильтон тоноочулардан куткарып калган Уиллге «эч ким убакыттын тардыгынан өлүүгө милдеттүү эмес. Убакыт толтура. Жөн гана байлар байлыгын төгүп-чачып жашаш үчүн гана кедейлер убактысын санап иштегенге мажбур» деген сырды айтып, өзүнүн 116 жылдык өмүр-саатын Уиллге өткөрүп берип көз жумат. Уилл алгач эле андан алган белегин 2 сааттык жашоосу калган апасына алып келмек. Бирок апасы жол кире кымбаттап, үйүн көздөй жөө чуркап келатып убактысы бүтүп каза табат. Бул окуядан кийин Уилл кедейлерге жардам берүүнү чечет.
Уилл байлар жашаган Нью-Гринвич районуна келип казинодо покер ойноп, дүйнөдөгү эң таасирдүү адам Филипп Вайзды утуп алат. Филипп Уиллди кызы Сильвия (Аманда Сейфрид) менен тааныштырып, экөөнүн ортосунда сүйүү пайда болот.
Жергиликтүү саатты коргоочулар (милиция) Уиллди «бизнесмен Генри Гамильтонду тоноп өлтүрүп салган» деген жалаа менен кармап баратканда Уилл Сильвияны туткундап алып качканга үлгүрөт. Ошентип, эң бай Филипп Вайздын кызы Сильвия менен Уилл биригип байлардын банктагы сааттарын тоноп, кедейлерге таратып берүүнү кесип кылып алышат.

ЖАШООНУН АР БИР КӨЗ ИРМЕМИ КЫМБАТ
Окуя баштан-аяк убакытты кубалоо менен өтөт. Андагы каармандар жашоонун ар бир мүнөтү оор эмгекти талап кыларын билишет. Мисалы, дүкөнгө жай басып барып бир бөтөлкө спирт ичимдигин алгандан көрө, чуркап барып убактыңды кыскартып эки бөтөлкө алсаң болот. Ушундай туруксуз жашоонун нугуна көнгөн жарандар үчүн жакшысы – 25 жаштан кийин такыр картайбагандыгы, ал эми жаманы – алардын запасында кошумча 1 гана жыл убактысы бар экендиги. Калган саатты кайдан болсо да өздөрү иштеп тапканга милдеттүү. Муну менен тасманы жаратуучулар «убакыт баарынан кымбат, ар бир күн эмес, ар бир секунддун баркын сезип, баалоо керек» деген идеяны берүүнү көздөшкөн.

ТҮБӨЛҮК ЖАШАГЫҢ КЕЛЕБИ?
Тасманын режиссёру, сценаристи жана продюсерлеринин бири Эндрю Никкел мындай дейт: «Тасмада эсебинде 1000 жылдык өмүрү бар 105 жаштагы каарманыбыз бар. Биздин дене түзүлүшүбүз 105 жылга чыдап жаш бойдон калганы менен, психологиябыз, акыл-эсибиз чарчайт. Ал каарман өлбөстүгүн билет. Бирок негедир өлгүсү келет. Анткени ал жашай берип чарчады. Менде ушундан улам кызык суроо пайда болду, «Адамзаты чындап эле түбөлүк жашагысы келеби?» деген».

ИЙГИЛИГИНИН СЫРЫ ЭМНЕДЕ?
Кино сынчылар 46 жаштагы Эндрю Никкелдин бул фантастикасын сатыкта ийгиликтүү болот деп болжошкондой эле, жарыкка чыккандан баштап тасма кино жаратуучулардын капчыгын кампайтып келет. Ийгилигинин дагы бир сыры – актёрлордун мыкты тандалганында. Кино жаратуучулар чынында эле көчөдө араба сүйрөп бараткан кишиден баштап, эң акыркы пландагы актёрлорду да төп келиштирип табышкан. Бул тууралуу Эндрю Никкел: «Бул тапшырма аябай оор болду. 25 жаштагы адамдын дене түзүлүшүнүн ичине 105 жыл жашаган адамдын келбетин киргизиш керек болчу. Канча кайгы, запкы жегени, турмуштун кыйынчылыгын тартканы көздөн байкалат эмеспи. Мына ушундай критерийлер менен актёрлорду издедик»,- дейт.

ЖАСТИН ТИМБЕРЛЕЙК – БАШКЫ ЖЫЛДЫЗ
Режиссёр негизги каарман Уилл Саластын ролуна жаштардын кумири, композитор, бийчи, модельер, популярдуу ырчы жана актёр Жастин Тимберлейкти чакырган. Жастин башка өнөрлөрүнөн да актёрдук кесипке өзгөчө жоопкерчилик менен мамиле кыларын жашырбайт. 2011-жылдын эсебинен эле «Достук мамиледеги секс», «Үлгүсүз мугалим» жана жогорудагы «Убакыт» тасмаларына тартылды. Жастин Тимберлейк, Аманда Сейфрид, Оливия Уайльд жана Винсент Картайзер болуп жогорудагы тасмадан сырткары «Альфа дог» фильмине чогуу тартылышкан. Ал эми актриса Аманда Сейфриддин жашы тартуу учурунда чынында эле 25те болчу. Фильм, негизинен, Лос-Анжелес шаарында тартылган.

Лунара Бекиева
kino@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
09.01.2012. 12:54 
Тайпасы:
Жаран
Комментарийлердин саны:
96
Катталган:
03-07-2009
Соӊку аракети:
27-08-2018 21:45
Жынысы:
Белгисиз
Калаасы:
Улуу Кыргыз Дөөлөтү Ордо Балык шаары
0
Бул тасманы көргөндөн кийин менде азыркы замандагы банк системасы, анан кредиттик система ушул жааттагы фильм экенин түшүндүм...
09.01.2012. 14:23 
Тайпасы:
Кыймылы жок
Комментарийлердин саны:
1
Катталган:
04-01-2012
Соӊку аракети:
02-02-2012 16:19
Жынысы:
Белгисиз
0
супер
11.01.2012. 14:42 
Тайпасы:
Жаран
Комментарийлердин саны:
42
Катталган:
24-08-2011
Соӊку аракети:
29-10-2018 03:54
Жынысы:
Белгисиз
0
Супер тасма!
12.01.2012. 23:12 
Тайпасы:
Жаран
Комментарийлердин саны:
29
Катталган:
05-12-2010
Соӊку аракети:
04-06-2018 21:34
Жынысы:
Белгисиз
0
мен бул кинону москвадан кордум аябагандай адамга озгочо таасир калтырган кино болуптур,биздин киноматографтарда ушундай адамга озгочо таасир берип жашоого болгонгуусун ашыра турган кинолорду тартса жакшы болмок буга чейин "социальная сеть" киносун коруп таасирленген елем азаматсынар рахмат силерге
14.01.2012. 15:32 
Тайпасы:
Кыймылы жок
Комментарийлердин саны:
5
Катталган:
09-10-2011
Соӊку аракети:
27-07-2013 19:28
Жынысы:
Белгисиз
0
Эң жакшы тартылган кино. Көрүп буткөндөн кийин адамда кадимкидей убакытка болгон кызганыч, жашып жашоо пайда болот экен. Убакыттын кадыры жуз эсе билинет.
13.02.2012. 11:56 
Тайпасы:
Жаран
Комментарийлердин саны:
3
Катталган:
28-01-2012
Соӊку аракети:
14-05-2017 15:37
Жынысы:
Белгисиз
0
убакытка болгон мамилен озгорулот экен. убакытты текк кетирбей, ар бир минутанды барктап калат экенсин, кино жакты!!!
03.03.2012. 16:39 
Тайпасы:
Кыймылы жок
Комментарийлердин саны:
63
Катталган:
23-01-2012
Соӊку аракети:
22-04-2016 12:19
Жынысы:
Белгисиз
Калаасы:
Жалал-Абад
0
мммм.... апаман сурап коройун!...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: