Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АРСТАНБЕК НОГОЕВ: «Студент кезимде эле министр болом дечүмүн»

№326 30-январь - 5-февраль, 2009-ж.


Ногоевдин өмүрүндөгү урунттуу окуялар

  • Панфилов районундагы Чалдыбар айылында төрөлгөн (1951-жылы);
  • Борбордогу политехникалык институтту (1974-жылы),
  • Ташкенттеги жогорку партиялык мектепти бүтүргөн (1989-жылы);
  • Кара-Балта шаардык сов­хоз-заводунун директору (1981-жылы);
  • Чүй облусундагы эт-сүт өндүрүү бирикмесинин башкы директору (1991-92-жылдары);
  • Бишкек шаарынын мэри (2005-2007-жылдары);
  • Айыл, суу-чарба жана өнөр-жайды кайра иштетүү министри (2007-2009-жылдары)кызматтарында иштеген.

Ногоев мырза тууралуу...

  • Жакшы көргөн жаныбары – бука.
  • Хоббиси – мал чарбачылыгында жаңы породаны чыгаруу.
  • Кыргыздын салттарынын баарын кармайт.
  • Орозо кармап көрө элек.
  • Намазды күнөөсү көбөйгөндө окуюн деп жүрөт.
  • Тамакты жаман аялдан жакшы жасайт.
  • Өзүнө жалкоолугу жакпайт.
  • Юсуп деген чачтарач жигит борбордун кайсы бурчуна барып иштебесин, ошого чачын кырктырат.
  • Бутунун өлчөмү – 43.
  • Кол жазмасы маанайга жараша.

“Мектепте сүйүү ойго келбептир”

– Улуубуз кыз, андан кийин 3 эркекпиз. Атам парторг, башкарма, андан кийин Токтогул районунда каржы тармагында иштеген. Апам өмүр бою кызылчада эмгектенди.
Мектепти жалаң 5ке окубасам да, жакшы эле окудум окшойт. Бир партада жалаң кыздар отурса, бир партада жалаң балдар отурчубуз. Кыздарга балдар, балдарга кыздар деле жолочу эмеспиз. Чоң класс болуп калганда деле азыр ойлосом сүйүү ойго келбептир. Окуучулук күндөрүмдө мектеп менен үйдүн ортосунда эле жүрө берчүмүн. Эжем 8-классты бүткөндөн кийин борборго окууга кетип калды. Эжемден кийин эле мен болгондуктан, апам жумуштан келгиче үйдү да тазалап, инилеримди да окутуп, малды да тейлеп, баарын жайгарып койчумун.

“Практикада жүрүп эле 5-6 кесипке ээ болдум”

– Политехникалык институттун инженер-технолог бөлүмүн 1974-жылы аяктадым. Практикада жүрүп шоопурлукту, дагы 5-6 кесипти үйрөндүм. Ошондо алган күбөлүктөрүм азыр да бар. 3-курстан кийин бизди Молдова, Орусия, Украинадагы чоң-чоң заводдорго практикага жөнөтүшчү. Бул жактан топтогон тажрыйбаларымдын негизинде чет жерге барарым менен дароо ишке орношчумун. Өзүмдүн ишимди аткарып, анан ким чыкпай калса, анын да ордуна эки сменде тең иштей берчүмүн. Студент дешип, жумушчулардын жумшай беришкени эсимде. Жумшаган жагына курсагым ток болсо “өлүп калмак белем” деп кете берчүмүн.
Студент кезимде “отуз жашымда директор, кыркка чыкканда министр болом. Ишенбесеңер кийин келгиле, жумуш берем!” деп курсташтарыма айта берчүмүн. Кез-кезде студенттердин дептерлерине “Айыл-чарба министри Ногоев” деп жазып, кол коюп да койчумун. Оозума сала бергендей, чын эле 29 жашымда Кара-Балта шаар­дык совхоз-заводуна директор, 46 жашымда министр болдум.
Министр болгонумда курсташтарымдын алды цехтин жетекчиси болушту. Бирок мага жумуш тууралуу эч кимиси кайрылышкан жок.

“Үйлүү болгонумда бир керебет, эки чемодан менен көчкөм”

– Үйлөнгөндөн кийин бир жыл Жалал-Абад шаарында батирде жашадык. Ошентсе да кыйналган жокпуз. Бир жолу мен иштеп жаткан заводдун директору машинасын 3 саатка берип “өзүңө ылайык батир таап ал” деди. Анын 35 сомдук батир акысы да заводдун бюджетинен төлөнчү. Бир жылдан кийин Кара-Балта совхоз-заводуна которулуп бир жыл иштегенден кийин завод үй белек кылды. Үйлүү болгонума жетине албай бир керебетимди, эки чемоданымды алып, эки сааттын ичинде көчүп келгеним азыр да эсимде.
Балдарым тууралуу айта кетсем, улуу балам Өмүр азыр 34тө. Милиция кызматында иштеп жүрүп, азыр жеке ишкердикке өтүп кетти. Бир баланын атасы. Экинчи кызым эки балалуу. Чет элдик компанияда каржы жагынан аналитик. Андан кийин төрт балам бар. Экөө чет өлкөдө, экөө мектепте окушат.

Бир жолу...

Кара-Балта совхоз-заводунда башкы инженер болуп жүргөн кезим. Бир жолу биздин директор башка жумушка которулуп, мени “сиз директор болбойсузбу?” деп калышты. Айыл-чарба министринин орун басарына жолугуп “мен өзүм иштеген заводго директор болгум келет” дедим. “Ишти алып кетериңе ишенесиңби?” дегенде, «3 ай убакыт бериңиз, 3 айда азыркы ахыбалынан 3 сантиметр жылдыра албасам, эмгек китепчеме жазып, берене менен кууп чыгыңыз” дедим. Сөзүмдү уккандар “3 айдан кийин, бул жигитти кууп чыгалы, башкаларга сабак болсун!” деп каткырып жатышты. Мен болсо калчылдап кара терге түшүп алгам. Азыр ойлосом, алар мени бир топ эле тамаша кылышыптыр. Заводго келерим менен 1500 жумушчуну жыйып чогулуш өткөрүп, эки айлык планды бир айда бүтүрмөй болдук. Бир айдан кийин жергиликтүү гезиттин башкы редактору интервью алганы келди. Эки айлык планды бир айда аткарып, өпкөм казандай. Журналистке келечекке койгон пландарымды, учурдагы иштеримди болгонун-болгондой көбүрүп-жабырып айтып бердим. Анан эле тигил журналист “сизден да, заводдон да, сиз айткандай эч нерсе чыкпайт. Жөн эле мактанып жатасыз. Мен сизден интервью албайм” деп кетип калды. Өмүрүмдө биринчи жолу интервью берейин деп катуу толкунданып алган жаным таяк менен башка чапкандай болуп, шалдырап отуруп калдым. Анан башкы экономистти, башкы бухгалтерди, инженерди чакырып “ушундай иш болуп кетти, кагаздагы көрсөтмөлөрдүн баары туурабы?” деп сурасам, «туура» дешти. Жыл аягында алдыга койгон пландардын баары мен ойлогондой аткарылып, райондун тактасына илиндик. Ошондо баягы менден интервью албай койгон журналист жетип келиптир. Анан мен дагы “сиздин гезитиңизге муктаж эмесмин” деп интервью бербей койдум.

Темадан четтей...

– Сизди «Чүй облусунун губернатору болот» деген имиштер жүрүп жатты эле...
– Мага бир нече кызмат орундар сунушталды. Учурда, мен айыл-чарба илимдеринин кандидатымын. Ишке кирип кетсем, докторлугумду жактаганга убакыт болбой калат. Ошондуктан президенттен «2-3 ай коё туруңуз» деп сурандым. Өндүрүш тармагында иштеп калгандыктан, ушул тармакка эле кетсем деген оюмду президентке билдирдим. Кандай кызмат орду берилет, аны убакыт көргөзөт.
– Убакытыңызды бөлүп маек куруп бергениңизге рахмат. Бар болуңуз.

Сүйүн Кулматова
politika@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: