Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

МИРБЕК ИМАНБЕКОВДУН КАРЫНДАШЫ ИМАНБЕКОВА АЙГҮЛ: "Мирбекти казан баш дечүмүн"

№326 30-январь - 5-февраль, 2009-ж.


Биртууган Иманбековдор:

Россия, 40 жашта, үйбүлөлүү, 4 баланын энеси, учурда Астанада жашайт.
Айнура, 39 жашта, үйбүлөлүү, 1 кыздын апасы, учурда Бишкектин Кызыл-Аскер районунда жашайт.
Элмира, 36 жашта, үйбүлөлүү, 4 баланын апасы, Сокулукта жашайт.
Руслан, 34 жашта, үйбүлөлүү, 2 баланын атасы, Кара-Буурада турат.
Темирлан, 32 жашта, үйбү­лө­лүү, 3 баланын атасы, Астанада турат.
Кылычбек, 30 жашта, үйбүлөлүү, учурда Бишкекте турат.
Бермет, 28 жашта, үйбүлөлүү, жакында көз жарганы турат. Бишкекте жашайт.
Аида, 26 жашта, үйбүлөлүү, 2 кыздын энеси, Сокулукта турат.
Захира, 24 жашта, үйбүлөлүү, 2 баланын энеси, Астанада жашайт.
Мирбек, 23 жашта, бойдок, Бишкекте турат.
Айгүл, 21 жашта, үйбүлөлүү, 1 уулдун апасы.

Сологойлугумдун айынан Мирбектен таяк жегем

– Мен кичинекей кезимде абдан көк бет болчумун. Ошонун айынан Мирбектен көп таяк жедим. Кээде менин ачуума тийгенде аны “казан баш”, “чоң баш”, - деп сөкчүмүн. Ал болсо мага көп теңелбесе да, кээде “сологой”, - деп тилдечү.
Айтмакчы, ошол сологойлугумдун айынан бир жолу катуу таяк жегем. Экөөбүз сууга таш ыргытып ойноп жатканбыз. Мирбек менин сол тарабымда болчу. Колума чо-оң таш алып ыргытайын дегенде алым келбей калып, ал так Мирбектин башына барып тийсе болобу!.. Менин жүрөгүм түшүп, эмне дээримди билбей көзүмдү алайтып отуруп калдым. Мирбек болсо башын кармап “охолоп” бир аз отурду да, анан “мээси жок”, “сологой”, - деп тура калып төпөштөп салды. Ошону такыр унутпайм. Негизи Мирбектин ачуусу оңой менен келбейт. Бирок бир ачууланганда аны токтотуу, кайра көңүлүн көтөрүү абдан кыйын.

Экөөбүз бириккенде абдан амалкөй элек

– Өзүбүздүн он чактыдай уюбуз бар болчу. Аларды күнүгө кезек менен бир-бирден кайтарчубуз. Бирок Мирбек экөөбүз тең кичинекей болгондуктан, экөөбүздү бир кишидей кылып кошуп коюшчу. Анда мен 5 жашта, Мирбек 7 жашта. Ошондой күндөрдүн биринде Мирбек экөөбүз тең уй кайтарууга чыккыбыз келбей шылтоо издей баштадык. Анан кадимки ийнелерди алып, аны таманыбыздын терисине сайып алып, ата-апаларыбызга барып: “Биз бүгүн уй кайтарбай эле коёлучу, аябай кыйналып жатабыз. Ишенбесеңер карагылачы, таманыбызга ийнелер сайылып калды”, - деп үйдөгүлөрдү бир күлдүргөнбүз. Атабыз: “Ар кайсы шылтоону айтпай, “уй кайтарбайбыз деп эле айтпайсыңарбы?!” - десе да болбойбуз. “Жо-ок, биз кайтаргыбыз келип жатат, бирок кыйналып жатканыбызды карабайсыңарбы!” - деп кайра аларга таарынып коёбуз.
Негизи Мирбек ишенчээк, ак көңүл адам. Өзү кандай таза болсо, башкаларды да ошондой көрө берген жайы бар.

Бир күн ачка калганбыз

– Бир жолу ата-апабыз бизди таштап, Бишкекке үч күнгө конокко кетип калышты. Башында эки күн кадимкидей эле тамактанып жаттык. Үчүнчү күнү тамак түгө­нүп калды. Курсагыбыздын ачканынан ойногубуз да келбей, шалдырап калдык. Ошондо да Мирбек жароокерленип, өзү ачка болуп жатса да мени алаксытып, ойнотконго аракеттенгени такыр эсимден кетпейт. Анан атамдар келгенден кийин жыргап курсагыбызды тойгузуп алып, экөөбүз бийик турган секинин үстүнө чыгып “нан болсо, ыр да болот” - деп ырдап, бири-бирибизге ыр кесе сунганбыз.

Мирбектин көзүн көгөртүп алгам

– Анда Мирбек мектепти аяктап, эртең Бишкекке кетем деп турган болчу. Эмнегедир ошондо абдан ичим күйүп, кыжаалат болуп, кетиргим келбей жүргөм. Анан экөөбүз адаттагыдай эле дагы ойноп кеттик. “Оюндан от чыгат” болуп, анын көз жак тарабын кокусунан катуу сүзүп алдым эле көзүнүн тегереги шишип чыкты. Эртеси болсо көгөрүп кеткен. Ошентип, Мирбек менин айыман көзү көгөрүп биринчи жолу Бишкекке келген.

Күрөшкө да баргам

– Ал дайыма мага болушуп турчу. Мени бирөө таарынтса эле көзүмдүн жашын көлдөтүп, Мирбекти көздөй жөнөп калчумун. Экөөбүз ар дайым жетелешип жүрүп эле анан мен 4-класска келгенде Мирбек сабактан кийин күрөшкө кетип калчу болду. Мен болсо күн сайын “мен дагы барам” деп ыйлай берчүмүн. Бир күнү кошо алып барды да, күрөшкө катышкан балдардын арасына кошуп койду. Абдан кыйналдым. Ал тууралуу айтсам эле “өзүң келем дебедиң беле?” дейт. Намыстанып чыдап жүрдүм, бирок он күнгө жетпей кетип калдым.

«Мирбек тескери карап алып чай ичет» деп коём

– Мирбек мурдагы интервью­ларында “Айгүл экөөбүз абдан ынак элек, ал турмушка чыгып кет­ти” де­гени бар эле. Сен турмуш­ка чык­кандан кийин алыстап кеткен жок­суңарбы?
– Чын эле аябай сырдаш элек. Мектепте окуп жүргөн кезибизде келген каттар тууралуу экөөбүз гана бири-бирибизге айтышчубуз. Азыр анчалык сырдашпасак да аябай ынакпыз. Мирбек айылга келген сайын келип учурашып кетип турат. Көп көрбөй калсам, мен да абдан сагынып кетем. Мирбекти мен эле эмес, менин кайната, кайненем, жолдошум Өмүрбектен өйдө жакшы көрүшөт. Ал келгенде бардыгыбыз берерге ашыбызды таппай, төгүлүп-чачылып тосуп алабыз.

– Ага катары сага жардам берип турабы?
– Ооба, жакшы эле жардам берет. Учурда болсо, менин жолдошум Өмүрбек сыркоолоп айылдан келгенбиз. Доктурлардын жардамы менен буюрса жакшы болуп калды. Өмүрбекке суук жерге болбойт дегенинен учурда Мирбектин үйүндө жашап жатабыз. Бул жерден да Мирбектин адамгерчилигин, биртууганга болгон жакшынакай мамилесин айта кетпесем болбойт. Анткени менин кандай сарсанаа болуп жатканымды көрүп, сезип, дайыма колдоп, дем-күч берип турат. Күйөө баласы Өмүрбек да Мирбекке абдан ыраазы.
– А белек берди беле?
– Мирбек мага Жаңы жылда белек берген. Мага эле эмес, жээни Рамзанды белектери менен кубантканды да унутпайт. Ага жакында эле пульту менен өзү отуруп айдай турган баасы беш жарым миң сомдук машина белек кылды.
– Мирбекти көптөгөн кыздар жакшы көрүшөт эмеспи. Курбуларыңдын арасында сага суктангандары да болсо керек?
– Бирөөлөр менен тааныштырып жатканда “Мирбектин карындашы” деп сыймыктанып айтып калышат. Мирбектин фанаттары менен таанышып калсам айрымдары: “Мирбек силер менен кадимкидей отуруп чай ичеби?”- деп сурашат. Мен да тамашалап: “Жок, ал тескери карап алып чай ичет”, - деп калам.
– Агаңды эң биринчи жолу сыналгыдан көргөндө кандай сезим келди эле?
– Абдан сүйүнүп, көргөн көзүмө ишенбей, көзүмдөн кубанычтын жашы тегеренип, ырдап бүткүчө жалдырап тура бергем. Ал эми концерт бергенде башынан аягына чейин толкунданып, жүрөгүм лакылдап, ошол эле убакта сыймыктанып отурган элем. Кийин көнүп калдым. Азыр ушундай болуш керек дегендей эле кабыл алам.

Гүлмира Турманбетова
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  4 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: