Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

КРнын Эмгек сиңирген артисти Жамиля Сыдыкбаева: «АЗЫР МЕН АКВАРИУМДАГЫ БАЛЫКТАЙМЫН»

№480 13-19-январь, 2012-жыл


Теледен же сахнадан көргөн адамдардын жашоосун негедир бейиш элестетет эмеспизби. Чынында, сахна адамдары деле биз сыяктуу пенделер. Мисалы, Курманжан датка энебиздин ролун ийине жеткире аткарган актриса Жамиля Сыдыкбаева жеке жашоосунда бир топ оор сыноолорду башынан кечиргендигин жана ал түйшүктөрүн эч кимге айтпай, эч кимге көрсөтпөй, өзү гана көтөрүп келатканын айтат.

"КӨӨЛӨНГӨН ТАЛКАНДЫ ЖЕШ ҮЧҮН ЭРТЕ ТУРАР ЭЛЕК"
– 1948-жылы 27-декабрда Жети- Өгүз районунун Кытай айылында төрөлгөм. 6 бир туугандын эң улуусумун. Апам Уруйпа 6 баланы тарбиялап үйдө отурчу. Атам Асейин Сыдыкбаев партиялык кызматкер, журналист болгондуктан, ишине байланыштуу мен 5 жашка чыкканда шаарга көчүп келдик. Бирок окуган жылдан баштап, каникулдун биринчи күнүнөн акыркы күнүнө чейин айылдагы чоң энемдин жанында болчубуз. Ал кезди эстесем эле кыздар менен апийим талаада урук чогултканыбыз, бакан менен суу ташыганыбыз эске түшөт. Чоң энем эртең менен «түш болду, тургула» деп ойготор эле. Анда бардыгы болуп жок дегенде 5-6 небереси катарынан тизилип жатабыз да. Анан каймакка көөлөнгөн талканды көрсөтүп коюп сыртка чыгып кетчү, ошол талканды жеш үчүн жарыша туруп жөнөйбүз. Сыртка чыксак таң жаңы эле агарып, короолордон мал жаңы чыгып жаткан болот. Баарынан да мага чоң энем от жагып жатканда очокту карап жанында отурган ушунчалык жагар эле.
Ал эми шаарда болсо, ата-энемдин бизди театрга ээрчитип барганы мени аябай таасирлентчү. Ошондо балалык кыял менен актриса болсом деген ойлор жаралган экен. Анда театр көрүүчүлөр үчүн да ыйык болчу. Аялзаты эч убакта өтүгү менен театрга кирчү эмес, гардеробдон өтүгүн чечип, көтөрүп келген туфлисин кийип, анан гана залга өтөр эле.

"ЖАМАН ОКУГАНГА АКЫБЫЗ ЖОК БОЛЧУ"
– Мектепте жакшы эле окудум. Жаман окуганга акыбыз да жок болчу. Атам раматылык билим жагына абдан чоң маани берер эле. Анын үстүнө өзү партиялык кызматкер болгондуктан, биздин бирөөбүздүн гана начар баа алып келгенибиз баарыбыз үчүн «өлүм» болчу. Алтообузду катарга тизип, башына апамды тургузуп койчу да: «Мына, силердей жаштардан бүтүн өлкө үмүттөнүп турса, силер окубайсыңар!»- деп лекция окуй баштачу. Катуу урушпаса да, ошол нерсе бизге ушунчалык уят иш сезилип, атамдын сөзүн ыйлап угуп турар элек. Андан кийин бир топ күнгө чейин телевизор көрүү менен ойногонго тыюу салат.
Атам акча таап келип апамдын колуна карматат, калган үйдүн маселелеринин баары апамдын моюнунда эле.
Балалык дегенде үйдөгү китептер да эсиме түшөт. Атам командировкага чет жакка көп чыгып, кайда гана барбасын китеп алып келчү. Анан үйдөгүлөр талашып-тартышып окуп калабыз, кээде китепке кезекке туруп дегендей. Түнкүсүн ата-энебиз "жаткыла, уктагыла!" деп урушат, биз болсо бирден кол чырак кармап алып жууркандын астына жашынып китеп окучубуз.
Шаарга окууга келген туугандардын баары түптүз эле биздикине келишер эле. Бир жолу атайылап кызыгып санап көрсөм, өзүбүздөн тышкары 13 адам жүрүптүр. Бири бактын түбүндө, бири тамдын жанында, дагы бири көлөкөгө коюлган керебетте, айтор, ким кандай ыгын тапса, ошондой уктап жатышат. Ошентип, менин балалыгым бапыраган көпчүлүктө, барчылыкта өткөн.

"ПОЛ ЖУУГУЧ БОЛУП, АЙЫНА 60 РУБЛЬ АЛЧУМУН"
– Мектепти аяктагандан кийин ата-энемдин көңүлүн алыш үчүн Улуттук университеттин чет тилдер факультетине тапшырып өтүп кеттим. Бул тармакта деле жалаң "5ке" окуганым менен, жүрөгүм башканы каалады. Ал кезде бийчи болсом деп кыялданчумун. Тартынчаак болгондуктан, менин жакшы бийлей тургандыгымды ата-энем билген деле жок, а сиңдим тартынбастан бийлей бергендиктен, аны бийге беришти.
Жаз келип экзамендерди тапшырып жаткан учурда "Москвага, ГИТИСке кыргыз улан-кыздар кабыл алынат" деген жарыяны окуп калдым. Орус мектептен билим алып кыргызча бир аз такалып сүйлөгөндүктөн, тил жаатында гана азыраак кыйынчылыктар болбосо, дароо эле кабыл алышты. Ошондон кийинки үйдөгү «суук согушту» айтпа. Атам "эч жакка барбайсың, сен тилчи болосуң!" деп чыкты. Мугалимдерим да атама мени мактап, жакшы окугандыгымды айтып Лондонго тажрыйба иштерине жиберерин айтып коюшкан экен. Анын үстүнө ал кезде котормочу деген саналуу, анан да тимеле барктуу болчу да. Ыйлап-сыктап жатып атамды чоң энем менен апамдын жардамы аркылуу араң көндүрүп, "силерден бир тыйын акча сурабайм" деп окууга кеткем. Ошентип, поездде баратып ал жактагы суукту элестетип төөнүн жүнүн сатып алдым да, баргандан кийин өзүмө сонун чепкен токуп алдым. Кышкы пальтом жок болсо да, акча сурабастан чепкендин сыртынан жука пальтомду кийип алып кете берчүмүн.
Жакшы окуп жогорулатылган стипендияга илиндим. Анан жатаканадан анча алыс эмес жерде жайгашкан почтага пол жуугуч болуп орношуп, айына 60 рубль алчумун. Бул менин өзүмө гана эмес, үйдөгүлөргө кийим-кече, кооз идиштен тартып, айлап кезекке туруп жүрүп палас, килем алганга чейин жетчү. Ал эми кийим жагын болсо, менин дагы бир тикмечилик өнөрүм камсыздап турду. Күн алыс жаңы көйнөк тигип алам, кышкысын токуп алам, бир аз убакыттан кийин ал кийимди кайрадан ыдыратып, жибинен башка кийим токуйм. Айтор, кыздар "сенин кийимдериң эле көп, ээ?" деп таң кала беришчү.

"АКТРИСА КЕЛАТАТ" ДЕП ТАШ МЕНЕН УРУШЧУ"
– Чыныгы актриса деген атка конуп, дипломдор колго тийгенден кийин Ош драма театры ачылат деп бизди убактылуу Жалал-Абаддагы Маданият үйүнө жиберишти. Келип түшсөм эле жепирейген үйлөр, кооз, кызыктуу эч нерсе жок, ошондо бир ыйлаганымды айтпа. Бирок тез эле көнүп кеттим. Эртеден-кечке спектаклга болгон даярдыктар, керек болсо түнкү саат үч, төрткө чейин деле жүрө берчүбүз. Кийинчерээк Ош драма театрынын имараты даяр болгон соң ал жакка кеттик. Күндүз бош убактыбыз боло калса, кыздар менен күрөш көргөнү барчубуз. Ал кезде аялдар күрөшкө барышчу эмес. Бизди көрүп алып зоопарктан маймыл көргөндөй эле колдору менен көрсөтүп шыбырашып, жадакалса "актриса келатат" деп балдар таш менен урган күндөр да болгон. Көчөгө, базарга жалгыз чыга алчу эмеспиз. "Чачы кыркылган, кыска юбка, шым кийишет экен" деп жаман көргөндөр да көп болчу.

"КӨЗ ЖАШ ДЕЛЕ КУРГАЙТ ЭКЕН"
– Турмушка быштым, тагдырдын оор, жеңил тараптарын таразамдан өткөрдүм. Мурда өзүм аябай жашык болгондуктан, бирөө каза болсо көп ыйлабай отургандарды көрүп таң кала берчүмүн. Чындыгында, көп кыйынчылык баштан өтүп, турмуштун сыноолоруна кайра- кайра кабыла берсең көз жаш деле кургап калат экен. Азыр мен өзүмдү аквариумда жашаган балыктай сезем. Менин дүйнөм аквариумдун ичи болсо, сырттагы дүйнөгө көз салып гана өзүмчө карап тура берем.
Аздыр-көптүр жашадык, аялзаты катары эне, сүйүктүү жар болдум. Актрисалык жаатта деле артта калгандардан эмесмин. Кинолордо, театр сахнасында бир топ образдарды жарата алдым. Андан тышкары тикмечилик менен да алектенип калам. Кайра куруу жылдары бул өнөрүм мага чоң жардам кылды. Азыр болсо, туугандарга, тааныштарга гана суранган нерсесин тигип берип калам.

"ЖЕКЕ ЖАШООМ ТУУРАЛУУ АЙТЧУ ЭМЕС ЭЛЕМ..."
– Ош драма театрында иштеп жүргөндө белгилүү, таланттуу актёр Имаш Эшимбеков бизге келип иштеп калды. Имашка суктанып, аны жактырбаган айым жок болчу. Сахнада ойноп жатса, акмалап сырттан карап турар элек. Мамилебиз келишип экөөбүз баш кошуп, бирге түтүн булаттык. Кийинчерээк борбордогу Кыргыз драма театрына которулуп келдим, бирок алдын ала Имаш аркылуу Таттыбүбү эжеден уруксат сурагам. Таттыбүбү эже экөөбүздүн мамилебиз абдан жакшы болчу. Гримдөөчү бөлмөдө отурсам, "Жамиля, кандайсың, Имаш таарынткан жокпу?" деп мени менен учурашып өтүп кетчү. Имашка колун кезеп "Жамиляны капа кылба, таарынтпа" деп калар эле эже.
Имаш жашоомдун өзөгү болуп, андан өмүрлүк белекке калган Булана аттуу кыздуу болдук. Тагдырдын буйругу экен, 1992-жылы жүрөк оорусунан Имаш каза болуп калды. Таттыбүбү эже экөөнүн ортосундагы балдары Канат менен Асел да мага өз балдарымдай. Быйыл Жаңы жылда балдар мени чакырып коноктоп, белектерин беришти.
Кызым Булана азыр 34 жашта.
Биздин тегерегибизде бир топ ушак кептер жүрдү, бут тосуулар, суктануулар дегендей, мунун баары жолдошумдун өмүрүн алып тынды. Ошондон кийин эч убакта жеке жашоом тууралуу айткым келбейт.

Чолпон Сүйүнбаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(2)
18.01.2012. 12:17 
Тайпасы:
Жаран
Комментарийлердин саны:
97
Катталган:
20-06-2011
Соӊку аракети:
03-05-2017 17:36
Жынысы:
Белгисиз
Калаасы:
Бишкек
0
Эженин 63 жашта экендиги мени чынында тан калтырды. Аябай жаш корунот. Шайыр, Жамиля эжелердей жаш корунуш учун театрга иштеш керек окшойт да.
02.05.2015. 19:55 
Тайпасы:
Жаран
Комментарийлердин саны:
58
Катталган:
04-05-2013
Соӊку аракети:
08-05-2017 11:46
Жынысы:
Белгисиз
0
ушул эжени абдан жакшы кором.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: