Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«УНУТУЛГУС ЖАЛЫН»

№481 20-26-январь, 2012-жыл


ЖОЛУГУШУУ
– Эмне артыман түшүп алдың?
– Унута албай койдум. Менин шорум, сени чындап сүйгөнүмдү кийин түшүндүм. Ошол окуяга чейин сен мага көп кыздын бири элең. Бирок...
– Бир учур болгон, өрттөй жанып, эч нерсени карабай аркаңдан ээрчип кете турган. Бир учур болгон, сени жек көргөн адамымдан жаман жек көргөн. Азыр... Азыр мен сени жөн гана аяйм... Башка сезим жок сага деген...- сулуу аял башын көтөрүп, Кутманды тике карады. Жалт эткен көздөрүнөн жалын чачырап туруптур. Түрмөгө түшсө да, көрбөгөн кордукту көрсө да, бул көздөрдүн жалыны өчпөптүр. Ушу нерсе аны эсеңгиретип жиберди. Адамдын жаркып, жылмайып турганына не жетсин? Бирок аялдын кусалуу, муңайым, токтоо турушунда сөз менен айтып бүткүс сулуулук жаткан эле. Дирт этти жүрөк бул көрүнүштөн...
Аял жай тигилип турду да, бурула чыйыр жол менен узап кетти. Анын карааны көрүнбөй калганга чейин тиктеп турган Кутман өзүн күтүп турган машинага жетип, айдоочусуна бурк этти.
– Айда, кеттик!

ЧЫККЫНЧЫЛЫК
Чоң энеси “кыздардын эң адемиси, эң сулуусу болсун” деп атын Адеми койгон эле. Чындап эле кир кол менен кармагыс сулуу кыз болуп өстү. Дүйнөсү аруу, таза, баладай ишенчээк эле. Адеми сүйүүсүнө ошол жазда кезикти. Бойлуу, келбеттүү, акылдуу жигит... Ар бир бийкечтин кыялы эмес бекен, ов!
– Балам, сен ага ишенесиңби? Байкачы, негедир көңүлүм бир орунда эмес,- деди чоң энеси жай гана көкүлүнөн сылап.
– Апа, сүрөтүн көрсөтөйүнбү? Аны көрсөң эле кандай адам экенин түшүнөсүң,- так секирип ордунан турган кыз шаша-буша сумкасын оодара салып, сүрөттү чоң энесинин маңдайына такай берди.
– Сулуу бекен?
– Чырайын чылап ичет белек, балам?! Жалгыз жаныңа шерик болсо болду.
Ар дайым мээримдүү сүйлөгөн энеси ошол жолу чырайлуу жүзгө карагысы келбей, өкүм сүйлөп, этегин кага ордунан туруп кетти. Балким, эне жүрөгү сезди бекен?
Кутмандын жүрүш-турушунда табышмактуу нерсе бар эле. Качан болсо табышмактуу телефон чалуулар, алдында улам жаңы машина, акча... Экөө отурганда бир коңгуроо болсо, эч нерсеге карабай алып учуп жөнөп берчү да, кайдадыр жоголуп жүрүп кайтып келчү. Адеми бул нерселерди бир аз ойлоно калып, кийин тез эле оюнан чыгарып жиберчү. Ойлоно турган нерсе бекен десең?!
Ал кечте Кутман, Адеми теңтуштары менен отурушкан эле. Оюн-күлкүгө, махабатка мас кыз чакан сумкасы Кутмандын колунда экенин деле байкабады.
– Карасаңар, эй, түнкү Бишкек укмуш сулуу, ээ?- деди Кутмандын досу Бакыт.
– Айрыкча сендей болуп ашыкча ууртап койгондорго өзгөчө сулуу...- деди какшык жылдырган дагы бир кыз.
Аздан соң мас болгон жигиттер каткырып, кыйкырып, ойго келбеген нерселерди жасап, бири-бири менен кызыл чеке болуп мушташканга да өтүштү.
– Эй, мына буларды кара, дардаңдашат го...
Кайдан-жайдан машинасынын сиренасын кыйкыртып пайда болгон милиция кызматкерлери тез эле аларды курчап алышты.
– Эй, эй, биз эс алып жүрөбүз,- дегенге алы келди бирөөнүн.
– Көрүп турам, кантип эс алып жатканыңарды. Кыздар, силер бул жакка туруп тургула.
Алаңдаган Адеми милиционерлер келгенде эле Кутман колун коё берип, бир аз артка басканын, чөнтөгүнөн бир нерсе алып сумкага салганын чала-чарпыт көрүп калды. Тинтип жатышып Кутмандын колунан сумканы жулуп алган милиционер сумканы заматта аңтара чүпүрөккө оролгон нерсени сууруп чыкты.
– Мына сага тамаша, бул кимдики?
– Бул кыздыкы,- деди Кутман.
– Сенин кызыңбы?
– Жок, бүгүн эле тааныштык. Бул... бул кыздын атынан башка эч нерсесин билбейм.
Адеминин бакырайган көздөрү Кутманга кадалды да калды. Эмне үчүн минтип жатат? Тиги сумкадагы эмне? Эмнеге баары ага мындай тигилишет? Эсеңгиреген кыздын башына эч нерсе кирген жок. Качан гана колдорун артка кайрып, милиция кызматкерлери алып жөнөгөндө артын карап “Кутман!” деп бакырып-бакырып жиберди. Жан далбастай ага жүткүндү. Элесинде калганы, ага далысын сала бурулуп бараткан Кутман болду.

ЭНЕНИН КӨЗ ЖАШЫ
Тергөөчүнүн жанын эзген суроолоруна жооп бере берип чарчады кыз. Каргашалуу күндөн канча күн өтсө да Кутман келген жок. Акыркы чекитке чейин андан үмүтүн үзө албаганы менен, көзүнө кайра-кайра чөнтөгүнөн алып бир нерсени сумкага салып койгону, далысын сала ары бурулганы тартылат. Табышмактын жандырмагын курбусу ачты. “Кутман көп жылдан бери эле баңгизат сатуу менен алектенет экен. Болбосо кайдан эле машинадан машина алмаштырып жүрөт? Сени жөн гана пайдаланып кетти” деди тиги Адеминин абалына жаны ачый.
– Апам?.. Апам кантти? Намысынан өлүп кетти го байкуш апам?- деди биринчи эле чоң энесин эстеген Адеми.
– Насыйкат эже сага ишенет. Жакында өзү келет сага.
Шалдырап камерасына жөнөгөн Адеми бир топ күн өзүнө келе албай койду. Балким, чоң энеси келбегенде ошол боюнча өзүнө келе албай, аруу дүйнөсү кир чалып, жүрөгүн кара так баскан боюнча калат беле, ким билсин. “Айнегим, сен тазасың, сен аксың. Сына көрбө, кызым. Сени минтип какшаткан адам жазасын алат. Болгону, жашоодон түңүлө көрбө. Эртең эле баары өзүнүн ордуна келет” деди көз жашын төккөн чоң энеси. Ошондо гана бакырып, чоң энесинин кудуреттүү кучагына жыгылып ыйлап жатты кыз. Көз жашы дайра болуп агып жатты. Чачынан сылап эркелеткен чоң энеси да дирилдеп ыйлап жатканын сезди. Башын көтөрүп, жаштуу көздөрү менен чоң энесине тигилди.
– Апа, мен үчүн жашоо оор. Кээде жанымды кыйсамбы деп да ойлоп кетем. Бирок сен келгенден кийин мен ким үчүн бул жашоо менен күрөшөрүмдү түшүндүм. Сенин бир тамчы жашыңды агызбайм, апа. Менден үмүтүңдү үзбө, күт мени, апа...
Конвойдун артында үмүт менен турган апанын да, колун аркасына алып бара жаткан кыздын да жүрөгүндө үмүттүн оту жанды. Жолугуудан кийин ар дайым шалдайып келчү Адеми бул жолу башын бийик көтөрүп, жеңиштүү кирди.

xхх

Адеминин соту көпкө созулуп, күчтүү адвокаттын жардамы менен 3 жылга соттолду. Үч жыл аны жашаткан апасынын көзүндөгү үмүт болду. Түрмөдөн чыккан соң окуусун улантты, турмушка чыкты, балалуу болду. Жүрөк жарасы айыгып калгандан кийин тагдыр аны Кутман менен жолугуштурду. Бир кезде бири-бири үчүн жан бере турган адамдар эми таптакыр бири-бирине чоочун эле. Кутман ошол боюнча үйлөнгөн жок. Бир жазыксыз каректен көз жаш агызганы үчүн, өз сүйүүсүнө чыккынчылык кылганы үчүн тагдырдын жазасы болду белем. Бир кезде кыздын карегиндеги жалынга жылынган ал ошол жалын унутулбай аны өмүр бою күйгүзүп өтөрүн учурунда билген эмес...

Нуржамал Жийдебаева
lira@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(5)
23.01.2012. 21:51 
Тайпасы:
Жаран
Комментарийлердин саны:
485
Катталган:
06-12-2009
Соӊку аракети:
28-08-2018 11:08
Жынысы:
Белгисиз
Калаасы:
Kg-Ош-Ноокат
0
Окунучтуу тагдыр экен.
24.01.2012. 16:42 
Тайпасы:
Жаран
Комментарийлердин саны:
42
Катталган:
24-08-2011
Соӊку аракети:
14-03-2018 10:09
Жынысы:
Белгисиз
0
Аябай окунучтуу жазылыптыр
25.01.2012. 03:21 
Тайпасы:
Жаран
Комментарийлердин саны:
57
Катталган:
16-08-2011
Соӊку аракети:
21-09-2018 14:52
Жынысы:
Белгисиз
0
Мен да кошо ыйладым...
25.01.2012. 17:23 
Тайпасы:
Кыймылы жок
Комментарийлердин саны:
50
Катталган:
18-07-2011
Соӊку аракети:
26-04-2016 13:12
Жынысы:
Белгисиз
0
Ушундай балдардан,куру дооматтан Кудай озу сактасын.Заманыбыз тынч болсун.
28.01.2012. 22:50 
Тайпасы:
Кыймылы жок
Комментарийлердин саны:
2
Катталган:
22-01-2012
Соӊку аракети:
25-12-2013 00:19
Жынысы:
Белгисиз
0
Аллатала озу сактасын
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21232;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: