Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ЖКнын депутаты Динара МОЛДОШЕВА: «СҮЙҮШКӨНДӨР КҮНҮНДӨ СҮЙҮҮМДҮ ТАПКАМ»

№327 6-февраль - 12-февраль, 2009-ж.


Кыска суроого кыска жооп

– Жактырган саясатчыңыз? – В.В. Путин.
– Кайсы дүкөндөн кийинесиз? – Айырмасы жок, ар кандай бутиктерден, кээде базардан болуп калат.
– Эмнеден коркосуз? – Адамдарды ишендирип коюп, анан убадамды аткара албай калгандан.
– Жакпаган сапатыңыз? – Бетке айтканым.
– Колдонгон косметикаңыз? – «Pupa», «L'oreal».
– Акыркы жолу качан ыйладыңыз? – Эсимде жок.
– Кызыңызга жомок айтып бересизби? – Албетте, күндө кызымды уктатаар маалда.

Бир да жолу дискотекага барып көргөн эмесмин

– Динара эже, сөздүн башатын бал ширин балалыгыңыздан баштасак...
– Кичи мекеним Кадамжай районунун Хайдаркан айылы. Негизи, союз учурунда жаш адистерди алыскы райондорго жиберишчү экен. Атам Хайдаркандагы мектепке химия сабагынан, апам болсо тарых сабагынан мугалим болуп барышыптыр. Кийин Баткендин кооз жаратылышы, жагымдуу абасы, ширин жер-жемиштери ата-энемди биротоло арбап алган окшойт, ошол жерди байырлап калышыптыр. Атам өзү Таластан, апам Нарындан болот. Үйбүлөдө төрт кыздын эң улуусу менмин.
– Ата-энеңиз мугалим болсо, үйү­ңөрдө тартип катуу болсо керек...
– Мен 4 жашымда эле окуп, жазганды үйрөнүп алыптырмын. Азыр эсимде, үйдө китептен көп нерсе жок эле. Ошолордун ичинен Братья Гриммдин жомок китебин колумдан түшүрчү эмесмин. Эмнегедир ушул китеп мага абдан жакчу. Ичиндеги 200 жомокту бүт окуп чыксам деле көтөрүп жүрө берчүмүн. Мектептен окуп келип, үйдөн ата-энемден кайра сабак алчубуз. Ошентип, балачагымда жалаң гана “окуу, окуу” деп жүрө берип, 11-классты бүткүчөктү бир да жолу дискотекага барбаганыма кээде өзүм да таң калам.
– Мектепте жакшы окуган кыздарга балдар сүйүү каттарды көп жазышчу эле, сизде андай окуялар болсо керек?
– Чынында эле жакшы окуган курбу кыздарым балдардан мындай каттарды көп алышчу. Бирок мен негедир мындай каттарды алчу эмесмин. Атам да, апам да мектепте иштегендиктенби, айтор, тартынышса керек. Анын үстүнө өзүм деле окууну биринчи орунга коюп, жигиттерге, оюн-зоокко көп кызыкпапмын. Мына ошол мүнөздү өзүмө калыптандырып алыптырмын. Азыр деле аял өңдөнүп чай ичип, ырахаттангандын ордуна бир жаңылык билип алууга аракет кылам. Студенттик күндөрүмдө деле эсте калган окуяларга, толкундоолорго кабылган жокмун. Негизи, менин ыр-бийге шыгым жок болчу. Бир жолу университеттен Анарбай Сыдыков деген агай болбой жатып студенттердин республикалык конкурска катыштырып койгон. Эмне кыларымды билбей, орусча “Манастын төрөлүшүн” айтып, үчүнчү орунду ээлегеним эсимде. Айткандай эле төртүнчү курста гана жигит сүйүп көрдүм. Сөз айткан жигиттер болгон. Бирок мындай сөздөргө маани берчү эмесмин. Анын үстүнө курсташ, группалаш кыздар экинчи, үчүнчү курста эле күйөөгө чыгып алышып, арасында окууларын таштап койгондору да болгон. Ошондо мен өзүмө “окуумду бүтүп, жумуш тапканда гана турмуш куруу тууралуу ойлоном” деп сөз бергем.

Алгачкы махабатым

– Анда сиздин окуудан башканы ойго албаган жүрөгүңүздү кандай адам багындырып алды болду экен?
– Мирбек аттуу көлдүк жигит. Бир жолу төртүнчү курста шайлоонун тартиптери боюнча республикалык конкурс болуп калды. Биздин Бишкек гуманитардык университетинен команда түзүп барып, биринчи орунду алганбыз. Ошондо мени Борбордук шайлоо комитетине иштөөгө чакырып, ошол жерден азыркы жолдошум менен таанышып калдым. Кийин Мирбек айтып жатпайбы: “Мен сени биринчи жолу көргөндө эле сүйүп калгам”,- деп.
– А сизчи?
– Биринчи көргөндө жөн гана сымбаттуу жана билимдүү бала катары кабыл алгам. Анан 14-февраль сүйүшкөндөрдүн күнүндө мага кат берип жатпайбы. Бул анын айымдарга жазган биринчи каты экен. Ар бир сөзүнөн эле толкундоолорун байкадым. Азыр ал катты баалуу буюмум катары катып жүрөм. Анан 5 жыл сүйлөшүп жүрүп, баш коштук. Азыр бир кыздуу болдук. Кызым эки жарым жашка чыгып калды. Бирок азыр да эмизем.
– Айтып отурсаңыз, мектептеги күндөрүңүз ата-энеңиздин катуу кө­зө­мө­лүндө болуптур. Ал эми кесип тандоодочу?
– Атамдын агасы Ошто белгилүү врач болчу. Ошондон улам эле хирург болууну самачумун. Бирок өзүм кандан абдан корком. Анан ойлонуп отуруп, саясат таануучу болууну чечкем.

Кайнененин камырынан...

– Депутат болсоңуз да кайын журтка келинсиз. Той-топурда боорсок бышырып, ичеги артып дегендей жумуштарга аралашасызбы?
– Албетте, аралашам. Абысындар менен той-то­пур­ларда кызматтарды бөлүшүп алабыз. Мага дайыма эле чай куйганды беришет.
– Кайненеңиз менен кандай мамиледесиз?
– Кайнатам Мирбек 5 жашка чыкканда эле каза болгон экен. Ошондуктан кайненем 6 баланын түйшүгүн жалгыз тартып, турмушка бышкан адам. Баарынан ал кишинин менин жумушума түшүнүү менен караганына абдан ыраазымын.
– Канча балалуу болгуңуз келет?
– Жок дегенде үч балалуу болгум келет.
– Кызыңызды 11-классты бүтөрү менен ала качып кетсе эмне кылар элеңиз? Деги эле кыргыздын мындай салт-санааларына кандай карайсыз?
– Менин кызым чоңойгуча “ала качуу” деген нерсе жоюлуп кетсе керек. Бизде жакшы салт-санаалар да көп, бирок мен ушул ала качууга каршымын.
– Өзүңүздү кандай кайнене болом деп элестете аласыз?
– Башкарчу жерден башкарган, сыйлачу жерден сыйлаган кайнене болом.
– Аялзатынын негизги милдети – үй тиричилигин башкаруу эмеспи. Жумушта кечке кармалып да калсаңыз керек. Мындай учурларда күйөөңүз менен кызыңыз кантет?
– Азыр кызымды өзүмдүн апам карашып жүрөт. Мен кечиккен күндөрү тамагымды жасап, чайын демдеп күтүп отурат. Дем алыш күндөрү апам абышкасына кеткенде гана өзүм үйүмдө “толук кандуу кожейке” болом.

Сулуулук салонуна көп деле барбайм

– Кайсы тамакты мыкты жасайсыз?
– Камыр тамактарды жакшы жасайм.
– Көпчүлүктүн көзүнө түшкөн эркектердин арасында иштейсиз. Жолдошуңуз кызганбайбы?
– Ал мени, мен аны кызганган учурлар болот. Бирок бири-бирибизди түшүнгөнгө аракет кылабыз. Бир жакшы фразаны окуп калдым жакында: “Жумуштагы болгон маселелерди эч качан үйгө сүйрөп келбеш керек” деген. Ошондон кийин жумушта кандай нерселер болбосун, үйгө кабагымды ачып келүүгө аракет кылам.
– Келбетиңизге кантип кам көрөсүз? Кайсы сулуулук салонуна барасыз?
– Чач тарачка барганда гана маникюр жасатпасам, андай деле салондордун эшигин жыртканга убактым жок.
– Жумуштан чарчаганда кандай эс алууну жактырасыз?
– Сууда сүзүүнү жолдошум экөөбүз тең жактырабыз.

Сөз аягында

– Жакынкы иш-планыңыз?
– “Турак-жай боюнча” кодекске өзгөртүүлөрдү кир­ги­зүүнүн үстүндө бир топ депутаттар болуп иштеп жатабыз.
– Кыргызстан сиз үчүн?..
– Там-туң басып келе жаткан сүйүк­түү мекеним.
– Сүйүктүү мекениңиз менен бар болуңуз, мае­гиңизге чоң рахмат.

Бахияна Сатылганова
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: