Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АШКАЗАН ЖАНА ОН ЭКИ ЭЛИ ИЧЕГИНИН ЖАРАСЫ ТУУРАЛУУ

№327 6-февраль - 12-февраль, 2009-ж.


Оорунун келип чыгуу себептери

Тукум куучулук. Бул типке табиятынан ашказанында туз кислотасы көп бөлүнүп чыга тургандар кирет. Тактап айтканда, башка адамдарга салыштырмалуу туз кислотасы 2 эсе көп. Мындай адамдар тамактануу режимин сактап жүрүшпөсө, туз кислотасынын айынан жаранын пайда болуу коркунучу бар.

Айта кетсек, 1 грамм пепсин (тамакты аш кылуучу фермент) менен туз кислотасы 50 килограмм этти эритүүчү касиетке ээ. Андыктан туз кислотасы көп болсо, пепсин экөө адамды кандай мүшкүлгө саларын элестете бериңиз.

Себепкерлердин бири Хеликобактер пилори бактериясы. Аталган бактерия организмге булганган суу, тамак аркылуу кириши мүмкүн. Алгач гастритти, кийин ашказан же он эки эли ичегинин жарасын пайда кылат. Бактерия адамдан адамга кол, шилекей, идиш-аяк, өбүшүү аркылуу жугат.

Бактерия ашказанга кирген соң ал жерди байырлап, көбөйүп, ашказандагы 3 катар чел кабыкты "жеп", ууландырат. Мындай учурда туз кислотасынын ашказандын бетине түз тийүүсүнө жол ачылып, экөөнүн айынан ашказандын жарасы келип чыгат.

Дамамат капаланып-кайгы­руу­лар нерв системасынын иштөөсүн бузуп, туз кислотасынын көп бө­лүнүп чыгуусун шарттайт. Мындай адат өнөкөткө айланса, анда жаранын келип чыгышы турган кеп. Өзгөчө ач карын кезде кайгылануу жаман. Анткени тамак жок кезде ашказандын чел кабыгы ачык болот да, көп бөлүнүп чыгып жаткан туз кислотасы чел кабыкты дүүлүктүрүп, акырындап жаранын пайда болушун шарттайт.

Калган себепкерлер болуп кургак жана башаламан тамактануу, ашказан-ичеги жолдорунун өнөкөт оорулары (гастрит, панкреатит), дарылардын тескери таасирлери жана жаман адаттар (тамеки же насыбай тартуу, ичкилик ичүү) эсептелет.

Белгилери

Зарына, көңүл айлануу.

Тамак ичкенден кийин оорутуу. Эгер оорутуу тамак ичкенден соң 30-60 мүнөттөн кийин башталса, жара ашказанда деп билсе болот. Муну учурунда айыктырбаса, ракка айланып кетет.

Ал эми тамак ичкенден 2-3 сааттан кийин ачка кезде же түн ичинде уктап жаткан маалда оорутуу пайда болсо, анда бул он эки эли ичегидеги жаранын белгилери. Бирок он эки эли ичегинин жарасы ракка айланбайт.

Ачка болгондогу оорутуу. Мында жогоруда айтып кеткендей, ашказандын чел кабыгын коргоого жарай турган тамак жок болгондуктан, туз кислотасы жарага тийип, оорутууну жаратат. Тамак ичкен соң жараны тамак тосуп калат да, оорутуу билинбейт. Адатта оорулуу адамдын түн ортосунда туруп тамак ичкени ушул себептен.

Кусуу. Оорунун алгачкы стадияларында ашказанда тамак аздан болсо да сиңириле берсе, оору оорлошкондо тамак сиңбей, тамактар ашказанда туруп калат. Бул улам-улам кусууга алып келет.

Диагноз

Диагноз коюу үчүн ашказанды рентгенге тарттыруу, ашказандын маңызынын кычкылдуулугун лабораториялык изилдөө, жаранын ашказандын жана он эки эли ичегинин кайсы жеринде жайгашканын аныктоо үчүн эндоскопиялык (учунда жарык берүүчү зондду жуткуруп текшерүү) изилдөө, Хеликобактер пилорини изилдөө жана башкалар керектелет.

Оору кабылдап кетсе...

Ашказан жана он эки эли ичегисинин жарасында тамакты аш кылуучу система: уйку бези, боор, ичегилер толук бойдон жабыркайт. Убагында дарыланбаса, дарт өтүшүп кетет. Кабылдап кеткен дарт организмге келтирүүүчү коркунучу боюнча 5 түр­гө бөлүнөт:

Жара ашказандын калың катмарына өтүп, анда жайгашкан кан тамырлар жарылат. Мындай учурда акырындап же күргүштөп кан агуусу мүмкүн. Адам кан кусуп, эс-учун жоготот. Тезинен операция жасалбаса, адам өлүмгө дуушар болот. Оорунун өтүшүп кеткен бул түрү 15-20 пайызга чейин кезигет.

Жара жарылып, ашказандын бардык катмарлары ачылып, ашказан жана он эки эли ичегидеги суюктуктар (туз кислотасы ж.б.) бүт ич көңдөйгө куюлат. Ички органдарды ууландырып, иритет. Перитонитке (ич көңдөйдүн сезгениши)айланат. Мындай учурда операция жолу менен жараны алып, анын ордун бүтөбөсө адам өлүмгө туш болот. Оорунун кабылдап кеткен бул түрү 15 пайызга чейин жолугат.

Ашказан жана он эки эли ичегидеги жара акырындык менен берчке айланып, тамак өтчү жерди бүтөп калат. Андыктан тамак сиңбей, адам куса баштайт. Акырындап ашказан чоюлат, адам болсо арыктайт. Мындай учурда да операция жасоо менен жараны алып, тешикти кайра калыпка келтирбесе, адам майып болуп калат. Оорунун бул өтүшкөн түрү 25-30 пайызга чейин учурайт.

Жара ашказандан өтүп, жанаша жайгашкан органдарды: уйку безин, өттү, боорду жана башка органдарды тешип өтөт да, аларды да жабыркатат. Адам абдан ооруп, өмүрү коркунучка кептелет.

Убагында дарыланбаса, ашказандын жарасы ракка айланып кетет.

Дарылоо

Оорулууга катуураак жумуш кылбоо, жаман адаттарды токтотуу керектелет. Ашказандын жана он эки эли ичегинин жарасын алгачкы стадияларында дары-дармек менен дарылап жоюуга болот. Дарылоодо түрдүү медициналык каражаттар, Хеликобактер пилори бактериясына каршы антибиотиктер колдонулат. Дары-дармектер ашказандын кычкылдуулугун төмөндөтүп, ашказандын чел кабыгын коргоп, ашказандын булчуңунун жыйрылуусун калыпка келтирет. Оорунун курч мезгили өтүп кеткен соң физиопроцедуралар (электроферез, УВЧ, баткак менен дарылоо ж.б.) сунушталат.

Оорунун татаалдашкан түрүндө операция жасалат.

Канымжан Усупбекова
koom@press.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(2)
05.10.2012. 20:09 
Тайпасы:
Кыймылы жок
Комментарийлердин саны:
19
Катталган:
21-05-2012
Соӊку аракети:
02-02-2015 12:02
Жынысы:
Белгисиз
0
мен жакында еле ушул оору менен оорудум еле азырда кичине ооруйт емне кылыш керек жардам берип койгула
14.04.2016. 11:39 
Тайпасы:
Жаран
Комментарийлердин саны:
2
Катталган:
29-03-2016
Соӊку аракети:
21-11-2016 08:09
Жынысы:
Белгисиз
0
andarak,эртең менен ач карын оливка майын ичиңиз (extra vergin)
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: