Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Эльмурза Сатыбалдиев: «КАЧЫП КЕТПЕГЕНИМЕ ӨКҮНБӨЙМ»

№481 20-26-январь, 2012-жыл


Буга чейинки бийликтин бараандуу чиновниктеринин бири, мурунку баш прокурор, экс-президенттин мамлекеттик кеңешчиси болуп турган Эльмурза Сатыбалдиев менен ал-абал сурашып, чакан кабинетине баш багып көрдүк. “Так, точно!” деп кыска-нускага көнгөн орган кызматкерлеринин мүнөзүндө жүргөн маегибиз аз, бирок саз болду.

– 7-апрель экс-президент Курманбек Бакиевдин тушунда иштеген көптөгөн аткаминерлер үчүн кара тилкеге айланды. Жакын арада кызматтан кеткениңизге эки жыл толот. Суроонун башын ушул мезгил аралыгынан баштасак. “Экинчи революция” деп аташкан күнү кайда элеңиз, ошол учурда эмне аракеттерди көрдүңүз жана учурда эмне менен алексиз?
– 7-апрель күнү бардык мамлекеттик кызматкерлердин катарында мен дагы өкмөт үйүндө, жумуш ордумда болчумун.
Учурда эмне жумуш жасап жатканыма бүгүн эл арасында кызыкдар тараптарга билинип эле калбадыбы. Себеби ошол учурдагы окуя боюнча сот отуруму ачык өтүп, анда катышып отурам.
Андан тышкары акыркы 25 жылдан бери кызмат деп жүрүп, үй-бүлөлүк иштерге тийиштүү көңүл бурбай калыпмын. Азыр үйдөгүлөр менен кеңири отуруп, балдарымдын маселелери менен алектенүүгө убакыт жетиштүү.
– Темир Сариев былтыркы жылы ЖКнын жыйындарынын биринде “Эльмурза Сатыбалдиев Апрель окуясы үчүн биринчи болуп жоопкерчилик алды” деген сөздү айткан. Президент баш болуп далай чиновниктер өлкө тагдырын орто жолго таштай качышты. Апрель окуясы боюнча жоопкерчиликтен качпагандыгыңыз жигитчилик болдубу же көпчүлүктүн катарын толуктап өлкөдөн качып кетпегениңизге кийин өкүндүңүзбү?
– Менин иш-аракетиме адилеттүү баа берип жүргөн адамдарга ыраазымын. Ошол учурда ким качса да, ким калса да, тарых өз баасын берет. Өзүмө байланыштуу мекенден чыгып кетүүгө себеп да, ниет да болбоду. Сиз сурагандай, жигитчиликпи же жокпу, аны коомчулук бааласын. Мен качып кетпегениме эч качан өкүнбөйм, тескерисинче, бул кадамымды кубаттайм.
Мына, сот иштери эки жылдан бери уланып, кандай гана сөздөрдү укпадык. Кордогондор, сөккөндөр, каргагандар да болот. Бирок мен аларды күнөөлөгүм келбейт. Акым да жок. Дүйнөдө эң улугу бул – адамдын жашоо укугу. Муну сатып ала албайсың. 7-апрель күнү аянтта 90дой адам атылып кетти. Качкандар качты, качпагандар тирүү болсо, кантип бекинип жатып алмак?!
Качып кетпегениме жүйөлүү себеп да бар. Кайда качпа, баары бир абийирден кутула албайсың. Мен деле жылуу жактарга кетип, жыргап жашасам болмок. Бирок балдарым “ата, ушундай окуя болгондо эмнеге качып кеттиңиз эле?” деп сураса, эмне деп жооп берет болчумун? Кийин ушинтип сурашса “балам, мен качкан эмесмин, сот иштери аяктаганга чейин жүргөм” деп айтам.
– 7-апрелде Баш прокуратуранын имараты эмне үчүн өрттөлүп кетти деп ойлойсуз?
– Имарат боюнча тергөө амалдары жүрүп жаткан болсо, жыйынтыгы жооп берилет.
– Медет Садыркуловдун өлүмү боюнча иштин ачыкка чыгарылышы коомчулукта чыныгы дүрбөлөңдү жаратты. Медет Садыркуловдун экс-президенттин чөйрөсүндөгү адамдар тарабынан өлтүрүлгөндүгүн билчү белеңиз?
– Ал кездеги окуя боюнча мен кызматтык милдетиме ылайык билген эмесмин. Прокуратура органдары кылмышты ачпайт, бул үчүн Баш мыйзамда көрсөтүлгөн органдар бар.
Медет Садыркулов каза тапканда мен баш прокурор элем. Эл арасын, анын ичинде сиз сыяктуу журналисттер чөйрөсүн күмөн саноо каптаган. Бирок “сүзүп алдым, анан унаалар өрттөнүп кетти” деп күнөөсүн моюнуна алып келип жатса, бул версиялар да каралат эмеспи. Баарына белгилүү болгондой, “айыптуумун” деген киши кийин соттолгон.
– Эгерде Апрель окуясы боюнча сот иши сиз үчүн ийгиликтүү аяктаса, саясий аренага кайтып келесизби?
– Апрель окуясына байланыштуу сот иши адилеттүү аяктайт деп ишенем. Андыктан саясий аренага келүүгө милдеттүүмүн.
– Баш прокурорлукка чейин көтөрүлүп, кийин заматта “борттон” сыртта калдыңыз. Мындайда сизге досторуңуздун ичинен моралдык колдоо көрсөткөндөр табылдыбы же сатып кетип, жүз үйрүгөндөр көбүрөөк болдубу?
– Бир да досум мени сатып кеткен жок. Бүгүн деле мен кызмат аркалап жүргөн мезгилдеги жоро-жолдошторум менен пикирлештерим жанымда. 7-апрелден кийин үйдө отуруп калганда досторум азыр иштеп жаткан Волейбол федерациясын башкаруумду айтып калышты. Кээде кабинеттин кире беришинде адамдар толуп кетет. Жолдоштордун чөйрөсүндө өзгөрүү байкалбады, мурдагыдай эле мага келген элдин изи сууй элек.

«ПРОКУРОР БОЛСОМ» ДЕП КИЧИНЕСИНЕН КЫЯЛДАНЧУ
Каарманыбыз ата-энеси менен сыймыктанат, бирок алардан эрте эле ажырап калган. Эльмурза мырза Ош облусуна караштуу Өзгөн районунун Салам-Алик айылында, 1966-жылы 13-мартта туулган. Үйдө алты бир тууган, төрт эжеси жана бир иниси бар. 7 жашында Сузак районундагы Карл Маркс атындагы мектеп-интернатына кирип, орто билимди ошол жерден аяктаган. Кийин балалык кездеги “прокурор болом” деген кыялын ишке ашыруу үчүн Кыргыз мамлекеттик университетинин юридикалык бөлүмүнө тапшырган. Аны 1992-жылы аяктаган соң Жалал-Абад, Ноокен, Таш-Көмүр шаарларында прокуратурада иштейт.
2001-2006-жылдар аралыгында Кемин району, Жайыл району, Ысык-Көл облусунун прокурору болуп, УКМКнын төрагасынын орун басарлыгына чейин көтөрүлгөн. 2007-жылы баш прокурор болуп дайындалган.
Турмушунда карьералык тепкичтен улам жогору көздөй секирген Эльмурза Сатыбалдиев “көпчүлүк сизди “жалал-абаддык болгону үчүн Бакиевдин көзүнө илинип калып, чоң кызматтарга келген” дешет...” деген суроого “ар бир жерде жетекчилик жакшы иштеген адамга көз салат. Бакиевсиз же Акаевсиз эле кызматка келдим дебейм. Минтип айткандар – калпычы. Болгону, ошол учурда жасап жаткан иштеримден улам жогорудагылардын көзүнө илинип калгандырмын” деген жообун узатты.

«ЭЛЬ» МЕНЕН БАШТАЛГАН ЫСЫМДАРДЫН ДИНАСТИЯСЫ
Иш тажрыйбасында КРнын Эмгек сиңирген юристи атыгып, генерал-лейтенанттык чин алган Эльмурза Сатыбалдиев учурда балдары менен сыймыктанып отурган кези. Эң улуусу Эльзар 20 жашта, Кыргыз-Орус Славян университетинде окуп, “юрист болом” деп шымаланып жүрөт. Өзгөчө кубаныч менен айтып берген уулу Эльхан 17де, былтыркы жылы Алматы шаарындагы сынакка чейин барып, Улуу Британиянын кадыр-барктуу Оксфорд университетине өткөн. Үчүнчүсү Эльдана Кыргыз-Түрк лицейинде окуса, 11 жаштагы Элима жакшы окугандыгы үчүн директорунан мактоо баракчасын алып келип сүйүнтөт. Эң кенжеси, эң эркеси Эльман бала бакчага барат.
Үй-бүлөсү жалаң “Эль” менен башталган ысымдардан старт алганына каарманыбыздын таятасы “күнөөлүү”. “Эмне себептен Эльмурза койгонун сүрүштүрбөй деле калыптырмын. Элдин адамы болсун деген ниет менен ырымдаса керек. Анан ысымыма уйкаш болсун деп тун баламдын атын Эльзар деп койгондон кийин өзүнөн-өзү эле кичинекей жөрөлгөбүз балдарым төрөлгөндө уланып кете берди”,- деди “Эль” династиясынын баштоочусу.

«САЛАМ-АЛИК» АЛИ ДҮЙНӨНҮ ДҮҢГҮРӨТӨТ»
Спорт жаңылыктарынан бат-баттан “Салам-Алик” деген волейболдук команда түрдүү сынактардан жеңип келгендиги айтылып турат. Аталган клубдун негизделип калышына Эльмурза Сатыбалдиевдин эмгеги чоң. Он жыл бою волейболдук федерацияны жетектөөсүн суранып келишип, 2009-жылы гана ага президент болуп келет. “Кыргыздар үчүн улак тартыш, күрөш, анан волейбол сүймөнчүк оюндар. Келерим менен “Салам-Алик” деген улан-кыздардын эки командасын түздүк. Салам-Алик бул – менин туулган айылым. Кыргыз жериндеги эң кооз жер, жаңгак токойлуу. Анын аты дүйнөдө жаңырып, дүңгүрөй берсин деген ниет менен койгом. Буюрса, тилек аткарылып, Казакстан, Орусия жана башка өлкөлөрдөн көп жолу жеңиш менен кайтышты”,- дейт Эльмурза Сатыбалдиев.
Былтыркы жылы клубда ойногон балдар-кыздарды чакырып, Салам-Аликте элден бата алуу үчүн той кылган. Элдин баары таң калып, ошондон улам “Эльмурза президенттикке барат имиш, саясатка аралашканы жатат экен” деген кептер тараганын айтат. “Бирок мен сот иштери уланып жатканда кантип саясатка киришип кетмек элем? Мени байпагымдан өйдө кийинтип, өкмөт чоңойткон. Андыктан бир күнү мамлекеттик иштерге кайтып келем деп ишенем”,- деп сөзүн аяктады.

Эльвира Караева
Cүрөттөр өздүк архивден алынды
politika@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(2)
23.01.2012. 12:21 
Тайпасы:
Жаран
Комментарийлердин саны:
96
Катталган:
03-07-2009
Соӊку аракети:
27-08-2018 21:45
Жынысы:
Белгисиз
Калаасы:
Улуу Кыргыз Дөөлөтү Ордо Балык шаары
0
УӨ менен ошол убакта (тымызын) кызматташкан болсоңуз керек деп ойлоп калдым анткени прокуратуранын куйушү жөн жайдан эмес да...
24.01.2012. 21:06 
Тайпасы:
Кыймылы жок
Комментарийлердин саны:
69
Катталган:
24-05-2011
Соӊку аракети:
10-10-2013 14:23
Жынысы:
Белгисиз
0
menin inim salam alikte oinoit 62-mekteptin 11-klassynda treinerin kumir tutat klubdu uiushturganyngyzga rahmat oiunun baary sportto koz tiibesin
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: