реклама
Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Роза Аманова, КРнын Эл артисти: «АПАМ КҮН НУРУНДА ЭС АЛЫП ОТУРГАН БОЙДОН КЕТЕ БЕРДИ»

№483 3-февраль - 9-февраль, 2012-ж.


Салттуу музыканы даңазалап, өнөргө жан дили менен кызмат кылып келе жаткан Кыргыз Республикасынын Эл артисти Роза Аманова жакында эле Токтогул атындагы сыйлыктын ээси болду. Эжеге алган сыйлыгыңыз кут болсун демекчибиз. Роза Аманова бүгүн биздин төрдөн орун алып, апасы тууралуу кенен маек куруп берди.

“БАЛАЛЫГЫ СОГУШ ЖЫЛДАРЫНА ТУШ КЕЛГЕН”
– Апам – Чоңмурун кызы Мария 1922-жылы Кетмен-Төбө өрөөнүнүн Шопок айылында комузчунун үй-бүлөсүндө төрөлгөн. Балдардын туну болгон экен. Жаш
мезгили каардуу 40-жылдарга туш келген. Азыркыдай каалаган жумушун аткарбастан, ал замандын жаштары эгин жыйнап, буудай, арпа сапырып кырмандын
ишин кылып, айтор, айыл башчысынын айтканын эки кылбай аткарууга аргасыз болушкан. Фронттогу тууган агаларынын, аталарынын аман келүүсүн Кудайдан тилеп, түнкүсүн жүн тытып, ийик ийрип, аскерлерге жылуу кийим, байпак токуп жөнөткөн убактары болгондугун бизге айтып берчү.
Согуштан кийин колуна комуз кармап Жалал-Абаддагы театрга иниси, айтылуу комузчу Жусуп Чоңмуруновдун чакыртуусу менен артист болуп да иштеген. М.Мокеев, М.Өмүркановалар менен бир курдай концерттерге бирге чыкканын эскерип айтып калчу. Атам – Аманов Асанга жолуккандан өнөр жолу буулуп, балдарды тарбиялап, үйдүн куту болуп отуруп калыптыр.

“МЕНИН ЫРЫСЫМ” ДЕП ЭРКЕЛЕТЕР ЭЛЕ”
“Жакшы кызга жаман кыз багы менен теңелет, жакшы атка жаман ат жалы менен теңелет” дечү. Апам жарыктык бирөөнүн бар турмушуна, жеткен ийгилигине көз артканды жаман көрөр эле. “Ар пенде маңдайга жазганын көрөт” деп бизге дайыма айтчу. “Турмуштабы, чыгармачылыктабы, ийгиликтер ар дайым эмгектин гана артынан жаралат” дээр эле. Апамдын мага айткан “эч качан, эч кимди атаандашым деп ойлобо, мезгилден өткөн атаандаш табылбас, бир да күнүңдү, убактыңды бош кетирбе, эмгектен жана эмгектен” деген накыл сөзү качан да болсо жүрөгүмдө. Анын эмгекчилдигин, меймандостугун, адамгерчиликтүүлүгүн жана башка бир топ сапаттарын алып жүрүүгө колумдан келишинче аракеттенем. Апам ар качан “айланып”, “кагылып”, мени дайыма “менин ырысым” деп эркелетер эле.

“НАНДЫ ӨЗҮ ЖАСАГАН КЕМЕГЕДЕ БЫШЫРЧУ”
– 1979-жылы атам каза болгондон кийин үйдүн, балдардын бүтүндөй түйшүгү толугу менен апамдын моюнуна өттү. Ошол жылдары биздин үйдүн кемегесин апам өз колу менен жасаганы эсимден кетпейт. Ак топуракка эчкинин жүнүн кошуп тебелеп, аны ачытып, курбу кемпирлери менен калыпка келтирип, анан таякемди чакырып келип орноткон болчу. Азыр андай кемегени эч жерден көрбөйм. Ал кемегеде этин да кургатчу, казанга нанын да жапчу, чогуна бизге дүмбүл бышырып берчү, айтор, таң эртеден күүгүм кечке чейин кемеге бизге кызмат кылчу. Апам болсо биздин камыбыз менен аны тегеректеп эле жүрчү. Кемеге жөнүндө сөз болгон соң анда кайнаган чай менен апамдын эсте каларлык куймактарын унутта калтыруу мүмкүн эмес. Куймакты дайыма жаңы тартылган каймак менен жечүбүз. Апамдын жапкан нанынын даамдуусун айт! Жаңы бышкан нанды сары майга мыкчып берчү, ошол даам өмүр бою таңдайда калды, унутуу мүмкүн эмес. Айтылуу акын Турар Кожомбердиевдин “От өчпөгөн коломто” деген ыры менин апамдын образын, ошол мезгилди көз алдыга алып келет.

 “ЭНЕ БЕРГЕН ТАРБИЯНЫ ЭЧ БИР ИНСТИТУТ БЕРЕ АЛБАЙТ”
– Таң эртеден түн киргенге чейин ар кимибиздин аткара турган жумушубуз болор эле. Уйду бадага кошмой, суу алып келмей, эшиктин алдын шыпырмай, чөп жулуп келмей, чөп кертмей, кесме кесмей дегендей. Азыркы учурдагыдай даяр кесмелер түгүл, кесме кесчү машиналар да жок эле ал кезде. Аны кургатып кайра куурумай, уй саамай, тоок карамай, айтор, бала болуп ашыкча ойногон күндөрүмдү эстей албайм. Ошол кездеги үй-тиричилик иштери үчүн апама мен азыр ыраазы гана болом. Ал кишинин жашоомдогу эң чоң тарбиясы, эмгекке тарбиялагандыгы экенин түшүндүм. Мындай тарбияны эч бир институт бербейт.
“Аттиң, азыр апам мени жазалап турганда!..”
– Албетте, бала болгон соң тентектик кылган учурлар менде да болгон. Бирок үйдөгү майда-барат иштерге караганда, айткан дастандарын убагында жаттай албагандыгым үчүн, комуздун кайрыгын жеткиликтүү черте албагандыгым үчүн кадимкидей капа болор эле. “Адам болсоң экен” деп көп айтар эле. Жокчулукка, жетишпегендикке карабай, ар дайым жашоосуна ыраазы боло жайдары жүрчү. Кабагы бүркөлгөндө эле бир нерсени туура эмес кылганымды сезчүмүн. Аттиң, азыр апамдын жазасы болгондо, көптөгөн алгылыктуу иштер жасалмак!

“УЗ ЭЛЕ”
– Апам өзү абдан өнөрлүү жан эле. Комуз чертчү, жамактатып ыр да кошчу, жомок-дастандарды жатка айтчу. Шырдак, ала кийиз жасаган, сайма сайган, кийим токуган жагынан да мыкты болчу, айтор, колунан көөрү төгүлгөн уз эле. Ургаачы киши жогоруда айтылган иштерди жасай билүүсү абзел экенин көп айтчу.
Адам болуп төрөлгөн соң дүйнөдөн кайтуу деген да бар экен. Апам “жүгүртүп жүрүп, мүдүрүлтүп алсын” дечү, тилегениндей эле күн жаркыраган, өзгөчө жылуу кыш күндөрүнүн биринде, 1997-жылы 78 жаш курагында сыртка чыгып күндүн нурунда эс алып отурган бойдон кетти.
Бир кезде үмүт артып көптөн-көп ишенген кызынын филармонияга батпай келген көрүүчүлөрүн, дүйнө аралап койгон концерттерин, ошондой эле илимий иш-чаралардагы ийгиликтерин көрсө болмок деп өкүнөм. Тирүү кезинде көп нерсе кыла албадым, анын баары көкүрөктө...

Чолпон Сүйүнбаева
star@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(7)
06.02.2012. 15:55 
Тайпасы:
Жаран
Комментарийлердин саны:
61
Катталган:
27-01-2012
Соӊку аракети:
13-10-2018 21:39
Жынысы:
Белгисиз
Калаасы:
Бишкек
0
Таланттуу айым. Ишинизге ийгилик.Эне жонундо айтсак,тугонгуз нерсе,соз жетпейт.
07.02.2012. 12:39 
Тайпасы:
Кыймылы жок
Комментарийлердин саны:
39
Катталган:
30-01-2012
Соӊку аракети:
15-08-2012 20:06
Жынысы:
Белгисиз
Калаасы:
bishkek, Kyrgyzstan
0
Talantuu aiym, kop boldu sahnaga chykpai kaldy.
07.02.2012. 19:30 
Тайпасы:
Кыймылы жок
Комментарийлердин саны:
24
Катталган:
21-06-2011
Соӊку аракети:
31-03-2014 16:51
Жынысы:
Белгисиз
Калаасы:
ош
0
апеейй эсептеп корсонор анда апасы 52 жашында торогон болуп калабы? Анан да эжекебиз озунун жашы 60ка кирип калгандай интервью бериптир.....озу73эле жылкы болсо...уже цивилизация....болуш кк болчу го.....айтышат го атасы Таластык озу Токтогулда чонойгон кыскасы суруштуро келсе тушунбоочулук болуп атат
07.02.2012. 22:52 
Тайпасы:
Жаран
Комментарийлердин саны:
317
Катталган:
21-11-2010
Соӊку аракети:
11-11-2018 22:41
Жынысы:
Белгисиз
Калаасы:
пгт Шамалды-Сай
0
Кыргыздын таланттуу кызы.чыгармачылыгыңызга ийгилик.Эне жөнүндө айтсам эне дүйнөнүн жети кереметинин бири го!
08.02.2012. 14:14 
Тайпасы:
Жаран
Комментарийлердин саны:
3
Катталган:
30-05-2011
Соӊку аракети:
06-12-2017 01:04
Жынысы:
Белгисиз
Калаасы:
москва
0
Ушундай айымдар коп болсо го. Ишинизге ийгилик!
09.02.2012. 06:26 
Тайпасы:
Кыймылы жок
Комментарийлердин саны:
13
Катталган:
05-02-2012
Соӊку аракети:
02-11-2012 20:58
Жынысы:
Белгисиз
Калаасы:
пермь
0
раза эже акыркы кундору эл козуно корунбой сахна жаатынан алыстап кетти.уну мукам,ырлары жагымдуу комузга чебер эжебиз уй жумуштарынан колу бошобой жаткан чамасы..эмнеси болсо да бар болунуз эже анча мынча эл козуно корунуп турунуз..иштеринизге ийгилик!.апакениздин жаткан жери жайлуу болсун!..биз сиз менен сыймыктанабыз..
12.02.2012. 01:21 
Тайпасы:
Кыймылы жок
Комментарийлердин саны:
174
Катталган:
24-05-2009
Соӊку аракети:
07-05-2016 00:07
Жынысы:
Белгисиз
0
Ийгилик сизге онор адамы деп сизди айтат, ырдаган ырларыныз айткан дастандарынызды журоко жеткире айтасыз, сиздин дастандарынызды угуп жатканда кадимкидей калтырап кетем
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: