Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ТАГДЫР ОЮНУ

№483 3-февраль - 9-февраль, 2012-ж.


(Башы өткөн сандарыбызда)

Азирет Аскаттын бөлмөсүнө абайлай кирди. Бул бөлмөгө эч ким баш бакпаганына көп болгон. Аскар гана уулун сагынганда кирип, буюмдарын карап, кийимдерин жыттап, көпкө отуруп чыгып кетчү. Аскат каза болгондон кийин бул бөлмөгө эч кимди киргизбеди. Терезелерин да ачтырган жок. “Уулумдун жыты калсын, сагынганда кирип турайын” деп ойлогон эле. Босогодо турган Азирет бөлмөгө көз жүгүртүп бир пас турду. Кадимки бөлмө. Жакшы жасалгаланган керебет, шкаф, Аскаттын машыга турган грушасы, гир, гантелдери... Терезе жакта компьютер турат. Азирет компьютердик столго жакын келип, Бегимайдын сүрөтүн байкады. Жанында Аскат экөөнүн сүрөтү. Кыязы, кезектеги мелдештен келгенде тосуп алганы барган окшойт, колунда толтура гүлдөр менен аэропортто түшкөн экен. Азирет экөөнүн сүрөтүн колуна алып, аларга жымыя көпкө тигилди. Тамчы суудай окшош агасына, өмүрүндө бир да жолу көрбөгөн эгизине кусасы ташып, каңырыгы түтөп кетти. Сүйлөшкүсү келди. Ичинен ага кайрылып:
– Биринчи эле аны көргөндө таң калгам. Анын көздөрү кандай жайнап кеткенин көргөнүмдө... Кийин бир да жолу андай көз карашын байкабадым. Ошондо гана ал мени биринчи көргөндө сен деп кабыл алганын түшүндүм. Сен чоң сүйүүгө, Бегимайдын сүйүүсүнө татыктуу жигит болсоң керек. А мен эмне? Жүргөн бир... Апам айтмакчы, жүргөн бир саякатчы бакамын. А бирок тагдырдын тамашасы менен мен дагы аны сүйдүм. Сенден кем эмес сүйөм, бир тууганым. Бирок...
Шалак эте отуруп калды. Бир топ отурган соң компьютерди күйгүздү. Бир топко аңтарып-теңтерип отуруп, Аскаттын электрондук почтасына көзү түштү.
– Хм, пароль... Паролу кандай болду экен?
Алгач жөн гана Аскаттын почтасын карап көргүсү келсе, эми чындап кызыга баштады. Кандайча ачууга болот?
– Аа, таптым, экөөбүздүн туулган жылыбыз бир эмеспи...
Өзүнүн туулган жылын жазып көрдү эле таптакыр болбоду. Көпкө ойлонуп турду да, көзү столдун үстүндө турган Бегимайдын сүрөтүнө түштү. Адатта адамдар паролду өзүнүн кымбат адамдарынын туулган күндөрүнөн коёт эмеспи. Ойлонуп, Бегимайдын туулган күнү канчасы экенин эстей албай жатты. “Канчасы эле, канчасы эле? Аха, таптым!” Өткөндө бир жолу сөз болуп кетип, туулган күнүн айтканда эстеп калган эле. Эсинде калган сандарды тез тере салды. “89.06.18.” Буга да болбой койгон соң бул сандарга Бегимайдын баш тамгасын жазып көрдү эле электрондук почта ачылып калды.
Тапкычтыгына кубанган Азирет алакандарын чаап жиберди. Почтадагы акыркы күнү келип түшкөн сүрөткө көңүлү бурулду. Арылаган сайын өңү кубара, мышка кармаган колдору титиреп кетти.
Окурман, кимдин сүрөтү экенин сиз деле болжолдоп жатсаңыз керек. Бул – жаш жигит менен кумарга батып жаткан Аида эле. Жанындагы жаш жигиттин өңү анчалык даана көрүнбөгөндөй. Кучакташкан, өбүшкөн, биринин оозуна бири тамак салып эркелетип жаткан сүрөттөр...
– Акмакчылык, не деген акмакчылык?! Не деген аял эле бул өзү?- деп күбүрөгөн Азирет не кыларын билбей башын мыкчый отуруп калды. Бир аз демин баскандан кийин кайрадан сүрөттөрдү тиктеп калды. Сүрөттүн четинде датасы жазылып калган экен. 10.07.2010! Аскат өлгөн түн! Чындап эле бул сүрөттөр менен Аскаттын өлүмүнүн байланышы болуп жүрбөсүн?.. Ошол замат Көлгө барганда майордун айтканын эстеди. “Менин оюмча, аял Аскатты жакшы билген адам. Ал муздаткычтан алып, жатар алдында дайым суу ичип уктаарын билген. Андыктан ага уктоочу дарыны кошуп койгон. Андан кийин гана башка адам келген. Анткени бычакта эркек адамдын бармак издери калган. Уктап жаткан учурда бычак менен үч жолу жүрөк тушка сайган. Мунун баарын начальникке айтып бергем. Бирок ал “мен уктум, бул дөөдүрөгөнүңдү, башка адам укпасын. Баарын курут” деп буйрук кылды”.
– Уфф, ушу кантип болсун? Кантип эле ушундай болсун?!
Башын мыкчый кармап дубалга сүйөнгөн Азирет дендароо. Бир топко отурду да чөнтөк телефонуна сүрөттөрдү көчүрүп алып, компьютерди өчүрүп, эми чыгайын деп жатканда эшик шарт ачылып, күтүлбөгөн жерден Аида кирип келди.
– Бул бөлмөгө Аскар эч кимди киргизчү эмес. Ал “кирбегиле, эч кимди киргизбе, Аскат чыгып кеткенде кандай калса ошондой калтыр!” деп катуу айткан.
– Чын элеби?- деди Азирет кашын көтөрө мыскылдуу жылмайып. – А мен бул үйдө эмне кааласам өзүм билет экенимди билесиңби?
– Менин ордум бул үйдө эле эмес, Аскардын жашоосунда да бар экенин унутпа!
– Ким билет?- деди жакын басып келип Аиданын көзүнө тике караган Азирет. – Кээде биз ким менен жашап жүргөнүбүздү, анын кандай кадамдарга барарын да билбейбиз. Туурабы?
Аида кумсара артка кетенчиктей берди. Жигиттин көздөрү күлүп турганы менен, өтө коркунучтуу эле.
– Эмне, менден коркуп турасыңбы?- деди ого бетер дубалга жабыштыра түрткөн ал.
– Мен эч кимден коркпойм, корккон да эмесмин. Сенден да, энеңден да...- деди чыйралган аял.
Азирет чыгып кетти. Титиреген аял эмне кыларын билбей бүк түшүп отуруп калды. “Бир нерсени билет бул. Бирок эмнени? Кайсы жерден шек алдырып койдум? Окуяга байланыштуу нерсенин баарын жоготкон сыяктуу болбодум беле?” Бөлмөнү айланта карап, маңдайында турган Аскаттын сүрөтүн байкады. Сүрөттөр! Аскат тартып алган сүрөттөрдү чөнтөк телефонунан таппай койгон... Бирок ал кайда болушу мүмкүн? Капканга буту салынган жырткычтай Аида алдастай баштады.

ххх

“Аиданын жанында жүргөн жигит ким болушу мүмкүн?” Азиреттин оюнун баары ошого келип такалды. Эгерде ал адамды тапса, болгон окуянын аягы табылчудай. Бул сырды ким менен бөлүшүшү мүмкүн? Кимден жардам сураса болот? Атасынанбы? Болбойт, бул жаңылыктын чын-бышыгына жетмейинче ал адамга айтып жүрөгүн оорутуп кереги жок. Бегимайгабы? Анын да жараатынын картын сыйрыгысы келбеди. Акыры ойлонуп отуруп Алинага телефон чалды.
– Алинка, кезигелиби? Мен сени сагындым,- деди тигини ооз ачыра койбостон.
– Азирет, мени менен минтип тамашалашпа,- дирилдеген кыздын доошу азыр ыйлап жиберчүдөй.
– Ой, алтышка, кечирип кой. Жөн гана тамашаладым. Бирок сенин жардамың керек болуп жатат.
– Билем эмнеге экенин, бирок жардам бере албайм.
– Кандайча? Сен эмнени билесиң?
– Бегимай чет өлкөгө кеткени жатат. Сен аны менен жолуккуң келет, бирок ал сени көргүсү келбегенин айтканда сен мага чалып жатасың да, туурабы?
Азыр эле шайырсынып турган жигиттин өңү өзгөрүлүп, жүзү олуттуу болуп кетти.
– Кандайча? Эмнеге?- деп кайталай берди. Алина тигинин дендароолугуна жини келдиби, телефонду коюп салды. Эмне кылуу керек? Чогуу болбосо да бир шаарда жашап, ал ушу шаардын бир четинде жашап, өзү жуткан абадан дем алып жатканы эле өзүнчө бир дем эмес беле. Кантип жашайт эми? Азирет эч нерсени ойлогусу келген жок. Машинасын от алдырып, Бегимайды көздөй жөнөй берди.
Университеттен чыгып, эми машинасына отурайын деп жаткан Бегимай алдынан чыга калган Азиретти көрүп, таң кала кашын серпти.
– Сен кайдан чыга калдың? Жүрөгүм түшүп калды.
– Сени алыс жакка камданып жатыптыр деп уктум.
– Ооба, жакында...- деп келе жаткан Бегимайды каруудан кармаган Азирет акырын үн катты.
– Экөөбүз сүйлөшчү сөздөр бар. Суранам, бир ээн жерге барып сүйлөшөлү. Мен сага өтө маанилүү нерсе айтышым керек.
Бир аз убакыттан кийин эле экөө чакан кафеде отурушту.
– Кайда кетмекчисиң, эмнеге?- деди Азирет.
– Сенин Көлдө айткан сөздөрүң мага катуу таасир этти. Биринчи таарынгам, кийин бул чындык экенин моюнума алышым керек экенин сездим. Чын эле мен Аскатсыз жашай албай, жалгыз кантеримди билбей жүрөм. Жашоомдун сценарийи боюнча, Аскат экөөбүз үйлөнмөкпүз, балалуу болмокпуз, мен аны тосуп алып мелдештерге жөнөтүп турмакмын, жөнөкөй эле үй кожойкеси болмокмун. Ал каза болгондон кийин ордумду таппай калганым чын. Эми башка шаарда жаңы жашоо баштап көрүүнү чечтим. Атамдын эжеси АКШда жашаганына көп болду. Мени көптөн бери чакырып жүргөн. Ошол жактан окуумду улантып, иштеп келейин деп чечтим.

(Уландысы кийинки саныбызда)

Жолдошбек Кудайбергенов



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Башка сандарда:
Комментарийлер(14)
06.02.2012. 10:01 
Тайпасы:
Кыймылы жок
Комментарийлердин саны:
6
Катталган:
02-02-2012
Соӊку аракети:
24-03-2012 03:03
Жынысы:
Белгисиз
0
эх, дагы бир жума
06.02.2012. 10:02 
Тайпасы:
Жаран
Комментарийлердин саны:
160
Катталган:
26-01-2011
Соӊку аракети:
15-12-2016 20:00
Жынысы:
Белгисиз
Калаасы:
ош
0
eiieieiiei
06.02.2012. 12:31 
Тайпасы:
Кыймылы жок
Комментарийлердин саны:
86
Катталган:
02-12-2011
Соӊку аракети:
12-08-2015 03:15
Жынысы:
Белгисиз
Калаасы:
Москва
0
Кызыгына келгенде бутуп калганы жаман болду да!..кобурооктон эле жазса болбойбу?!
06.02.2012. 16:02 
Тайпасы:
Кыймылы жок
Комментарийлердин саны:
3
Катталган:
06-01-2012
Соӊку аракети:
10-06-2016 11:31
Жынысы:
Белгисиз
Калаасы:
Бишкек
0
бул жумада ото эле аз го?!
06.02.2012. 22:21 
Тайпасы:
Жаран
Комментарийлердин саны:
62
Катталган:
15-07-2011
Соӊку аракети:
13-11-2018 23:44
Жынысы:
Белгисиз
Калаасы:
Екатеринбург
0
Эх Аида шуркуя шуркуя.
07.02.2012. 01:00 
Тайпасы:
Кыймылы жок
Комментарийлердин саны:
9
Катталган:
08-08-2010
Соӊку аракети:
13-08-2013 04:19
Жынысы:
Белгисиз
Калаасы:
Berlin
0
Ayabai kyzyktuu, jakshy jazylgan roman, birok keede elementarduu nerselerdi oilonup jazsa bolmok eken, Begimaidyn tuulgan kunu 18.06 bolup turat, a Askattyn olgon kunu 10.07 dep jazyptyr azyrkyda, birok Askat Begimaidyn tuulgan kunu kunu kaza bolbodu bele?
07.02.2012. 02:05 
Тайпасы:
Жаран
Комментарийлердин саны:
59
Катталган:
17-12-2011
Соӊку аракети:
19-10-2018 10:47
Жынысы:
Белгисиз
0
уф иии!
07.02.2012. 04:13 
Тайпасы:
Жаран
Комментарийлердин саны:
80
Катталган:
21-10-2011
Соӊку аракети:
14-11-2018 01:36
Жынысы:
Белгисиз
Калаасы:
Океандын ары жагы
0
мына сага!!! качан бутот экен билинип эле калды окшойт Аида экени.
07.02.2012. 10:01 
Тайпасы:
Жаран
Комментарийлердин саны:
212
Катталган:
05-11-2011
Соӊку аракети:
19-06-2018 18:27
Жынысы:
Белгисиз
0
дагы бир жума,китеп чыгарып койгулачы сураныч.
07.02.2012. 12:51 
Тайпасы:
Кыймылы жок
Комментарийлердин саны:
13
Катталган:
05-02-2012
Соӊку аракети:
02-11-2012 20:58
Жынысы:
Белгисиз
Калаасы:
пермь
0
эми эмне болот я!
07.02.2012. 16:58 
Тайпасы:
Кыймылы жок
Комментарийлердин саны:
1
Катталган:
31-01-2012
Соӊку аракети:
27-02-2012 09:05
Жынысы:
Белгисиз
0
Кар ханышасына уйлоонордо ойлонсо болмок, жаш эмес го...
07.02.2012. 22:13 
Тайпасы:
Жаран
Комментарийлердин саны:
234
Катталган:
21-11-2010
Соӊку аракети:
11-11-2018 22:41
Жынысы:
Белгисиз
Калаасы:
пгт Шамалды-Сай
0
Эх кызыгына келгенде бүтүп калганын карасаң.Аида эле өлтүрткөн.Сүйүүнүн көзү сокур деп бекер айткан эмес ко.
09.02.2012. 01:11 
Тайпасы:
Жаран
Комментарийлердин саны:
43
Катталган:
01-06-2011
Соӊку аракети:
22-03-2018 04:33
Жынысы:
Белгисиз
0
dagy kancha sany bar boldu eken, bilgender barbi?
11.02.2012. 17:01 
Тайпасы:
Жаран
Комментарийлердин саны:
8
Катталган:
11-02-2012
Соӊку аракети:
02-01-2018 21:46
Жынысы:
Белгисиз
0
abdan kyzyktuu.
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: