Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

БЕТТИН КЫЙШАЙЫП КАЛУУСУ ЖЕ НЕВРИТ

№483 3-февраль - 9-февраль, 2012-ж.


Оорубай-этпей эле жүргөн адамдын бир күнү бетинин бир жагы, тагыраак айтканда, көзү менен оозу кыйшайып калган учурлар кездешет. Мындайда илгеркилер жин-шайтан даарып кетти деп бүбү-бакшыларга эмдетишчү. Ал эми медицина бул ооруга кандайча түшүндүрмө берет? Жооп издеп Аламүдүн районуна караштуу Таш-Дөбө айылындагы Курортология жана ден соолукту калыбына келтирүү илим-изилдөө институтунун вертеброневрология бөлүмүнүн башчысы Атыргүл Чекировага кайрылдык.

“ООЗ, КӨЗДҮН КЫЙШАЮУСУНУН СЕБЕПКЕРИ – СУУКТА ЖЫЛАҢБАШ ЖҮРҮҮ!”
– Сиздердин бөлүмдө кандай оорудан жабыркагандар дарыланат?
– Инсульт, омуртка аралык грыжа, остеохондроз, полиомиелит (шал оорусу), Паркинсон (калтыратма шал оорусу), неврит оорусу (ооз менен көздүн кыйшайып калуусу) менен ооругандар, ошондой эле башынан же жүлүнүнөн жаракат алгандар, баш мээси чайкалгандар келип дарыланышат.
– Бизге окурмандардан неврит оорусу тууралуу каттар келген. Маекти ушул оору жаатында улантсак...
– Неврит бул – беттин бир тарабындагы көз менен ооздун бир жакка кыйшайып калуусу. Негизги себеби – сууктан, шамалдан беттин перифериялык нервинин сезгениши. Мисалы, адам кышында суукта жылаңбаш жүрсө, же жайында же жазында ачык терезенин түбүндө уктап калса, бет нервдери сууктан улам сезгенет. Уктап турса эле бир жагы кыйшайып калган болот. Ошондуктан неврит – "ачык форточка синдрому (оорусу)" же "жылаңбаш жүрүү синдрому" деп да аталат.
– Ушинтип ооруп келгендер көп кездешеби?
– Ооба. Кышкысын жаштар көп кайрылышат. Алар көбүнчө жайы-кышы жылаңбаш жүрүшөт да. Мисалы, азыр бир жигит дарыланууда. Ал башын жууп туруп көчөгө чыгып кеткен экен. Жакында эле эки жигит ушундай диагноз менен түшкөн. Бири башын жууган соң "свиданиеге" кетип калса, экинчиси кечки убак чачтарачканадан чыгып, суукта үйүнө жылаңбаш, жөө жеткен экен.
Жайкысын болсо машина айдаган жаштар да, чоңдор да түшөт. Алар "ысыкта машинанын терезесин ачып башымды шамалга тосуп айдагам, эртең менен турсам эле ушинтип ..." дешет. Ошондой эле ачык терезенин түбүндө уктап калып невритке чалдыккан аялдар, эркектер келишет.
Айта кечтү нерсе, жайында катуу иштеген кондиционердин жанында дайыма отуруу да невритке жеткирет. Андыктан муну да эске алуу керек.
– Суукка урунуудан тышкары ооруну дагы эмнелер козгошу мүмкүн?

Бактериялар. Бронхит, ангина, отит (кулак оорусу), пиелоневрит (бөйрөктүн сезгениши), цистит, кызыл жүгүрүк оорусу өтүшүп кетсе, ооруну козгоочу бактериялар бет нервдерин жабыркатып, невритти жаратат.
Аталган оорулардын бактериялары организмде кан менен ары-бери жылып жүрүп, бет нервдерин сезгентиши ыктымал.

Вирустар. Адам сасык тумоо, ОРВИ, учукка (герпес) чалдыкканда дарыланбаса же толук дарыланбай калса, аталган оорунун вирустары невритти жаратат.
Анткени бет нерви кулак артынан башталат. Тамак, кулак оорусунда инфекциялар ал жерге бат жетет да, невритти жаратат.

“БЕТ НЕРВИ СЕЗГЕНГЕНДЕ БЕТ БУЛЧУҢДАРЫ ШАЛГА АЙЛАНАТ”
– Оору кантип башталат? Негизги белгилери кандай?
– Бет нерви сезгенсе, ал өзү тууралуу кабарды кулактын артынын оорушу менен билдирет. Кээде оорубай эле, бет жөн гана чымырашы мүмкүн. Бет нерви беттеги булчуңдардын баарын көзөмөлдөп, иштетет. Сезгенгенде булчуңдар толук эмес түрдө шалга айланат. Беттин сезгенген бир жагы кыймылсыз болуп, көз, ооздун бир жагы кыйшаят. Адам көзүн жумуп-ача албай калгандыктан, көзгө түрдүү инфекция кирип, сезгенип, жаш токтобой калат. Ооздун да булчуңу иштебегендиктен, тамак ичсе оозунан чууруп куюлат. Чекедеги бырыштар жазылып кетет.
Эгер беттин тартылуусу, чымыроосу же кыймылсыздыгы билинсе, дароо невропатологго кайрылып, ооруканада жатып дарылануу зарыл. Врач анализдерди тапшыртып, нервдерди атайын текшерүүдөн (реограмма, миограмма) өткөрөт же компьютердик томографиядан өтүүнү да сунушташы мүмкүн.

“УБАГЫНДА ДАРЫЛАНБАСА, БЕТ КАЛЫПКА КЕЛБЕЙТ”
– Дарылоо кандайча жүргүзүлөт? Канча убакытка созулат?
– Беттин кыйшаюусу – кайра калыпка келчү абал. Оору билинери менен келсе, 3 ай дарылап, адамды биротоло сакайтууга болот. Анткени жаңы кезинде булчуңдар биротоло ката элек болуп, иштөөсүн калыпка келтирүү жеңил. Анан 6 ай сайын 1 курстук дарылоодон өтүп турат.
Эгер бүбү-бакшыга көрүнүп жүрө берип кеч келсе, анда оңдоо өтө кыйын. Ал тургай кыйшайган бет ошол бойдон калып кетиши да мүмкүн. Себеби булчуңдар биротоло катып калат. Бир мисал, бизге жашы 60ка жакындап калган жалал-абаддык аял келген. Бүбү-бакшыдан айыгуу тилеги таш капканда гана бизге келиптир. Канча дарылаганыбыз менен, бети калыпка келбей койду. Өкүнүп, "эми ушинтип түрү суук болуп каламбы?" деп өксүп ыйлаган. Адамдар ушул айтылгандардан мисал алып, ойлонушса дейм.
Дарылоодо сезгенүүгө каршы дары-дармектер, физиодарылоонун (токтун) түрлөрү, алтын ийне саюу, бетке парафин жабуу жана башкалар колдонулат.
– "Наркоз ойлоону, эс-тутумду начарлатабы?" деген суроого да жооп берип койсоңуз...
– Наркоз үчүн жасалган заманбап каражаттар тескери таасирлерди бербейт, организмден бат чыгып кетет. Андыктан наркоз коопсуз.
Эгер адам улам оор операция жасатып, наркоз алса, анда операциядан соң эс-тутум, ойлоо убактылуу начарлайт, бирок кайра калыпка келет. Эгер адам эс-тутум менен акыл-ойду калыпка келтирүүчү каражаттарды (көбүнчө БАД) колдоном десе уруксат.

Канымжан Усупбекова
densooluk@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  1 
Комментарийлер(4)
09.02.2012. 19:58 
Тайпасы:
Жаран
Комментарийлердин саны:
462
Катталган:
25-03-2007
Соӊку аракети:
06-09-2017 17:06
Жынысы:
Белгисиз
Калаасы:
bishkek
0
jakshy kenesh eken. Birok tileke karshy vrachdarga dagy ishenim jok bolup atbaiby. Soo turgan adamdyle tetiri diagnos koiup salyshat, anan bargylary kelbeitda,ishenim jok. Akcha uchun, dokturlar dele kalp ele birdekeni jazai berishet,andai nerseler kop ele kezdeship keletat.........
27.03.2012. 13:42 
Тайпасы:
Жаран
Комментарийлердин саны:
71
Катталган:
07-05-2011
Соӊку аракети:
23-08-2018 10:45
Жынысы:
Белгисиз
0
Мен неврит оору менен ооруганмын, бети оордуна келбесе, гормондорду ичип адам семирсе ошондо беттин нервтери жылып онолот.Анан бетти кыймылга келтирип ошол жаагы менен кобуроок жвачка чайнап, кыймылга келтирсе болот. Мен ушундай ыкмалар менен жакшы болгонмун.
15.05.2012. 14:12 
Тайпасы:
Жаран
Комментарийлердин саны:
81
Катталган:
09-08-2011
Соӊку аракети:
04-11-2018 14:58
Жынысы:
Белгисиз
0
Менин апамдын бир козу тартышып жумуп калчу болду, бир жыл болду, Бишкекте болницага корсотсок диагноз кое албай коюшту болгону лечение алып чыкты, эмне кылыш керек, айтып койгулачы...
21.06.2012. 21:08 
Тайпасы:
Жаран
Комментарийлердин саны:
5
Катталган:
16-09-2011
Соӊку аракети:
12-05-2017 11:16
Жынысы:
Белгисиз
+1
рахмат ото керектуу кенеш экен менин бетим да ушундай болуп калды 13 кун болду слерден окуп чечтим эртен барам болницага чооооон раааааахмат!!!!!!!!!!!!!!!!!!!!
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: