Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

Гүлнара апа: “ТӨРӨТ ҮЙҮНӨ ТАШТАГАН КЫЗЫМДЫ ТАПКЫМ КЕЛЕТ”

№484 10-февраль - 16-февраль, 2012-ж.


Жашоо – сыноо. Кээде бакыт, кээде азап тартуулайт. 38 жыл мурун жаштыктын жаңылыштыгынан улам кызын төрөт үйүнө таштаган апанын окуясы бизди кайдигер калтырган жок. Ал “балким, гезит аркылуу кызымды таап калармын” деген үмүт менен өмүрүн айтып берди.

“АЛДАНЫП, ТАГДЫРЫМ ТАЛКАЛАНДЫ”

Мен дагы эл катары шаарга окуйм деген ниет менен келгем. Бирок “8-классты эле бүтүпсүң, бизге 10-классты бүткөндөр гана алынат” деп окууга албай койду. Айылга кайтып баргым келбеди. Ата-энемди “окуп жатам” деп алдап, шаарда калып иштей баштадым. Курулушчу болуп, шыбак шыбап...
Иштеген жеримден жатаканадан орун алып, төрт кыз менен бир бөлмөдө жашай баштадык. Жанымдагы кыздар жүрүм-туруму начар чыкты, күнүгө ичип, каалагандарын кылып айламды кетиришти. Бир күнү жумуштан чарчап келип уктап жатсам, бири келип колумдагы саатымды жан талашып чечип жатыптыр. "Булар уурулук да кылат турбайбы, сактанганды Кудай сактайт" деп жатаканадан чыгып кеттим.
Өзүм жалгыз батирде жашап жүрдүм. Жаңы жылда бир тааныш кызымдын туулган күнүнө бардым. Ошол жерден Арипбек аттуу жигит менен тааныштым. Мамилебиз уланып, кыз-жигит болуп кеттик. Батирге он рубль төлөп жашачумун, ал кезде бул чоң акча болчу. Экөөбүз жолугушуп, меникине конокко келип жүрдү. Аягында бирге жашай баштадык. Ал ортодо боюма бүтүп калганын билип, Арипбекке айттым. Ал “мен сага үйлөнөм дебедим беле! Кабатыр болбо, жакында сени эжемдикине алып барам, андан көрө өзүңдү жакшылап кара” деп тынчтандырып койду. Мен негедир анын ар бир сөзүнө ишенчүмүн.
Кош бойлуу болгон үчүн үйдө отурганга мажбур болдум. А Арипбек үйгө эч нерсе алып келбей, жегенге наныбыз жок, ачка калчу болдук. Күндөрдүн биринде Арипбек жумушка кеткен бойдон кайрылып келген жок. Бир күн келбеди, экинчи, үчүнчү... Мен байкуш көпкө күтүп жүрдүм. Айлам кетип, аны издеп жумушуна да бардым, “ал бир жума мурун жумуштан өз каалоосу менен чыгып кеткен” дешти. Алданганымды ошондо түшүндүм. Эмне кылам, кимден колдоо сурайм? Оюма милиция түштү, дароо эле арыз жазайын деп жөнөдүм. Барганымда “ЗАГСка турбаптырсыңар, мен аны кайдан табайын?” деп кайра жолго салды. Эмне кыларымды билбей, экинчи жолу милицияга бардым. Алар айтпаганды айтып, “алам десе эле жата бересиңби, башың ордундабы?” деп катуу урушту.
“Сүйбөгөнгө сүйкөнбө” дейт эмеспи, ошол ошол болду, мен анын артынан сая түшүп издегеним жок. Курсагым да күн санап өсүп жатты. Көчөгө чыккандан уялып, эч жакка бара албай калдым. Эки жакка чыкканда курсагымды жоолук менен бекем таңып алам. Айласыздан шаардагы агамдын үйүнө бардым. Башында курсагымды жоолук менен бекем таңып, жашырып жүрсөм, эми ал курсакты жашырганга мүмкүн эмес эле. Акыры жеңеме баарын айтып, аны менен кеңешип, боюман алдырып салууну чечтим. Бирок доктур “бул биринчи балаң экен, муну алдырсаң, кийин такыр төрөй албай каласың, жакшылап ойлон” дегенинен кайра токтодум. Акылдашып отуруп баланы төрөп, төрөт үйүнө тапшырмай болдук. Бул чечимиме акушер болуп иштеген, бизге туугандык жайы бар кыздар да себепкер болушту. "Бизге келип төрөп, "баламдан баш тарттым" деп кол коюп бересиң. Биздин тукумду булгаба. Ичиң ооруп баштаганда эле бизге келе кал" деп көп сөздөрдү айтышты. Ошондо бул кадам менин көйгөйүмдү чече турган жалгыз жана эң оңой жол болуп көрүндү.

“АЗЫР БАСА КАЛАТ, КӨРГӨЗБӨ!”

Күттүргөн күн да келди. Ай-күнүм жетип, толгоом бышып калыптыр. Кыйналып жаткан мени көргөн жеңем чөнтөгүнөн 1 рубль алып берип, “бар эми” деп жолго салды. Таксиге отурдум да, баягы кыздар иштеген Стрельникова айылындагы төрөт үйүнө сапар алдым. Абдан кыйналдым, “аялдын ажалы – төрөт” деген чын экенин өз терим менен сездим. Кыйналып жатып кулагыма болгону “кыздуу болдуң” деген сөз угулду. Доктурлардын бири “кел эми, кызың менен коштошуп ал” деп оролгон бөпөнү алып келе жатканда акушер “азыр баса калат, көргөзбө, алып кет!” деп урушуп салды.
Ошентип, кызымды бир дагы жолу колума албай, жүзүн көрбөй кала бердим. Болгону, жүзүн капталынан гана көргөнгө үлгүрдүм. Бакырып ыйлаган ымыркайды башка бөлмөгө алып чыгып кетишти. Бир аздан кийин бир кагаз алып келип “колуңду кой” деди, коюп бердим. Эч нерсе окубадым, ага алым да келбеди. Эшикке чыкканымда “жанагы кагаз эмне эле, эмнеге кол койдум?” десем, “аны сен ойлобо, эң негизгиси, биз сени бул жагдайдан куткарып кеттик. Эми өз жаныңды бак, кызыңды таппайсың” деп жолго салышты. Тагдырдын буйругу менен 1974-жылы 20-сентябрь күнү кыздуу болуп, ошол эле күнү андан айрылып калдым. Көз жашым чууруп, “кийин деле балалуу болуп алам, дагы көп балалуу болом” деп күбүрөнүп бара жаттым. Чынын айтсам, ошол жол жашоомдогу эң узун жана татаал жол экен. Бул жоругум жашоомдогу эң чоң каталардын бири экенин өтө эле кеч түшүндүм. Артка кайрылууга жол жок эле.

“ЭКИНЧИ ТУРМУШ, ЭКИНЧИ КАТАЧЫЛЫК...”

Жумушума баш-отум менен киришип, бир гана жумуш менен алек болуп жүрдүм. Билинбей арадан беш жыл өтүп кетти. Чогуу иштешкен кызым аркылуу анын агасы менен таанышып калдым. Көп өтпөй бирге жашоону чечтик. Ал мурун эки жолу үйлөнгөнүн, 5 баласы бар экенин кийин билдим. Ал мага башынан эле “мага баланын кереги жок, төрөбөйсүң” деп катуу айтты. Көп өтпөй ортодо себепсиз уруш-талаштар чыга баштады. "Мээнет кетпейт бечелден" болуп, мунум да жакшы чыккан жок. Ичип, кол көтөрүп, ар ким менен көңүлдөш болуп жүрдү. Мен улам эле күйөөгө тийип, ажыраша беремби деп намыстандым, баарына чыдап жүрүп, бирге 1 жыл 8 ай жашадык. Анын ичинде эмнелерди гана кылган жок?! Мас болуп алып, токко сайылып турган чайнекти мени көздөй ыргытып, күйгүзүп да сала жаздады. Бир күнү жумуштан келсем, бир аял менен төшөктө жатыптыр. Менден уялган бул жакта турсун, “сен сулуу эмессиң, фигураң да жок, а муну карачы, сулуу десе сулуу, фигурасы да келишкен” деп тиги аялдын көзүнчө мени кемсинте баштады. Бул мен үчүн акыркы чекит болду. Кийим-кечемди чогулттум да, үйүнөн чыгып кеттим.
Кайрадан жалгыз, эч кимге кереги жок калганымды сездим. Ошондо эки айлык боюмда бар эле. Өзүмдүн курсагымды араң тойгузуп жатсам, баланы кантип багам, бага албайм деп экинчи ирет боюман алдырып салууну чечтим. Доктурлар бир топко чейин кеп-кеңешин айтып, "балаңды алдырба, төрөбөй каласың" дегенине карабадым. Аборт жасатып чыккан соң жаңы батириме келдим. Бир саатка жетпей өзүмдү начар сезип, аябай кыйнала баштадым. Бир маалда кан кетип, такыр эле алсыздап, кыймылдай албай калдым. Эптеп "Тез жардам" чакыртканга үлгүрдүм. Кайра доктурга алып барганда курсагымда дагы бир бала бар экен. Көрсө, ичимдеги эгиз эркек балдар экен, ал учурда азыркыдай УЗИ деген жок да. Доктурлар кечке урушуп, сүйлөнүп жатып, экинчи баламды да алышты. Ошондо өксүп ыйлаганым, боздогонум, ай...

“ҮМҮТҮМ ҮЗҮЛБӨЙ ЖАШАП КЕЛЕМ”

Ата-энемдин тарбиясы катуу болгондуктан, кандай күндө жашап жүргөнүмдү, башымдан канча кыйынчылык өткөнүнүн бирин да айтпагам. Алар өлөр өлгөнчө мени “күйөөгө такыр чыккан жок” деген ойдо кетишти. Атам бир туугандарыма "кызым кара далы болуп кала берди" деп кейичү экен. Менин башымдан оор күндөр өткөнүн саналуу гана адамдар билишти. Ушуга чейин туугандарым деле билишпейт. Арадан канча убакыт өттү. "Убакыт учкан куш" дейт экен, азыр коколой башым жалгыз калды. Жашым 62ге келип калды. Инимдин үйүндө жашайм, 3 миң сом пенсия алам. Үйдө бош отурбайын деп подъезддерди жууп кошумча акча табам.
Экинчи жолу жаңылышкандан кийин бир да жанга ичим жылый албады. Эркекке болгон ишеним түп тамыры менен жоголуп кетти. Мага эч кимдин кереги жок, менин да эч кимге керегим жок. Болгону, кезинде өзүм баш тартып койгон кызымдын дайынын билгим келет. Менин эч нерсеге акым да жок, эч нерседен да үмүттөнбөйм. Бир гана кызымды көргүм келет. Балким, ал да энесин издеп жүргөндүр, азыр кызым 38 жашка чыгып калды. Кызымдын бар экенин жүрөгүм сезет, көзү ачыкка да баргам. Эгерде аны тапсам, сүйлөшсөк, ал мени түшүнөт деген үмүтүм үзүлбөй жашап келем.

Мальвина Уметбекова
koom@super.kg



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(14)
13.02.2012. 09:22 
Тайпасы:
Түйүлдүк
Комментарийлердин саны:
238
Катталган:
01-06-2011
Соӊку аракети:
08-12-2014 11:52
Жынысы:
Белгисиз
Калаасы:
Boston, Massachusetts State, USA
0
jakshy sabak boluptur kyzdarga. Abort kylam je tahstaym degender dagy bir jolu oylonup koyushsya.
13.02.2012. 11:19 
Тайпасы:
Кыймылы жок
Комментарийлердин саны:
3
Катталган:
07-02-2012
Соӊку аракети:
26-03-2012 12:45
Жынысы:
Белгисиз
Калаасы:
кыргызстан
0
жаштык-мастык... бир да жан мындай азап тартпасын, ал эми бул эжей жалгыз калганы Жараткандан берилген жаза...
13.02.2012. 11:30 
Тайпасы:
Жаран
Комментарийлердин саны:
603
Катталган:
08-12-2010
Соӊку аракети:
07-11-2018 12:22
Жынысы:
Белгисиз
0
минден биринин окуясы бул...мындай окуялар азыр коп жолугушууда((( байкуш балакайлар тируулой ата энеси болсо да жетимдердин санына кошулууда...
13.02.2012. 16:24 
Тайпасы:
Кыймылы жок
Комментарийлердин саны:
4
Катталган:
08-02-2012
Соӊку аракети:
13-02-2012 16:22
Жынысы:
Белгисиз
0
адам убалдан дагы коркуш керек убал айланып олтуруп оз башына тийерин унутпа адам заты
13.02.2012. 17:10 
Тайпасы:
Жаран
Комментарийлердин саны:
4
Катталган:
17-08-2011
Соӊку аракети:
04-08-2017 00:52
Жынысы:
Белгисиз
Калаасы:
Казахстан
0
тагдыры татаал экен...мелоддрама кино сыяктуу.
13.02.2012. 17:33 
Тайпасы:
Кыймылы жок
Комментарийлердин саны:
6
Катталган:
08-02-2012
Соӊку аракети:
31-03-2014 23:46
Жынысы:
Белгисиз
Калаасы:
Ош
0
Аллах ыйман берсин кыздага кунажын козун сузбосо бука жибин узбойт дегендей нике кыйып ата эненин ыразылыгын алганга чейн жок деген дарын кобурок колдонгула кыздар
14.02.2012. 06:53 
Тайпасы:
Түйүлдүк
Комментарийлердин саны:
29
Катталган:
20-12-2011
Соӊку аракети:
05-05-2012 13:14
Жынысы:
Белгисиз
Калаасы:
Красноярск,Красноярский край
0
окунучтуу окуя экен.Бирок кызым да мени издесе керек дейсиз,балким аны бироо багып алгандыр,балким энеси башка экенинен кабары жоктур.Бала тапкандыкы эмес,баккандыкы да.Бул да жараткандын сизге берген жазасы го..Эсептешуу ушул дуйнодон эле башталат да..
14.02.2012. 21:33 
Тайпасы:
Кыймылы жок
Комментарийлердин саны:
54
Катталган:
15-11-2011
Соӊку аракети:
07-12-2014 01:04
Жынысы:
Белгисиз
0
ий андай дебегилечи
15.02.2012. 14:38 
Тайпасы:
Кыймылы жок
Комментарийлердин саны:
20
Катталган:
22-06-2011
Соӊку аракети:
13-12-2016 06:47
Жынысы:
Белгисиз
0
Ото окунучтуу окуя болуптур, эки дуйнодо тен, тозокто калыптырсыз эже...Оз баландан кантип кол узосун билбейм, такыр тушуно албайм. Кеткенге кейибе дейт эми, андан коро алла-таалам жаштарга ыйман берсин.
15.02.2012. 16:33 
Тайпасы:
Кыймылы жок
Комментарийлердин саны:
200
Катталган:
18-09-2011
Соӊку аракети:
15-01-2014 13:35
Жынысы:
Белгисиз
Калаасы:
Бишкек
0
Talant999, не надо осуждать не суди да не судим будешь, кудай сактасын но сенин деле кыздарын болот аларды ойло, любой человек ошибается...
15.02.2012. 16:25 
Тайпасы:
Кыймылы жок
Комментарийлердин саны:
200
Катталган:
18-09-2011
Соӊку аракети:
15-01-2014 13:35
Жынысы:
Белгисиз
Калаасы:
Бишкек
0
ооба бул испытание, но эгиз балдарды тороп алса болмок экен, ошолор азыр багып турмак, Кудай сактасын мындайдан
18.02.2012. 09:24 
Тайпасы:
Жаран
Комментарийлердин саны:
62
Катталган:
19-11-2011
Соӊку аракети:
23-09-2018 14:24
Жынысы:
Белгисиз
0
Алла Таалам ар бирибизге бакыт, ыйман жана бир бактылуу уй-булоонун кожойкеси болуу жана эне болуу бактысын буюрсун!!!
19.02.2012. 04:14 
Тайпасы:
Жаран
Комментарийлердин саны:
29
Катталган:
16-08-2011
Соӊку аракети:
21-09-2018 14:52
Жынысы:
Белгисиз
0
Абдан окунучтуу тагдыр.Алла-таала бир улакка, бир шыбак жаратат экен.Ар бир баланын оз ырыскысы бар.Канчалык кыйынчылык болсода чыдамчдуу,сабырдуу болуш керек.Азыркы жаш кыздарга эн чон сабак.Эжеке сиз акыреттеги бактылуулукту бир гана НАМАЗдан табасыз.Алла журогунузго хидаят берсин...
06.08.2012. 06:34 
Тайпасы:
Жаран
Комментарийлердин саны:
103
Катталган:
05-08-2012
Соӊку аракети:
17-11-2018 12:17
Жынысы:
Белгисиз
Калаасы:
Москва
0
Менде да ушундай окуя болууда.Жакын курбум авгуттун жыйырмаларынан ары торойт.Бирок мен эле билем.Уйундогулорго айтуудан баш тартууда.А,мен не кылаарымды билбейм.Тем более Москвада.озу тороп таштап коем деп атат.Башым катып калды.Тороор куну жакындашкан сайын журогум дукулдойт.Корком...Куноого батып калыштан корком.Уйундогулорго айтсамбы жокпу?А,эгер айтсам,ал омур бою мени жек коруп калсачы...Билбейм не кылам.кенеш бергилечи...
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21471;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: