Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836   837  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

АКЧА ТУЗАГЫ ЖЕ БЕЙАЖАЛ ӨЛҮМ

№196 4-10-август, 2006-ж.


АРГАСЫЗДЫК

Алим бири-биринен өткөн шылуун жигиттерди карап туруп өзүнөн өзү чочуп жатты. Мээсинде «каап, бекер эле келген окшойм» деген өкүнүч сызылып өттү. Бирок, аны акчанын тартыштыгы, анан калса таанышы Сабиттин үндөөсү мында келгенге аргасыз кылган эле. «Сен ал «бизнести» тез эле өздөштүрүп кетесиң. Бардыгы эле сага окшогон балдар. Алгач алардын ишенимине кириш үчүн иштейсиң, анан сага да «доля» бөлүнө баштайт. Мен ал иштен чыгып жатам. “Өзүңө окшогон жигиттерден таап кел” дешкендеринен сага келдим. Болбосо кароолчунун акчасы менен канчага чейин чыдамак элең?» деп көндүргөн эле Сабит.
Ошентип, Алим булардын жашыруун чогулган жерине келип отурат. Тиги үчөө өздөрүнчө күбүрөшүп ортодогу акчаларды бөлүшүп бүтүшкөн соң гана селдейип турган жигитке көз жүгүртүштү.
– Кел, дос. Сабитжан өзү келбейм дедиби?
– ...
Бөлмөдөгүлөр өзүн сынай карап жатышканын сезген жигит жини келе түштү. «Булар эмне мынча мени жеп жиберчүдөй карашат?»
– Атың ким?
– Алим.
– Кайда иштечү элең?
– Окуйм, анан кароолчу болуп иштейм.
– Окуйм дечи?!
Жигиттер бири-бирине карап алышты. Анан улуурагы сөз баштады:
– Алим, биздин ишибиз жөнүндө Сабит айтып бергендир. Бизди «куурайчылар» деп коюшат. Баңгизат сатып оокат кылабыз. Шаардагы белгилүү «точкалар» биздин колдо. «Заманың бөрү болсо бөрү бол» деп койчу беле ... Биздики да ошондой. Сен эң биринчи биздин ишенимибизге киришиң керек. Азыр «клиент топтогонду» үй­рө­нүп башта, анан кийин «товар» сүрүп келгенди үйрөнөсүң.
Алим мостоюп угуп жатты. Эшикти «карс» жаап кетип калайын деп барып, кичинекей карындашын, оорулуу апасын ойлоп токтоду.
– Түшүндүңбү, балакай?
Алим «түшүндүм» дегендей башын ийкеди да, чыгып кетти.

АКЧАНЫН ТУЗАГЫ

– Мына, апа, бул акчаны да мурункуларга кошуп коюңуз.
Алим колундагы акчаны апасына сунду. Мурун уулу берген акчаны кубаныч менен алчу апасы бүшүркөй карады. Уулу мынчалык көп акча алып келгенин дилинде жактырбай турду. «Бул кайдагы эле акчаларды алып келип жатат? Деги баскан-турганы шойкомдуу болуп калды. Кудай өзү сактаса экен?» дейт эненин сак жүрөгү. Телмире тиктеп калган апасынын алдында өзүн күнөөлүү сезип кетти уулу.
– Бул кайдагы акчалар, балам?..
– Иштеп жүрбөймүнбү, апа?! Башка ишке которулганымды айттым эле го...
– Окууңа залалы тийбес бекен?
Алим унчукпай кутулду. Энеси дагы эле жооп күтүп турган экен.
– Апа, мен Наргизди окутайын, сизди багайын деп жүрбөймүнбү... Андан ары сүйлөй албай токтоду.
Алим апасынын үмүттүү көздө­рүнөн көзүн ала качты да, терс бурула үйдөн чыгып кетти.
Тез эле Алим «куурайчылардын» арасында оозго алынып, иштин көзүн табууга жетишти. Табылганын өзүнө тиешелүүсүн унчукпай алып, «честный» иштеген бул жигитти тигилер да урматтай баштаган эле. Алим азыраак акча топтоп алган соң, бул оюндан чыгып кетүү­нү көздөп жүрдү. Бирок, кан жыттанган, ый, кайгы коштогон бул ыплас дүйнө өзүнө баш багып алган кишини тузагынан чыгара койбостугун али сезе элек эле.

«ДОЛЯДАН» ЧЫККАН ЧАТАК

Чатак ойдо жок жерден чыкты. Көлдөн алып келишкен «долянын» эсебин таба албай, бирин-бири жеп жиберчүдөй болуп турган абалда Алим кирип келди.
– Ана, эч нерсени билбеген кишидей болуп келе калганын... Ушу келгенден бери ишибиз жүрүшпөй калды.
Ызырына сүйлөгөн Расул аттуу жигит Алимдин маңдайына барып токтоду.
– Эмне-е?
Расул жооп бербестен Алимди ээктен ары уруп жиберди. Башкалары да жабыла келип, Алимди тепкилеп калышты. Эч нерсени түшүнбөй калган Алим ызадан буулугуп чыкты. Расул атайлап жалаа жаап, кутум иш ойлоп турганын сезе койду.
– Эмне кылыптырмын силерге? Энтиге дем алып, акырын суроо узатты.
– Алим, сен бизге карыз болуп калдың, иничек.
– Кандайча?
– Ошондойчо! Мына булардын бардыгы айтып жатышат. Сен саткан «товардын» акчасы чыкпай жатат. Жүз миң сом...
Башы дүңгүрөй түштү. Мынча акчаны кайдан табат? Оозуна сөз кирбей отуруп калды.
– Ошо, балакай, сен көрсө колуңдан келбеген ишке чарпылып алган экенсиң. Эми акчаны төк... Эки күндөн кийин акчаны алып кел, болбосо бизден жакшылык күтпө.
Бардыгы мелтейип карап турушту. Бир нерсе деп каяша айтса бул жерден соо чыгарышпасын билет. Алим шалдайып эшикти көздөй басты.
– Уктуңбу?!
Артында өкүм кыйкырып калган үндү угуп, жүрөгү «солк» эте түштү.

БЕЙКҮНӨӨ ЖАН, ТӨГҮЛГӨН ЖАШ

­– Наргиз!
Башын көтөргөн кыз агасын көрө сала «дирт» эте түштү. Денесин тытылган көйнөктөрү менен жаба салды. Каны башына тээп чыкты Алимдин.
– Ким кылды? Ким? Азыр өлтүрөм! Айт деп жатам!
Кыз онтоп алды.
– Билбейм, университеттен чыгып келе жаткaм. Тааныбайм өңдөрүн. Байкеңдин карызы үчүн дешти...
Алимдин бүткөн бою солкулдап кетти. Ушундай болоорун билген эле. Жерди муштап жиберди да, үйгө чуркап кирди. Көзүнө атасынан калган мылтык урунду.Төрдө илинип турган жеринен жулуп алды да караңгы түндө жүгүрүп жөнөдү.

КАРЫЗЫМДАН КУТУЛДУМ

Таксиден жулунуп түштү. Калчылдаган колдору менен айдоочуга акчаны уучтап берди да, чуркап жөнөдү.
– Ай, калган акчаңды ал!-деп артынан кыйкырган айдоочунун сөзүн укан да жок. Болжогон жерге жете бергенинде алыстан эле кыздардын үндөрү, каткырыктар угула баштады. Кирип барса шарактап бир тобу бирден кызды кучактап отурушкан экен. Өңү купкуу болуп мылтык кармап кирип барган Алимди көрүп ордуларынан тура калышты.
– Эй-й!..
Селдейген калыбында баары катып калды.
– Карызымдан кутулайын деп келдим,-деди кекээр жылмайган Алим.
Калтаарыган жигиттердин арасынан Расулду жана дагы өзүн өчү бардай тепкилеген жигиттердин бирин тааныды. “Тарс-тарс”... Эстерин жыйганча экөө эки жерге кулап түштү.
Кыйкырып жиберген жигиттерди, өзүн корко караган кыздарды карап туруп эмне кылып жибергенин түшүндү. Көзүнө боздогон апасы, темир тордун артында өтчү күндөрү элестей калды. «Жок, антип жашагыча өзүмдү өзүм...» деди да мылтыктын оозун өзүнө каратты. Бир нерсени кыйбай жаткандай терезеге акыркы жолу көз жиберип алды. да мылтыктын машаасын басып алды. Ал өзүнө өкүмдү өзү чыгарып эки өлүктүн жанына кулап түштү.

Нуржамал Жийдебаева



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  0 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21503;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: