Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

«Супер-Инфонун» алгачкы жетекчилеринин бири Атыркүл Сыдыкова: «ГЕЗИТТЕН КЕТКЕНДЕ БИЙИК ТООДОН ЖЕРГЕ ТҮШКӨНДӨЙ БОЛГОМ»

№486 24-февраль - 1-март, 2012-ж.


«Супер-Инфонун» пайдубалына таш койгондордун бири – Атыркүл Сыдыкова. Учурда Чита шаарында жашаган бул айымга телефон аркылуу байланышка чыгып, маек курдук.

Аты-жөнү – Атыркүл Сыдыкова
Туулган жылы – 1979-жыл, 29-июнь
Кичи мекени – Өзгөн району, Жыланды айылы
Кесиби – Фельдшер-акушер
Учурда Орусиянын жараны, үй-бүлөсү менен Чита шаарында жашайт. Эки баланын энеси.
«Супер-Инфодо» иштеген жылдары – 2001-2004

– Атыркүл, кандайсың? «Супер-Инфо» гезитинен сагынычтуу салам!
Оо, «Супер-Инфо»?! Кандай жагымдуу сөз!..

– Үнүңдөн аябай толкунданганың байкалып жатат...
Кантип толкунданбайм?! Анткени менин өмүрүмдөгү эң кызыктуу, сыймыктануу менен эскерчү күндөрүм дал ушул гезиттин басып өткөн жолунда калды.

– Атыркүл, алгач гезит босогосун аттаган күндөрүңдөн кеп салсаң...
Мен бир гезитте иштеп жүргөнүмдө Бакыт деген дизайнер байке «бир акеңдин гезити бар экен. Ошол жакка иштебейсиңби» деп сунуштап калды. Барса барып көрөйүнчү деп айтылган дарекке келдим. Кампа сыяктуу дубалдары бийик, тар, терезеси жок, күңүрт бөлмөдө Кылычбек Султанов менен Гүлмира Турманбетова «Супер сканворддор» гезитинин кезектеги санын даярдап жатышыптыр. Эки стол, бир компьютерден башка эч нерсе жок. Көзүмө бир башкача көрүнгөн. Анан Кылычбек байке жумуш тууралуу түшүндүрүп, «келип иштеп көр» деди. Ошентип иштеп калгам. Көп өтпөй эле мени «Супер сканворддордун» жооптуу редактору, андан кийин башкы редактордун орун басары кылып дайындаган.

– Орун басарлыкты алып кетүү кыйынга турдубу же?..
Башында алып кете албайм го деп аябай чочулагам. Мунун себеби да бар эле. Анткени Кылычбек байке орун басары катары бардык нерсени менден талап кылчу. Жумуштун жүрүшү, ким канчада келип-кетти, гонорар эсептөө сыяктуу нерселердин баарына мен жоопкер болчумун. Кызматкерлерге көзөмөлдүк кылуу мен үчүн оор болгон. Анткени жамаатыбызда жалаң мен кырдуу жаштар иштечү. Бир эле мисал айтайын, жумушка келип-кеткен убактыбызды белгилеп, айдын аягында кечиккендерге айып пул, кечикпегендерге сыйлык жазчубуз. "Мынчасында кечигип келбедиң беле?" деп айып пул жазып, канчасына жаман көрүндүм. Бара-бара бул жумушума көнүп, Кылычбек байкенин эмне айтарын жарым сөзүнөн түшүнүп, көз карашынан эле байкап калгам.
Эсиңерде болсо керек, гезитибизде «Роза» деген сериал аябай популярдуу эле. Бир күнү ошону жазып жаткан Даркүл Кемелова деген кызыбызды ала качып кетишти. Сериалы толук жазылбаган, анысы аз келгенсип кеңсенин ачкычтарын жанына ала кетиптир. Ошондо Кылычбек байке «билбейм, таап кел» деди. Мага анын ушул эки ооз сөзү гана жетиштүү болгон. Даркүлдү туугандарынан сураштырып Кочкорго ала качышканын угуп, таап барып, түнү менен сериалды жаздыртып келип, гезитти чыгарганга жетишип калгам.
Дагы бир окуя такыр эсимден кетпейт. «Түз байланыш» рубрикасына саат 11:00гө Бек Борбиевди чакырган элем. Саат 10:30 болду, Бек Борбиевден дайын жок. Кылычбек байке «чакырган ырчың келдиби?» деп улам-улам сурап коёт. Окурмандар эртелеп эле чала башташкан. Түз байланыштын башталышына 15 мүнөт калганда Бек байкенин үйүн көздөй жөнөдүм. Барып эшигин тыкылдатып жатам же ачпайт. Бир убакта «кимсиң?! Эмнеге келдиң?!» деп көзүн ушалап чыкса болобу. "Байке, бүгүн бизге түз байланышка келем дебедиңиз беле?" деп чыйпылыктап жатып алып келгем. Кирип бара жатканымда жетекчим мени ушундай бир караган дейсиң...

– Эгер жашыруун болбосо, ошол кезде гезиттин нускасынын күн санап өсүшүнүн сыры эмнеде болгон?
Эң биринчи себеби – Кылычбек Султановдун талапты катуу койгондугунда деп ойлойм. Анткени ал майда-барат нерсеге чейин эске алчу. Эгер ошол майда нерсеге көз жумуп койсо, эртеңки күнү ал чоң нерсеге чейин айланышы толук мүмкүн эле. Ар бир кетирилген ката үчүн да айып пул төлөчүбүз. Мисалы, бир тамгадан ката кетсе, 10 сом төлөчүбүз. Гезит чыккандан кийин
Кылычбек байке экөөбүз каталарды таап чыкчубуз. Эгер ал тапкан катаны мен таппай калган болсом, анда мага айып пул жазылчу. Чындыгында катуу талап бизди тактыкка, өз убактыбызды туура пайдаланууга үйрөттү. Мындан сырткары «Супер-Инфо» гезити дайыма окурмандар менен тыгыз байланышта иштечү. Окурмандардан келген каттарды столдун үстүнө жайып алып ар бирин окуп, жооп жазып, кызыктуу, байгелүү оюндарды уюштуруу менен байланышты бекемдөөгө аракеттенчүбүз. Дагы да болсо эсимде, ошол кезде Маматкулов, Алимпиада, Сарбиназ, Сиражидин аттуу жана башка толтура окурмандарыбыздан тынбай кат келип турчу.

– "Супер-Инфо" дегенде биринчи эмне эсиңе түшөт?
Албетте, чогуу эс алган күндөр. "Эркин" деген жакшы көргөн кафебиз бар болчу. Майрам сайын ошол жерде отурчубуз. Закиржан байкенин жашыл Москвичи менен барабыз. Анан эле кетерде машинасы жүрбөй калат. Түртмөй башталат. Ошондо Кылычбек байке "капа болбогула, буюрса, баарыңардын унааңар болот" деп көп айтчу. Азыр силерге четинен машина белек кылып жатканын гезит бетинен окуп, сүйүнөм. Анан да жамаатыбыз менен 50-100дөн гезит алып, "гезит алгыла" деп саткан күндөрүбүздү эстегенде жылмайып алам. "Бул жакка мен сатам, тиги жакка сен сат" деп аймактарды бөлүп алмайыбыз бар эле.

– Учурунда гезитти башкарганга жетишкен бийкеч азыркы кезде эмне менен алек?
Кыргызда «кыздын бактысы үй-бүлөдө» деп коюшат го, 2004-жылы турмуш жолуна аттанып, «Супер-Инфодон» кетүүгө аргасыз болгом. Кетеримди Кылычбек байкеге айткан эмес элем. Мен кеткенде кыйналышпасын деген ойдо алдын ала эле Азиза Сатимбекова деген кабарчыбызга жасап жаткан жумуштарымдын баарын үйрөтө баштадым. Мунун себеби бар эле. Анткени Даркүлдү ала качып кетишкенде түнү менен Кочкорго барганым аябай эсимде калыптыр. Ошентип, кетеримде гана Кылычбек байкеге угузгам. Алгач аябай жаман болгон. Жамаат менен коштошуу үчүн атайын дасторкон жайган элем. Дасторкон үстүндө батасын берип, колума 500 сом карматкан.
Чындыгында, гезиттен кетүү мен үчүн бийик тоодон жайык, тептегиз жерге түшкөндөй эле болгон. Анткени ошол кезде «Супер-Инфонун» күйөрмандары көбөйүп, ар кандай жаңы рубрикалар менен жаңырып жаткан убагы эле. Кеткенден кийин да гезит көпкө чейин түшүмө кирип жүрдү. Түшүмдөн сүйүнүп ойгоном да түш экенин билип, бир күн кечке муңайып жүргөн учурларым көп болду.
Бир жылы Кыргызстанга болгон сапарымда «Супер-Инфонун» кеңсесине барганымда мени аябай жылуу тосуп алышты. Ошондо ичимден «гезитте 4 жыл жөн жүрбөптүрмүн. Аз да болсо эмгегим сиңиптир» деген ойдо сүйүнүп кайткам.
Азыр жума сайын www.super.kg сайтына кирип, гезиттин электрондук вариантын окуп турам. Башка гезит-журналдарды окусам да «и, мобу жакшы тема, жакшы рубрика экен» деп изденип окуйм. Бул да болсо
Кылычбек байкеден алган сабагым.

– Кызыктуу маек куруп бергениң үчүн чоң рахмат, сага ийгилик каалайбыз.


Кылычбек Султанов Атыркүл жөнүндө
– Атыркүл жумушуна так болчу. Жеке турмушуна караганда “Супер-Инфону” биринчи орунга коёр эле. Эсимде, Атыркүлдүн жаңыдан турмушка чыккан кези. Жыл сайын жайкысын жамаатты Ысык-Көлгө эс алдырып келчүбүз. Ошондо жаңы турмушка чыкканына карабай жетекчилик милдетин аткарып келген. Ал жумуш менен үй-бүлөнүн ортосунда жакшы эле чайналды көрүнөт, кийин жумуштан кетүүгө аргасыз болгон. Кетип жатканда кадимкидей ичим ачышкан.


Дамира Арстанова
koom@super.kg


"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(7)
27.02.2012. 10:40 
Тайпасы:
Кыймылы жок
Комментарийлердин саны:
583
Катталган:
16-05-2011
Соӊку аракети:
06-09-2016 10:59
Жынысы:
Белгисиз
Калаасы:
Бишкек
+1
Жакшы кадрлар эстен эч качан кетпейт ийгилик эже сизге!!!
27.02.2012. 17:08 
Тайпасы:
Жаран
Комментарийлердин саны:
4
Катталган:
27-07-2011
Соӊку аракети:
18-09-2018 19:53
Жынысы:
Белгисиз
Калаасы:
Россия
0
Эх чиркин жашообуздун оордугунан минтип Россияда жашап калдык жарандык алып алып ((
02.03.2012. 18:04 
Тайпасы:
Кыймылы жок
Комментарийлердин саны:
85
Катталган:
11-01-2012
Соӊку аракети:
19-06-2013 12:21
Жынысы:
Белгисиз
Калаасы:
Ош шаары
0
Ушундай эжеге окшоп жумуштан кетсен артындан мактаган, алкыш создор айтылса жакшы да.
19.03.2012. 16:31 
Тайпасы:
Кыймылы жок
Комментарийлердин саны:
9
Катталган:
03-01-2011
Соӊку аракети:
19-03-2014 04:13
Жынысы:
Белгисиз
+1
Супер инфо Атыркул менен кантип байланышсам болот. Контактары болсо бериниздерчи. Мен чогуу окуган элем.
20.03.2012. 12:53 
Тайпасы:
Администраторы
Комментарийлердин саны:
138
Катталган:
14-08-2006
Соӊку аракети:
18-09-2018 17:59
Жынысы:
Белгисиз
Калаасы:
Бишкек шаары, Фрунзе көчөсү 402 (Исанов көчөсү менен кесилиште)
0
CHATKAL2, аты жөнүңүздү жана телефон номуруңузду бул жерге же купуя кат аркылуу жазып жиберсеңиз биз ал адамга берип коёбуз, өзү сизге байланышат.
20.03.2012. 19:25 
Тайпасы:
Кыймылы жок
Комментарийлердин саны:
9
Катталган:
03-01-2011
Соӊку аракети:
19-03-2014 04:13
Жынысы:
Белгисиз
0
Супер инфо сиздерге чоон рахмат.Менин атым Аида тел номерим 89055715944
24.03.2012. 22:09 
Тайпасы:
Кыймылы жок
Комментарийлердин саны:
9
Катталган:
03-01-2011
Соӊку аракети:
19-03-2014 04:13
Жынысы:
Белгисиз
0
Супер инфо Атыргул менен байланыштырганга убактынар болбой атабы?же Атыргул отказ кылдыбы?
1
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21193;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: