Архив
792   793   794   795   796   797   798   799   800   801   802   803   804   805   806   807   808   809   810   811   812   813   814   815   816   817   818   819   820   821   822   823   824   825   826   827   828   829   830   831   832   833   834   835   836  
740   741   742   743   744   745   746   747   748   749   750   751   752   753   754   755   756   757   758   759   760   761   762   763   764   765   766   767   768   769   770   771   772   773   774   775   776   777   778   779   780   781   782   783   784   785   786   787   788   789   790   791  
687   688   689   690   691   692   693   694   695   696   697   698   699   700   701   702   703   704   705   706   707   708   709   710   711   712   713   714   715   716   717   718   719   720   721   722   723   724   725   726   727   728   729   730   731   732   733   734   735   736   737   738   739  
635   636   637   638   639   640   641   642   643   644   645   646   647   648   649   650   651   652   653   654   655   656   657   658   659   660   661   662   663   664   665   666   667   668   669   670   671   672   673   674   675   676   677   678   679   680   681   682   683   684   685   686  
583   584   585   586   587   588   589   590   591   592   593   594   595   596   597   598   599   600   601   602   603   604   605   606   607   608   609   610   611   612   613   614   615   616   617   618   619   620   621   622   623   624   625   626   627   628   629   630   631   632   633   634  
531   532   533   534   535   536   537   538   539   540   541   542   543   544   545   546   547   548   549   550   551   552   553   554   555   556   557   558   559   560   561   562   563   564   565   566   567   568   569   570   571   572   573   574   575   576   577   578   579   580   581   582  
479   480   481   482   483   484   485   486   487   488   489   490   491   492   493   494   495   496   497   498   499   500   501   502   503   504   505   506   507   508   509   510   511   512   513   514   515   516   517   518   519   520   521   522   523   524   525   526   527   528   529   530  
427   428   429   430   431   432   433   434   435   436   437   438   439   440   441   442   443   444   445   446   447   448   449   450   451   452   453   454   455   456   457   458   459   460   461   462   463   464   465   466   467   468   469   470   471   472   473   474   475   476   477   478  
374   375   376   377   378   379   380   381   382   383   384   385   386   387   388   389   390   391   392   393   394   395   396   397   398   399   400   401   402   403   404   405   406   407   408   409   410   411   412   413   414   415   416   417   418   419   420   421   422   423   424   425   426  
322   323   324   325   326   327   328   329   330   331   332   333   334   335   336   337   338   339   340   341   342   343   344   345   346   347   348   349   350   351   352   353   354   355   356   357   358   359   360   361   362   363   364   365   366   367   368   369   370   371   372   373  
264   265   266   267   268   269   270   271   272   273   274   275   276   277   278   279   280   281   282   283   284   285   286   287   288   289   290   291   292   293   294   295   296   297   298   299   300   301   302   303   304   305   306   307   308   309   310   311   312   313   314   315   316   317   318   319   320   321  
217   218   219   220   221   222   223   224   225   226   227   228   229   230   231   232   233   234   235   236   237   238   239   240   241   242   243   244   245   246   247   248   249   250   251   252   253   254   255   256   257   258   259   260   261   262   263  
176   180   181   182   183   184   185   186   187   188   189   190   191   192   193   194   195   196   197   198   199   200   201   202   203   204   205   206   207   208   209   210   211   212   213   214   215   216  
Популярдуу макалалар
Akbuura gazeta

ӨЗГӨЧӨ ЖАРАЛГАН ЖАНДАР

№196 4-10-август, 2006-ж.


ТҮКТҮҮ АДАМДАР

  • 1829-жылы Бирманын жунглисинен Схве Маонга аттуу адамды кармашкан. Анын бардык денеси, анын ичинде мурду, кулагы, эрди да түк менен капталган экен.
  • Учурда кытайлык 28 жаштагы Юй Чжэнхуань дүйнө­дөгү эң түктүү эркек болуп эсептелет. Анын денесинин 96 пайызы түк менен капталган. Ал калыптагыдай угушу үчүн врачтар анын кулагынын ичинде өскөн түктү убак-убагы менен тазалап турушат.

АШЫКЧА МАНЖАЛУУЛАР

  • Буту жана колундагы эң көп манжаларынын саны менен тарыхка калган адам 1921-жылы Англиянын Лондон шаарында туулган атуул эсептелет. Анын эки колунда биригип 14 манжа, ал эми эки бутунда биригип 15 манжа болгон.
  • Дүйнөдөгү көп манжалуу адамдардын катарына Индиядагы бир туугандар Трибхуван менен Трилоки Ядавдар да кирет. Булардын ар биринин колунда да, бутунда да 6дан манжалары бар.
  • Учурда Австралиянын 36 жаштагы тургуну Годфри Хиллдин колунда 10 манжанын ордуна 14 манжасы бар.

АЗ МАНЖАЛУУЛАР

Дүйнөдөгү эң аз манжалуу адамдарга Африканын Зимбабве өлкөсүндөгү вадомо жана катанге уруусундагы адамдар менен Калахари чөлү­нүн чыгышындагы кээ бир жашоочулар кирет. Булардын буттарында экиден гана манжа бар. Мындай көрүнүш гендик мутация менен тү­шүн­дүрүлөт.

КУЙРУКТУУ АДАМДАР

  • Италиялык улуу саякатчы Марко Поло 13-кылымда Суматра аралындагы адамдардын дээрлик бардыгынын куйругу болгондугун эскерип кеткен.
  • 1890-жылы окумуштуу Поль д’Энджа индикытайдын мои уруусунан куйругу 25 сантиметрге жеткен баланы көрүп калып, кармап алган. Анан изилдөө жүргүзүп көрүп, мои уруусундагылардын бардыгынын куйругу бар экендигин билген. Бул гана эмес, улам кийинки муундагыларынын куйруктары кыскарып баратканын да аныктаган. Бул уруудагы эркектердин куйруксуз башка уруудагы кыздар менен баш кошуусунун жыйынтыгынан улам болуп жаткандыгын баса көрсөткөн.
  • 2001-жылы Индияда Байрангбали аттуу10 сантиметр куйруктуу бала төрөлгөн. Мындай укмуш жаңылыкты уккандар куйруктуу баланы өз көздөрү менен көрүүгө тегеректеги айылдардан бери чууруп келе башташкан.Бала куйругу менен эле өзгөчөлөнбөсө, денсоолугу калыптагыдай. Врачтардын баланын куйругун кесип салуу боюнча сунушун ата-энеси четке каккан.
  • Учурда Батыш Бенгалияда жаныбарлардыкы сыяктуу 30 сантиметр куйруктуу Шандре Орам аттуу адам жашоодо. Шандре азыр 27 жашта жана аны көрүү үчүн ар жактан келип жаткан адамдардын саны ал туулгандан бери тыйыла элек.

Куйруктуу жигитти көрүүгө келген динге ишенген индиялыктар бул балага маймылдардын Кудайы Ханумандын жаны кирген деп эсептешет. Мындай көз карашты кубаттаган Шандре бакка маймылча чыгып, көбүнчө банан менен тамактанууну ылайык көрөт. Шандре өзүнүн узун куйругун адамдарды айыктыруучу касиети бар деп эсептейт. Ошондуктан, кыштактагылар Шандре жашаган жерге келип, анын куйругуна колун тийгизүү үчүн кезекке турушат.

Врачтар Шандренин куйругунда эч кандай айыктыруучу күч жок дешип далилдешет жана Шандреге куйругун операция аркылуу кесип салуу боюнча сунуш да киргизишкен. Бирок, Шандре алардын сунушунан баш тартып койгон.

Шандреге куйругу атак гана алып келбестен, учурда кайгы да жаратууда. Себеби, Шандре кыздардын колун сураганда алар алгач макул дешкени менен Шандре артына бурулганда эле ойлорунан кайтып калышууда. Башкача айтканда, аларды Шандренин куйругу үркүтүүдө.

“Эми мен кандай болсом, ошондой кабыл алган кыз чыкса эле, ошого үйлөнөм. Эгер андай кыз чыкпаса жашоодон бойдок өтөмүн” дейт Шандре.

МҮЙҮЗДҮҮЛӨР

  • 1598-жылы 18-сентябрда француз дыйкан сотто шляпасын албай коёт. Бирок, сот аны баш кийимин алууга мажбурлаганда анын башындагы мүйүзү көрүнүп, элдин ооздору ачылат. Көрсө, дыйкандын башына 5 жашынан тартып мүйүз өсө баштаган экен. Мындай кызыктуу адамды көргөн башкаруучулар дыйканды королго белек катары жөнөтү­шөт. Королдун сарайындагы чиновниктердин бири элге акчага дыйкандын мүйүзүн көрсө­түүгө өтөт. Жаңы жашоосуна көнө албаган дыйкан арадан 3 ай өткөн соң, жашоо менен кош айтышып кете берген.
  • 17-кылымда Францияда Диманш аттуу узун мүйүздүү аял жашап өткөн. Анын маңдайында өскөн мүйүзү ээгине чейин ийрилип салаңдап түшүп турган. Аял 84 жашында мүйүзүн кес­тир­­үүнү чечкен. Себеби, Кудай алдына мүйүзү менен барууну каалаган эмес. Ошентип, ал мүй­үзү кесилгенден көп өтпөй эле жашоодон өткөн.

САКАЛЧАН АЯЛДАР

  • 2004-жылы Гиннес китебине америкалык сакалчан аял Вивиан Хиллердин ысмы киргизилген.

Вивиандын сакалынын узундугу 27, 9 сантиметрди тү­зөт. Өзү 3 баланын энеси. Ал кичинесинен эле башка кыздардан айырмалуу экенин сезген. Атасы эркек сымал көрү­­нүштөгү кызы 7 жашка чыккандан тарта кырынып жүр­үү­гө мажбурлаган. Антсе да кийин чоңойгондо Вивиан 4 ирет күйөөгө чыгып, 3 баланын энеси болууга жетишкен. 1990-жылы апасы кайтыш болгондон соң Вивиан кырынбай, сакалын коё берген. Үй тиричилигин жасоодо сакалы жолтоо болбосу үчүн байлап алат. 6 жыл мурун өзү сыяктуу кызыктуу кейпте көрүнгөндөрдүн шоусуна катышып чыга баштаган. Ошол шоунун арты менен элге ого бетер аты чыгып, жыйынтыгында Гиннестин китебине кирген.

  • 1832-жылы Мексикада туулган Юлиана Пастрананы Чарльз Дарвин адам менен маймылдын ортосундагы түргө киргизген. Аял сакалдуу, эки катар тиштүү, анан денеси жүндүү болгон. Юлиана циркте иштеген. Бирок, ал абдан сезимтал жана акылдуу болгондуктан, түрү суук кейпи менен эл алдына чыккандан тартынчу экен. Бирок, жан багууга аргасыздык аренага чыгууга мажбур кылыптыр.
  • 1939-жылы Францияда Клементина Деле аттуу сакалдуу айым кайтыш болгон. Анын жазып калтырып кеткен күндөлүгүнө көз жүгүртсөк, ал 1865-жылы туулган. 18 жашында эле сакал-муруттуу болуп калган. Кийин кафе ачып, иштетүүгө өткөн. Келген кардарлары анын мурут-сакалы өзүнүкү экенине ишенбей койгонунда, чоң акчага мелдешип, анан алардын көзүнчө сакал-мурутун кырып берип утуп алчу. Ушундай мелдештерден улам кафесин кийин “Сакалдуу айымдын кафеси” деп атап алган. Аталган кафеге элдер тамактануудан мурда анын сакалы үчүн баш багышчу. Картайган кезинде да сакал чыкпаган абышкалар Клементинанын сакалына тымызын суктанышып, өздөрүнө сакал бербегендиги үчүн жаратканга нааразы болушчу экен.

    (Теманын уландысы кийинки саныбызда)

Даярдаган Канымжан Усупбекова



"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.

Рейтинг: Рейтинг  2 
Комментарийлер(0)
Комментарий калтыруу үчүн өз ысымыңыз менен кириңиз же каттоодон өтүңүз.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул макаланы окуду:

Макалалардын саны:
21442;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
"Супер-Инфо" гезитинин материалдары жеке колдонууда гана уруксат.
Жалпыга таратуу "Супер-Инфо" гезитинин редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: